mandy.or's Profile

作為Pancake控，食過N咁多間餐廳，觀塘呢間小店一定係我食過最好味嘅其中一間😋。Pancake嘅「面積」同「厚度」都係No.1🥇！Lunch Set 🌟 附送餐湯/沙律 及飲品碟沙律🥗真係好 ‧ 好 ‧ 好大兜！有紅珊瑚菜、火箭菜、羽衣甘藍同青瓜咁，我諗出面係要加錢先有🙈🐟 香煎盲鰽伴蒜香薯蓉 │ $148呢個好推介🫶🏻！ 有2塊煎香咗嘅冇骨魚扒，啲魚肉好嫩滑又有汁，味道啱啱好，配埋個薯蓉真係幾好味！🍝 蟹肉明太子寬條麵 │ $128都幾掛麵同惹味，不過覺得有啲辣。🥞 吉士焦糖梳乎厘Pancake│ + $78Lunch Set 有加購價🌟追加原味或者呢款吉士焦糖味，真係好抵食，$78 都係Regular咁大份😍！我暫時冇喺其他餐廳見到有咁巨大嘅Pancake，大多數都係三嚿疊埋，但呢度兩嚿已經嬴晒✌🏻！梳乎厘上面有焦糖脆面，仲有焦糖爆谷食🍿，賣相靚、質感勁彈，蛋味又濃，真係好好味🫶🏻！🍟 炸蕃薯條 │ + $28 (加購價，抵食! )🧊 Oreo 忌廉沙冰 │ + $23呢度啲咖啡同奶蓋都唔錯，不過想打卡靚靚，一定要嗌杯沙冰，加購價都唔貴👌🏻。出奇意料唔係好甜，等佢攤到溶溶哋仲好飲😛！🍹 檸檬蜂蜜梳打│ + $21…Read More

放題唔只係食魚生刺身，齋食熟食都回到本😳！今次去咗極尚大喜屋嘅旺角分店，佢哋Menu成日都會加新嘢，次次嚟都有啲驚喜，唔會食到悶😌。最新Menu 有魚子醬生蠔杯🦪！仲有超多款中式小菜，帶長輩同老友記嚟都好啱食🙌🏻！🌟午市放題 │ 平日$278 (⏱️中午12點-3點)自助區 🍽️：熱食、沙律及小食、雪糕、飲品等等呢度有蒸籠點心同老火靚湯好多Auntie都捕住呢個區㗎🙈我都飲左碗羊肚菌烏雞湯，好飲又滋補✨！「 中菜 😋 食 ‧ 回 ‧ 本 」♥ 金湯慢煮鮑魚花膠盛 ( 炆到啱啱好，好正 )♥ 皇牌燒乳鴿王 ( 燒得好靚又唔柴 )♥ 豉汁蒸鱔 ( 好惹味、好新鮮 )♥ 葡式香草煮蜆 ( 啲蜆漲卜卜，香草味好出 )♥ 川味燒鮮蠔♥ XO醬蒜蓉粉絲蒸蟶子皇♥ 籠仔大頭蝦 「 新品登場 🌟」 ♥ 魚子醬日本空運蠔杯 ( 隻蠔好爽口 ) ♥ 酥皮焗周打魚湯 ( 要趁熱食，唔係會塔晒 ) ♥ 焦糖鮟鱇脆餅 ( 鹹甜鹹甜咁幾得意 )「 廿幾款刺身任你食 🤤」厚切三文魚、甜蝦、赤蝦帶子、赤貝、長腳蟹腳 等等「 召喚甜品控 ~ 📣」 ♥ 椰皇燕窩燉蛋白 ( 都幾多燕窩，重奶香 ) ♥ 脆炸貓山王 ♥ 燒榴槤 ( 夠晒熟，好香甜 )記得去甜品區拎埋 芒果大福、牛乳布甸，仲有萄撻全部嘢都好吸引😍食到勁飽都係食唔晒啲新嘢熟食其實仲有炒蟹、焗海螺，壽司都有十幾款揀不過呢個價錢，求其食都回本，唔使可惜🙈。好滿足呀 ~下次再續！…Read More

