kankankan65's Profile

唔知咩事突然冒起的一間中菜，似乎開業無耐已經變成預約困難店，等咗兩個月後終於可以一探究竟。餐廳有提供set好嘅menu，亦可以自選。我們自選了四味前菜，六道主菜。桔皮鵝肝，建議必試。口感軟糯，好似剛剛喺雪櫃攞出嚟嘅雪糕，且不覺有內臟腥味。味醂南非鮑魚，十分入味且口感軟嫩，不費力就能咬完，必試。潮式醃熟大羅氏蝦，蝦肉新鮮結實，唯不夠入味，下次未必encore。豉汁炒蟶子皇刀削麵，蟶子皇好新鮮，口感爽脆，同刀削麵意想不到地夾，必試。豆豉紫蘇焗龍蝦腸粉底，龍蝦新鮮且熟度剛剛好，我覺得紫蘇味可以再出啲，腸粉底夠索味，唯每人只有一條！可惜😭欖角柚子骨，本身我唔特別好排骨，因通常口感偏油膩。但估唔到欖角同柚子嘅鹹甜味平衡得咁好，切碎嘅欖角估計有炸過？令香脆口感再enhance，有驚喜。玫瑰煙燻雞，其實係煙燻味炸子雞，個人覺得試過就可以，唔試都冇遺憾。有其他幾味係正常發揮，不一一細敘。但各位好友食完已即場再約，weekend期已排到三月喇！係值得期待嘅一餐！…Read More

這是船街那些琳琅滿目頗具氣氛的餐廳的其中一員。Not gonna lie, 無論是朋友gathering 或者兩小口dating 的用餐氛圍都很好，cozy的裝潢，昏暗中搖曳的燭光，不停急步行走的外籍waiter，有兩秒令我恍如置身於意大利街頭某個溫馨小館。那位帶著銀絲框的意大利帥小伙拿著 “wine bible“ 向我們娓娓道來，我在那些意式口音英文中走了神。留下的那本 “wine bible” 我合了又開，差點以為自己看錯，因為他推薦的那些美味紅酒都叫價不菲，我與友人決定暫時放棄酒精了。説回正題，前菜的ham、Pecorino Al Fieno （熟成羊奶芝士配香梨及百里香蜂蜜），是正常發揮，即係你能想像得到的穩陣味道。沾上蜂蜜的芝士和香梨的口味令我少少新奇。意麵我忘了是哪款了，但記得是好吃的。至少從照片中我能回憶起al dente 的口感，芝士與醬汁的良好配合。香蒜橄欖油菠菜，也是正常發揮。Steak 是這裡的招牌菜，一點也不會失望，甚至是驚喜！我們二人選了 ribeye，原以為350g剛剛好，原來份量也不少。肉味香濃不在話下，烹飪熟度和調味剛剛好，完成度很高！吃完第一口，我覺得不配一杯紅酒完全是對這塊steak失去尊重！於是乎，我們就叫了一杯原先sommelier當日推薦的紅酒，三百多一杯，不便宜，但一入口，已覺值得！配上這塊完美的牛排，無憾！埋單一看，一千左右一位，最緊要食得開心。…Read More

見到好多foodie 大推呢間餐廳，好似好正咁，於是諗住嚟食生日飯慶祝，大佬，提早大半個月book都full到要8:30pm先有位，呢種受歡迎程度好難叫人唔期待。不過實情係點，當然要等chef 用作品說話。頭盤先來一個beef tartare ，有別於傳統調味，呢道菜我覺得味道偏酸，有他他口感但失去咗牛肉嘅味道。然後再來係一個貝類嘅前菜（唔記得叫咩名），幾refreshing 去到main，我哋試咗一個lobster stew，龍蝦肉處理得ok，幾滑，同埋個source 係夾嘅，但係個擺盤就出出地事⋯⋯😂你地自己感受吓⋯⋯然後去到鴨胸，不過不失。最後去到甜品，嗌咗個cookie and ice cream, well…啡色嘅曲奇上面擺一個啡色嘅雪糕，呢個造型，大佬，我想打卡但唔知點影好😂😂😂手字係靚嘅，係囉，咁。最後總結，我真係期待咗好耐，呢個價錢嚟講未去到要𠝹凳，但所有嘢就係flat咗啲，調味上無乜特別，擺盤上，希望再加油🙂畢竟600蚊一餐飯都總會有一定嘅expectation，但要等咁耐就不至於了…Read More

