台式牛肉麵最緊要個湯同牛肉, 本人覺得如果呢兩樣野唔掂, 個麵幾得都無用。湯底死咸, 好似豉油開水, 究竟發生咩事？而牛肉係茶樓食飯個啲牛𦟌, 究竟我食緊乜野
台式牛肉麵既靈魂-酸菜都無, 佢唔好話自己係台式牛肉麵啦
飲品茶類無茶味, 一味死甜, 差過香港大部分台式飲品店, 感覺似普通港式飲品
好彩男朋友叫既滷肉飯係終於值得讚下, 味道頗為正宗, 感覺似係台灣食到既味道差不多, 所以亦似台灣正式滷肉飯咁肥膏頗多, 但好食既滷肉飯就係要咁樣, 但唔係個個香港女士接受到咁肥膩同日日食都會怕影響健康
最後建議佢地改名做滷肉飯店會好過而家主打賣牛肉麵, 以免令客人失望而扣晒分；套戲配角比主角吸引, 但我買飛入場原本係為左睇主角架嘛