原來佢哋喺啟德體育園都開咗分店呀 ~📣！新店走森林系風格🌳，日頭有陽光照入嚟，感覺幾舒服同寧靜，好有一份文青感🩵🤍。估唔到呢日落大雨都有咁多人幫襯，注意假日可能要等位⚠️！今次試吓佢哋最新嘅泰式Menu先🇹🇭。🥞 泰式梳乎芒果糯米飯 │ $138估唔到芒果糯米飯都有Pancake版本。有好多芒果🥭，有椰奶俾你落，仲有Pat椰汁糯米飯，真係泰Fusion ~ 賣相都好靚靚💛🍳 漢堡扒全日早餐 │ $156呢個ADB幾足料，煙三文魚有兩大朵花，配丹麥酥唔錯。嚿漢堡扒聞落好有泰國feel，應該用咗泰式香料去整，都幾惹味。不過啲蘑菇有啲淡😟，再濃味啲會更好。🥗 泰式青檸芒果沙律⁠ │ $92又係大個咗至知食菜好重要！而家出街食嘢都多咗食沙津菜，呢個酸酸辣辣咁好開胃，入面有士多啤梨同芒果，幾清新。🍹 糯米芒芒椰奶沙冰 │ $68🍹 羅勒檸檬特飲 │ $52呢2杯嘢飲係有啲貴，不過要嗌埋先Match到成餐飯嘅泰式風情🌸🌺。杯沙冰唔係好甜，飲落有少少綿稠嘅感覺；而杯檸檬就正常發揮，有陣薄荷感，幾解渴。‧ ‧ ‧ ‧ ‧ ‧💡 教你點去：啟德地鐵 D出口🚇，一路行到去零售館1門口，轉左直行會見到北斗園個路牌🚏，然後行到分叉位再轉左直行，治路右邊係個有蓋運動場，行前多少少就係餐廳喇🍴！…Read More

作為9月嘅壽星女🎂，今次嚟呢度體驗吓佢哋新加入嘅生日慶祝配套✨🩷。之前嚟食過一次好念念不忘，店內走達摩主題好日系，嘢食質素又唔錯，成個用餐體驗都好滿意✌🏻🆕新登場🌟壽喜燒套餐二人前 有牛肉盛盒 ($618)同豚肉盛盒 ($498)揀價錢都幾相宜👌🏻盒牛肉都好大份！🥩 檸檬牛舌🥩 安格斯牛板腱🥩 澳洲M5和牛仲包咗蔬菜盛盒🥗、稻庭烏冬、1個自選小食、2個自選漬物。小食有8款選擇，我揀咗佢哋招牌嘅💛明太子玉子燒 (+$26)。而漬物就揀咗辣味帶子裙邊同醬漬螢光魷魚🦑。成個套餐都好豐富，好夠食㗎！🦀 甲羅燒三味 │ $198唔係好多地方有得食，仲要有齊三個口味，賣相又咁精緻，好似都真係得呢度先有😏。燒到熱辣辣，蟹味好岀，又唔算好鹹，都幾惹味。🍰 朱古力鏡面蛋糕 | $98🔮 驚喜生日禮盒 │ Free 據聞係全港首推嘅日式生日祝福畫碟服務🎨。只要嗌一件cake就可以有免費畫碟寫字 (💡記得要提前預訂) + 送即影即有 + 達摩堂小禮物🎁。 呢$98畀得抵呀！個蛋糕都幾好味。Magic Moment 🔥🪄💫點火儀式真係好澎湃，一定要影低佢！今次都係畫咗我鍾意嘅Hello Kitty🎀，好神似，成個setting都好靚，滿足晒少女心💘🩵 淡雪之莓 │ $41🩷 甜蜜白桃梳打 │ $37呢度嘅飲品都好靚😍價錢中規中矩唔算好貴最尾玩埋攪珠，仲有… 🔮 達摩許願板🎋話說上次嚟許嘅願望，有一個真係成真咗💫🌟！所以大家唔好錯過呢個許願環節，記得喺達摩許願咭寫低你嘅願望🙏🏻祝你哋都心想事成！…Read More

呢間安平燒肉價錢係就係少貴🤏🏻，但質素絕對唔會令人失望。今次嚟到發現Menu有更新，係打破咗大家認為「燒肉就係肥膩」嘅感覺😳，仲多咗個壽喜燒鍋揀，實現和牛二食，勁嘆呀✌🏻！第一次試呢個「極．厚切檸檬牛舌👅」估唔到燒肉都有得玩儀式感喎！沙漏⏳係用嚟計時，每邊肉燒2分鐘就最Juicy。然後再用刀叉切開🍴，再倒啲檸檬汁🍋，成件事高檔晒。加咗檸檬汁確係有提鮮同減膩嘅作用，好味！呢個餐仲包咗海鮮任食🦪🦐！生蠔、鮑魚、扇貝、虎蝦等等都咁高質、大大隻，生蠔仲有鹽蔥同鹽蒜口味揀。新Menu 仲有韓風限定食品🇰🇷可以DIY韓式拌飯、生菜包肉、白鱔配紫菜同起司雞蛋等等。估唔到平時食韓國嘢先有嘅爐邊蛋🍳，都有個簡易版畀大家試吓。呢度仲有燒酒同Cocktail供應🍺🍸，鍾意嘆酒嘅朋友都可以盡興 ~！🌸 安平櫻花蝦飯一場嚟到，點可以唔整返個招牌靚飯。自助區自己落櫻花蝦、香蔥、紫菜，再加埋秘製滷水汁。紫菜隨心轟落去🫶🏻，好滿足呀！🥣 十二味醬 / 自助專區超多款醬汁揀，招牌黃金醬就一定必揀嘅。仲有個蔬菜區，可以擺落壽喜燒鍋度Shabu Shabu 💫。最後把握時間食埋芋圓仙草凍，再整埋個DIY Yogurt🍦，解一解油膩，為呢一餐咁豐盛嘅晚餐，畫上完美嘅句號。…Read More

