zeroc2011's Profile

同一個位開過幾間日本，上一手其實唔差不過都係敵唔過疫情，希望呢間頂得住。據我所知呢頭唔多燒肉鋪，難得開左要試試。鋪頭裝修ok，算係幾日本風，但鋪頭有d細，上餐果時有d危險，另外抽風一個問題，食完預左全身都係陣燒肉味，雖然比左圍裙，但d油彈到周圍都係，所以應該避唔倒，個人物品最好有咁遠放咁遠。野食方面唔差，大部份餐都係A4和牛，選擇相對比較少，睇d雪花應該係A4黎既。$200內個set冇飯冇前菜冇湯，要加38先有，加48就跟多個汽水同埋白飯變月見飯。叫左個吉列牛同一口牛，價錢相差幾十蚊但食落分別唔算好大。200蚊左右食倒石燒燒肉算係抵食，牛既quality都唔錯，份量係夠既，飯可以多返少少，個蜆湯可以。特飲半價就18蚊都算合理。有個唔算好既setting就係個燒蠟好快燒完，如果你想逐少逐少燒既話，最少都要加一次蠟，不過都知冇計，我就加左兩次。整體上係抵食，鍾意石燒既可以去試下，我dinner時間食係接近滿座。我埋單$430。…Read More

路過見倒呢間未試過，見倒評語幾好就試下。間野裝修睇落比較新，個外賣袋幾靚。叫左3個飯團，整體黎講，飯團用紫糯米幾特別，有咬口，有生菜配肉，食落都Ok，有沙津醬但唔會好多果隻，食落唔會好漏，肉既份量比較少，份量比較細，細過一隻手既size，男士未必夠食。食完有少少口渴，可能調味用多左，但味道係冇問題既。配料方面，爆漿芝士果個唔爆漿，變左一舊芝士，芝士雞扒唔多芝士，美式雜扒果個比較乾身，比預期中有d落差，呢個價錢黎講，未算好抵食。…Read More

母親節周圍都收得貴，人地介紹下食左呢間，早左兩日book台，因為有個避風塘式椒鹽豬手想試下但要預訂，加40蚊又唔算過份，聽講係呢間野既撚手小菜之一，當然要試試。呢間野係西九龍中心入面，算新既裝修，好似唔係轉左手好耐。d位都坐得幾舒服，有d奇怪係間野係T字型既，鋪位問題，出面睇以為好細，右邊轉入去原來仲有位。由於一早訂左位，黎齊就有得上菜，等左5分鐘都冇。入黎時有位waiter set台，位waiter好快手都好有禮貌，仲有d搞笑，同佢吹左一兩句。之後全部菜都係佢上既。先黎個湯，中式雪耳瓜湯，ok既。叫左個牛展中華沙津八爪魚既前盤，味道冇問題，係個八爪角多左d汁，日式食壽司果隻既關系。之後有咕嚕魚塊，個魚唔錯，賣相ok。有個上湯浸雜菌時菜，清清地，用黎配返d煎炸野。再黎多個雜菌西蘭花，呢兩樣個雜菌都好新鮮，唔會太濃太咸，有時食酒樓呢兩味個汁都好重手，但呢間就唔會，應該冇咩味精。兩個炸野黎到，避風塘豬手同埋黃金蝦。賣相唔錯，炸得幾好，個豬手幾香，功夫應該唔少。個豬手做乾身，但入面又唔會太乾，香口好食，同出面西餐去比係中上既級數。黃金蝦份量少左dd，但係好食好新鮮既。再黎多個串燒，d汁多到睇唔倒d肉，個沙嗲汁好突出，同個肉幾夾，有d似泰式。我想講，張台唔夠大，唔清咁d野係放唔落最後果碟翠塘豆腐，個豆腐好滑，個texture唔會太水，d料都唔少。最後仲有甜品，個甜品係呢間野既自創？百福豆腐加芝麻醬配雜果？唔記得影相，個味又咸又酸又甜，唔識得形容，只係nmcot。Overall黎講d野食係比我預期中好食，當晚滿座，好彩訂左位。最重要係，呢餐只係500頭，6個人食，係差d食唔曬d野，份量ok，d野新鮮好食，價錢合理，值得推薦。…Read More

