TM128's Profile

一班人去西貢食飯，最好梗係揀食海鮮啦！🔸椒鹽豆腐、雲耳、涼拌四季豆✨椒鹽豆腐外皮香脆，豆腐嫩滑；✨雲耳加上黃色芥末醬，都幾嗆鼻；✨涼拌四季豆，口感爽脆，蒜蓉味濃。🔸低温米水煮元貝通常都係食蒜蓉蒸元貝，第一次食米水煮元貝，做法都幾特別。元貝肉質軟腍，米水口感似厚身的米漿，帶有米香。🔸芝士龍蝦加炒飯睇到個飯已經覺得好邪惡，飯面鋪滿濃厚的芝士，芝士鹹香，龍蝦肉質軟嫩，米飯粒粒分明，仲吸收咗芝士的香味。🔸椒鹽焗鮑魚鮑魚都幾厚身，用刀叉切開鮑魚，鮑魚口感軟腍，椒鹽味濃。…Read More

我都幾鍾意放工之後去居酒屋食飯，享受吓居酒屋時光。🔸赤貝。深海池魚✨赤貝口感爽脆；✨深海池魚肉質結實，味道清淡。🔸日本河豚乾河豚乾燒得乾身，味道鹹甜。🔸煮牛筋👍🏻牛筋軟腍，有入口即化的口感，而且很入味。仲可食到唔同牛的位置，蘿蔔腍滑無根，醬汁味道豐富，如果配白飯食，啲汁一定冇剩。🔸岩鹽魷魚一夜乾魷魚以一夜乾的做法製作，肉質軟硬適中有嚼勁，味道濃縮帶鹹香。🔸唐揚雞雞外皮薄而脆，肉質幾滑仲有肉汁，配上沙律醬很滋味。🔸甜薯。翠肉瓜。日本銀杏✨甜薯質地軟糯，味道甜美；✨翠肉瓜厚身，口感爽脆多汁，帶有牛油和鹽香；✨日本銀杏質地結實，味道鹹鹹的帶點甜味。🔸雞皮雞皮香脆，唔會油膩，口感脆得來帶韌性。🔸雞翼。雞腎✨雞翼脆口，雞肉都算滑；✨雞腎較實和韌。…Read More

很少去啟德個邊食飯，今晚朋友約了去Airside其中一間餐廳食飯。枱與枱之間比較貼近，有啲迫，坐得唔係好舒服。🔸醉雞店員送上枱時，已聞到陣陣酒香，雞肉嫩滑入味。🔸黃金芥蘭用咗鹹蛋醬炒芥蘭，蛋黃碎金黃色，味道鹹香，芥蘭爽脆冇苦味。🔸秘製杭州骨排骨味道酸酸甜甜，醬汁濃稠，洋蔥口感較韌帶微辣，薯仔口感較粉。🔸鴨屎香手打檸檬茶用啤酒杯盛載的檸檬茶份量十足。揀咗少冰少甜真係有做到。茶色深，味道幾濃。…Read More

今晚去了一間西班牙餐廳，餐廳環境優雅，天台有個露天酒吧區。除咗散叫餐單、套餐、周末更有早午餐餐單。而我今晚就品嚐六道菜晚餐。🔸To Start (Select Two)✨Smoked Steak Tartare on Buttered Brioche牛肉他他質地幾滑，裏面的酸豆和牛肉味道很夾，麵包微脆軟熟帶甜。✨Southern Seas - Scallop Ceviche帶子質地結實，味道酸中帶甜味，食落覺得清新，炸蒜惹味，牛油果醬口感綿滑。🔸To Warm Up (Select Two)✨Spanish Red Prawn “Ajillo” served with Toasted Brioche （+98）西班牙紅蝦都幾大隻，蒜的味道帶點香辣。✨QM Signature Suckling Pig乳豬厚切，都幾肥美，外皮脆口，配上濃厚的南瓜汁，減輕了油膩感。✨Pan-seared Foie Gras on Buttered Brioche with Fig Jam鵝肝有啲羶但唔油膩，麵包又脆又軟熟。🔸The Main Event (Select One)✨Signature Seafood Paella Barcelona (Add Half Boston Lobster +128）西班牙海鮮飯加配半隻波士頓龍蝦，飯的口感半生半熟，吸曬海鮮的精華。海鮮有蜆、青口、魷魚、蝦和波士頓龍蝦。🔸A Sweet Finale✨Basque Burnt Cheesecake芝士蛋糕質地軟身，芝士濃郁，雜莓雪葩的酸甜味恰到好處。✨Churros西班牙油條脆口，糖粉味道甜甜。咖啡味道香濃夠熱。…Read More

