Hestia Chu's Profile

星期日男朋友帶我嚟灣仔食Brunch Buffet😙環境氣氛好好，有樂手現場奏樂彈鋼琴，鋼琴好靚🌹款式齊，有生蠔，有新鮮龍蝦👍款式貴精不貴多，普遍食物質素都屬上中👍但奈何口味真的比較西方人口味（即係鬼佬口味）所以應該會有香港人食唔慣🥶甜品普遍亦偏甜🥵雪糕失望不是自家製，是叫貨，但叫貨都揀咁鬼甜.. 可能迎合外國人口味🧐如果收呢個價錢會期望佢雪糕係自家製囉🥹總結係可以一試👍冇嚟過嘅都會推介朋友嚟試吓😋但黎過嘅亦唔會想試第二次…Read More

今日同男朋友過咗嚟科學園食嘢，見到餐廳門口感覺上係一間比較西式嘅西餐廳；午餐尾段時候去到，發現都有啲外國人喺入邊食完出嚟，更加覺得佢係一間傳統西餐。坐低咗諗緊食乜，手痕撳下OpenRice，發現佢有幾篇幾嚴重嘅負評，嚇到我有衝動想拉男朋友起身走；不過諗諗吓唔應該咁衝動，心諗點都俾一次機會呢間餐廳啦！跟住我同男友都嗌咗前幾篇食評話好難食嘅牛扒，然後大家心情緊張咁靜待食物來臨.. （途中仍然不停睇緊食評）好啦，先嚟餐湯，一飲，即刻想講「椰林閣！！」🤣🤣🤣🤣🤣就係大家令人又懷念又暴露年齡的味道👅就連檸檬茶都係懷舊的味道；牛扒就係正宗豉油西餐嘅牛扒，包括佢哋嘅黑椒汁，全部都係非常令人值得令人懷念的味道🙂中途見到啲廚房師傅行出嚟，全部都幾大年紀，咁我都大概估到應該佢哋嘅作品都係有返咁上下歷史。我諗我知點解大家會寫到佢哋咁差，因為佢哋確實係唔啱嘅，門面做到好西式，但係入到去食落先知係「港式豉油西餐」，難免會有落差🙃但如果用一間豉油西餐去評佢哋，咁佢哋就非常出色，亦都值得佢哋賣緊嘅價錢。始終而家好多新式冰室已經冇做呢一隻味道，就算扒房都好多做得好難食。相反佢哋係比較好食嘅，而且而家已經好難搵到呢類型嘅餐廳，下下都要去啲比較有歷史，亦都坐得比較污糟環境嘅餐廳。所以我覺得應該要寫個食評為佢哋平反，希望各位識得欣賞嘅人嚟試吓佢哋🥰不過始終我地係晏晝嚟，有機會晚市賣得比較貴，可能有機會令到人覺得唔值得呢個價錢食豉油西餐；但始終佢環境乾淨，外邊觀景都靚，如果真係覺得唔抵食嘅，不妨晏晝嚟支持佢哋一下👍…Read More

之前屋企人母親節叫咗80 catering到會，中晒伏出晒事，難食+比錯嘢食撈亂單+唔肯退差額錢，仲要俾個老闆cut線同埋話我屋企人黐線😡貼錢買難受，最後屋企人都有放上OpenRice訴苦😢點知今次到我揸旗到我幫手安排食物，竟然再遇到佢！！點都估唔到，佢竟然有分身，一間喺葵芳，一間喺紅磡！之前屋企人上網訂葵芳個間，今次到我諗住喺我返工附近見到應該有地舖差極有個譜，諗都諗唔到竟然我會中計俾錢再幫襯佢地！今次佢哋好好啦，終於冇比錯單冇比錯食物，亦都冇遲到，但啲食物依然簡直劣食到不得了！睇返之前嗰個OpenRice評語都有人講佢哋啲嘢真係好難食，我想講佢哋啲嘢真係真係好難食，真係完全係唔識煮，我極度懷疑過老闆唔係做開飲食😟點解我會知道佢哋係同一間？因為當你同一時間兩間都食過，佢哋一樣都係咁難食嘅味道，食物個樣賣相都係一樣，餐牌一樣，網站圖片都係一樣，你就會知道佢哋就係同一間老闆😒係我蠢，自己一時冇睇清楚😭搞到屋企人要賴多一次嘢😭所以我喺呢度提大家一次，呢間嘢係80 catering嘅分身，因為80 catering已經好多劣評（因為個老細不停鬧客），所以應該要開分身嚟再搵大家錢😒睇返啲OpenRice嘅評語，呢個老闆真係跳跳地制😒學前兩篇食評話齋「希望冇下一位受害者啦」…Read More