真係唔講nice都唔得。呢間nice真係唔錯。同屋企人路過，隔價錢比類似既平少少，外賣只係40蚊個飯，一般套餐60至120左右，睇落應該開左幾耐，入去試下。叫左個鐵板豬扒，比我上次係旺角garden食既好好多。雖然都係咸左少少，但港式扒餐就係咁。個紅湯有誠意，個garlic bread有少少硬，應該放耐左，但味道冇問題。鐵板餐唔係你面前落汁，但都係即刻拎出黎，唔係咁好，因為會彈倒一路經過既人呢。豬扒有兩大塊配飯有少少菜，豬扒切落去唸既易切，唔算好厚但口感唔錯，好入味，有少少咬口，配埋黑椒汁少少辣，一份唔錯既港式扒餐。屋企人叫左個紅酒燴牛尾，雖然唔多鍾意個碗既設計，一邊高一邊低，但個汁都裝到滿，唔錯。個汁好夠嗜味，牛尾好唸，值得一試。…Read More

以前有食過發記，旺角既甜品鋪唔算多，發記又易搵，所以以前旺角開完餐都會去發記食個甜品，正正常常既糖水甜品。新開呢間靚既，裝修有style有特色牆。叫左個腐竹薏米糖水，黎到d顏色比我食開既深，見唔倒腐竹都唔緊要，通常都熔曬既，意米比較少。呢碗野比想像中甜，甜得有點過份。味道都只係一般，唔討好。唔建議大家叫呢樣，可能少人叫既關係，我見人地d西式野正正常常。我希望只係個別例子。25蚊個中式糖水唔計好唔好味，咁少料唔抵食啦。…Read More

一個舊區既街邊有間日式拉麵店？試下無防。店鋪既裝修用呢區出面有好大既反差，入店後好似唔係深水埗咁。得兩位服務員，見倒佢地覺得辛苦，走黎走去。不過又幾貼心，不斷換台上既水，又會幫你倒埋水。一般日式拉麵店都有好多選擇，麵既軟硬，湯既濃淡等等。呢間都差唔多，只係冇左麵既軟硬選擇。一般黎講普通軟硬既日式拉麵都係比較硬，呢間都唔例外，但可以接受既程度。都算多人，好快食完。點解？因為份量較少。我叫左半熟卵叉燒拉麵，等左陣麵黎到，感覺好少料。碗入面有蔥，荀，半熟蛋，麵，叉燒。賣相係好普通日本周圍都賣既拉麵。唔係話好香，但熱既。蔥，荀同蛋都唔錯，用料唔差。荀同蛋都比較甜。叉燒，薄得你... 脂肪約5%倒啦，三塊入面其中一塊接近全瘦。個人喜好，脂肪比例ok只係太薄啦。我個係清湯，唔算清，有d咸，仲好多油。我見廚房出麵前後都落d油，成碗野幾油，我唔係食過橋拉麵，唔駛咁重手掛。Overal黎講係一碗唔太抵食既普通拉麵，食完緊緊填左肚。呢間係分店，總店好食d？下次探究。…Read More

今晚路過，呢間唔係開左好耐又未食過，試一次啦有烤魚食，好耐未食過，就點左呢樣。魽魚，滋補，$238，二人餐，全條，即兩邊。環境裝修都算可以，係d位有少少奇怪，鋪位問題，我坐果道凹左入去，服務員唔行過黎未必見倒，好彩佢地都會成日行黎行去，叫野唔算係問題。而果個位好似放左d畫室既學生展品，幾得意。我好耐冇食烤魚，之前係紅磡食既，不過就唔係238食一整條。所以呢間食曬成條算係幾抵。睇呢間野既其他野食，款式都算多，中西星馬都有，正唔正宗就下次先試。晚餐58-88，我睇人地d野食，份量都唔少，望落都唔錯，下次會試。個魚黎到，唔跟飯，但跟個八寶盤，睇相啦。份量黎講唔少，但無飯不歡既話就要加錢買個飯。個盤裝到好滿，好多野，滋補方面有龍眼，杞子，煮耐左好入味，記住食埋。個湯底酸酸地，不過唔見酸菜，其他地方食都會見酸菜。好多菇，係所有空位都係菇。條魚，魚身上邊好多香料，好野味，魚肉彈牙，幾香，入味，都算大條，多肉，overall幾好食，店員介紹魽魚既，魽魚有個好處，得條大骨，好少細骨。跟個菜，冇咩特別，打邊爐咁。個八寶盤有墨丸，但冇分開一半，小問題，個盤其實好淺，d湯係淹唔過粒丸，就算加左湯都係咁，有打邊爐係好，d材料切開一半會更好。個響鈴正常啦，唔厚皮。仲有好多菇係個八寶盤個底。成做餐叫野飲半價，叫左個檸蜜，唔錯，只係細杯左少少。呢個價錢係真係食烤魚既地方食唔倒咁多野，雖然整法唔同，勝在料多抵食，味道又唔差，有機會大家可以試下。…Read More

