餐廳有提供set好嘅menu，亦可以自選。我們自選了四味前菜，六道主菜。
桔皮鵝肝，建議必試。口感軟糯，好似剛剛喺雪櫃攞出嚟嘅雪糕，且不覺有內臟腥味。
味醂南非鮑魚，十分入味且口感軟嫩，不費力就能咬完，必試。
潮式醃熟大羅氏蝦，蝦肉新鮮結實，唯不夠入味，下次未必encore。
豉汁炒蟶子皇刀削麵，蟶子皇好新鮮，口感爽脆，同刀削麵意想不到地夾，必試。
豆豉紫蘇焗龍蝦腸粉底，龍蝦新鮮且熟度剛剛好，我覺得紫蘇味可以再出啲，腸粉底夠索味，唯每人只有一條！可惜😭
欖角柚子骨，本身我唔特別好排骨，因通常口感偏油膩。但估唔到欖角同柚子嘅鹹甜味平衡得咁好，切碎嘅欖角估計有炸過？令香脆口感再enhance，有驚喜。
玫瑰煙燻雞，其實係煙燻味炸子雞，個人覺得試過就可以，唔試都冇遺憾。
有其他幾味係正常發揮，不一一細敘。但各位好友食完已即場再約，weekend期已排到三月喇！係值得期待嘅一餐！
