之前屋企人母親節叫咗80 catering到會，中晒伏出晒事，難食+比錯嘢食撈亂單+唔肯退差額錢，仲要俾個老闆cut線同埋話我屋企人黐線😡貼錢買難受，最後屋企人都有放上OpenRice訴苦😢
點知今次到我揸旗到我幫手安排食物，竟然再遇到佢！！點都估唔到，佢竟然有分身，一間喺葵芳，一間喺紅磡！之前屋企人上網訂葵芳個間，今次到我諗住喺我返工附近見到應該有地舖差極有個譜，諗都諗唔到竟然我會中計俾錢再幫襯佢地！
今次佢哋好好啦，終於冇比錯單冇比錯食物，亦都冇遲到，但啲食物依然簡直劣食到不得了！睇返之前嗰個OpenRice評語都有人講佢哋啲嘢真係好難食，我想講佢哋啲嘢真係真係好難食，真係完全係唔識煮，我極度懷疑過老闆唔係做開飲食😟
點解我會知道佢哋係同一間？因為當你同一時間兩間都食過，佢哋一樣都係咁難食嘅味道，食物個樣賣相都係一樣，餐牌一樣，網站圖片都係一樣，你就會知道佢哋就係同一間老闆😒係我蠢，自己一時冇睇清楚😭搞到屋企人要賴多一次嘢😭所以我喺呢度提大家一次，呢間嘢係80 catering嘅分身，因為80 catering已經好多劣評（因為個老細不停鬧客），所以應該要開分身嚟再搵大家錢😒
睇返啲OpenRice嘅評語，呢個老闆真係跳跳地制😒
學前兩篇食評話齋「希望冇下一位受害者啦」
The above review is the personal opinion of a user which does not represent OpenRice's point of view.
1
6829de4b9cf14a039
呢間嘢真係好垃圾！個老細又鍾意四圍去其他舖頭食嘢，然後係咁唱附近啲舖頭話佢哋又污糟又唔好食，其實最難食都係佢自己呢一間！又冇咪又難食！簡直係呃錢！
Hestia Chu
我淨係食過佢哋啲到會劣食，我冇食佢哋堂食，但睇到咁多人留言講佢應該都係劣到一個點🙈佢自己啲嘢咁難食，都好意思話人哋🤣👍佢同邊個唱呀？佢同啲客人唱？
Dining Method
Delivery