其實周不時都會去呢間食，因為水準keep倒，只係好多時都好爆，由其係裝修左之後。由未裝修到而家都食過幾次，位多左，逼左，食得冇咁舒服。黎到一半次數都會食佢既海南雞飯。呢個飯以前跟例湯，而家冇。望上去已經吸引。油飯得黎唔算好油，d雞幾滑，幾香，算唸有雞味。其實比較出色係個醬。泰式少酸辣醬同埋甜豉油。D員工話係叫ABC醬，我係賣印尼野既鋪頭見過(銅鑼灣維園附近)。好甜好濃既醬，配海南雞好正。成個餐既份量夠飽，46蚊，有呢個quality抵食既…Read More

每次路過呢間野都有人排隊，有時仲好長龍。好彩只排左15分鐘就入倒去。排緊果時有人拎水出黎比排隊既人，唔錯，幾貼心。我有個backpack，店員就比左個掛台既勾比我吊住個袋，幾好。第一次試呢間野，所以我會選所有野都係普通先。叫左個伊台風，88蚊，其實即係茄底。個麵黎到既第一個感覺係比平時果d大碗。賣相唔錯，唔駛加錢有半隻溫泉蛋，睇落幾正，不過黎果時唔見d麵以為好少，食落先知唔係。正題，個麵黎到唔出煙既，冇錯，個湯係暖既，唔夠熱，不過一拉個麵出黎就有煙，個麵好夠熱。叉燒好唸，脂肪比例ok，唔算肥，有菜有荀有魚鬆有紫菜有蛋，好齊全。個麵都算多，比一般日式拉麵店既多。我叫左普通，個麵偏硬身，但可以接受，有咬口。個湯唔夠熱外，濃既，唔算稀，個味都好夠茄味，不過由於本身成碗野都濃同好多配料，個茄味唔算好出，要特登去飲先試倒個味。呢個價錢食倒咁多料既日式拉麵，抵食既。可以話似日本食倒既拉麵，唔錯，值得再食。…Read More

今日下午，黎到長沙灣試下試下有幾掂等左陣位，入去裝就修唔錯既，38蚊個叉燒飯都算平。見倒人地既燒腩，望落唔錯。燒肉個皮人地話好脆，不過厚左少少。我叫左個雙拼，最掂叉燒同貴妃雞，45蚊。黎到，我下左一下。d叉燒見倒白肉，所以特登反兩塊肉先影相。跟住望下牆上掛電視入面既叉燒，差咁遠既。叉燒，算唸，甜，比一般食開既甜，好味既叉燒唔係得個甜字。有白肉心，白肉當然冇咁好味，同隔幾條街既強x飯店比，差dd，雖然強x都會有時比白肉既。唔夠燒果種味，唔夠香口。貴妃雞，籽左部份脾我，d肉滑，唔錯。幾有雞味，不過脾既最好肉部位冇比我，所以骨多肉少。都唔差既。薑蔥油唔錯，唔太油。配菜正常，酸瓜之類既野。檸水檸檬ok。最掂叉燒？唔係lor，希望呢係呢餐失水準，雖然我睇其他呢道食評既相，叉燒都有d係白肉。overall唔差既，38蚊跟茶算抵食，45蚊雙拼都ok…Read More

