Tung Yi's Profile

同朋友約食飯佢話呢間居酒屋性價比，再加上我哋都係鍾意飲返一杯嘅人，所以就揀咗呢間居酒屋👍🏻環境：地道日本風居酒屋裝修，安排咗我哋坐餐廳比較入嘅卡位，可以自成一角岩哂同朋友暢飲暢食暢談。食物質素：其實我哋叫咗好多嘢食，但係傾傾吓已經唔記得咗影相。生蠔好清甜好爽口感覺好新鮮各式嘅串燒燒既時間拿捏得啱啱好，唔會過熟亦唔會生，本人最鍾意係佢哋燒嘅雞腎，鹽燒味道啱啱好海膽壽司好新鮮好甜 唔會有怪味 另外仲叫咗一條白身魚刺身，口感好爽甜總括嚟講呢間居酒屋嘅食品所有都不錯👍🏻服務：雖然我哋坐得比較入，但服務員都招呼周到，周不時都會過嚟睇吓我哋有乜嘢需要總結：各方面都很不錯，係會再來的一間居酒屋，岩哂約埋三五知己聚餐既餐廳…Read More

食過好幾次呢間西班牙餐廳，發現其他分店都沒有了只剩下中環這一間，剛好與同事中午聚餐揀咗呢間。環境：環境嚟講餐廳都好闊落，面向好靚嘅山景，咁啱當日藍天白雲景觀真係一絕，對住咁靚嘅景色午餐心情會特別好。食物味道：中午午餐其實偏向西式為主，有前菜或湯、主菜、甜品及餐飲一杯，食物味道方面都中規中矩，甜品芝麻蛋糕口味偏甜。服務：服務態度正常，只係餐廳可能人手不足出餐有點慢，如果中午對真係只有一個鐘頭食飯時間既上班族可能有點趕。…Read More

男朋友生日，晚市禁堂食淨係可以食中午真係諗爆頭唔知食咩好，想book Omakase 好多想食嘅中午都full booking，最後揀咗呢間鐵板燒，因為見佢中午嘅餐牌由前菜到甜品都好多元化💲餐廳午巿鐵板燒商務套餐 (2位)都會送龍蝦 (送完即止)，最平只需$1180，視乎你揀咩牛肉，因為男朋友生日食好啲，所以我揀咗最貴嘅厚燒A5和牛，價錢就$1680。總共有4個價錢可以揀及以上需另收10%服務費因為我哋係平日食，而餐廳做緊期間限定優惠，13:45後入座可享8折優惠因為我一早已經訂咗位，所以一去到已經可以安排入座事不宜遲，即刻同大家分享吓我哋套餐食嘅嘢啦～✳️前菜&漬物 (麻醬蘆薈雜菜沙律+魚翅同帶子裙邊)- 蘆薈配雜菜好清新嘅感覺，魚翅同帶子裙邊好爽口，為你之後食嘅嘢開一開胃✳️刺身三款 (帶子同兩款魚）- 三款刺身都好新鮮同鮮甜，刺身新鮮基本上係冇乜嘢可以挑剔✳️南非鮑魚、龍蝦同鱈魚扒廚師好細心，煮之前會俾你嘅相機食咗先😆- 南非鮑魚好有彈牙口感，煮完都唔會好韌，食到鮑魚嘅鮮味- 龍蝦肉會配埋龍蝦膏去烹調，所以每一啖嘅龍蝦肉都好香膏味，再配埋龍蝦肉爽口嘅口感，一個字「正」- 鱈魚扒煎得恰當好處，外脆內滑，魚皮仲煎得好香魚油味✳️季節野菜- 選用左當做嘅蔬菜以日式醬汁去煮，味道清甜，順便可以解一解油膩感去迎接下一道菜式✳️厚燒A5和牛一樣，廚師煮之前會比你嘅相機食咗先- 油脂分布得好平均，煎完嘅和牛仲更加帶出佢嘅香味，安排好聰明將煎好嘅和牛切粒放喺烘過嘅多士上，一來可以吸收多餘嘅油脂令你放入口冇咁油膩，另一方面如果你仲食得落係可以食埋件多士🤣✳️炒飯- 放咗牛肉小粒同雞蛋一齊炒，調味啱啱好，每一粒飯都炒得粒粒分明，熱辣辣食嘅時候每一啖都會聞到炒飯嘅香味✳️麵豉湯- 用咗原先嘅龍蝦頭去煮，所以除咗麵豉嘅香味同時仲會有龍蝦嘅鮮味，有提鮮嘅感覺同埋飲落好鮮甜✳️甜品 (開心果&芒果味雪糕) + 牛油焦糖多士- 其實兩樣甜品係分開上嘅，但我各自食完兩樣甜品之後，就將佢哋Crossover一齊食，因為多士熱辣辣再配埋雪糕，喺口中一熱一冷既口感係最匹配，多士好香脆但唔會太甜➕因為男朋友生日，原先我冇留意到餐牌係有甜品，所以另外加咗錢要左件生日蛋糕，價錢我冇記錯好似係$100，係一件日式千層蛋糕嚟嘅✨食後感大致上由前菜到甜品都無可挑剔，每一道菜都好似睇住表演咁，邊睇邊食，真正嘅色香味俱全，仲要加埋有視覺效果，我男朋友都好滿意我嘅安排，基本上我哋食晒海鮮嗰一part已經好飽，所以我諗下次再去食應該牛肉方面揀簿燒就可以，因為厚切嘅牛肉其實都幾漏，食得太飽反而會影響食牛嘅時候品嚐嘅味道，當然係因人而異啦，如果你係胃口比較好嘅朋友我都會建議你哋揀厚燒，因為口感係另一種嘅昇華😋服務：店員同廚師服務都好周到好有禮貌，會介紹每一道菜進食嘅先後次序或者係食法環境：高級西日式裝修，餐具好靚都悉心挑選過，各方面都好整潔乾淨💡生日嘅朋友廚師仲會用蛋汁喺鐵板爐上寫上生日快樂俾你合照，記得訂枱嘅時候註明係慶祝生日呀～…Read More