正如標題「唔怪得咁串叫世一」，真係抵佢串得起👍唔怪得佢開咗之後另一間燒味會執笠，因為食完真係返唔到轉頭😹第一先講價錢抵食，而家物價指數咁高，我自己覺得佢哋已經唔算收得貴；第二，佢哋杯檸檬茶真係比其他茶餐廳好飲，為咗佢杯茶嚟都抵；第三，我嚟堂食偷睇👀過佢哋廚房，真係有大爐自己焗燒味，食落去唔似係叫貨工場送燒味嚟，不過就算叫貨叫得咁好食都抵佢勁；第四，叉燒好食，比一般坊間叉燒林生唔乾，食過就知我講乜嘢；燒鵝都係，瘦啲嘅部位食落去都係唔柴👍唯一要彈嘅係如果嗌飯餐嘅叉燒比較碎，嗌一大碟嗰啲叉燒會更正，咁當然一分錢一分貨我明嘅。佢呢間嘢已經好食過大集團嘅燒味，我仲見過一個疑似老細嘅人出嚟收銀，都係非常有禮貌嘅男人，入得廚房做都仲唔粗聲粗氣都算係咁👍樓面嘅兩個姐姐都幾好禮貌🥰不過就衛生可以再有進步空間，上次去嘅時候見到枱面唔知係咪抹得唔乾淨，可能有糖水嘅味道，吸引左都幾多烏蠅喺度嬲嚟嬲去，所以我鍾意外賣多個堂食🫤 暫時食過最好食嘅燒味，希望佢哋繼續努力，喺而家咁嘅經濟環境下好好生存💪🏻加油💪🏻…Read More

過來愉景灣酒店staycation，晚市路過隨意找一間餐廳進去，想不到充滿了驚喜；環境優美，服務優良👍叫了幾個小菜亦非常有驚喜，食得到師傅是比較有心去做：）琵琶豆腐所有調配很完美，南瓜的汁醬與豆腐很夾；霜降牛柳粒做到外面熟，入邊還是半山熟的狀態，很好吃；冬瓜盅就配料很足，但略嫌味道較清淡；希望餐廳見到，好好珍惜及讚賞這些師傅，確實現在出外面食嘢很難找到好吃的餐廳了😮‍💨一定會有下次，希望下次再來水準仍然保持到💪🏻有機會也想來試試午市的飲茶😋…Read More

有同事推薦這家咖啡店，所以特登上去搵佢地，結果冇令我失望我寫呢篇食評嘅時候已經幫襯咗佢幾次，幾次都係唔同嘅職員去接觸我，佢哋每一個都非常有禮貌，我想知佢哋老闆點樣請人，咁勁可以請到個個職員都咁乖咁好食物我就冇咩特別意見喇，咖啡就真係暫時公司附近最好嘅一家；咖啡豆味濃，佢哋仲要用明治鮮奶沖咖啡，絕對尊重咖啡有次見佢沖朱古力咖啡俾我，佢哋連朱古力粉都要用磅去量好份量先去沖個杯咖啡，我感覺到佢地對咖啡既專業同個心簡直同樓下個間賣日本裝修既珈啡店差天共地，但佢哋兩間舖頭嘅咖啡價錢竟然一樣…咖啡迷記得識路喇…Read More