T-Bone Tuesday 嚟食牛扒啱㗎喇，唔使諗！半價喎！無啦啦戚起條筋想食steak嚟講，都ok抵㗎🤣二人份量揀咗塊原價八百幾嘅T-Bone，加多個broccoli ，兩杯house red 剛剛好！btw house red都唔差😼牛有牛味，熟度ok，上菜時有幾款source畀你揀，不過個人食返 salt & black pepper 已經very good! 不過留意返，唔好太遲去，因為我哋book 8:30pm，去到嘅時候butcher 差唔多收工冇乜得揀lol…Read More

餐廳位於利園三期3樓，唔係嚟開呢頭都真係有啲難搵。不過另外一個好處就係夠隱世，今次嚟食生日飯氣氛幾好，三五個朋友一齊食飯傾偈，唔會太嘈。原本揀呢間餐廳係被佢嘅wine menu吸引，餐廳細細但係有超多款wine揀，就算自己唔識揀，餐廳staff亦十分專業，推薦咗兩支好啱口味嘅wine畀我地！small bite 嘅beef tartare 超impressive，本身嘅調味好好之餘，加咗truffle & 菇類落去，令成個dish增添咗香氣同口感更豐富，送酒一流😌main 我地嗌咗立鱗燒、truffle pasta、同三黃雞。立鱗燒魚皮超crispy，魚肉嫩，超水準。truffle pasta 夠al dente，sauce 調味精準。最後必定要讚呢個三黃雞，個人認為超越某間米芝蓮法餐嘅三黃雞 LOL 雞肉超嫩且juicy，無得頂！建議必試！總體而言，無論食物質素或者服務都係超乎預期嘅一間隱世bistro，仲要價錢合理，開咗兩枝酒，食咗三個main一個small bite 再加兩個甜品，每人唔使700🤭好想大大力讚，但好驚太多人知hahahah cuz i will definitely be back!…Read More

禮拜日晚無目的地喺船街覓食，映入眼簾有幾間餐廳都想試下，最後有位嘅揀咗BARBAR。我鍾意食西班牙菜嘅，但行入去嘅時候冇特別期望，因為早幾日先食完對面22ships（再講），令我不禁覺得，香港啲西班牙菜餐廳都幾飄忽，even大group出品都係咁話。過後我先知BARBAR 係PICA PICA姐妹店 lol週日晚接近席滿，我地做咗喺bar檯位置，餐廳環境算寬敞，裝修雅致。氣氛幾好，當晚有幾檯都係慶祝生日，或者二人date 都不錯Tapas 揀咗三款：Padron Pepper, Smoked Swordfish loin, Wagyu beef tartare & oyster.Pepper 就係最基本嘅seasoning已經好香好食。Smoked Swordfish Loin 嘅煙燻味唔算太重，個汁用橄欖油製成，enhance 返魚肉嘅口感，另外食落都唔會太腥。Wagyu beef tartare & oyster 都係on standard，有別於一般生牛肉他他，加咗啲蠔仔落去令到個鹹香鮮味層次再豐富啲。Main 揀咗 pigeon rice & foie gras。Pigeon 熟度剛好，唔會太韌亦保持到口感，foie gras 撈埋啲飯一齊食，夾鵝肝嘅油脂香，同埋綿滑嘅質地令成件事昇華咗。個飯嘅汁唔算好膩，味覺上來講夠豐富，我幾鍾意。最後甜品以Cheese cake收尾，cake中間偏流心，口感香滑，好食～Yea 最後如果大家要嗌嘢飲，不妨試試佢哋嘅cocktail，餐廳水準嚟講，我都滿意（亦因為個Sangria麻麻地）。PLUS，呢度啲服務幾好～再加上價錢亦都幾相宜，總體而言，絕對值得一試，我已經期待緊下次再訪！…Read More

