rt___diary's Profile

幾星期前早上去咗買咖啡，叫咗細杯latte，收咗$50 ，之後我覺得好似收多咗錢，所以打電話去問，發現原來職員以為我叫oats milk，而我當時只係要細杯latte，冇任何special request。聽電話個職員都好有禮同efficient即時幫我解決問題，同解釋返俾我聽，承諾會賠償返$5或下次收平返我。到今日我終於記得返，去咗order細 latte，同返職員講返件事，係咪可以平返$5，初時職員仲想辯駁，講到係我自己叫錯oat milk，唔肯賠$5，最後佢勉為其難幫我由細杯latte變大杯。其實$5好小事，只係我唔認為呢個係我嘅問題，但係佢今日嘅行為令到我以後都唔會再去🙂…Read More

由疫情開始一直都想試雲隱，但冇一次成功地訂到位🥺到疫情後大家都去哂日本，我終於訂到一個月後嘅週末lunch😂老實講，唔知係咪lunch定期待咗太耐嘅關係，整體我係有啲失望，性價比還好。服務亦一般，師傅唔會主動講解食物，待應長期阻住食客情況下收碟或放碟，行為都幾趕客🙁或者晚飯會更有heart更高質🫣當日最驚艷莫過於鮟鱇魚肝泡芙😍超級rich嘅魚肝醬，泡芙質感薄脆，口感豐富，真係想追加完再追加🤭除咗拖羅，魷魚、帶子、燒北寄貝都係我欣賞嘅幾款，味道鮮甜🍣最後嘅玉子亦係我期待已久🥚蛋味香濃之餘，質地似雞蛋糕，仲有啲空氣感😋鮟鱇魚肝泡芙 $180Lunch omakase $1000…Read More

招牌藥膳醉雞麵嚟到已經勁香，啖咗第一啖湯就知道正！藥膳同酒味道夠濃郁，真係好補嘅感覺😌雞件大大件，夠足料，性價比之選👍🏻欣賞米線唔會浸耐咗而變軟爛🍜喇沙湯麵亦係推介湯底，唔好俾啲紅油嚇親，小辣唔算太辣🌶️湯底幾香濃。自選配料選擇多，當日揀咗三餸，豆卜超吸湯不在話下，自家製粟米冬菇豬肉餃唔會厚皮，餡料都足🥟鹵水豬耳唔多地方有得食，鹵得幾入味👂🏻招牌藥膳醉雞麵 $55新加坡喇沙湯麵 三餸 $55…Read More

老實講，想試Andō 一部分原因係我某位好友一直想試🤫可惜講吓講吓一年又一年佢生日都未能夠試到🤡因而激發到我較定時間去訂位試(但當時又唔同佢食😆)我希望朋友你今年試到喇，祝福你🙏🏻😇餐廳面積唔算大，開放式廚房設計令餐廳環境更寬敞，遠處欣賞廚師們準備同擺盤👨🏻‍🍳增加期待感。環境舒適，唔會太正式😉職員態度亦有禮專業。fusion菜式的確創新💥甚至混合咗唔同醬汁配搭刺身，更突出鮮味🥢阿根廷牛扒烤到粉嫩配上傳統西班牙romesco sauce，醬汁係採用果仁、紅椒、蕃茄等材料搞碎而成更能去除肉質油膩🥩 Signature海鮮湯飯係重點❗️大廚根據兒時婆婆煮嘅海鮮飯去改良，簡單美味🦑唔會有過多調味料已經覺得好鮮甜😋撇除性價比因素，海鮮湯飯確實令我想念🥰甜品水準優秀，全部都高質🤤可惜當時我已經飽咗，食完set甜品，要用奶力先食到兩三小件🤣可能係食lunch嘅關係，用餐時間唔算長，用餐體驗唔算特別難忘，視覺效果足夠，食物質素唔錯，只係未到wow境界😌…Read More