聽朋友說有間廚師發辦做緊優惠，就訂位去試吓。🔸前菜三點✨胡麻醬菠菜菠菜嫩滑，胡麻醬濃郁。✨大蔥玉子蔥味唔會太濃。✨忌廉蟹餅外表炸得脆，忌廉濃厚。🔸刺身四款✨白身魚薄切1️⃣鰈魚配三文魚籽，味道鹹香；2️⃣炙燒鰈魚，魚肉和油脂融化，魚肉嫩滑，萬能蔥超香；3️⃣鰈魚紫海膽甜美。✨火炙時令魚炙燒黑鯥，油分豐富，三星漬帶少許辣，大蔥絲微脆口。✨生蠔配赤貝德島蠔，師傅已起肉，蠔身肥美，配酸汁啫喱。赤貝口感爽脆仲帶點青檸香，師傅建議點芥茉豉油食。✨大拖羅中拖羅三文治中間加咗鹽、芥末和紫蘇葉，拖羅油分充足，帶點鹹味，紫蘇減輕拖羅的油分。🔸和食北海道帆立貝配松葉蟹羹，蟹羹芡汁比較黏，帆立貝厚肉。🔸壽司四款✨季節鯛魚金目鯛烏魚子碎，金目鯛口感幼嫩，帶少少青檸香甜味。✨牡丹蝦牡丹蝦口感軟糯，蝦膏味道濃郁，櫻花乾脆口，加咗金箔好奢華🤩!✨火炙時令魚火炙過的秋刀魚帶油分，口感幾滑，上面加咗紫蘇花點綴。✨海膽三文魚籽紫菜除咗飯，仲鋪滿海膽和三文魚籽，一齊放入口，海膽甜美和鹹香爆漿的三文魚籽，口感層次豐富。🔸手卷碎蔥吞拿魚腩手卷，紫菜脆口，包著幼滑的碎蔥吞拿魚腩，芝麻香口，蔥香和鱈魚乾脆口，超滿足呀😌！🔸食事野菜烏冬超大碗，有多種蔬菜和菇類。…Read More

平時食壽喜燒，會有個廚師幫你煮，呢間餐廳就由我自己煮。餐牌上有幾款套餐，套餐包咗前菜、野菜盛盒、日本產黑毛A4和牛、蘭黃蛋、日本米飯或讚岐烏冬和甜品。✨前菜有帶子、青瓜、酸蘿蔔。🐮精品赤身壽喜燒套餐120g餐廳用咗鹿兒島黑毛A4和牛，赤身油花分布均勻，牛肉味道濃郁，肉質嫩滑，食落又唔會覺得好肥膩。自己動手燒，好容易會燒焦。👍🏻好在店員會喺旁邊指導和協助，而枱面上亦都貼咗關西風壽喜燒食法。🐮日本黑毛和牛牛板腱壽喜燒套餐120g每日限賣的牛板腱呈粉嫩顏色，油脂豐富，肉味濃郁，口感柔嫩。✨蘭王蛋、日本米飯加壽喜燒汁，牛肉有甜的醬油香味，點上蛋汁，牛肉的口感更滑溜，配一啖米飯，口感黏糯，滋味無窮。✨野菜盛盒將所有蔬菜放入鍋中，我鍾意昆布湯再加啲壽喜燒汁，煮出來的蔬菜帶少少油香，味道唔會太甜。✨甜品蕨餅口感有微微彈性，又唔太甜。✨日本巨峰提子汁梳打✨可爾必思梳打餐廳做緊推廣：1️⃣讚好「Sukikansai壽喜·關西」社交媒體；2️⃣拍攝食物照上傳至 社交媒體；和3️⃣Tag 返餐廳俾職員睇。可免費獲贈40g 和牛一份或（黑/白）生啤一杯。…Read More