我無細閱太多文苑爭論，難得book到位不如一探究竟。文苑出名嘅菜式頗多，今次重點擺咗喺乳豬同炒飯。堂剪乳豬頗出色。經過特別處理之後嘅乳豬，保留了一定的肉臊味但絕不重，乳豬皮脆到咯咯聲，肉質軟腍，伴隨油脂香，色香味都係滿分。完全係見真章之作。除咗堂剪乳豬，仲有堂炒炒飯。經理同一時間handle兩鍋炒飯，考功夫。比起喺廚房炒，堂炒用嘅gas爐就少啲鑊氣。口感來講未夠乾身，接受範圍內。小炒王我幾鍾意，蝦乾大隻，夠鹹香，送酒一流。另外一味有驚喜係黑松露手撕雞，擺盤鋪得返啲雞皮喺面頭，好有心機。雞皮薄脆、雞肉嫩、下底墊咗啲柚子果肉同青瓜balance 返黑松露嘅味，好清新。最後有小小失望嘅係蟹肉桂花炒瑤柱。略嫌唔夠乾身，可能係芽菜處理爭小小。蟹肉同桂花可以炒得再碎啲鬆散啲嘅話，咁口感會再好啲。其他餸菜不過不失，呢個價錢來講，出品我覺得係ok的。BTW, 呢度嘅staff 服務態度都幾好吖。…Read More

想食牛扒成日會諗起啲fancy 餐廳，城中有名扒房又不見得間間發揮穩定。Just craving for steak 嚟講，可以試試呢度。💁🏻入門口你就feel 到呢間餐廳行親民貼地路線，食物水準嚟講更加講究。當晚一行三人，嗌咗個二人dinner，個set 有湯有appetizer，兩個main 再upgrade 咗個rib eye，甜品收尾，三人捧腹離場。成晚印象最深刻嘅莫過於佢個牛扒💯你要知道，嗌medium rare 唔係間間都做到medium rare。但呢度嘅牛扒熟度真係恰如其分，冇乜血水，邊位又脆脆地。另外一味impressive 嘅course就係個蒜蓉牛油大蜆。啲沙白超新鮮，隻隻大粒厚肉，個汁點法包鮮甜滋味。最後甜品試咗朱古力蛋糕同布甸。都係水準之作。呢期嗌二人餐仲有龍蝦食，btw 佢哋啲食物真係好新鮮，龍蝦肉超彈牙，芝士就係一個plus 喇！…Read More

相信Dough Kitchen 喺大坑都小有名氣，事關我食六點幾嗰輪都已經坐滿晒人。餐廳主打食pizza同手工意粉。想講個意粉真係好出色！👍🏻首先口感黎講，佢嘅意粉真係做到al dente嘅口感，拍得住某啲fine dining 餐廳嘅出品。👀第二，source黎講，海膽鮮味好突出，即使溝咗忌廉黎做cream source都唔會太膩，意粉嘅掛汁都做得好好。真係一定要試試！至於pizza應該係會不定期出啲特別嘅味道，我嗰日係order咗是日推薦 嘅味道（唔記得係咪手撕豬肉之類嘅名），餅底幾薄，啲配料唔會太滯，兩個人食完加個main都無問題。😌…Read More

其實喺銅鑼灣搵間好食又抵食嘅泰國菜唔容易，「食飯」出品幾好，不過追求環境舒適闊落嘅朋友就未必滿足到。🤣anyways，呢間餐廳睇落都係sell街頭風味，只要夠乾淨企理，都唔會太扣分。同埋佢地上菜超神速⚡️⚡️想快食嘅朋友無問題！短時間內我已經食咗兩次，menu上嘅菜基本上係最大路香港人會食嘅嘢，唔會好出奇，但係又會令人樣樣都試下咁。🌝今次最驚喜係炸豬腩肉飯。🌟上到嚟個炸豬腩肉仲係熱氣騰騰，應該係啱啱即刻炸起就上碟，豬皮非常脆口，個醬汁辣中帶酸，解膩唔錯。好邪惡，但好好食。😈金邊粉係average地好食，即係唔會太鹹，唔會太酸，炒得夠乾身。👍🏻炒椰菜苗幾好，夠鑊氣，輕輕帶點辣（嗌返杯龍眼冰先LOL）。蝦餅正常，份量好夠，不過唔算特別彈牙，中中挺挺咁囉，食得多就開始feel到熱氣喇LOL另外第一次食咗炒河都係水準之作，有機會可以試試。🫡…Read More

