EaterJ's Profile

西環新開雪糕店 NOOK. Eggwaffles & Gelato位於人氣打卡點堅尼地城新海旁，啱晒買杯意式雪糕一路食一路排隊等打卡要食一定係雞蛋仔crossover 雪糕，呢個食法完全唔怕個雪糕一路食一路溶，事關溶咗嘅雪糕會流到雞蛋仔嘅罅隙，完全唔會嘥，雞蛋仔仲會有雪糕嘅味，雞蛋仔嘅質感本身係偏脆，就算夾住雪糕食都唔會軟腍腍，口感超好，非常值得一試～意式雪糕口味有10款，試咗呂宋芒雪葩、杜拜朱古力脆脆和日式焙茶，朱古力食落有好多朱古力脆脆，追求口感嘅朋友可以一試，日式焙茶茶味香濃～…Read More

如果想食健康住家齋菜，推薦呢間位於黃大仙嘅健康齋廚，係一棟棟工廠大廈中間有呢間家庭式經營嘅齋舖，以少油、少鹽、冇味精的烹調方式，為食客帶來洗滌心靈的健康齋菜～ 比起食過的齋菜多了一份真摯和熱誠～點的齋菜都吃得出食材的原味，不會因為純粹是素菜，而用上口味重的調味料加強味道～經典香茘酥卷($88)是餐牌上的廚師推介，入口外層酥脆，中間是芋香泥，外脆內軟，十分有驚喜，每一件都是薄切，吃罷不會因為是炸物而滿口油膩感二人餐可選一款湯品及兩款小菜 ($158)，其中一款小菜轉了古法上齋煲，整煲燒得滾熱呈上，厚身軟腍香菇是精粹，涼瓜炒牛肉配白飯一流～…Read More

一直都好想感受吓Bochord嘅圖書館氣氛，今次去到發現餐廳不但好有書卷味，夜晚嘅景色仲好靚，平日夜晚去食都有live band，氛圍超好～～如果追求環境靚，氣氛好，又超級鍾意食海鮮，Bochord一定啱餐廳有法式料理Tasting Menu (@$1388)，主要用不同的高檔次海鮮入饌，有龍蝦刺身、魚子醬、生蠔啫喱、蟹肉、海膽等等，再用唔同嘅煮法、做法，配搭成各有特色嘅菜式，每一碟都數得出至少有五款海鮮元素，嗰種震懾味蕾的鮮味令人再三回味，每款菜式亦有法式料理嘅精緻～喜歡飲湯嘅我不能忘記Seafood Bouillabaisse，有肥美日本大蜆，仲有大蝦，有魚造成的泡泡提升視覺享受，職員之後會倒入由龍蝦和其他海鮮煮成的濃湯，充滿儀式感～ 味道鮮甜濃郁～另一款令人印象深刻係北海道海膽，最底係用生蠔造成嘅啫喱，用一層墨魚汁蓋着，最上是一大片海膽，用海膽本來的殼承載，職員會即席倒上海膽汁，用匙羹一囗一囗吃，入口盡是鹹鮮鹹鮮～Cocktail 方面，選了The Whisky Still （$128），貪佢用茶來調配，不過味道比較淡～…Read More

慕名而來到這間位於長沙灣的拉麵店，on the way 搭地鐵已經研究緊究竟食乜好，佢每一款拉麵都係啲特別款，款款都有海鮮元素，鯛魚呀、三文魚、蜆類貝類咁，真心真係款款都好想試，不過如果第一次嚟，就唔使再諗啦，一定係終極之廣島牡蠣濃湯拉麵個名話”終極”，一開始都冇特別留意呢兩隻字，不過試咗頭啖湯之後，就真係知道有幾Ultimate~ 嗰種牡蠣味之濃郁，就好似你口入邊全部都係蠔，但只不過唔係食，而係飲之後將個focus放喺果三粒肥美飽滿的廣島蠔，大粒到其實同隔離個溫泉蛋差唔多size，我食第一啖嗰陣係匿埋隻眼嚟感受個蠔味，之後再發現除咗呢三粒廣島蠔，下面仲有啲體型較細小嘅牡蠣，整呢個拉麵嗰本重到呢，真係第一次見有蠔麵選用多過一款嘅蠔，以達到嗰種終極蠔味拉麵仲標配溫泉蛋和慢煮叉燒，有機會真係好想試埋其他口味嘅拉麵～…Read More