今晚去咗商廈內的餐廳，價錢親民，食物質素唔錯，星期五晚7-9點，仲有Live Band。二人晚餐有前菜、餐湯、主菜和甜品。🔸西班牙火腿鮮果沙律呢個沙律味道層次豐富分明，蜜桃甜美；火箭菜的甘苦味；火腿的鹹香味，日本芥辣和柚子醋做沙律醬汁；有齊甜酸苦辣鹹的味道。🔸廚師精選餐湯蘑菇湯熱辣辣，質地濃厚滑身，仲有粒粒的蘑菇碎。香草麵包質地軟熟，配上牛油很滋味。🔸西班牙八爪魚鮮墨汁扁意粉扁意粉掛滿了墨汁，口感軟硬適中，味道鹹香。八爪魚質地軟腍，味道淡口。🔸美國封門柳配墨西哥醬封門柳要咗五成熟，質地軟嫩，墨西哥醬，味道酸辣；西蘭花苗軟腍帶油香；薯仔爽口。🔸精選甜品✨原隻鮮果雪葩甜品上枱時，店員將水加入乾冰，白色煙霧籠罩甜品周圍，感覺夢幻。菠蘿雪葩冰凍，味道酸酸甜甜。✨意大利檸檬雪糕球呢款甜品必食。黄色脆粒味道酸酸甜甜，檸檬雪糕味道清香，中間有橙香的果醬，味道香甜帶有甘香，而甘香味道若隱若現👍🏻。🔸Virgin Mojito追蹤餐廳社交平台，會免費獲贈一杯飲品。薄荷葉清爽、青檸酸爽，冰涼解渴。…Read More

去完松本清見到小肥台灣便當，覺得幾得意，就去咗食午餐。先在收銀處落單，攞埋個餐號碼，店員便會送餐。🔸古早味烤豬肉香腸便當豬扒切開一件件，食用時很方便。豬扒肉質都幾軟腍，帶少少甜味；香腸外皮脆卜卜；便當仲有滷蛋、肉丸、粟米、青菜和爽口的粉絲，飯都唔會太乾身。🔸珍珠金橘檸檬味道酸酸甜甜，珍珠煙韌。🔸士林鹽酥大雞腿滷肉便當鹽酥雞腿超大隻，質地嫩滑，肉汁豐富，味道酥香。滷肉的醬汁味道濃厚，仲有超多配菜。🔸台灣寒天冬瓜茶冬瓜茶真係夠消暑，寒天有咬口。🔸鹽蒜四季豆四季豆煮至軟腍適中，蒜香味突出。做小肥會員有好多優惠，有迎新禮品、折扣優惠、升級優惠等。人多就揀便當Party外賣團餐優惠，買得多，折扣就越多。總之食得多，獎得多，而積分仲可以換領電子優惠券。…Read More

放工後去咗間餐廳食由師傅發辦的串燒餐。前菜係蕎頭，酸甜爽脆。<師傅精選Omakase>👨‍🍳10串精選🔸紫蘇豬肉卷一層豬肉包着一層紫蘇葉，豬肉的油分浸入紫蘇葉，兩者融合，味道層次豐富。🔸牛脷肉質比較韌，有黑椒香。🔸柚子醬雞胸雞胸半生熟，口感都算嫩，配上柚子醬，味道不錯。🔸雞胸肉雞皮燒得焦香，雞肉嫩滑。🔸雞翼雞皮燒得乾身，肉質較鞋。🔸鰻魚鰻魚厚身，面層燒至焦香，配上山椒粉，味道都幾特別。🔸雞心質地結實，味道濃烈。🔸青椒質地清爽，味道少辣。🔸免治雞肉棒雞肉棒肉質軟滑，中間包咗脆口的軟骨，醬汁甜美。🔸冬菇靜岡的冬菇，帶牛油香。👨‍🍳特製燒飯團/雞湯素麵/親子丼揀咗親子丼，蛋很嫩滑，雞肉有甜味，明太子唔會太鹹，米飯口感爽身。👨‍🍳雪糕開心果雪糕夠冰凍。食咗師傅精選Omakase餐後，再另加其他食物。🔸芝士玉子燒玉子嫩滑，裏面包著一粒粒半融的芝士，味道鹹鹹配上帶甜的玉子，好味😋。🔸枝豆枝豆味道鹹香。🔸魔鬼魚乾魚乾質地脆韌，味道鹹得來帶甜。🔸梅子紫蘇芝士雞肉卷因為紫蘇豬肉卷，令我忍不住再叫，呢串多咗梅子的酸甜和芝士的鹹味。但我鍾意紫蘇豬肉卷多啲。🔸豚肉溏心蛋咬開見到橙黃包的蛋汁流出，味道帶甜，加上豚肉的油香，配搭不錯。…Read More