一丁友食飯，唔知去邊好。之前都聽過呢間野一直未有機會去試。細細間，坐鍋7至9人。所有野算平，套餐38-43都有。晚上冇咩人，可以直接自己坐低，不過我唔建議拎起台上既餐牌，因為好油，套餐已經list左係牆上。叫左個香草茄豬扒意粉，個廚房就係隔離，好香，配個忌廉南瓜湯。個湯黎先，杯裝。幾好味，唔係好cream，食倒好多南瓜肉，足料既。主食黎到，賣相ok，見倒香草同番茄，個汁幾香。先講講塊豬扒，兩塊，不過乾，唔算厚，比較有咬口，味比較濃，煎得香既，食落同隔離大x樂差唔多，只係個汁比隔離好少少。意粉，煮過龍，比較唸，同隔離都差唔多。有d菜，冇咩特別。簡簡單單港式西餐，冇咩特別，如果你一支公既話，又想靜靜地求求其其一餐既話，可以試下，不過真係唔好期望太高，呢個價，算合理。…Read More

以前係美國食過幾次，美國係抵食既，最細果個Fresh strawberry cake成個係20幾美金(唔係一slice)。返到黎估唔到係香港開分店，當然要去食啦，雖然貴好多。如果你夜晚6點前去到基本上等5分鐘就入得去，不過一過左7點，就要等個幾2個鐘先有位，所以最好早d到入面既裝修同美國大致上一樣。我都去過dubai果間，一樣既。基本上就好似返到美國食咁樣。睇餐牌，我印象中大致上跟美國既一樣，冇咩多與少到，我冇睇曬，don't qoute me on that。3個人食，比張坐倒6個人既台我？唔怪得要等成個幾鐘先入倒去啦，安排上唔係咁好。我地叫左3樣野，carbonara，shepherd's pie，calamari，再加件strawberry cake。因為知道大份所以叫少樣主菜。其實最後緊緊食唔曬，盡左力。前菜calamari唔錯，香口脆皮足料。唔係我食過既最好食既，個皮算薄，但比最好食既都仲係厚左dd。跟既兩隻sauce都唔錯。個人比較喜歡配tartar sauce。我以前好鍾意食佢既shepherd's pie因為佢個薯容面燒得靚，入面都唔會乾身，仲好多肉汁。係香港食呢個唔差，出碟方式有少少分別，美國食次次用碗式，類似焗飯用既高身碗，今次用碟。黎到夠熱，好香，上面個面燒得唔算好夠，但香口既。肉汁好夠，睇相。成個賣相唔差，但比我感覺個做法同美國有分別？唔清楚。足料，每口食落一定唔止得肉，好味，同之前食既一樣。Carbonara唔錯，個白汁做得夠濃，可惜我唔係好食白汁野，相都冇影。最後係佢地既Strawberry cake，一如以往既好食，係甜左少少。strawberry夠fresh，cheesecake夠濃，價錢就.....貴左好幾倍。overall黎講，香港做倒美國接近既水準都見有幾個外藉人士train緊班香港人，要你食緊果時問下好唔好味呀，要唔要餐後甜品或酒或野飲等等，香港既西餐都唔會問得咁足。如果唔介意比美國貴成倍價錢食既話，可以黎試一下。…Read More

今日去開果頭做野，對面大x活好多人要排隊，冇位，價錢只差10幾蚊倒，就入去試下。餐廳既環境唔錯，好似幾新，我記得3年前黎呢個地方都未有呢間野...?兩個人食，坐二人台，張台比較細，圓台，一個餐加杯野飲都冇咩其家位。餐牌上既午餐由54蚊到60蚊不等。我叫左個對面都有得食既鮮茄菠蘿豬扒焗飯，即係焗豬扒飯，加杯熱檸蜜。等左5至10分鐘d野食就黎左，果時出面已經有人排緊隊。講返個焗豬飯，睇落唔錯，足料既。有一塊豬扒，炒底飯，少量黃椒同青椒，有洋蔥，有幾舊罐頭菠蘿，拼埋我唸應該唔夠一個ring但多個半個。豬扒size，比較細，肉既部份細過手掌，一大條骨。同對面最大既分別係個醬。幾濃，夠酸味，見倒有茄肉既。食落冇問題既，夠熱，味道合格。夠料，所以算幾好食。有焗過既味道。分量都算可以，唔係好多，都算緊緊夠飽，大食既話就會唔夠。熱檸蜜，蜜味比較淡，檸檬有點苦(係，我係食檸檬既)，杯野差少少啦，只屬pass。午餐唔收加一，呢個價錢唔算好貴，但都唔係平，我記得前身係茶記...?Anyway，想坐得舒服d既話係可以一試既。…Read More