Weekend冇野做諗地方去，荃新天地開咗咁耐我都未去過，出發前順便搵吓嗰度有咩餐廳好食，見到呢間曾經喺觀塘出現過嘅餐廳 (因為之前都有諗過去試)，咁啱荃新天地有就梗係要試一試我地叫左兩個brunch set✳️韓式牛肉乳酪中東烘包配脆薯格+ cappuccino韓式牛肉好啱愛辣之人，混埋乳酪味道好夾，連埋中東烘包一齊食，可中和辣味，薯格炸得外脆裡面仲食到軟淋淋既口感，咖啡都好香，奶泡與咖啡比例調得啱啱好✳️燒三文魚野菌菠菜黑松露Egg Benedict + Americano 所有配料連埋一齊食口感好有層次，蛋都好流心餐廳所用咖啡豆都好香，係我鍾意既苦度下次再黎會想試下佢地既扒同Burger…Read More

冇得去旅行，平時一年至少都會去一次泰國，而每一次都會去食香蕉煎餅，依家冇得去就更加想食～無意中發現有報導介紹呢間只賣泰國香蕉煎餅店，咁啱入開元朗就緊係要去試吓佢～店家有7款口味選擇 (原味、榛子醬、煉奶、阿華田、花生醬、芝士粟米同埋芝士肉鬆）我揀左原味，因為問過店員原味已經有朱古力醬同埋煉奶落單後店員會俾一張號碼飛等候，大概等待時間係20分鐘左右食後感：同泰國食嘅味道都好相似，外皮煎得好香脆，醬料加得恰到好處，唔會太甜，可以一解我思念泰國嘅香蕉煎餅嘅情懷，不枉我山長水遠慕名而來…Read More