諗住去太安樓搵嘢食，點知好多舖頭都冇開，行遠啲見到有間佈置很有日本特色的食店，本來以為只有外賣，原來轉角就有坐位供堂食。🔸自製淺漬燒蓮藕蓮藕的邊微焦，口感爽口，作為凍盤，味道帶酸令人覺得開胃。🔸香草火炙鴨胸咖哩丼鴨胸皮上的糖燒至焦糖化，口感脆甜和帶焦香，鴨胸厚身，但肉質很嫩滑。自家製水果咖哩的味道香甜唔辣，山椒粉又帶少許辛辣，好適合配飯食。🔸濃口蘭王和風牛肉飯牛肉份量多，瘦得來帶點肥肉，質地嫩滑。拌勻蘭王雞蛋食，米飯黏滿濃稠蛋汁，再與芝麻和紫菜拌勻，味道更香。🔸章魚魷魚棒章魚魷魚棒口感軟腍，咬開會食到章魚和魷魚粒。…Read More

很久沒有食廚師發辦，今晚來到大坑一嚐「曦」廚師發辦。🔸日本蕃茄水雲蕃茄爽身，味道酸甜，水雲口感較黏。🔸兵庫縣真蠔師傅建議加點檸檬汁食，蠔味濃郁，帶少許海水味道。🔸日本石斑魚刺身魚肉有嚼勁，質地較黏，配酸汁啫喱，味道更香。🔸鰹魚魚味較淡，加點芥末配蒜蓉食，蒜蓉味濃郁霸道，好似變咗中菜的蒜蓉蒸魚。🔸赤鮑用酒炆咗6個鐘，湯汁像中湯帶甘，鮑魚口感腍滑彈牙。🔸門鱔湯本身湯的味道係清甜，青檸卻令湯帶點酸味，門鱔爽口，蒪菜口感滑潺潺。🔸吞拿魚下顎魚油勁多，加點青檸汁可中和油膩感。🔸蝦蛄茄子蝦蛄外表微脆，茄子軟腍，粟米仔清甜。🔸真鯛壽司真鯛很滑，飯帶點醋香。🔸深海池魚壽司魚肉結實，帶煙燻香味。🔸鰹魚壽司魚的口感很滑，柚子芥末帶點辣味。🔸帶子壽司帶子鮮甜滑身，裏面的芥末嗆鼻。🔸牡丹蝦壽司牡丹蝦口感黏糯，帶點點芥末香。🔸吞拿魚醬油漬吞拿魚腍滑，京蔥的味道幾香，紫菜微脆。🔸馬糞海膽壽司海膽甜美，紫菜微脆，飯的口感較黏。🔸中拖羅壽司中拖羅軟滑無筋，味道帶點酸。🔸蟹粥蟹粥夠熱，蟹肉份量都幾多，味道甜味。🔸甜品蜜瓜清甜。…Read More