觀塘區不嬲都多小店，但令我想再訪嘅餐廳少之有少🤫依間小店絕對係我想encore嘅小店😍食物選擇貴精不貴多，由前菜到甜品樣樣都好食，採用靚材料去烹調，睇得出兩夫妻用心經營。食物份量算大，建議幾個朋友share試多啲嘢😉魷魚蕃茄意粉幾高質，魷魚新鮮之餘🦑用新鮮蕃茄製作嘅醬汁特別香濃惹味🥫烤牛扒係必點🥩肉味幾濃之餘，仲要烤到剛剛好medium rare，肉質幾嫩！烤豬扒亦都唔錯🐷厚切豬扒質地鬆軟，配搭粟米醬蓉更突出香甜味道🌽烤蔬菜同樣出色，單點一份都唔過份🥦甜品方面係有heart，整體都幾好，味道唔算太甜👅signature甜品非斑蘭布甸莫屬，斑蘭味突出，蛋味幾重，口感順滑🍮雪糕亦係自家製，相當唔簡單🍨…Read More

船街不嬲都多正餐廳，而22 Ships係度都開咗一段時間，但由於只能夠walk-in嘅關係，終於十月某個平日同朋友就到時間去咗試😉環境幾chill，不過音樂有啲太大聲，搞到鋪頭細細得幾張枱都好似好嘈咁🎧22 ships 食物選擇冇pica pica 咁多，海鮮tapas比例都佔咗大半，當晚點嘅幾款tapas都唔錯，Razor Clams比較少見，蟶子鮮甜爽脆，簡單爆香蒜片同煙肉調味已經夠做👍🏻Carabinero Paella 一定要叫🥘嚟到已經超香，啖啖都食到濃郁蝦膏味，paella質地剛剛好，唔會太濕，真係食到我心心眼😍採用嘅食材幾講究，西班牙蕃茄醬用上Alicante傳統製作手法，混合埋西班牙乾辣椒，紅蝦亦來自西班牙南部Huelva ，對住大西洋海域🦐Pan con Tomate $58Gambas Al Ajillo $208Razor Clams $248Carabinero Paella $568Cheesecake $98…Read More

九龍城沙嗲火鍋🍲九龍城沙嗲火鍋通常只會諗到方榮記，但其實係九龍城熟食中心都有一檔沙嗲火鍋拍得住方榮記！😉坦白講，馬仔火鍋配料選擇唔算多，亦唔算特別精緻，勝在可以雙拼，兩個人食都可以叫到四五碟。環境夠地道，熟食中心都就重建，香港地真係買少見少！！打住邊爐可以嘆住隔離鋪頭梛青清熱。☺️沙嗲湯底確實出色，味道真係同方榮記差不多，香濃得嚟又帶點花生醬嘅甜味。基本上叫碟手切本地牛肉同公仔麵已經夠做。🥰…Read More

若果weekend想搵間餐廳有得食brunch 又有free flow飲的話🍷相信Carbon係唔錯嘅選擇！Carbon環境幾好，坐得幾舒適，食物份量偏大，上菜係一大盤板上，食物素質都可以，連free flow性價比算合理。頭盤雖然係有生蠔食🦪但係唔太啱我哋食，生蠔算鮮甜，不過冇乜海水味，而沙律菜又調得太酸酸微😐主菜揀咗炸雞同牛扒。炸雞賣相好似好乾，不過食落又可以喎，唔會嚡柴。窩夫就好似焗得太耐，太脆身🧇牛扒相對地會好食啲，厚切煙肉幾香口🥓斧頭牛扒都唔錯，只係食物上枱已經唔係好熱，連牛骨髓差唔多凝固，hand cut薯條炸得幾好，可惜上枱時已經唔係熱辣辣，影響咗最佳食用時間🥺Brunch $398ppWine & Spirits $198ppSteak board +$128pp…Read More

一直都知道大圍小館無論飲茶定晚市都長期爆滿，當時提早大概三星期前訂週末夜晚枱。粵菜水準的確幾高，價錢合理，屋企人都有幾好評價，值得再訪👍🏻招牌叉燒晚市同午市會有啲唔同，雖然例牌得五件，但完全食得出與眾不同嘅味道✨叉燒醬調得唔會死咸或重玫瑰露，仲多咗種陳皮味。就算叉燒係厚切，梅頭肉選取得好令肉質非常嫩口。燒過後嘅叉燒痴埋脆米別有一番滋味，仲寓意住「有米有米」。秋冬限定羊腩煲亦好值得叫🐑份量足之餘，最緊要係真材實料！採用新鮮黑草羊嘅腩肉而非冷鮮肉代替，黑草羊本身較鮮嫩帶點羊羶味，經過炆煮後，肉質更易腍，送飯一流🤤蛋白薑米蒜香蟹飯同樣係招牌菜，亦幾抵食！秋天係肉蟹當造季節，所以真係啖啖肉🦀米飯唔會蒸到好濕之外，仲聞到淡淡荷葉香氣，簡單美味。猴頭菇鯊魚腎玉竹沙鬱瘦肉湯 $208 勾叉燒 $188蜑家鴛鴦魷 $208籠仔甜梅菜蒸菜心 $148意大利黑醋肉排 $208蛋白薑米蒜香蟹飯 $288真羊腩煲 $498…Read More

