喇叭花531's Profile

最近晚晚都返屋企煮飯食，食到悶悶地，都想有啲新意所以就特登去咗買燒味加餸，平時路過都見到呢間餐廳唔少人喺外面等外賣，所以今次就試咗叉燒同燒肉叉燒肉質偏軟身，調味唔會太甜，而且外層燒得幾香有光澤肥瘦比例啱啱好，唔會覺得乾同柴口燒肉個皮就烤到卜卜趣，而且調味都恰當，唔會話底層嗰度出現死鹹脂脂比例都幾好，一口一啖唔會覺得油膩，不錯下次會想試下佢個排骨，賣相好似好惹味咁同埋早餐有幾款都做緊特價30蚊，都好抵…Read More

小甜心生日，當然要找個甜甜的生日蛋糕但今年想搞下新意思，用另外既甜品替代蛋糕而我就係諗起iCreamia既蜜瓜芭菲，皆因之前行經時，已經講過想試下，但當時就只係食左時令雪糕口味，就決定生日時品嚐呢個高質波波球Cafe雖然係半開放式，但自有小天地既歐式少女風，頗有格調我地揀左牛奶味雪糕，覺得會最襯蜜瓜既香甜牛奶稍稍易溶，味道很有奶香，質感很滑，很是不錯而另一期待的是日本直送既蜜瓜，價值都唔平，所以都好期待蜜瓜很甜，即使剛剛食左雪糕，都仍能食出蜜瓜既果甜，係兩種唔同既味道，可想而知蜜瓜本身係幾咁甜而且仲好多汁，每筆一下，就滲出好多果汁整體好有驚喜，有得打卡之餘，雪糕同蜜瓜都好好食，兩者亦好夾，係個唔錯既生日驚喜同下午茶…Read More

最近食米線食到厭厭地，但大熱天時又想食啲有水份既野，路經金田家，先醒起仲有拉麵呢個選擇，相請不如偶遇，就入去坐坐食起豬骨湯底，都想有啲新意，所以揀左雞白湯豚骨拉麵 賣相以及湯底顏色也是美美的，附贈紫菜一夾起麵條，仲發覺所配之麵條係曲麵，質感略為硬身少少雞白湯比豬骨湯清，但仍味道濃郁朋友仔既黑豚拉麵~賣相超級吸引，黑豚肉有很多，圍住碗邊湯底聞落比我既雞香湯更為濃郁朋友仔既黑豚肉味較重，脂肪比例都較為健康而我果款既豚肉，脂肪比例較高，但正因為咁，肉質好滑，我個人都偏愛呢款多啲溏心蛋係食拉麵必需的追加!整顆蛋超入味，溏心效果睇圖就知有幾正，顏色係最靚既橙紅色，大滿足唐揚雞塊 仲加左個小食，色水幾好，而內裏雞肉肉質分明，濕潤，也是讚讚的，份量都好合理朋友仔試左梅乃宿果酒既柚子味，完勝鋁罐裝既果酒，入口有好香既柚子味，類似柚子蜜既味道，吞下後酒既回甘味出哂黎，值得一試…Read More

蝦棧最近天氣轉涼，最岩就係打個煲，但雞煲都食到無咩新意，今次就試食蝦煲呢間最近都幾有人氣，所以打定電話book定枱穩陣啲一入去，就見到大大個魚箱，蝦勁新鮮，彈下彈下，都幾cute，而且蝦殼同蝦身好透，勁透明，就咁睇已經知啲蝦夠新鮮，同係靚貨色蝦煲有好多口味，最後揀左奶油蝦落左單，店員就會即刻去魚櫃撈蝦，蝦煲好快就上枱可以見到每隻蝦都好飽滿，圍成一個圓環，賣相唔錯而另一驚喜位係，隻隻蝦都有蝦膏! 超surprise 仲有2隻有蝦籽，都係第一次食，口感類似魚籽，都幾有鮮味講返個醬汁，甜甜地同蝦味都幾夾，特別在襯埋洋蔥，甜味更獨特，去到最後食哂啲蝦，我地仲清埋啲洋蔥今日主打係海鮮，所以仲有款生燒海花螺我估計係先清蒸再燒香，所以花螺前部份燒香左，但內部仲好飽滿、彈牙，食得出又係好新鮮差啲講漏左，每張枱都放有濕紙巾同細細個垃桶放殼香蔥滷水炸大腸，呢款係是日推介，寫左係board到本身以為係街頭炸大腸，最後發現更似潮式野炸大腸輕輕一炸，外皮微脆，所以腸仲係好彈同保持水份，主點係洗得好乾淨，無哂脂肪，食落零負擔最後介紹返碟菜，羽衣甘藍係新興既蔬菜，好似係長洲賣涼茶既鋪頭見過，都係第一次食賣相加上栒子，色彩好鮮明，點紅點綠質應好爽同脆身，菜汁甜甜的，第一印象唔錯簡單講埋飲品，薄荷檸檬梳打，2隻味道都特出，好fresh，配濃味食物起到解膩作用鮮榨木瓜牛奶，都係是日推介之一，味道係超級天然，同盒裝真係2個層次，亦因為係鮮榨，所以會有少許泡同底部有少少榨，十分推薦…Read More