大家有冇發現西環都幾多傳統點心舖頭，今日終於拜訪到新興食家。🫡Weekend中午十二點幾黎到，已經要排隊等位。唔知有幾多係幫襯咗好多年嘅街坊，又有幾多係見到蔡生或其他foodie而慕名而來嘅食客，坐滿餐廳嘅，有一半係上咗年紀嘅老人家，有一半係廿幾歲嘅後生仔，仲有零星幾位外國人，呢番景象都頗為有趣。🤣做得好嘅傳統點心，又未必會好食到嘩一聲忍唔住拍手叫絕，但係樣樣嘢都唔會搵到太多挑剔嘅位，同埋絕對係百吃不厭。我諗新興係meet到呢個standard嘅。💯流沙包、炸鮮奶好似係最出名，果然又唔會失望。🫣其實我就第一次食炸鮮奶，估唔到口感咁特別，外脆內軟，好似係春卷包住牛奶布甸咁，但又唔會好甜。😋😋令我喜出望外嘅係，呢度仲有好多酒樓都失傳咗嘅傳統點心——鵪鶉燒賣同豬潤燒賣！不過相比之下，我都係最鍾意食最common嘅豬肉燒賣，哈哈！🤭新興入面嘅嘢好似都停留咗喺上個世紀咁——裝修、嗌嘢食嘅方式、點心紙、同埋伙記。每次有新鮮出爐嘅點心，姐姐就會大聲嗌，想食嘅人應聲附和。嗱嗱嗱，大聲唔代表冇禮貌，佢哋服務態度絕對夠晒人情味。🤪🤪…Read More

大班樓，亞洲頭十嘅餐廳，係將普通食材昇華、然後將味道發揮到極致嘅典範。自從米芝蓮摘星之後更加一位難求，真係托朋友嘅鴻福先至食到。價錢合理，一千元一位的收費比很多有姿勢冇實際的fine dining 來的令人心服口服。等位等半年（有得等已經好好彩）先食到嘅一餐飯，將大家嘅期望拉到好高好高，所幸係唔會令人失望。甚至有好多將近失傳嘅功夫粵菜仲可以喺度食到，實在不可多得。聽講大班樓依家轉咗做omakase制，冇得自己揀食咩，不過都分享吓有啲咩值得一試嘅菜式。先有金錢蟹盒（終於試到呢道手工名菜），以豬網油包裹嘅蟹盒鬆化酥脆。然後有魚米粥蝦籽琵琶蝦，聽講粥水以人手用布過濾數次，先至有咁順滑無渣、但係有好香米味嘅粥水，琵琶蝦蝦肉亦十分嫩滑。嚟到大班樓，點可以唔試佢哋最出名嘅雞油花雕蒸花蟹配陳村粉，不過我覺得大班樓嘅呢道菜整體而言味道較淡，所選嘅陳村粉較厚身，所以索汁同口感嘅爭小小，不過都出色嘅。三蝦炒飯（鮮蝦、蝦乾、蝦膏）飯粒夠乾身，整體夠鮮味，呢個保持到一貫水準！其餘有啲朋友讚不絕口嘅菜式，我覺得都OK的，如此用心費神去做呢啲買少見少嘅懷舊手工菜當然值得尊敬，味道於我而言又未至於要擺上神檯，如炸粽、臭豆腐等。總括而言，book到檯嘅，有何不可？…Read More