位於深水埗、人氣非常旺盛的港式小菜館，一枱又一枱的客人嚟呢度聚會，食海鮮、小炒、飲啤酒，熱鬧非常～ 是日孖寶 ($388)：📍清蒸沙巴魚 — 目測有一斤半，蒸得剛剛好，魚肉肉質彈牙，食得出係新鮮，最鍾意有大量薑蔥💚，絕對冇失望嘅空間📍飛天芥蘭煲 — 當見到店員一手拎住碟菜，一手拎住個大鐵煲，就知道要上演一場“啫啫煲”，嗰種鑊氣完全將蝦醬嘅味道帶咗出嚟，除咗芥蘭，仲有大蝦乾和原隻蝦，簡單一個菜煲都好好食📍馳名鎮江骨 （$188)店方Menu寫着「腩排秘方醃過，泡油再以上等鎮江醋、冰糖等烹煮，醬汁包在腩排的外層，酸甜而香口」，都真係嘅！個味道甜甜酸酸，下酒一流，不過略嫌肉質稍微硬了一點…Read More

呢間位於將軍澳海濱嘅中東餐廳超級有氛圍，服務親切，裝修又富有異國風情，唔講真係會以為置身於摩洛哥，嘢食不止有燒烤，還有特色塔吉鍋，一定要點！雞肉塔吉鍋 ($185)用鹽漬檸檬、朝鮮薊和青橄欖慢煮雞肉，打開鍋蓋的時候已經香氣撲鼻，試一口湯汁，充滿檸檬清香又酸酸鹹鹹，超級開胃，雞件一啲都唔韌，果然慢煮過係嫩啲鷹嘴豆塔吉鍋 ($158)因為試咗個雞肉塔吉鍋實在太正，決定試多個塔吉鍋，同雞肉嘅唔同，鷹嘴豆塔吉鍋以蕃茄紅汁為主，以為會有一粒粒鷹嘴豆，但原來係用鷹嘴豆和其他穀物造成的鷹嘴豆餅，食落口感就係一件穀物，好coarse，味道有啲似食緊芝麻丸肉和素食小吃拼盤 （$215）想一次過想唔同嘢就一定要點呢個有肉和泥的小食拼盤，肉類有羊肉丸、北非香腸、串燒雞肉，素食有茄子泥、鷹嘴豆泥、蕃茄羊乳酪、青橄欖，小食拼盤還配了皮塔餅雜堅果飯 Roz bel Khalta （$50) 第一次食呢種飯，充滿香料味又甜甜地，當中混合唔同嘅堅果，味道特別，難以抗拒…Read More

嚟緊就係蛇年，忍唔住去食一食蛇進補一下，睇啲中醫話食蛇可以補氣血，養顏暖身，就去咗位於新蒲崗嘅蛇膠參滋補專門店，除咗蛇之外，仲有山珍海味，有龜、有水魚、有鮑魚、有海參，可以一次過補到盡佢有唔同嘅滋補套餐，我揀嗰個套餐B就屬於中等價位($198），可以一次過食幾款補嘢📍秘制太史五蛇羹（細）：以眼鏡蛇、金腳帶、過樹榕、三索蛇、百花蛇熬成蛇湯，加入雞、木耳等煮成湯羹，飲落有好重嘅薑味又唔會太辣，成個好補嘅感覺📍 臘味糯米飯：食蛇羹一定要配搭一碗糯米飯，最鍾意喺呢呢碗糯米飯夠足料，有好多臘腸粒、臘肉粒📍鮑汁花菇扣水魚裙邊：老實真係第一次食水魚，擺入口嗰陣有一種緊張嘅感覺，最初會怕腥，但其實完全冇，食落滑捋捋，有啲似食花膠感覺📍花旗參燉海參：真係有原隻海參唔係切碎㗎，仲有好重花旗蔘味，唔覺有落味精📍時蔬一客…Read More

