簡簡單單嘅冰室都可以係好選擇
脆皮蒜蓉雞扒
脆皮蒜蓉雞扒真係超級脆皮，而且仲係雞髀肉
所以肉質非常之結實同滑溜
而且唔會煎得太過火變得太乾同硬
鐵板海鮮炒烏冬
炒烏冬好大盤，而且多既唔只係烏冬，海鮮都一樣咁多
有魷魚、青口、蝦同埋帶子 ，雖然唔係新鮮海鮮，但全部都大大粒好抵食
醬料唔會太鹹，好惹味
孜然烤雞翼
雞翼全翼上，但唔似串燒咁有一支竹籤吉住 ，但都燒得好均勻
灑上孜然粉嘅雞翼好香，外層炸到金黃，又卜卜脆
重點係雞翼保持到肉汁，食到底都係咁入味
同串燒店水準有得揮
紅豆冰、菠蘿冰
黎冰室食飯，當然要叫懷舊飲品
紅豆冰菠蘿冰呢啲童年至愛，到今時今日味道都係一樣
紅豆大大粒，菠蘿冰就自己倒入七喜