落大雨入咗D2 Place搵餐廳醫肚，因為太肚餓見呢間冇咩人同埋又未食過就入咗去，知道呢間有幾間分店，有時經過部份分店都會見到會排隊，心諗應該唔會差得去邊嘅，但最後發現其實唔係真係咁好食，唔明點解會咁多人幫襯，相信應該都係同我一樣貪就腳，我諗我淨係會幫襯今次。叫咗一個午餐巴東牛肉干撈油面，加咗一份酸辣鳳爪，另外叫咗一個下午茶餐(有細碗海南雞飯，細碗喇沙烏冬同埋細碗芽菜配唔知咩汁）巴東牛肉干撈油面 - 真係好油，似係用油嚟撈麵，食到成口都係油，但其實牛肉味道係唔錯嘅海南雞飯 - 海南雞係白烚雞，淡而無味，就算呢間餐廳係主張少鹽少糖都不至於係冇味道，問店員有冇海南雞醬汁，佢哋話係唔提供嘅，咁已經唔係正宗嘅海南雞飯酸辣鳳爪 - 汁入唔到去鳳爪入面，食落去都係似白烚鳳爪喇沙烏冬 - 又係油淋淋嘅代表，湯底色澤睇落去好似好濃，但一啲都唔香芽菜 - 只係放咗少少汁，味道偏向青草味反而最好食係贈送嗰碗糖水，係紅棗雪耳桃膠總括：所有食物都似係學新加坡菜，而做唔到真正新加坡菜嘅味道…Read More

呢間位於西九龍中心入面唔多起眼嘅沾麵店，其實佢係日本山手拉麵嘅過江龍，好多年前已經食過一次，今日去開深水埗就諗起佢，去到見唔使排隊就食呢間啦～因為之前去係假日，要排一陣隊。餐廳係以拉麵售賣機自行買飛，落單後坐低等食就得喇，不過建議食客當然最好先搵咗位啦，搵到位先去買飛～✳️白伝$79濃厚豬骨醬油湯掛喺每啖嘅拉麵上，可以食到拉麵有少許韌度口感同時，叉燒同拉麵亦吸收左濃厚嘅湯汁，叉燒肥瘦適中✳️黑伝$89係加左黑蒜嘅豬骨醬油濃湯，好香黑蒜油味，口感大致上同白伝一樣➕追加左一份半熟蛋$12蛋味濃郁，如果蛋黃可以再流心啲會更加正💡餐廳會有進食步驟同食法教導大家點食，例如一開始依個人口味落調味料令湯底味道更出，之後係加水飲湯✨總括- 價錢親民，性價比高- 湯底雖然濃厚但唔會有油膩嘅感覺- 裝修似日本拉麵店，座位唔多，枱有3-4張另外仲有bar枱座位* 下次想試吓鰹之一滴，每日限定20碗，食完後再同大家報告啦～…Read More

諗唔到食咩，咁啱好耐冇食過放題，見呢間評分咁高就去試試～因為有訂位，所以一去到已經安排入座餐廳係以電話掃QR code落單，落單後就可以去小食區同埋飲品區攞餐前小食同埋飲品✳️小食區主要係餐前小食為主，有中泰日式、沙律、甜品同果汁機凍清酒機，出面設有熱清酒機。我就拎左酸菜魚、蝦多士、章魚小丸子同少量凍盤小食✳️飲品區有多款飲品同啤酒可供選擇✳️刺身壽司基本刺身嘅種類都有，壽司手卷選擇都多元化，比較推介火炙魚類壽司(炙燒後魚油比較香)，比較需要改善係海膽手卷，因為出餐後紫菜會變軟口感冇咁好✳️一品料理有中日式可選，我點左牛油煮大蜆、扣花膠、花膠燉蛋白同埋蒜蓉蒸扇貝牛油煮大蜆 - 冇沙，但香草同牛油味道唔係好出，蜆肉比較細小冇乜口感，亦都冇乜味道扣花膠 - 花膠有腥味，汁浸住嘅花膠亦都唔入味，感覺似白烚完嘅花膠直接擺落汁入面煮花膠燉蛋白 - 花膠都係腥，但蛋白好滑，奶味好香蒜蓉蒸扇貝 - 肉質口感有啲霉口✳️燒物點左羊鞍、雞翼、牛舌、菠蘿同翠玉瓜肉類都燒的偏乾，調味都蓋過原本肉味反而菠蘿同翠玉瓜保留住原本嘅水份，多汁✳️煮物點左蟹粥，只係普通白粥底加咗半隻蟹、粟米粒同紅蘿蔔絲，冇咩鮮味，而粥係暖接近常溫溫度✳️炸物點左一口炸鮮奶，奶味好香✳️甜品餐牌上嘅雪糕每人只可以嗌一杯，而小食區內嘅甜品係無限任食，雪糕方面有多樣選擇，我就揀咗低糖低卡嘅雪糕，味道冇咁甜各分類都有好多款式，但因為個肚空間有限，只能分享我食過嘅嘢俾大家知✨整體而言，120分鐘任食，食物同飲品款式夠多，壽司刺身類都係性價比，唯獨係需要烹調嘅食物大部份都唔夠熱，會令食物品嚐度下降，希望餐廳可以注意熟食烹調後嘅安排。全程落單都冇漏單過，落單後大概5至10分鐘食物都會逐漸到齊。店員服務有善，定時會清理枱上嘅碗碟同垃圾…Read More

