gume's Profile

睇了某雜誌見到文記車仔面, 被豬油渣($9)吸引,專登去試試, 除左豬油渣仲點左柚皮($12)同鳯爪($9)這個三餸面要38蚊, 比同區其他面食較貴,食物質素也不是很高, 只覺一般。豬油油 - 咬下去只有油, 一點肉也沒有, 有點膩柚皮 - 只有兩小塊, 沒甚麼特別鳳爪 - 正常總括來說.....不會encore …Read More

作為一個榴槤控, 路經油麻地當然好易被大大個"榴槤王"招牌吸睛, 初時以為白雪餅即係好似大部份紅豆餅既質感, D24都係20蚊一個, 咁咪試下, 等緊既時候就上Openrice 睇有無食評, 點知都有幾個好評。等左10分鐘左右, 有得食, 白色的白雪餅唔甜, 以糯米為主, 很QQ, 榴槤份量我覺得唔少, 兩者幾夾, 值得再幫襯, 除左D24, 仲有貓山王(28蚊一個), 朱古力, 紅豆, 芝士就15蚊....其實我有影相.....但唔知點解無左…Read More

之前已經聽過朋友力推outdark 炸雞同飯團, 但由於又聽聞無得book枱,所以平日夜晚先敢來, 根據店員所講, 尖沙咀分店星期一至四, 晚上7點前都可以book 枱,至於旺角店就任何時候都可以book枱, 其實咁熱氣咁高能量既晚餐, 早D食完訓前多D時間消化都係好事。星期三的晚上, 沒有很多人, 原本係限時100分鐘, 最後由於無人排隊, 可以食左3個鐘, 2人仲可以坐張4人car 位, 舒服!唔知係咪最近先出既主題, 一出Lift就聽到聖誕歌, 店員個個戴哂聖誕帽, 店內寫著仲夏聖誕夜, 雖然有冷氣, 但係聖誕theme 同而家又熱又焗既香港似乎有D唔係好match….又由於音樂實在頗大聲, 所以呢度並唔係一個適合談心既地方至於食物, 一開始諗都唔駛諗就點左原味炸雞(跟4款汁)同埋自握飯團, 炸雞同飯團都好快上枱, 朋友無介紹錯, 飯團好好味, 飯唔會好淋, 味道又適中, 唔會好咸, 好食到令人想追加….而炸雞真係好juicy, 外層炸粉鬆脆, 肉唔鞋, 每件size唔會好大, 果然為鎮店之主打菜。最後一塊雞放左2個鐘後先食, 都唔會好乾, 當然上枱即食就最好味食完飯團同大半碟雞, 再叫多個 “布帳馬車” (芝士炒年糕, 炸壽司, 蛋, 韓國魚片), 唔知係咪開始飽, 覺得呢道菜好普通, 沒有很特別, 味道ok, 只是沒有很驚喜由7點半食到大概9點半時, 開始覺得室內溫度上升, 懷疑冷氣較高左或者關左某些冷氣, 燈又開大左dd (因為之前成間店都頗黑), 好似暗示叫人走咁, 不過最後都坐到10點半, 唔知其他人有冇遇過類似情況呢聽友人說, 有次10個人食只叫左炸雞同一個芝士豬肋骨鍋 (不斷refill 芝士食飽), 或者下次都可以試下….哈哈…Read More

聽聞最近很多台灣人來港會買曲奇童話, 好甜品的我怎能不試一試,未試前知道這店又是某酒店大師傅開的,但坦白說, 現在有那間店不是sell 這些, 所以還是吃入口才知真偽, 我買了桂花龍眼肉曲奇, 清香啖啖肉, 鬆化不膩, 食極都仲想食,會再試其他味…Read More

上環食飯，中西意法日韓台都不泛，但總是多肉少菜…..今天經同事介紹一嘗這上環的素食樓上店。中午12時半前到訪，還未到午餐高峰時間，很容易就找到座位，這間店面積不算大，有兩張大圓枱(約坐12人)，其餘的都是四人枱。一入門口就見到收銀處，貼了餐牌，就在這兒用點餐紙寫下食物並付款，之後便可在隔離的廚房窗口取餐。午市最方便就是吃午餐，58蚊：1湯3餸 (6選3)+ 紅米飯/菜飯(另加2蚊)，廚房收到點餐紙就會立刻從櫃中拿出一碟碟已預先盛好的湯/餸，再盛飯，在不用排隊的情況下基本上由點餐付款到開餐只是6-7 分鐘內的事。說回食物，感覺是住家飯的味道，沒有很多味精，份量對女生來說是頗適合，飯量不會太多，每碟餸雖然看似少量，但其實吃完三碟餸 + 一碗飯也有點飽；對男生來說，可以嘗試請廚房多飯。飯後，用餐者需自行將餐盤放回收餐處，以便下一位用餐者。離開時還見到一個晚市私房菜餐牌……總括來說，這兒是一個不貴又算健康的午餐選擇，上環之友不妨一試﹗…Read More