眨吓眼好快就年尾，諗緊去邊度同朋友慶祝聖誕同倒數迎接2025？想有得食有得飲又有歌聽？荃灣嘅(熊貓)悅來酒店推出Countdown Party Deluxe Combo set~ 有sparkling wine、紅白酒任飲～ 仲有Live Band一齊倒數迎新年~ 到時氣氛一定勁好已經率先試咗個 Countdown Party menu ($488)，價錢包酒任飲，由2024飲到2025都得，仲要有海鮮又有羊扒，嘢食OK📍前菜：愛爾蘭生蠔、蝦、藍青口及翡翠螺📍香煎黑椒鮑魚📍 墨西哥香辣雞肉餅📍 芝士牛肉碎粟米片配牛油果醬📍 蒙古孜然烤羊扒仲有Countdown Snack Menu，唔使擔心冇小食送酒啦，推薦佢啲焗嘢，試過兩款都係啱啱焗起熱辣辣，焗嘅時間啱啱好，焗薯皮惹味，焗西蘭花又夠爽脆有芝士香～📍芝士焗西闌花 ($68)📍煙肉芝士焗薯皮($88)…Read More

中環街市2樓出名多美食檔，一路行一路掃到專做鰻魚嘅鰻の成瀬啲便當好吸引，每一款都有鰻魚元素，鰻魚飯啊、玉子燒、飯團等，買完可以喺同層嘅高枱或者地下嘅公共用餐空間食又得～鰻魚飯（梅）Unajuu- Ume ($128)唔同鰻魚份量嘅飯都有唔同價錢，呢款就有一整條燒鰻魚，用筷子一夾已經感覺到好柔軟，配飯食一流，除咗甜燒汁之外，仲可以灑上山椒粉，香甜當中帶點惹味，飯餐仲附送海帶湯～鰻魚玉城燒Unagi Tamago-Yaki ($78)一件燒鰻魚配甜甜嘅玉子燒，個人又係好鍾意灑上山椒粉，甜得來有少少鹹香鰻の烤飯團 Unagi Yaki Onigiri ($50/2pcs)飯團款有烤過和冇烤過嘅，睇吓個人興趣鍾意焦香啲定simple啲，我就點咗烤嘅，外層燒到有少少飯焦，食落有少少煙靭，還有點點鰻魚粒…Read More

值得推薦嘅西營盤小店cafe，經過N次咁多，今次第一次踏足，發現原來唔止cafe咁簡單，右邊係cafe嘅長吧枱，左邊係花店， 有種喺花園嘆tea嘅感覺，再行入啲，竟然係一個陶瓷手作坊～ 一店演繹三種藝術：咖啡x花藝x陶瓷 ~ 聽講夜晚仲會變成酒吧 ～門口當眼處可以睇到佢哋喺虹吸咖啡大賽攞過獎，所以對佢啲啡都有期望，見其他人都點咗虹吸咖啡，店員重細心介紹咖啡帶嚟嘅味道，不過當日想飲有奶嘅咖啡，所以最尾要咗Flat White ($40)，開心佢哋有燕麥奶～ Menu食物主要以西式為主，Grilled Abalone With Sea Urchin Spaghetti ($138)係佢哋嘅signature之一，見到店員喺開放式廚房即點即煮，意粉係linguine，入口有海鮮鹹鮮味，仲有黑胡椒嘅辣，烤過嘅鮑魚入口煙靭彈牙，係一款都唔錯嘅意粉～…Read More

真係要特登走入去海濱方向先會到鰂魚涌呢個社區休憩空間，第一次嚟《舍區》，發現有一個獨市coffee place，咖啡和靜憩完美結合形成呢個城市中的綠洲～諗住山旮旯應該唔係好多人，點知坐耐咗，越來越多人，有一家大細，仲有人點啡讀聖經～呢間coffee place睇到係用個心去做，啡款多，仲有hand drip，啡豆自己roast，有得轉oat milk都係一個賣點～小食唔係篤魚蛋、燒賣，有文青必點bagel，重有刈包、蛋餅、雞蛋仔，啲口味仲提供特別款，雖然最尾點咗個大路牛油果煙三文魚貝果，但亦係好食有水準～📍Flat White ($40) (oat milk +$5)📍牛油果煙三文魚貝果 ($68)📍原味雞蛋仔 ($30)…Read More