呢間係我好鍾意嘅餐廳，因為有Pancake又有窩夫食😆。大型商場嚟講，價位唔算好貴👌🏻平日又有Set嗌，所以經常都座無虛席。今次發現Menu都多咗新嘢，賣相精緻又好好味。加上咁啱坐到藍白打卡牆邊，真係求其影都勁IGable ~ 好Happy🩵🤍 🧡 燒春雞 . 窩夫 . 沙律 │ $142幫我打粒星🌟呢個好有驚喜！窩夫畀夠4嚿份量，仲要整得勁脆，食落有少少牛油鹹香，落埋糖漿，好熱氣😌又好好味！ 呢個價錢有埋隻燒春雞，幾焦香但肉質偏實淨啲。沙律份量都唔少🥗，有火箭菜同生菜，成件事係抵食喎，營養又好均衡。🩷 海膽帶子 . 蟹肉海膽忌廉汁意粉 │ $178呢個好味，唔會後悔嗌咗佢！海膽好大嚿，唔腥仲幾鮮甜✨。意粉夠Creamy好掛汁，質感都整得好好又唔鹹咗，兩個人Share食啱啱好，唔太漏。🥞 焙茶醬柑橘Pancake │ $132同好姊妹過嚟，一定要嗌返份Pancake影相📸 幾個口味都整得好靚㗎！估唔到啲柑桔仲爆汁𠻹🍊，好鮮甜。食食吓啲醬會有啲甜膩，不過整體都唔錯。🤎 Milkshake Coffee Float │ $58一定要飲埋招牌奶昔！除咗飲開嗰幾隻口味，仲有咖啡版☕️。我揀咗Choco，類似飲緊奶昔版嘅Mocha，好濃郁都幾好飲。🤎 Latte │ $44 有拉花👌🏻‧ ‧ ‧ ‧ ‧ ‧耐耐哋冇過嚟食，估唔到價錢仲係keep返咁上下，冇特別加價👍🏻。食完今次，好想快啲試埋其他Pancake口味😌，下次去幫襯吓其他區嘅分店先。認真今次呢三樣嘢都好推介，仲食到好飽，又影到靚相，好滿足Yeah✌🏻！…Read More

喺太子嘅元祖總店，門口會見到古色古香嘅"南楓樓"字眼，加埋落地大玻璃同木系裝修，真係幾文青，仲可以帶毛孩嚟🐶🐕！小店嚟講選擇都幾多，仲有本地烘焙豆賣☕️，鍾意咖啡嘅朋友可以留意吓。🥪 手打蝦堡厚吐司 伴薯條 │$108 係有驚喜喎😋！食得出係手打質素，咬落有汁、唔會碎晒，仲食到粒粒蝦嘅質感，味道偏惹味，搭薯條食好夾🍟。🍝 牛肝菌忌廉汁意粉│ $108呢個價錢好收貨，份量好大碟！除咗牛肝菌，仲有蘑菇同雞髀菇，啲菇落得好足料🍄🍄‍🟫，好味。🥗 煙三文魚配黑醋汁沙律│ $98鍾意啲食材全部大大塊，唔係碎濕濕。煙三文魚有5-6片，啲菜好新鮮🥬，仲用咗豆卜去取代麵包粒，幾有新意。份量又好OK👍🏻👍🏻！🧇 三重莓果窩夫 配雪糕│ $118之前有試過窩夫ADB，今次揀返甜品。例牌全份有4嚿，味道偏楓糖焦香感🍯，可惜唔係好夠脆，不過賣相好吸引，生果都好多料！💚 開心果芝士蛋糕│ $68Threads 見過好多次呢嚿蛋糕嘅蹤影！嘩！真係好絲滑喎～ 😳雪得夠凍，食落好似雪糕咁Smooth。要講返句 香港人對甜品嘅最高評價🏆：「唔 太 甜！」✨開心果味都好出🙌🏻 🍹 Iced Latte │ $47🍹 桂花菠蘿汽泡水│ $50呢度附近有雷生春、汝州街等景點，嚟開深水埗探秘🔎，好推介要順道試吓Buff。食物同咖啡質素都唔錯，冇限時、靜靜哋🤍唔使急，輕鬆嘆。最緊要係要撐香港本土小店🇭🇰！…Read More

