kkave's Profile

新開既小店menu上既米堡 沙律 意粉 main 以小店黎講算係簡而精。今次揀左1. 泰式牛油果沙律配sourdough2. 五香肉桂紅酒汁燴豬肋條配意粉沙律係我好喜歡既泰式開胃酸辣汁但sourdough冇乜特別，我都係鍾情於cupping room同埋bakehouse既sourdough😛😛豬肋條燘得好淋好入味，最出色係個意粉～ 以為配意粉會係白烚，原來係好有heart既蒜蓉炒意粉！勁！好！味！佢令呢個main有 9/10 本身想試黑啤乳鴿但冇哂，下次再黎啦！…Read More

星期六兩三點唔知食咩好見呢間openrice有得book位就黎試下去到唔駛等，有枱情侶已經食到尾聲之後成個場得我同我朋友兩個人侍應應該落緊場？見佢地食緊X記粉麵，但都仲係及時上到菜同斟水叫左生蝦、炸蝦餅、Pad Thai同冬陰公除左頭兩樣，其餘都係食唔晒（罪過罪過🙏）好濃蕃茄味又幾甜，個冬陰公都係冇晒酸辣味食得出係非新鮮蝦，不過用黎炸就冇所謂，彈牙，點醬味道幾好  雖然有噴煙嗰啲gimmick野，但蝦大得黎肉係有口感，汁都非常惹味，夠酸夠辣，配埋辣椒蒜片食係今餐最好食既餸！  …Read More

Happy Friday 好二人去金鐘餐廳幾難搵最後都搵到叫左兩碟野又飲返兩杯啲野幾快到手撕豬肉正薯條卜卜脆Margarita靚水有青瓜味坐得幾舒服冇人趕你走下次再黎過星期五Happy Friday 都唔算多人，8點黎到都有位，8半前仲有happy hour! 可惜試唔到個cocktail special <<sold out>>! 嗌左個Fish tacos, 上面有粒辣椒仔，食得辣（譚仔大辣）都覺得幾辣；Pulled pork sandwich 個燒烤醬都好好味，包入面本身都有醬漬菜，都好好味～…Read More

咁啱行過見到48蚊水煮魚就入去試下:)hahahahahaha 其實個餐仲有一個粉/麵/飯另加一個熱飲，抵到震😂 水煮魚有紅薯粉、芽菜及菜墊底，全部都好入味，魚肉唔散擔擔麵有花生醬味，麵非常有口感，擺好耐都唔會糊👍 會推介人食同再黎～～…Read More

我同朋友嗌左芒果拿破崙同Oreo芭菲士多啤梨激酸！！！樣又唔新鮮 酥皮一定係叫貨，但隻貨唔靚，冇一層層既感覺，好就好在芒果夠甜夠大粒，雖然得幾粒數量比較少。我自己就麻麻地佢個芒果雪糕，隻味太假，好似雀X芒果甜筒咁假。畫底碟用綠茶味既漿，但芒果雪糕加埋陣綠茶味就.........個Oreo Parfait先失望，係食甜忌廉既，parfait同cream完全係兩碼子既事。抵食在有兩球cookies and cream 雪糕，不過我地估雪糕用glucose整，但太重手，奶同cream又唔夠，見到雪糕起晒粒粒，甜到一個點。我地兩個都食唔晒就走左。本身個侍應話po相送雪糕，試左枱面D野一啖就放棄左呢個念頭。原來我地入錯左，本來係想去斜對面間next station，呢間就真心好食 …Read More

等睇show，夜晚6點零七點去食，一個客都冇，見到一個阿姐切魚片，另外一個就煮麵。睇到Openrice食評就走黎試下，叫左碗墨丸麵，湯好濃，麵夠咬口，墨丸有墨丸味狂加炸蒜同辣椒油，醋就唔好落喇，好似同D麵唔係好夾30蚊都唔駛，我仲飲晒成碗湯，抵到爛btw熟食中心一定冇乜服務可言，但態度誠懇有禮貌，「唔好意思，墨丸要煮耐Ｄ」都同我講左兩三次，切魚片個位姐姐收錢，佢自覺對手太油用雞脾位夾住要找既錢俾我，總算係石屎森林入面搵到些少人情味。…Read More

下午5點零6點去到，唔算好多人去過幾間自稱桑寄生蛋茶好出名既店舖試過，都係覺得西環源記最正我自己又唔覺得好稀好水，都幾full body反而個雞蛋糕我覺得太乾太硬，唔係幾岩我口胃..…Read More

返工之後唔係成日食，因為星期六日太多人等位！但係呢度既蛋治，麵包軟熟煙韌，熱辣辣脹卜卜既煎蛋仲有蛋汁流出黎！嫌得包味同蛋味好寡既可以加少少鹽同胡椒粉，鍾意食辣可以滴兩滴辣椒油，完美呀茶底靚，必飲檸檬茶／奶茶…Read More

又出奇地好味喎個湯底同米線（純粹個人喜好鍾意食彈牙米線），仲有嗰一小撮菜甫，連埋辣椒粒食真係冇得輸；個湯鹹鹹辣辣咁，中辣好似小辣，唔係辣到噴火，係流鼻水啫但d菇就⋯有菇味囉，但好似生既一樣，唔知係咪獨特煮法..btw盛惠33，有電視睇，仲有免費熱茶同熱情阿姐添可以試下夜市…Read More

一行七人的舊同學聚會 拿破崙汁係紅汁粟米湯勁有粟米味，仲有粟米蓉粒，pepper味，我自己就略嫌鹹左少少沙律好好人地落足油醋，菜同車厘茄非常新鮮我叫左羊架配拿破崙寡刁扁麵，羊架5至7成熟，冇乜羶味，麵螶係al dente 既，有咬口又未太硬，條條麵都有汁侍應生招呼非常周到，不停斟水，又十分有耐性解釋餐牌上的食品。我地19.30坐低，20.15仲未叫野食，佢地21.00 last order都冇話催我地落單，反而同我地講因為即叫即整既關係，上菜速度會有差距。佢地22.00已經冇晒客，叫左我地埋單都冇逼我地走，我地都覺得唔好意思，大概23.00就走左。順帶一提，老闆好好人咁送左一款餐前小食同兩款甜品俾我地添！如果有近港島又要搞gathering既朋友，呢個真係好好既選擇！會encore 呀！…Read More