上環午餐選擇其實頗多，中西意法日韓都有，今天同事提議再到這間有機小店，適逢午飯時間人不多，可與同事靜靜聊天，身旁的都是外籍人士，不怕隔牆有耳。這店標榜有機食材，單憑有機二字已可把價客提高，確實這兒不是走經濟路線，如果只想經濟果腹，絕不是正確之選。午餐菜單其實也頗多選擇，有set lunch, 沙律, 三文治等等三文治也由65元起，一碟魚柳飯也需105元這次是第二次光顧，跟上次同樣點了有機豆腐牛油果三文治，味道清淡，餡料頗豐富，只有很少量醬汁，應該是健康之選。這份三文治便盛惠65大元，還要加一呢，所以這餐廳真的只能偶爾光顧，不能常常到訪。今天還點了是日餐湯 (雜菜湯)，湯倒是挺好味的!…Read More

今日大夥兒到Club Chow lunch, 柏廷坊西餐廳之多, 令我都忘記是否第一次光顧, 這兒環境頗靜，每張枱有一定距離，適合與朋友或同事密密斟。在眾多set lunch 選擇下我選了pork chop。未食都有些期待豬扒質素會如何，畢竟豬扒做得嫩滑不是易事，今天這豬扒確實有令人驚喜的感覺。前菜選了salad, 沒有甚麼特別，但選了蝦湯的同事說很喊，所以我已是選對了。這就是主菜豬扒豬扒是厚厚的有骨扒，厚度約有2cm，吃下去一點粗糙的感覺都沒有，雖然又不是非常肉汁豐富，但算是嫩滑的。豬扒的調味是香草，在這悶熱的天氣吃這道菜是頗醒胃的。豬扒旁的醬汁是放了香草的橄欖油，用此配襯豬扒可食肉質口感更好。除了主角豬扒，旁邊的菜跟薯角也是不錯，整體來說這道主菜值得一讚。身旁選了羊鞍及三文魚的同事也稱讚質素良好，還說這兒值得再encore。至於餐後甜品是一杯抹茶慕絲，略為偏甜，而且每杯份量不一，這方面有待改進。價錢方面，加一後每人超過$200。…Read More

一個月內第二次到醬缸食醬油蟹，並不是因為易book 了，眾所周知這裡的電話是打唔通的，通了也無人聽……所以幾個月前親身book 時，為免預約了的日子朋友臨時有事，就book 兩個日子，最後月頭成功食到第一次，月尾又再同另一位朋友食。其實我無食過第二間既醬蟹，韓國料理都常食，醬油蟹既第一、二次都係呢度食。上次三人行食兩隻蟹，今次二人行食兩隻蟹。可能係一人一蟹既關係，今次好仔細咁食每一啖蟹肉，再加上上次經驗，小妹覺得蟹糕撈飯係最好食既，所以今次差唔多每啖肉或糕都撈埋飯一齊食….真係好好好味呢……其實我本身唔係非常鍾意食蟹，但那軟綿綿既生蟹糕加蟹肉，撈埋微暖既紫菜飯，再配上重點既醬油汁，相信呢個就係咁多人排長龍，或者等幾個月都要食既原因。除左隻蟹，其實旁邊既配菜都好好食，例如蒜頭、洋蔥、青紅椒，我同朋友都食到lam lam 脷。至於其他菜式，今次我同朋友再encore 我月頭已食過既芝士海鮮年糕。這個海鮮年糕，味道是好的，有兩隻青口、小粒帶子、魚片、魷魚、泡菜，芝士也好味，但相比醬蟹，確實沒有很WOW的感覺。總括而言，醬缸的醬油蟹是很出色的，其他菜色且有待慢慢發掘。喜歡食醬油蟹既朋友，很值得試試。訂位秘訣：平日親身預訂 (蟹一定要預訂，平日walk in 基本上係唔會有蟹食)，星共六/日只可walk in, 下午5:30開始排隊機會較大…Read More

一向好澱粉質的我也非常鍾意食蛋糕曲奇麵包之類的東西，因此會周圍搵好味曲奇，近年開了很多貴價曲奇店，但還是最喜歡傳統麵包店的曲奇，奈何現在傳統麵包店買少見少，因此金樺的曲奇實在是不可多得的平靚正之選這是牛油曲奇，上面有些少朱古力，曲奇是很鬆化的，不會很重牛油味，吃多幾塊也不有很膩的感覺。這麼一盒也只是$22，路過太安樓總會忍不住買一盒來吃。…Read More

一向都覺得這裡的面包/曲奇好食, 但未試過坐低食早餐, 最近第三次在這裡食早餐, 確實很好...價格雖比連鎖快餐店/茶餐廳貴, 但質素絕對與價錢是配合的今天叫了這兩個餐圖上-磨菇奄列餐 ($38)圖下-香草腸炒蛋餐 (37)兩個餐都配多士多士的底面也有烘過, 跟其他茶餐廳不一樣, 多士用小竹籃盛著, 更有風味.......配菜青瓜及蕃茄都很新鮮, 蛋炒得很滑, 奄列裡的磨菇很大塊, 不似罐頭磨菇除了食物質素好, 座落在干諾道中的店鋪位置亦令食客可以更開懷地食早餐…Read More