今日下午去食lunch叫左個lunch set$238有小食同小菜選擇4個人食加多左個炸菜牛肉菜飯D野黎得都幾快我冇影野食既習慣，本來都冇唸住寫，但因為忍無可忍，唔寫唔得今次呢餐唔係賣相既問題，係味道既問題我地叫左以下幾樣野：酸辣湯一個唔記得咩羹四季豆炒年糕黃金蝦炸菜牛肉菜飯以下就每樣都講一講：酸辣湯 = 成碗醋咁酸，完全入唔倒口，好"拿"口果個唔知咩羹 = 正常，夠熱四季豆 = 涼拌小食唔錯，好多garlic炒年糕 = 幾好食，年糕幾軟黃金蝦 = 都唔錯幾好食，最遲上，係炸得幾靚炸菜牛肉菜飯 = 係肉碎黎既，菜飯好硬跟住我叫個waiter黎話比佢知個菜飯好硬佢話"菜飯係咁既，會硬身少少，不如我比多碗你"跟住佢再黎果時比多碗我地，就話"係硬少少，用糯米整既"我心唸"下，似未熟wo D飯"但就免費多左碗菜飯我早去食，食完差唔多到午飯peak hour，有人等台我碟黃金蝦仲有一隻未食佢就收左，我算佢放低張bill我拎銀包果下收埋我個碗連問都冇問我要唔要，我轉頭就見佢收埋我碗未食完既年糕我話"我隻碗呢？我未食完ga wo"佢一句唔好意思，係佢果層收左既碗碗碟碟道打開最上果個碗，有隻碟蓋住佢話"冇整到，我比返..."我未聽完佢講就話"唔駛，唔該"果下真係火都黎野食有好有唔好service有好都有好差最後黎埋個甜品，正常既椰汁紅豆糕雖然知係凍既，但紅豆都係過硬…Read More

買左團購，當然要去食啦一早book左位，11月4日準時到，即刻入座環境: 前身我唔知係D咩，但個水bar好有酒bar feel，裝修唔多，D牆好似油左，又好係未油咁，環境唔太舒服。到坐果個位，由於得我同女友，坐左係對位水bar既位。所有既兩人座都係平排坐既。我地果個位係地面放個seat，隻腳申左入去凹入去既位。本人個子唔算高，但就坐得唔舒服，個凹入位唔夠深。張台有少少向自己傾斜，問題不大。野食:一入座就送上老虎蝦x2，海螺x2，超薄既瓜x2隻老虎蝦係幾大隻，肉甜款式唔算太多選擇，total得4張長紙肉方面有牛，雞，豚肉，羊架，呢D例掛野。所有肉都不過不失啦，可能佢切得薄，所以好快熟佢好既係事先係肉上面落左香料，燒起黎幾香，食落唔錯，不過香料太重手，咸左少少海鮮有剌身，同埋燒得既燒既有海螺，秋刀魚，青口，帶子，聖子，墨魚仔，等等剌身有魚生，吞拿魚，甜蝦，北極貝，等等魚生唔係好得，甜蝦同埋尤魚比較好燒既帶子ok。海螺都唔錯，不過都幾大隻，有D難燒。有D菜同菇可以比你燒，因為佢切得太薄，好易燒到乾曬，除左腿菇叫做好少少salad得3款，蟹子，蕃茄，雷橋(有希靈魚)足料既，唔錯熟食有tempura，甜蕃薯，泡菜，墨魚仔，冷面，等等，唔係叫左好多黎食，而叫左既都唔係話太好食，好一般團購有haagen dazs雪糕最細杯裝同埋汽水 x1。最後要提既係服務:走單，得4張紙，佢就係走左我成張，要重新點過張台有D"癡粒粒"既野，應該係未清潔好倒茶果個係咁幫我加水，飲左少少都加，呢D叫唔叫好服務呢.....哈....…Read More