打工仔辛苦捱過一年，終於等到加人工既一刻，而出左糧，就當然要食返餐好架啦patpat都未坐暖，又走返出去拎野飲先飲品櫃入邊仲有乳酪同豆腐花，係比平時超市見既細size啲，所以樣樣都可以試下另一驚奇點係，除左2個大飲品櫃，仲放左個細細地既熱飲櫃 都唔係第一次食呢到既放題，就係鍾意佢上得快之餘又唔會漏單，食物質素仲相當有保證，而且仲唔少海鮮選擇，口味幾岩我法式忌廉藍青口 青口無腥味，口感有啲嚼頭，配上忌廉汁，令甜味得以升溫芝士蒜香焗帶子 呢款帶子更得我心，因為加上芝士，蒜頭再焗過，又濃又惹味又香，而帶子亦能夠保持濕潤芝麻雞翼芝麻雞翼，我諗係好多人既最愛 而呢到既芝麻雞翼更加係與眾不同，不但皮脆肉嫩雞翼既調味都好好，炸出黎既顏色比出面食既為深少少羊架大大份，煎得幾靚，食落帶少少so味，唔多脂肪位，所以啖啖肉滴幾滴檸檬汁，中和肉膩最後一樣必點推介- 黃金炒海蝦呢樣真係唔係到到有得食，被咸蛋香包圍既海蝦就同宜加大熱既咸蛋炸魚皮一樣咁惹味最後最後，鍾意食榴槤既朋友一定要食返條榴槤雪條先好走…Read More

行街行到個肚呱呱叫，唔知點解朋友竟然會建議我地去糖水 OMG，而唔係去食飯!!!所以我地一行人就轉入左廣華既一條糖水街之但係~~~ 竟然就比我發現一間有正餐又有糖品既餐廳我就梗係拖左佢地入去啦 (我要食飯呀!!!肚子餓餓，就叫左一份晚餐，包餐湯、飲品同甜品介紹主角-龍蝦汁海鮮天使面 份量唔細，而且海鮮足料，厚厚嘅帶子，鮮味嘅青口，多多嘅三文魚，可見廚師用料充足。帶子嫩滑無過火喉，青口常見的腥臭味都無，值得一讚。最重要既係麵條硬度剛好，無過淋，配上醬汁夠濕潤最後就講講朋友所點既心太軟呢到既心太軟特別高，好似座小高塔咁切開入面，熱辣辣嘅朱古力醬即刻湧晒出嚟，鬆軟嘅外皮，沾一啲朱古力，香味濃郁，甜而不膩，人生享受。 真係超推介，唔過甜又唔油，質地係剛好的濕潤，真係好難得遇見…Read More

好多餐廳依家都會提供all day breakfast，等人幾時都可以食到一個靚「早餐」！今日夜晚冇咩胃口，所以就揀咗一個黑松露炒蛋多士餐。同普通餐廳唔同，呢度嘅黑松露炒蛋唔只係將少少嘅黑松露蓉放係炒蛋上面，而係將黑松露直接加入蛋漿，再炒，黑松露份量都幾多；多士微微烘底，卜卜脆，同樣卜卜脆嘅仲有三角形小薯餅！朋友驚我唔夠食，仲叫多咗啲小食。燒雞翼~我鐘意食~朋友就叫咗小食中出場率超高嘅蜜糖雞翼，三十八蚊有六大隻，都幾抵食，有淡淡嘅蜜糖味，但又唔會太甜。另外，仲叫埋黑松露芝士焗雜菌西蘭花。沒錯，又係黑松露，因為朋友真係超鐘意黑松露😂不過，今次呢碟黑松露味就冇炒蛋咁濃烈，反而真係多咗陣芝士味，仲做到拉絲嘅效果，西蘭花煮到啱啱好，唔會淋身。幾時都話甜品係有另一個胃消化，跟餐加8蚊，就可以追加一個木槺布甸，相當抵食，而布甸嘅cream 仲打得幾幼細，性價比高！…Read More