好久沒有到上環街市飲茶，在上環大部份酒樓飲茶，「閒閒地」都每位過百元落樓，但這裡經濟又實惠，唯獨要考慮就是會有點「油煙味」，不過也不是很嚴重的，飲完茶在外走走，這些味道也散去了......今日一行5女，點了10碟食物1. 燒賣：皮與肉有點分離，可能是蒸久了之故，但仍是好味的2. 蝦餃：內涵充實3. 菜心：份量足夠4. 煎豆腐：必點之一，豆腐面有魚肉，夠香口5. 馬拉糕：正常6. 芋頭絲糕：必點之一，一碟三件(可溝蘿蔔糕)，但今天我們吃的芋頭絲糕有酸味，應該是壞了，老闆便換了全碟蘿蔔糕給我們，蘿蔔糕也是即叫即煎，夠香口7. 排骨白腸粉：排骨的生粉頗多，排骨下有幾條白腸粉，吸了肉味及豉油味，好食8. 山竹牛肉：很大的牛肉球，必點之一9. 煎腸粉：香口，腸粉皮很薄，最喜歡那煎得焦焦的地方10. 鮮竹卷：正常茶位：每人3元埋單：$224這裡的蒸飯也很足料，但今天沒有點，隔離枱的男士一人便點了一個蒸飯....離開時見到以下宣傳：5月3日起，逢星期日或公眾假期，上午9時至下午3時，點心一律10元，蒸飯20元，路過真係值得試下。…Read More

有點肚餓的關係, 是次完全無影相, 相片可參考此店舊址的食物相片1. 涼伴青瓜—應該是落了麻醬, 很清新開胃, 一碗的份量也不少2. 羊架—叫了5成熟, 入味3. 白鱔—有約12cm長, 肥美4. 粟米—一份有一枝, 飽5. 銀杏(白果)—一份有兩串, 一串有7-8粒, 少有在串燒店見到6. 京蔥—沒有特別7. 黑糖菠蘿—一串3塊, 幾好味, 友人推介8. 方包—切成一條條, 大約一份有一塊方包份量, 底面都有塗蜜糖燒9. 露筍(豬肉)—好薄的豬肉包著一條露筍, 好好味, 一份兩串10. 芝士豆卜—一串3件, 炸豆下難免有點乾, 但包著芝士幾好味11. 鴨舌—沒有特別12. Sapparo beer 一瓶埋單：$253…Read More

星期日晚上路經東大街，在著名雞蛋仔旁邊看見很多人站著等外賣，又聞到很吸引的沙嗲味，便決定試試這小店。顧客以外賣為多，但門口放著三張「摺枱」，可自行等位。食物有炒飯、面、菜、沙嗲串、湯、特色飲品等等這次點了沙嗲豬、羊、魷魚鬚、白鱔(各一串)、老闆娘炒飯、炒通菜、靈芝喉頭菇湯、甘桔檸蜜，盛惠133元。很喜歡他的沙嗲，是很強花生味那種，炒飯正常，通菜份量很多，湯喝下是沒有味精那種，至於飲品，有用真的甘桔，不是沖劑，很鮮甜。堂食最好的地方就是可以順道品嘗鄰店的雞蛋仔。…Read More

在永合成, 煲仔飯食過, 湯飲過, 早餐食過, 鮮油多都食過, 但最近發現一樣好好味既小食, 就係雞仔餅。雞仔餅常常在街邊檔見到, 但好味既雞仔餅真係好少見上個星期有日食完煲仔飯到收銀處付款時見到有一大個玻璃樽 (好似葯材店那些咁大) 裝住一袋袋雞仔餅, 每小袋10 蚊, 每袋大概有6-7塊, 10蚊試下都無壞, 就買包試下, 點知一試就鍾意左, 這雞仔餅係好鬆脆, 唔會好厚, 裡面既餡好香, 唔算好油, 其他同事都覺得好味, 係比其他一般雞仔餅好味相信佢每日製作量有限,  賣完即止, 有時1:30PM去買都賣哂, 好香口野既朋友,路過真係值得試下 …Read More

之前聽過朋友推介這裡的buffet很好, 便來試一試, 果然有水準!!平日晚市有兩輪, 今次惠顧第一輪5:15-7:15, 348+10%, 有蠔,長腳蟹, 青口, 螺, 魚生, 鵝肝, 和牛, 心太軟, haagen dazs, chocolate browies, 北海道牛奶布甸, 好味好味, 第一輪人少d, 排隊情況不嚴重, 聽餐廳經理講第二輪會好多人排隊…Read More