Motorino係一間正宗意大利式拿波里薄餅店，屬於black sheep旗下嘅餐廳，係灣仔同中環都有分店，亦係香港首間採用Stefano pizza專用窯爐，係460度高溫下只需要短短90秒就烤好一個pizza🍕作為香港最佳pizza專門店之一，水準的確有返咁上下👍🏻前菜Shrimp Scampi估唔到有驚喜🦐大蝦爽口彈牙，簡單用橄欖油爆香蒜蓉、香草、鹽調味，點薄餅食係不得了😍Poloette Pizza微辣口感令蕃茄醬冇咁單調🌶️麵團相當唔簡單，烤好嘅pizza唔止有炭燒香味，pizza皮薄得嚟有口感，邊皮有厚度但熱辣辣食係勁軟熟，不過pizza一定要趁熱食，攤凍咗就會濕咗冇咁好食！LA Stella係一個星形薄餅，用Fior di latte,ricotta, burrata三款芝士同意式火腿配上開心果醬製作而成🧀正所謂睇得唔食得，餐廳唔會幫你切，要靠自己自由發揮，所以切嘅時候有啲狼狽。我唔係芝士迷，老實講係唔錯嘅，薄餅皮會比普通pizza厚身少少，食完一塊已經膩咗🤫兩個人食係有啲吃力，同埋攤耐咗麵包感會重咗😌整體來講，食物質素高質，只係食個pizza都要$500pp(連🍷)，雖然食得超飽，但價錢就令我有啲退腳🤣Shrimp Scampi $158Poloette Pizza $208LA Stella $238Tiranisu $91…Read More

由於今次係二訪，所以今次叫咗一啲上次冇食過嘅tapas，新試嘅tapas同樣冇令我哋失望😋不過今次唔小心叫多咗澱粉質，叫少一碟會冇咁滯🤪Tartare Marrow邪惡之選，牛骨髓啲油爆油膩，真係好重口味🥴次次食tapas都必叫嘅蒜蓉蝦仍然都咁好食，蒜蓉油點包食真係不得了🥰Salmon bikini幾優秀，三文治烘到夠脆口，煙三文魚同芝士比例剛剛好，味道好夾🥪西班牙薯仔蛋餅外表平平無奇，實質幾正🥔蛋餅唔會好紮實，啖啖都有薯仔同蛋香味，亦唔會煎焗到好油膩，加埋ham食一流😍最期待但較失望反而係hot dog，上次賣哂嘅關係，今次第一次食。我哋食完之後就有少許失望，可能有落差感呱，又可能冇待應教我哋應該將蝦頭啲膏擠去hotdog度一齊食，所以我哋分開地享用😅而紅蝦肉同膏各自能唔算特別鮮甜，質素未能夠反映係價錢上🤔甜品一定要叫，cheesecake就唔洗講幾好食喇🫶🏻churros 配上濃郁朱古力醬幾正喎，味道又唔算太甜👍🏻Tomato bread $33Hot dog $162Gambas Ajillo $172Salmon bikini $92Tartare Marrow $175Tortilla ham $135Cheesecake $78Churros $78Sangria Jug $235…Read More