天氣凍嘅時候就想食燒肉，軟綿綿嘅牛肉，燒到噼哩啪啦嘅脂肪，冬天deserve呢種邪惡🧚🏻‍♀️👼🏻Yakiniku Great 用嘅係仙台牛，亦即係A5和牛。Lunch 我地揀咗Omakase松，因為和牛油脂太豐盈，其實7道菜都夠滿足🤰🏻其實7道菜就係7個唔同部位，佢有塊牌仔標示咗有咩部位同埋建議燒幾多秒，其實都係FYI，因為店員都會幫你介紹埋燒埋，好好服務。🙇🏻‍♀️🙇🏻‍♂️呢餐好耐之前食，具體每塊肉係點已經講唔出，每塊肉都用咗唔同調味料，所以各有千秋、都好好食，燒嘅時間掌握得啱啱好就當然，和牛嘅油脂香真係無懈可擊。🫶🏻但令我最印象深刻嘅係最後個飯。用咗醬油醃製嘅蛋黃，配上薄燒嘅和牛，戳穿蛋黃嗰吓固然治癒，撈勻啲飯之後，又滑又香，完美嘅句號。💫💫…Read More

位於水街尾嘅巴依餐廳喺西環有一段日子，事關我喺佢啱啱開業嘅時候已經對佢饒有興趣，但礙於各種終於，等咗好多年終於有得拜訪。🙈記得舊時餐廳門口未係咁人聲鼎沸，喺攞咗好多年米芝蓮推薦同埋得到蔡生讚賞之後，依家要食，最好就提早一個禮拜左右book喇！Book位嘅時候職員會問你使唔使留羊腿——冇食過呢度嘅烤羊腿就唔好話自己嚟過食巴依啦，所以梗係老虎蟹都留啦🙏🏻🙏🏻當晚我只有兩位，所以有好多嘢都未有機會試。但係盡我（肚量）所能，試咗烤羊腿、苞菜、清燉羊肉湯、家常拌麵、酸奶、杏仁羊奶凍，都係有讚無彈。烤羊腿羊皮硬脆，頗有食曲奇餅嘅口感；羊肉十分嫩滑，羊羶味剛剛好，唔會太重但仍有風味，點埋啲孜然粉真係好味到會升仙，不過兩個人食真係食唔晒，如果大家多啲人食會好啲。乾煸苞菜有川菜風味，少有香港餐廳做到呢種感覺。有辣椒香氣、微嗆但不辣喉。清燉羊肉湯，湯頭清，羊羶味偏重，我個人喜歡呢個口味。家常拌麵稍顯普通。酸奶口感較稠唔太抗拒杏仁露味道嘅朋友都可以試試杏仁羊奶凍，杏仁味較出，唔係太多「羊奶」嘅味道，口感順滑。…Read More

呢間樓上火鍋店，裝修、餐具行懷舊風，據聞呢度嘅醬料特別，賣點係具東南亞風味嘅湯底、潮汕牛肉及手工製嘅各類餃子、丸子。Feel到餐廳想喺雲雲火鍋店中突圍而出，但實質出到嚟嘅效果卻係樣樣有啲又唔精嘅感覺。😅To be fair，醬料嘅選擇的確特別，有金不換、香茅等東南亞風味嘅配料，仲有埋佢哋自己suggest嘅配料formula。但有風味又唔等於夾嘅。🫢之前有講過，我個人睇法係：其實打邊爐只要湯底好、食材好，醬料係加分嘅作用，就算係普通豉油加蒜蓉都夠做。所以醬料味道複雜都未必一定係好事嘅。🫡承接講到湯底，試咗佢哋嘅香茅清酒煮蜆湯。實話實說，呢個湯底係特別嘅，直接飲都好味。正式烚下烚下之前，仲有啲小食試試，分別有響鈴午餐肉同椒鹽粟米，好食但overpriced。😂😂然後到牛肉，同好多聲稱專門食牛肉嘅火鍋店一樣，你都係會見到嗰幾個部位，以呢個價錢嚟講，佢嘅份量又真係少咗啲。😮‍💨食完牛肉就係食餃子、丸嗰啲。款式係幾多，又手工製，味道口感嚟講不過不失。加埋酒水，每人盛惠7-800。呢個價位，有更多高質嘅邊爐可以選擇。🫡…Read More