haru.food_daily's Profile

聽講太子有間牛腩麵幾出名，適逢今日同爸爸來附近探朋友，就決定黎呢度食碗粉先走～——————————🔸崩沙牛腩河粉 $54估唔到爸爸成日自己走去食雲吞牛腩麵，原來一次都未食過崩沙腩🥹崩沙腩其實係牛既橫膈膜，有層橫膈膜連著腩肉，所以肥瘦剛好，比一般牛腩更軟腍🐮湯底牛香重，入口鮮甜；整體份量大，牛腩有整整8塊，加上好幾塊清甜的白蘿蔔，呢個價錢絕對值得👍🏻🔹魚三寶河粉 $39個人想食得清淡啲，就叫了碗魚三寶河🐟最愛魚皮餃，外皮煙韌，內餡鮮味濕潤；魚蛋原來係店家每日新鮮手打，不加防腐劑同麵粉，難怪食落咁爽彈；魚片頭一樣鮮製，因為有略炸過，多了份油香😊🔸腐乳通菜 $17通菜一向係本人食粉麵既標配，呢度既腐乳不只鹹辣，仲食得出酒香。🔹炸魚皮 $24識食既就知炸魚皮連骨會更加脆口好食，以前屋企人間唔中仲會專登出九龍城買❤️估唔到呢間粉麵店既炸魚皮居然連骨，好驚喜！🔸凍豆漿 +$8…Read More

東京人氣漢堡扒餐廳「挽肉と米」最近在香港插旗，引起食漢堡風潮，仲要預約先食到。如果唔想等咁耐，觀塘工廈呢間日式小店係個不錯既選擇😊——————————🔹招牌手打和牛漢堡蘭王蛋飯 $128每日限量供應既菜式！和牛漢堡自家手打，選用肉香及脂香兼備既澳洲和牛製作，輕輕一咬，口中即充滿濃香肉汁🐂漢堡扒上放有日式泡菜，再來係蘿蔔蓉及橙紅色既日本蘭王蛋，米飯則採用日本的晴岡米，單看賣相已經非常誘人，入口更係層次豐富。選擇秘製漢堡汁，味道有點似香濃版既燒汁，好有日本風味。+$18芝麻雞翼外脆內軟，不過份量只有一隻，略嫌小貴。+$5柚子蜜🔸咖哩吉列豬扒飯 $88+$18日式和風沙律和風沙律有生菜及番茄，簡單加入香醋汁調味，酸甜開胃。咖喱汁係地道日式風味，香濃得來，微辣帶點甘甜。豬扒外皮不會太厚，炸得香脆，肉質雖不算嫩滑，但好有肉香。*值得一讚既係餐廳佈置得舒服，走和式木系風格，侍應事先會向客人介紹餐牌上每道菜，耐心有禮。值得回訪👍…Read More

最近難得早收工，就去附近隨便逛逛～沒想到行經這個鴻圖中心，居然發現開左間新麵包店，標榜採用日本麵粉、天然酵母、新鮮牛油，不加防腐劑，見有幾款包新鮮出爐，當然要買返幾個🤪 旁邊還有坐位，方便即買即食～——————————🔹芋泥煎餅 $16芋泥煎餅包體軟熟，餡料有大量軟滑既芋泥，間中咬到啲芋頭粒粒，淡淡芋頭甜味，不錯～🔸餐肉粒蛋沙律餃子 $16聽店員介紹這個餐肉粒蛋沙律餃子非常有人氣，難得嚟到梗要買個試試。整個包似巨型版餃子，未食已聞到陣陣麵粉香。一咬即見大量沙律蛋和餐肉粒，雖然調味簡單，但軟身包體令人不知不覺一啖接一啖😋🔹紫薯Q丁包 紫薯和麻糬果然絕配，煙韌拉絲麻糬加上大量綿密既紫薯餡，好食。…Read More