Queen Hollywood係我一直bookmark咗好耐嘅小店，試過幾次訂枱都失敗🥴終於係九月平日晚上成功食到依間餐廳作生日飯😛依餐飯可能係我九月食得最高興嘅一餐飯，食物質素亦冇令我失望，冇伏到朋友之餘，朋友們又食到愉快😋餐牌會定期更新，適合幾個人share食。而食物需要至少三日前預訂，所以到咁上下店員會將最新餐牌提前send俾我揀。正所謂「貴精不貴多」，日藉廚師設計嘅意大利菜式都幾特別，刺身配搭會比較多，意外地又冇違和感😛同時我好欣賞店家嘅用心，餐廳全部蔬菜均由自家本地農場新鮮直送🥗最有驚喜莫過於黑色小丸子，其實係章魚墨汁小丸子，墨汁小丸子真係第一次食，小丸子採用正宗日式製作方式，外脆內軟，麵粉好似半熟狀態咁，仲食到淡淡嘅墨汁味。八爪魚口感鮮嫩，小丸子點沙律醬搭配火箭菜又幾夾。主食方面，意粉同釜飯同樣相當出色。蜆肉意粉有驚艷嘅感覺！手工意粉Al-dente之外，蜆肉亦好新鮮，簡單用香草、蒜、蕃茄烹調已經充滿住海水鮮味🤤海膽海鮮釜飯份量幾大，我哋三個女仔最後係食唔哂打包拎走😆釜飯味道偏清淡，採用白飯魚作主要海鮮唔太常見，不過細味品嚐的話，係食得出淡淡海鮮味，紫蘇葉味亦幾提鮮，海膽鮮甜度可以，有種淡味人生嘅感覺🤭兩款甜品只試咗招牌奶凍，味道都可以，牛奶味的確幾濃郁。Japanese Sea Perch Carpaccio & Farm Veggie🥗$498Black Takoyaki🐙$258Sea Urchin & Seafood Clay Pot Rice🍚$980Japanese Clam Fresh Spaghetti🍝$458Signature Panna Cotta🥛$98…Read More

今年六月先開嘅Bluhouse一直都好hit，係佢啱啱開嘅時候我已經默默捕捉有冇靚時間訂到枱，最後天時地利人和下，九月某個星期日終於去試咗食晚飯。食物素質都唔錯，casual得嚟又正宗嘅意大利菜，只係未至於吹奏到係平民飯堂咁誇張😅餐廳環境幾好，outdoor area 更近距離望住維港🏙️設計理念仍然走歐洲food market風，前菜、pizza、甜品都係櫃度見到，可以行出去點哂食物再送去你張枱。前菜八爪魚以為會好好食，點知就最失望嘅一道，八爪魚口感一般，味道調教得有啲過酸。cold cut啲ham幾好飯，送酒一流🍷雖然依度嘅pizza係我最怕嘅麵包質地🍕但食完後完全打翻我以往嘅諗法🤣原來新鮮熱辣辣嘅麵包質地都可以咁香脆，鬆脆口感唔簡單！蕃茄醬味道幾突出，絕對有別於普通茄醬或茄膏！Carbonara正宗味道就唔洗多講，醬汁味道偏淡，不過bacon應該用咗guanciale，油香十足令口感更豐富🥓香草烤雞幾有驚喜，三黃雞肉質比較嫩口，烤到幾juicy，香草味道剛剛好😋甜品其實高質㗎，味道會比較甜，唯一問題係性價比有啲低🤫我唔係甜品怪都認為細份到適合一人一份甜品🤣坦白講，Rosewood職員整體有啲參次，大堂同酒店房部分服務態度好好，會令人難忘嘅程度，可惜旗下餐廳無論Bayfare Social、Drawing Room、Darkside到Chatt，待應服務唔算特別出眾，絕對冇嘢出錯，可能餐廳receptionist算係最親切嘅。新餐廳Bluhouse服務態度都一貫作風，不過不失，唔會有貼心嘅感覺。當晚我哋唔知道甜品份量係咁細，我哋五個人只叫咗兩款甜品share，當時點菜嘅時候，職員亦冇特別提醒甜品份量。原來五十蚊嘅puff係兩啖食得哂🤭如果佢提點一句話甜品份量大概幾大就更好，所以真係唔多唔少有啲落差😌 有時行多一步，講多一句，成個體驗就會好唔同㗎啦🫶🏻Octopus Salad $230Cold Cuts $330Diavola Pizza $98Rigatoni Carbonara $230Ragu Pappardelle $320Roasted Chicken Half $398Tiramisu $98Pistachio Puff $50…Read More