去觀塘食晚飯唔一定要上工廠，先搵到嘢食 簡簡單單嘅冰室都可以係好選擇脆皮蒜蓉雞扒脆皮蒜蓉雞扒真係超級脆皮，而且仲係雞髀肉 所以肉質非常之結實同滑溜而且唔會煎得太過火變得太乾同硬鐵板海鮮炒烏冬炒烏冬好大盤，而且多既唔只係烏冬，海鮮都一樣咁多有魷魚、青口、蝦同埋帶子 ，雖然唔係新鮮海鮮，但全部都大大粒好抵食 醬料唔會太鹹，好惹味孜然烤雞翼雞翼全翼上，但唔似串燒咁有一支竹籤吉住 ，但都燒得好均勻 灑上孜然粉嘅雞翼好香，外層炸到金黃，又卜卜脆 重點係雞翼保持到肉汁，食到底都係咁入味 同串燒店水準有得揮紅豆冰、菠蘿冰黎冰室食飯，當然要叫懷舊飲品 紅豆冰菠蘿冰呢啲童年至愛，到今時今日味道都係一樣紅豆大大粒，菠蘿冰就自己倒入七喜…Read More

好耐冇同閏密撐下枱腳啦 雖然唔係咩大節日要慶祝但咁耐冇見都想食番餐好 餐廳環境好高雅 燈光昏黃 有情調而不失放鬆朋友超愛海鮮，炸魷魚圈更加係必選名菜炸魷魚圈 .粉漿超薄，炸得香口，完全不覺油膩粉漿同時間掌握得好好這點真的超讚，很香口又不覺熱氣的小吃餐廳仲有榨檸檬汁小機器，就係圖中右上方用夾夾實檸檬，汁好容易就可以榨盡一分一毫仲唔使整污糟隻手添燜羊腿配闊條麵海鮮係朋友嘅最愛，而我就鍾意食羊 呢到既燜羊腿就岩哂我 份量好多，比想像中大，自己一個應該好難應付 羊腿燜到好淋，用叉輕輕一拉，就好輕鬆分開 而且夠曬騷，喜羊人士，一定要一戰醬汁味道都係偏濃，但又提升左味道既層次唔但只係羊味咁單一身旁既闊條麵好有咬口，唔鬆散混合醬汁一齊食都唔dry…Read More

一直對中村藤吉的抹茶產品很有興趣適逢朋友生日可以一嚐中村藤吉家的抹茶戚風蛋糕蛋糕就如年輪蛋糕，中間中空，圓碌碌的一圈 帶有淡淡清新抹茶氣息蛋糕質感頗輕盈，但不夠濕潤…Read More

好耐無飲茶，行過見呢到下午茶2點-6點，全單有8折，茶芥一位收3蚊都ok抵食章魚肉餅飯，肉餅大大塊又幾厚身，絕對夠餸飯但肉餅味道就淡左啲，醬汁都係環境是不錯的，乾淨企理…Read More

半熟工房既半熟芝士撻，成功帶出另一撻潮出左唔少其他味道既半熟撻但有時原味，先係最令人回味嘅感覺剛出爐既芝士撻香氣濃郁，做到半流心效果芝士味再加上撻皮都唔會膩，但芝士味就唔夠突出…Read More

雖然大家都係蛋捲，但呢間傳統麵包鋪會係面頭灑上朱古力碎條，賣相睇落朱古力味好似有多幾錢重但蛋卷質感比較乾身，cream都比較少，食落會有啲滯而且cream並唔香（傳統小店期望值不易過高）但cream帶有咸味，甜中有咸，幾特別…Read More

聽朋友講，呢到既燴飯味道唔錯行完街就一心黎到呢到拜訪一下茄汁海鮮意大利燴飯就單睇賣相，海鮮都唔少但身為燴飯，飯粒同醬汁明顯係兩樣野茄汁味道單調其實並不太出色，只是一般而已…Read More

要幫男朋友去深水埗買D野，順便嘆埋個下午茶先走人雖然呢間餐廳出名在芝士鐵板飯，但晏就時間食，又好似怪怪的最後叫左蕃茄濃湯意粉配雞翼湯比較淡，蕃茄味只屬淡淡意粉雖然滑溜，但味道比較DRY雞翼有四隻，都算良心小店煎炸得香脆，都好入味又無雪藏味，是OK的…Read More