台灣食物一直是我的comfort food，長假期夾不到時間外遊，唯有發掘下香港值得一食既台式餐廳。這間灣仔小店，就係我灣仔街坊朋友特別推介～———————🔹花雕麻油雞湯麵 $92常食同款口味的杯麵，估唔到堂食居然係另一個層次。湯底清香甘甜，帶淡淡麻油香，另附一小杯花雕酒，按口味酌量加入🍜雞肉帶皮無骨，非常嫩滑！🔸紅燒三寶牛肉麵 $102牛骨湯底濃郁清甜，牛丸、牛腱和牛肋條煮得入味，配上掛湯、類似烏冬的麵條，整體配合得相當不錯～🔹鹽酥雞 $48超大份😊炸皮香脆，雞肉嫩滑，好食！🔸芋圓仙草凍 $42芋圓煙煙韌韌，仙草清熱消滯，一頓豐富晚餐後，以清爽的甜品作結😋…Read More

家人難得返港放暑假，當然要帶佢到Airside逛一圈，順理成章喺商場食個晚餐😋上次試過呢間中餐廳，雖然用餐體驗不算非常好，座位多又同鄰桌隔太近，但勝在味道不錯，價錢份量亦好合理，同家人黎用餐非常合適。——————————🔸北京填鴨（半隻）$168再訪既主因就係呢道菜，只要仔細觀察，就會發現基本上每桌都會點填鴨🦆半隻鴨只要$168，確實不是每間餐廳都做到。鴨皮香而不膩，鴨肉紮實不肥，配摩摩皮、京蔥、青瓜及甜麵醬同食，好有層次。🔹四川擔擔麵 $52驚喜之選🍜湯底濃厚不膩，花生粒粒令整體更香更有口感，麵條滑身掛湯，完全不軟爛。以這個價錢食到這個質素，無得輸✌️🔸糖醋里脊 $89調味酸甜有致，醬汁帶椒香，里脊外脆內軟，同樣好有水準，如果肉量可以更多就更滿足了。…Read More

媽媽平時口味清淡，今日難得提出要外食，就姑且搭車出幾個站食呢間酸菜魚🐟雖然知道它是連鎖店，不過之前試過幾次都唔錯，性價比高，坐得舒服就可以啦😊————————🔹老壇酸菜鱸魚片米線 $78來到酸菜魚店，當然要點它的招牌！酸菜湯底有5款，最後點了最傳統的老壇酸菜魚：味道適中，酸菜香而帶酸，非常正宗！最愛其帶濃厚蒜香，而且辣度夠，香濃惹味！推薦主菜要點鱸魚，入口滑溜鮮甜，份量夠曬多；配菜點了吸汁的豆卜及娃娃菜，再+$15加配牛味重的潮汕牛丸🐂一大碗米線，食到最後真係飽到上心口。🔸花膠濃湯雞煲 $80另外當然要點個一人花膠濃湯雞煲，養生滋補一下。未食已被金黃色的雞湯挑起食慾，入口濃厚鮮甜，充滿膠質。雞肉滑嫩、花膠厚身大塊，加上一碗米線，這個價錢確實超值❤️…Read More

好久沒吃韓國菜，今日難得同朋友聚會，就決定去附近的韓國치맥店食晚餐🇰🇷之前試過尖沙咀及大角咀分店，味道都不錯，印象很好，今次就決定點些不一樣的菜式👯‍♀️——————————🔹半半炸雞（原味+甜辣）作為香港元祖級韓國炸雞店，炸雞🍗當然係必食！沿用韓國人家傳秘方，這裏的炸雞外脆內軟，絲毫不油膩😋口味共有十幾款，可選無骨/有骨，今次就回歸原始，點了最經典的原味及甜辣醬。原味香口帶辣，入口相對溫和；甜辣就特別惹味，非常開胃。🔸雪濃湯 天氣開始變涼，喝一口即刻渾身變暖🔥湯頭濃郁充滿肉香，最特別是內裏有超滑溜的韓式素麵，食完超滿足🥰🔹泡菜餅 第一次見如此有厚度的泡菜餅，不只泡菜多，魷魚量更是不少，真係食到啖啖鮮甜！調味確實是香港食過的泡菜餅中數一數二，如果邊邊煎得更脆口的話，就完美了！…Read More