位於牛頭角嘅Cafe，橡木色的門面有個coffee take away counter，於周圍充滿工業風的工廠大廈顯得格外突出，逢親經過都特別有印象，之前試過佢嘅午市，今次就睇吓晚市有乜食啦～睇得出餐廳十分注重心靈和身體的健康，除了環境有綠色嘅植物和佈置之外，餐牌的部分菜式亦有註冊營養師及健身教練推薦，高度關注健康和增肌～是日發辦 — 日式龍蝦汁三文魚意大利飯，睇落花咗唔少心思擺盤，鮮甜的龍蝦汁夾雜了蕃茄的微酸，食落更開胃，食材豐富有香煎三文魚粒和三文魚子有coffee corner，就一定不能錯過呢度嘅特飲，除了咖啡，呢度嘅非咖啡飲品選擇都好多，還用上不同植物奶作配搭，強烈推薦芝麻杏仁奶($50)，兩款果仁味道非常配搭，有芝麻香但零苦澀，入口順滑，係充滿驚喜嘅一款飲品…Read More

坐低咗發現佢嘅生煎鍋貼原來攞咗連續9年米芝連推介，店面唔大，有六、七張枱度，都見到有唔少人嚟幫襯套餐有好多選擇，仲要包飲品，雲吞擔擔麵餐 ($63)有3隻鍋貼，鍋貼真係好食，煎到個皮好脆，一啲都唔油膩，好怕有啲皮又厚又硬，呢度完全唔會擔擔麵要咗走辣，第一啖有勁重嘅花生香味，睇得出係落咗心機用香濃花生醬去做湯底，不過因為偏重花生醬，食到後期可能會有啲膩，擔擔麵至少有六粒雲吞，非常夠飽小食生根 （$10），選擇咗豉油味，夠腍夠煙靭…Read More

推薦位於尖沙咀的這間點心小店～店面明亮整潔，多款自製點心，即叫即蒸，絕對冇失望～📍蕎麥茶 ($12/位)有多款茗茶選擇，除咗大路嘅茶款之外，仲有杞子菊花茶和蕎麥茶，蕎麥茶解油膩又冇咖啡因，啱晒夜晚飲📍金牌蝦餃皇 （$27）推薦！雖然一籠只有兩粒，但勝在夠大粒，飽滿餡料，仲有爽口大蝦仁📍黑松露燒賣皇（$29）推薦！都係一籠兩大粒，豬肉彈牙多汁，每一粒上面有原隻大蝦仁，仲有黑松露香📍陳皮牛肉腸 ($33)牛肉腸啲牛肉有時好蝦人，但係呢度啲牛肉唔錯，腸粉皮煙煙韌韌，如果陳皮香突出啲會仲好📍瑶柱鮮蝦豆苗餃($38)飽滿大粒，入口清新口感豐富📍板燒煎釀茄子($44)連鐵板上好惹味，夠熱辣辣，茄子煮得又淋又入味📍鳳爪排骨飯($35)簡單鳳爪排骨飯都到水準，味道、份量、飯嘅口感都恰到好處，鳳爪排骨都新鮮…Read More

Bookmark咗一段時間終於去探店啦～呢間餐廳走校園風，木枱、木凳、仲有黑板，環境輕鬆無拘束~食物都係大路嘅款式，主打意粉沙律，和一些台式小吃，午飯時間，隨着越來越多客人，都要等了一段時間才有正餐～好似我哋lunch time去嘅，記住盡量早啲到啊～📍蟹籽卡邦尼忌廉蘑菇意粉($98) — 份量大，意粉質感較硬身彈牙，落足卡邦尼忌廉，so creamy~📍炸薯條配黑松露醬($48) — 除了黑松露醬，薯條還灑上了椒鹽，十分香脆惹味📍抹茶鮮奶 ($48) — 奶香味濃📍蜂蜜青檸梳打 ($42) — 正常發揮…Read More