去完附近清快塘行完山，剛好落山係中午時間，一早同屋企人講好會黎衣間食午餐，入到黎深井，最主要當然係食燒鵝啦～衣間燒鵝店已多年經營，係老字號，光睇塊牌匾就知道有一定嘅歷史我地一行五人叫左炒蜆、小炒王、椒鹽鮮魷、滷水掌翼同兩碗瀨粉，當然唔少得就係出名嘅炭燒燒鵝唔係好有印象呢碟係咩炒蜆，不過依個炒法令蜆肉更加提鮮小炒王正常冇咩可圈可點之處椒鹽鮮魷走油唔夠乾身，椒鹽味道不夠滷水掌翼，滷水汁偏甜，同埋皮同肉質口感偏韌最好食係燒鵝，開頭我哋只叫咗半隻，但因為真係太好食所以再叫多左半隻，大家記得要趁熱食，凍咗嘅燒鵝就冇咁脆同埋冇咁香服務：侍應同老闆都殷勤招待環境：舊式飯店嘅格局，保留左餐廳多年經營嘅痕跡…Read More

Weekend入左元朗紅磚屋行下同埋參觀下附近嘅壁畫，因為未食嘢去到即刻醫一醫肚先，揀咗一間紅磚屋入邊嘅小食店，因為係假日所以都要等咗一陣先有枱點左炒麵、腐皮卷、炸豆腐、炸鯪魚球、柑桔話梅七喜同埋附近有一檔檔仔(唔知叫咩名)嘅煎雞翼每樣小食味道都不過不失，炸物都炸得好香口反而想稱讚一下唔知叫咩名嘅檔仔煎嘅雞翼，雞皮煎得好香，入面仲保持嫩滑多汁，雞翼都醃得好入味服務：因為係自己俾錢後攞住號碼牌坐低等店員拎食物俾你，所以冇乜點會同店員接觸環境：似美食廣場自己搵位坐，所以座位同裝修都係紅磚屋內原有嘅設施，都係以紅磚同埋木為主題總括：如果去開紅磚屋嘅朋友都不妨可以試吓呢間小食店…Read More

一直都好想試吓避風塘出海喺艇仔上面食海鮮，朋友生日咁啱佢話想食海鮮就上網搵到依間餐廳會分6-8pm同埋8-10pm嘅時段，而我哋就book咗8-10pm既時段，餐廳會預先安排約客人8點喺指定地方等候艇仔接送到用餐既艇，用餐嘅艇大概有5-6架由於訂位時會預先提供餐牌給食客依人數訂餐，所以上船後只要等食便可以了。另外，飲品可自己攜帶不會另作收費，餐廳上都有供應但價錢比較貴我地訂左一個二人餐炒蜆同蒸蟶子都蒸過龍，口感偏韌避風塘炒蟹同炒麵都炒過火，炸蒜會有焦燶味，而炒麵都係會有焦燶嘅味道其實仲有烚蝦，叫做最正常，因為冇乜技術可言服務：正常環境：可以邊食邊欣賞維港夜景，但船上設施比較簡陋，洗手間冇燈總括：真係純粹體驗一次便夠，主要係食風味…Read More