啟岸最近開了很多間新店，假期和男友去遊遊看，順便嘆一杯咖啡，用咖啡去點綴下假期的愉快心情。這間咖啡店裝修帶日本調，既吸睛又充滿風味，而且他位置在剛開張的明星咖啡店後面，幾次經過明星咖啡店都人山人海；那我就心想「應該支持一下小店吧」所以就決定光顧-伊間珈啡，為小店打打氣吧！當時位置都入座有八成，男友不喜歡太擠迫，所以當時決定外賣；當時在我們前面只有一張單，門外亦只得我和那組客人在等候；當時男職員（我猜那想應該是老闆）說可能需要等10分鐘，我說沒有問題，我願意等10分鐘；我不是挑撥事情+製造事端的客人，所以我們站在門外乖乖的等了25分鐘.. 他們店面門口很小，我倆又站在門口，如果有心去記掛客人，沒有可能不知道我就在等你們… 最後我有禮貌地上前詢問「唔好意思～我的訂單已經等了25分鐘，請問還要大約等幾耐？」男職員才發現原來漏了我單，我心想「竟然間鋪咁細，都可以唔發現漏咗我張單..」然後男職員沒有歉意地說要等多陣就有，然後又行開做其他嘢，交俾女同事繼續沖我杯咖啡，但係佢哋應該溝通或管理出現左問題，兩位女職員拎住我張單研究咗好耐究竟我係買咗乜嘢item, 而個張單係由我剛剛手上遞比佢哋，張單其實寫得好清楚我買咗乜嘢，我唔喺係到做都睇得明，但嗰兩個女仔竟然睇唔明！我安撫自己，唔好咁嬲，我係黎支持小店㗎嘛，我一直叫自己冷靜… 跟住我又喺度望住佢哋等等等，嗰兩個女職員又叫咗個男職員問張單究竟叫左啲乜野，最後終於知道啦，但個陣其實我已經差唔多等咗35分鐘… 而當時我嗰兩杯咖啡係未有完成品出世，所以我決定上前退款取消，亦決定呢一間店舖以後並不光顧。我嬲，唔係嬲我要等，而係嬲佢地唔去重視一位得失左嘅客人，而大前提係自己店方做得唔好。如果你發現呢位客人企咗喺度等咗你咁耐，你係咪應該身為老闆要即刻去沖呢一杯咖啡，或者如果個位新同事係唔識沖，呀老闆你係咪應該喺隔離輔助去快啲完結件事，而唔係行開唔去理個兩個連單都未識睇嘅女同事？OK，當所有嘢都真係半桶水喇，當你哋店舖係未ready、唔識做生意，最起碼你應該有少少禮貌去同客人講聲道歉，去安撫或take care個客人；我係一個好耳仔軟嘅人，其實當時只要用閃爍爍嘅眼神同我講聲唔好意思，我係一定唔會嬲，但最後我地只係企咗喺度35分鐘而換來被冷漠對待。點解我會取消張單，因為我已經知道個杯咖啡唔會好飲得去邊，雖然我冇飲過而去評價，但一啲都對佢地唔係唔公平；因為沖一杯咖啡，係需要用心去做每一個步驟：咖啡磨起成粉嘅粗幼度，咖啡粉接觸水嘅時間同溫度，咖啡出世後接觸奶之前同空氣接觸時間既長短等等等等細緻嘅事項，試問你連一個客人咁簡單都照顧唔到嘅時候，你哋又何來有心去照顧到去沖一杯咁複雜細緻嘅咖啡？嗰位女同事連單都唔識睇既時候，你覺得佢識唔識沖一杯好咖啡？求其沖一杯咖啡係好易，沖一杯好飲嘅咖啡係好難。最後，我希望佢哋自求多福，佢格離間明星咖啡店人山人海，而佢哋樓上仲有一間非常出色非常有禮貌非常有質素嘅咖啡店，而呢一間咖啡店只係一間「有裝修嘅舖頭」，僅此而已。我希望佢哋靠裝修可以支持到啦。…Read More

見佢寫明主打以台式為主, 滿心期待同男朋友去試佢地個台式紅燒牛肉麵, 一試真係欲哭無淚, 失落到令我充滿動力執筆為佢寫食評, 真係不吐不快台式牛肉麵最緊要個湯同牛肉, 本人覺得如果呢兩樣野唔掂, 個麵幾得都無用。湯底死咸, 好似豉油開水, 究竟發生咩事？而牛肉係茶樓食飯個啲牛𦟌, 究竟我食緊乜野台式牛肉麵既靈魂-酸菜都無, 佢唔好話自己係台式牛肉麵啦飲品茶類無茶味, 一味死甜, 差過香港大部分台式飲品店, 感覺似普通港式飲品好彩男朋友叫既滷肉飯係終於值得讚下, 味道頗為正宗, 感覺似係台灣食到既味道差不多, 所以亦似台灣正式滷肉飯咁肥膏頗多, 但好食既滷肉飯就係要咁樣, 但唔係個個香港女士接受到咁肥膩同日日食都會怕影響健康最後建議佢地改名做滷肉飯店會好過而家主打賣牛肉麵, 以免令客人失望而扣晒分；套戲配角比主角吸引, 但我買飛入場原本係為左睇主角架嘛…Read More