之前逛街經過，見到這間日本小店，已經早早bookmark左～今日黎附近搵朋友食飯，就決定食個豐富既壽喜燒午餐，獎勵一下自己👯——————————🔹午市壽喜燒二人餐 $488鋪頭主打關西風壽喜燒，店員會先用牛脂開鍋，再加入大蔥、洋蔥爆香，客人可按喜好加入醬汁煎熟牛肉，再以清湯煮熟野菜😊📍美國頂級Prime牛板腱油花比例剛好，入口嫩滑油潤，充滿牛香～壽喜燒醬汁濃香帶甜，但不會過於甜膩，充份帶出🥩的鮮香。建議蘸生雞蛋同食，多了份順滑的口感，味道更昇華～📍美國極黑豚與牛肉相比，個人覺得極黑豚既肉質更細緻甘甜，較富彈性，不過油脂相對少，整體而言各有千秋。📍吉列西班牙豬扒新鮮炸起上桌，鬆脆外層裹著爽口既豬扒，配特製蛋黃芥末醬，有助中和膩感。📍名古屋粟米估唔到食壽喜燒都食到粟米🌽名古屋粟米使用港式避風塘做法，加上香蔥、椒鹽、炸蒜等，特別香口🤤📍野菜盤野菜盤包括豆腐、南瓜、香菇、紅蘿蔔、娃娃菜、金珍菇、白菜及冬粉。食完蔬菜後才加入冬粉煮製，冬粉吸滿肉類精華及蔬菜既清甜，為整頓劃上完美句號。📍兩罐果汁各選了款日本100%果汁，不錯😊…Read More

難得去香港仔探親戚，就順便在附近覓食～門口1:1既武士模型相當吸睛，喜歡日本文化的朋友二話不說拉我入去試試～剛好8:30pm入座，只要$268/位，整體體驗不錯，員工收碟快，上菜亦快，而且少漏單，算是不錯的放題店～———————🔸刺身壽司🍣刺身款式多，相當新鮮～三文魚肥美厚切，日本油甘魚啖啖甘甜，特別鍾意珍寶帶子，鮮甜彈牙🇯🇵壽司推薦胡椒岩鹽燒左口魚邊，入口油潤，配上特製醬汁，完全不膩～沙律控既朋友必點花之戀，超滿足；白之戀就是油甘魚配蟹肉、蟹籽等，層次豐富😋🔹燒物首選燒羊架，火候剛好，入口軟嫩多汁；孜然燒雞翼表面焦香，充滿孜然香氣😍 金菇肥牛卷同樣必食，簡單掃上燒汁調味，爽脆開胃🤤鹽燒牛舌香口，不過略嫌太薄，口感較差；板煎雞軟骨餃子內餡鮮香，食到雞軟骨既爽脆，不過外皮軟身，如果煎脆點就更好🔸天婦羅/炸物天婦羅新鮮炸起，熱辣辣之餘，外皮極脆，最愛係炸虎蝦🍤蝦肉爽彈！榴槤炸彈是必叫item，煙韌外皮配上香甜濃郁既榴槤流心，正❤️🔹一品/和風料理熟食選擇多，推介香蔥蒜蓉蒸帆立貝，帆立貝加上蔥及蒜蓉一齊蒸，底部還有一小撮粉絲，好食！黑椒薯仔粒炒一口牛，濃香惹味～次次食放題，都鍾意點一碗湯烏冬清一清，呢度既湯底類似雞白湯，加上大量粟米粒、海帶絲、魚板🍥及香蔥，細細碗幾好食。🔸雪糕最後當然要以甜品作結，呢度供應的不多，但就以質量取勝～雪糕係Haagen Daz，點了杯抹茶試試，甜香帶甘，不錯呀～…Read More