睇開一個飲食節目主持人介紹咗呢間餐廳已經諗住搵日會去試，同埋之前去過土耳其旅行有時都會掛住佢哋嘅Kebab，咁岩今日過開灣仔就可以一懷土耳其風味既味道點左燒雞肉飯、羊肉Kebab、扁豆湯&土耳其茶餐廳所有肉類配嘅飯都好大碟，而餐廳會有四種醬汁供應比食客使用，有辣、薄荷、茄汁，仲有一種唔記得係咩醬，Kebab同飯建議依個人口味去落醬汁會更加提升到食物嘅味道，會更加好味羊肉Kebab既肉味唔會羶，適合怕羶既朋友扁豆湯係節目主持人介紹話必飲的，結果真係唔會失望，豆味好香，仲有少少似飲緊薯仔蓉湯土耳其茶，係我喺土耳其旅行時會成日飲嘅飲品，佢嘅茶香比起一般紅茶更出服務：店員好有禮貌，離開時佢哋仲會以親切嘅笑容同你Say Goodbye環境：同我去土耳其食嘅小店裝修差唔多，牆上仲會掛住代表土耳其特色嘅掛飾、照片、圖畫同埋吉祥物總括：當我諗起想食土耳其餐嘅時候我會諗起呢間…Read More

之前已經去過一次覺得咖啡好好飲，都係即叫即製的，豆味好香同埋我自己偏向鍾意偏苦味道，同埋Egg Sando都出名，第一次去賣晒今次終於試到我叫左一杯cappuccino，一如既往嘅好飲，而Egg Sando蛋既口感偏向似硬啲既蒸蛋，但可能混入左Wasabi沙律醬，令成件事變得好奇怪，同埋食落會覺得好滯服務：店員由你到店、落單到離開都好有禮貌對待每一位客人環境：型格路線，主要以木同灰色作裝潢概念總括：會為佢嘅咖啡而再嚟…Read More

咁岩去開拎身份證，想食日本嘢就上OpenRice睇吓有冇啲咩平價之選，最後就搵咗依間餐廳雖然係平日嘅晚餐時段，但因為餐廳都算係平民價，所以到達餐廳時都快要滿座了，剛好有二人枱所以唔係等咗好耐餐牌上有好多晚市嘅料理set可供選擇，最後同男朋友每人叫咗一個set，追加左我最鍾意食嘅火炙左口魚壽司、海葡萄同炸池魚總括食後感：每樣日式料理都叫做不過不失，料理選擇都多，如果想食日本嘢又唔想食咁貴都叫做不錯的選擇…Read More

餐廳係收藏咗喺我會吃嘅餐廳名單內，剛巧我想食日式燒肉就揀咗呢間我地冇訂枱7點幾到，食客唔算太多，所以即刻就安排入座店員主動介紹餐牌後，我哋最後揀咗一個二人餐 (牛肚*4、三角肋肉*2、牛舌*2、A4西冷*2、A4肉眼*2、A5西冷*2、A5肉眼*2、蔬菜同飯素飯*2)，再追加左五花腩、雞心同雞肝各一份，同埋一杯draft beer下單後店員首先會提供前菜，今日係類似蟹籽魷魚既前菜等齊所有野食到齊後就開始燒喇🔥食物：牛肚、雞肝同雞心燒起來很香和牛、牛舌同五花腩油脂分布剛好，配埋飯仲可以減少其油膩感另外照片嘅左上角會見到有幾支辣粉供食客依個人喜好使用，辣粉好像有分10倍辣同20倍辣，有蒜味同洋蔥味，我就試咗蒜味10倍辣，點少少已經好夠辣味，鍾意食辣嘅朋友不妨可以試吓服務：店員親切招待，主動行過嚟解釋餐牌，仲會教你點樣燒先唔會令到雞肝同雞心黐底環境：似日本嘅燒肉小店，裝潢都好日式，令你猶如置身喺日本嘅燒肉店，餐廳座位比較少，座位都是Bar枱總括：價錢親民而食材質素高嘅餐廳，衣家仲未有得去旅行，如果大家都掛住日本燒肉又想想像下自己喺日本的話，不妨可以考慮依間😬…Read More