以往對德國菜第一個印象唔係德國腸同豬手就係啤酒，Heimat絕對令我對德國菜改觀🤭成個用餐體驗就好似去咗轉德國旅行✈️ 大廚Peter Find將家鄉菜帶到fine dining，集合唔同德國城市地道嘅美食，去製作一系列精緻又特色嘅菜式。Heimat德文意思係homeland，餐廳設計有種家嘅舒適感覺，氣氛唔會好拘謹。服務態度由待應到大廚都好親切，大廚甚至會出嚟介紹菜式，經過都會主動同客人打招呼，好有賓至如歸嘅感覺🥰除咗附送sourdough，仲有pretzel。新鮮嘅pretzel外表有啲嚼勁，點上cream cheese醬又幾正，不知不覺要追加😛第一道菜係龍蝦溫泉蛋沙律，7款香草製作而成嘅醬味道幾清新，新鮮香草係由德國直送，法國藍龍蝦的確唔錯🦞第二道菜係青豆湯，依碗湯唔單止口感豐富，仲打翻我對青豆嘅可怕陰影❗️事關我真係好怕青豆嘅草青味🥴青豆湯有兩款飲法，就咁飲的話，口感較清新，完全冇草青味！撈勻埋煙三文魚的話就兩個層次，香味十足！Pork dumpling係有啲似中式獅子頭，忌廉汁加入酸青瓜，酸酸微微嘅味道去咗肉丸嘅油膩感。另一道菜式係煎鱸魚，鱸魚皮煎到好香脆，醬汁用咗煙燻過嘅bell pepper 煮🫑味道酸甜得嚟又帶上煙燻味。Prime Beef Sirloin & onion 3 ways睇賣相就知道一定高質🥩牛扒火喉煎到剛剛好，肉質鮮嫩，而三款做法嘅洋蔥先最出色！無論係洋蔥泥、炸洋蔥乾到洋蔥蓉全部都突顯到洋蔥嘅鮮甜🧅side dish附送嘅spaetzle幾特別，spaetzle係德國常見嘅雞蛋麵，製作過程要用上傳統獨特嘅木板同刮刀，麵質係有啲咬口，煎咗嘅麵粉蛋香味更足🍝當晚可能係慶祝嘅關係，等食甜品嘅時候，有幸被職員邀請去廚房食甜品😍睇住廚師係面前製作甜品👩‍🍳仲有一個朱古力蛋糕送俾我哋，真係幾驚喜💥最後當然唔少得有軟糖盤出動🧸有辣味軟糖、酒味軟糖等等特別口味，幾值得試🍬6-course dinner $1280Wine pairing $480/$780…Read More

首先唔講食物素質，我真係要講咗服務態度先！服務態度真係令我唔想再有下次😓我係第一次到訪留園雅敘，事前都知道服務態度一般，但我估唔到話哂一星餐廳點解服務態度可以咁有待改善🫠隔離兩條街新榮記服務真係pro過佢多多聲！基本上我入門口到坐低個刻就已經感覺唔對路，待應們極度唔主動加或開茶，次次都要叫佢加茶先得。就算放低個壺或幫你倒吓茶都會倒瀉啲茶🫗我形容服務態度好似美心質素，可能美心嘅服務仲好過佢🤡好喇，講返食物水準其實唔差，蟹粉菜式的確高質，蟹粉非常濃郁，蟹粉鍋飯一定要叫❗️蟹粉連蟹油一齊倒入瓦煲一齊炒，香味十足！雖然米飯未去到有飯焦咁誇，但真係炒到超乾身，粒粒分明🍚 蟹粉炒粉皮都正，粉皮質地滑溜溜，調味唔會過咸蓋過蟹粉鮮香味，略嫌份量算細，性價比高唔高就見人見志😌蟹粉菜式出名之外，印象最深刻係蜜汁火肪，口感豐富，層次分明。桂花蜜汁嘅清甜，酥脆腐皮，金華火腿好香又唔會死咸。燻蛋都值得一試，流心程度剛剛好，煙燻味幾濃，不過醃得味道較淡。毛蟹年糕味道唔錯，毛蟹有啲蟹膏，不過醬汁可能打咗芡，後段會覺得比較膩奶油律白同樣係醬汁出事，味道可以，只係醬汁更膩🥬茶香燻蛋 $48/2小籠包 $52蜜汁火肪 $110/2毛蟹年糕 $380蟹粉鍋飯 $1280 蟹粉炒粉皮 $550豆沙窩餅 $60香蕉高力豆沙 $60/4…Read More