少有來到牛頭角覓食，唔知有咩好食，唯有靠看人潮揀餐廳🙈行經這間金飯館，竟然見到門口擠滿等外賣既客人，加上內裏坐滿食客，最後果斷決定食呢間！——————————🔸即叫即炸椒鹽豬扒飯 $78單看賣相已好有食慾，豬扒、蔬菜及飯堆成小山，份量多到足夠兩個人share豬扒炸得外酥內嫩，充滿椒鹽的香氣，炒飯粒粒分明，配上各款香口料頭，好香～如果飯粒濕潤少少就更好🍚🔹脆皮牛腩飯 $88咖哩牛腩吃得多，脆皮牛腩就是第一次！外皮炸脆似油條一樣，內層既牛腩牛味濃郁，淋上香濃既港式咖哩汁，惹味～🔸金飯仔沙嗲三寶 $38魷魚、豬皮及牛柏葉吸滿沙嗲汁，啖啖濃香爽脆，加上意想不到的大份，配炒飯啱啱好～🔹凍奶茶、凍鴛鴦…Read More

第一次去Airside逛街，原本以為5樓最高，估唔到邊角位有條電梯可以再上一層，見時間差唔多，就決定在頂層找間餐廳食飯～這間五匠六釜雖然大而開揚，但座位多又偏逼狹，見佢價錢唔貴，就試試佢！——————————🔸北京填鴨（半隻）$168通常出面食填鴨都不會給足份量，半隻大概等於例牌，估唔到呢度既份量好足😯鴨肉不會過肥，入口亦算甘香，搭配摩摩皮、京蔥、青瓜及甜麵醬，好食。🔹紅油炒手 $46表面淋上辣油及醬油，加蔥花點綴，賣相不錯～炒手大粒，外皮雖薄滑，但內餡全肉，較結實，加上調味清淡，不夠香辣，略差。🔸農家炒飯 $82農家炒飯加入蝦仁、三色豆等炒製，簡單用醬油調味，粒粒分明。味道不過不失，如果鑊氣更重就好了🍚餐廳有推出特飲，主打鴨屎香檸檬茶，不過今次太飽就沒點，下次吧～…Read More

許久不見的朋友返香港，當然要揀間串燒店邊食邊傾計，小酌一番。來到這間鋪頭，單看門口已經好得意，加上水泥牆及地板、木桌椅，更有種客棧風味。——————————🔸食肉獸串燒拼盤 $200懶得決定吃什麼，乾脆點個串燒拼盤，14串肉串對我地兩個女仔黎講都算足夠～今次既拼盤包括燒牛舌、安格斯牛柳粒、燒豬五花、燒羊肉串、燒牛肋粒串、燒雞軟骨、煙燻鴨胸、炸牛丸、炸墨丸、炸芝士腸、炸台灣腸、燒雞髀肉、燒雞中翼及燒雞腎。全部都燒得唔錯，調味亦啱啱好！最推薦燒雞中翼，皮脆內嫩，相當juicy；牛舌不算厚切，但食落香口不會乾柴；台灣腸甜甜香香，一口咬下去油脂噴發，好食～🔹原條燒茄子 $38食串燒點少得燒茄子🍆茄子，加上大量蒜蓉、孜然粉、辣粉燒製，惹味非常，充滿蒜香！🔸手撕雞辛辣麵 $45朋友想食更飽，於是點咗碗辛辣麵🇰🇷辛辣麵同一般煮法無異，只是多左放喺面上嘅冬菇、豆卜及手撕雞條，簡單灑上辣粉則成～味道沒什麼特別，飽肚之選😊🔹藍妹 $22/枝…Read More