探索宋王臺這個地方，發現了間出色的日本料理和串揚餐廳。🌸鰹魚肝酒盗芝士醬油漬的鰹魚內臟配上忌廉芝士，用脆口的紫菜包著一齊食，味道濃郁，送酒一流。唔飲酒，叫咗Gintonic和Lemonsour，都一樣正。🌸紫海膽紫海膽顏色呈橙黃，口感幼滑，味道甘甜，三文魚籽微鹹味。🌸三色刺身盛（三文魚、帆立貝、深海池魚）✨三文魚厚身肥美；✨帆立貝味道清甜；✨深海池魚經炙燒過，油香十足。🌸三文魚籽杯三文魚籽喺口中爆開，味道鹹香，和帶甜的米飯很夾。🌸北斗八品盛合(廚師發辦)✨甘鯛立鱗，魚鱗立起，囗感脆卜卜，有魚油的甘香;✨中拖羅，味帶有吞拿魚的酸味；✨紋甲魷魚，魷魚軟腍；✨明太子，味道較鹹；✨北海道帶子配三文魚籽，帶子口感結實，味道鮮甜；✨子持昆布，口感爽脆；✨沖繩阿古豬豬柳，肉質有嚼勁，肉味較濃；✨磯煮鮑魚配黑魚子，鮑魚質地綿嫩帶鹹香。🌸岩國蓮藕由山口縣直送，質地爽脆，帶有水果的甜味。🌸千兩茄子由奈良縣直送，質地軟腍，唔會油笠笠。🌸青椒仔由高知縣直送，青椒仔味道濃烈。👍🏻串揚做得好出色，每串炸至金黃色，炸漿平均分佈，唔會太多或太厚，食咗咁多串都唔覺油膩。🌸茶漬飯（三文魚/明太子/南高梅）茶漬飯有三款味道選擇，選了明太子，鰹魚湯味道鮮甜，明太子的辣味突出。…Read More

乾式熟成牛扒我食過，今餐用石燒食濕式熟成牛扒。濕式熟成牛扒以低温熟成，牛排可以保留原始風味，肉汁豐富。而餐廳用的牛排，有USDA Prime認證。🔸三重燒肉盛這個套餐可試勻牛唔同部位。✨和牛，油花分佈均勻，肉質綿滑；✨上腰西冷，肉質嫩滑，肉汁豐富，味道較濃；✨牛側腹扒，肉質有嚼勁；✨平鐵牛扒，肉質軟嫩，味道濃郁。加$32自選套餐，可以五選三款。選了🥤汽水、🥗沙律和🍚飯。🥗沙律菜爽脆，配酸汁很開胃。🍚一口飯一口肉就最夾。🔸牛縣燒肉海膽丼腹心肉油花分佈均勻，肉質細嫩；海膽份量多；三文魚籽味道鹹鮮，與蘭王雞蛋和紫菜拌勻超好食。🔸炸九肚魚九肚魚炸得脆口，味道帶鹹，可配黑松露沙律醬食。🔸紅酒菠蘿菠蘿微酸帶甘。…Read More

今日去荃新天地行街，行到累時便找間餐廳吃飯。坐下後，掃枱上的二維碼下單。🔸紅碗豌雜麵這個是店鋪的招牌麵，可以選微辣/重慶辣/霸道辣。選了微辣，拌勻後每條麵沾滿汁，但又唔會太辣，配料豐富之餘麵條非常煙韌，花生脆口好想不斷加！🔸凍檸檬茶檸檬茶夠冰凍，茶味香濃，酸甜適中。🔸葱酥骨湯抄手抄手份量都幾多，皮都算軟身，加了青菜和滷蛋，每款加$5，骨湯味道濃郁，一口一粒抄手非常滿足！🔸茉莉凍凍酸梅湯酸梅湯味道酸酸甜甜，底部有啫喱，很解渴。🔸秘製脆皮半只雞雞的肉質頗滑，啖啖肉之餘味道酥香，很惹味。遇見小麵地址📍: 荃灣楊屋道1號荃新天地地下G30, G32 & G36…Read More

美麗華酒店正門的左手邊有條電梯，上一層電梯左轉有間餐廳。餐廳前身係畫廊，之前曾展出藝術家黃奬的畫作，而家牆上掛着獨角獸的畫作，就係另一位藝術家的作品。欣賞作品之餘，都不忘點餐。🔸夏威夷薄餅薄餅係薄批，餅底的邊似餅乾口感，很脆口，菠蘿清甜，芝士有拉絲，火腿微焦。🔸煙燻烤雞翼雞翼的皮有少許焦香味，煙燻味亦濃郁，肉質嫩滑，燒烤醬汁的味道帶點辣味。🔸雜菜沙律沙律菜很新鮮，而沙律醬和平時食到的不同，醬汁係鹹。🔸慢煮美國有骨豬鞍架豬鞍架厚身，肉質較實乾身，配上蜜糖芥末醬，味道帶甜，薯條炸至脆口，甘筍甜美。…Read More