最近因工事頻頻來尖沙咀，約人食飯總愛繞回韓國街覓食😋今次來到的韓國餐廳，是2001年開業、最早在金巴利街插旗的老店之一，由韓國人主理，味道相對正宗～加上食物款式多，非常適合一家人聚餐🏠——————————前菜三小碟有辣泡菜、涼拌豆芽及蔥餅，食主菜前先吃點開開胃～🔸紫薯米酒 $125🔹醬油蟹+紫菜飯團 $190/隻家人曾經在韓國外帶過醬油蟹回家，可能路途遙遠，令蟹肉變質不新鮮，自此就不敢再試🦀️不過朋友是醬蟹狂fan，被說服後兩個人點了一隻淺嚐～沒想到！超合我胃口！原本以為會好腥，但完全沒有，生蟹肉軟滑，蟹膏滿滿，充份吸收了醬油的鮮香；醃製的醬油不會鹹，反而是鹹中帶甜，入口非常鮮甜！怕食生海鮮的朋友，強烈建議將蟹肉擠出來，拌入搭配的紫菜飯同吃～白飯事先加了大量麻油及紫菜碎，有助辟腥，而且好香口🥰🔸辣牛肉京蔥湯 $115剛好幫襯當日只有十幾度，所以就點了一個暖呼呼的辣牛肉京蔥湯。辣牛肉量多，不過略嫌乾身，湯底濃郁帶點微辣，充滿蔥香，配飯一流！…Read More

觀塘出名工廈餐廳多，但質素確實好參差～這間位於迅達工業大廈的日本料理，就是我難得會一去再去的舖頭🍴自從經前同事介紹食過第一餐後，已經來過三次，貪其近港鐵站就腳，而且性價比超高，味道亦不錯，非常值得推介！——————————🔸蟹籽沙律 $45非常不錯的開胃菜！青瓜刨成細幼絲，甜甜的蟹柳絲加上大量蟹籽，整體只簡單以沙律醬調味，入口滑順又清新。🔹牛肉他他 $88魚生他他就見過，沒想到日餐都會有牛肉他他🐂牛肉表面煎香，內層依然粉嫩，配有大量洋蔥絲、蒜蓉及香蔥，調味就是秘製醬油及月見汁，蛋香味濃，整體酸甜開胃，後味帶點洋蔥及蒜的辛辣😋🔸蒜蓉燒生蠔 $60/6隻期間限定優惠，蒜蓉燒生蠔只要$10隻，在香港來講算好抵食！生蠔不算大隻，但勝在厚肉鮮味，一口爆汁，充滿蒜蓉及蔥香～🔹青龍炸蝦卷 $78食得出新鮮製作，炸蝦🍤非常香脆，配有青瓜絲、海苔粉及沙律醬，面上還有半融芝士及蟹籽，香口又有層次！🔸雜錦燒物*隨機7串 $162隨機套餐共有5款肉類（雞腿肉、豬肉、雞尾、雞心、雞胸軟骨）+ 2款野物串燒（車厘茄、翠玉瓜），特別喜歡雞胸軟骨，焦香爽脆；雞肉刷上甜甜的燒汁燒製，啖啖肉易入口。🔹 石狩鍋 $88同樣是限定菜式，必點之選！石狩鍋其實是一道日本北海道的鄉土料理，以石狩市盛產的三文魚頭做成味噌鍋，顧名思義就是三文魚頭味噌鍋。湯底充滿味噌香，魚鮮味重帶點辣勁；三文魚頭煮得香嫩，配上昆布、椰菜、冬菇等蔬菜，營養豐富又暖胃，是我同朋友一致認同要encore的菜式！…Read More

在香港食越南菜，好多時都要人均百幾元，沒想到在旺角這間餐廳，居然可以幾十元就可以食飽飽～難怪晚市一直爆滿，在如今的市道下確實難得🍴——————————🔸極品牛三寶湯河 $71湯頭牛骨味十足，鮮味清甜，主菜牛三寶有牛丸、牛腱及肥牛，其中以牛丸最出色，肉香濃郁，彈牙又充滿肉汁🍜🔹順化雞肉卷撈檬 $64第一次食順化雞肉卷，原來入口有點似軟身的蜜糖腸，非常得意。撈檬配有青瓜絲、紅蘿蔔絲、洋蔥絲、生菜、蔥及芫荽，清新爽口，按喜好加入魚露及酸甜汁，酸甜開胃。🔸越式豬頸肉 $72豬頸肉熱辣辣上桌，表面香口帶脆，內裏油潤😋🔹椰汁珍多冰 / 越南滴漏咖啡…Read More