無論幾時，打邊爐真係冇分季節。呢間牛大人幫襯過咁多次，keep住都有新意，唔會食到悶。佢哋最新推出咗「炎夏椰樂祭☀️」，由湯底、小食、醬料同甜點都加入咗椰子🥥，可以沉浸式咁嘆晒整個椰子主題火鍋，係正嘅🤤！「來都來了」🙈 梗係揀最豐富嘅Set🌟120分鐘日本A4黑毛和牛放題$448 (💡19:30前離座) 送 澳洲M9和牛牛丸2粒、海鮮拼盤、任食鮑魚😍。嗌呢個餐，仲可以無限暢飲Cocktail特飲🍸同啤酒🍻一定要試！椰子主題🌴期間限定湯底🥥 「喇沙椰爺仲夏鍋」🥥 「木瓜椰皇嫩雞鍋」喇沙湯底唔會好辛口，唔食得辣嘅朋友都唔使驚。A4+和牛、日本黑毛豬，肉質保持水準，和牛入口即溶，仲可以無限追加，食肉獸勁Happy😌不過今次啲海鮮就可惜細隻咗啲喇🤏🏻椰子主題Menu都幾多新嘢🥥 小食：椰酥跳跳豬、黃金椰絲蝦丸、椰林火山脆薯條🍯 醬料：香椰火焰醬、椰汁美奶滋🍭 甜品：香芋椰漿脆脆 (幾好味😍)🍨 Movenpick 椰子雪糕 (好清爽 唔太甜)🍸 特調飲品：粉桃椰香 、冰檸伴椰🍹 必飲 椰奶蓋芒芒爽入面仲飲到啲粒粒同果肉，勁邪惡😈。如果唔係嗌呢個餐，只要follow 社交平台，都有得免費送㗎！未完，仲有遊戲玩！🌟「知識就是折扣」食到咁上下，店員會過嚟搵你玩問答遊戲有幾個主題揀，答ABCD咁* 答中2題：即影即有一張* 答中4題：即送鮑魚小吃拼盤* 答中5題：下次惠顧全單85折 我懶醒咁揀咗「流行文化」😒係難㗎喎最後答啱咗2條，有得影相📸有證書、錦旗，仲有畢業帽🎓，真係I人尷尬時刻🤣不過都幾Funny哈哈‧ ‧ ‧ ‧ ‧ ‧估唔到而家打邊爐都咁多嘢玩兩個鐘食到好飽 又好忙不過今次叻咗最後仲chur到食埋仙草凍同雪糕🍧仙草凍記得留時間食，解一解熱氣好正💫！‧ ‧ ‧ ‧ ‧ ‧…Read More

呢間韓國餐廳喺香港越開越多，第一次嚟時代廣場呢間，都好大間喎😳坐得闊落啲，成個氛圍都舒服，好打到卡📸。佢哋嘅招牌窩夫最近出咗蜜瓜版本，一於實測新口味會唔會好伏先！💚 比初戀還要甜的蜜瓜窩夫 | $132呢期蜜瓜當造，都真係有爆汁、好清甜。感覺好Fresh，同個楓糖窩夫都幾夾🧇，不過驚喜就唔算好大。整體冇咁甜，味道唔錯嘅。💚 圓碌碌蜜瓜沙冰 | $62好清爽！上邊有啲蜜瓜波波，底下就有蜜瓜味嘅果凍，成杯嘢幾豐富。不過沙冰係好凍，等佢攤一陣溶溶哋飲就好爽！🥘 玫瑰醬海鮮年糕 | $116呢個有驚喜喎！本身諗緊韓式年糕會唔會勁辣，呢個用咗玫瑰醬好惹味，輕輕微辣唔會辛口，唔食得辣嘅朋友都一定食到🫶🏻 同埋啲配料都幾足，有齊蝦肉、青口、蜆肉、八爪魚，仲有啲菇𠻹🍄，所以味道同口感都好豐富👍🏻年糕都整得好入味又唔太韌，呢個好味！🥘 韓式燉牛肋骨配飯 | $138佢哋炆到啲牛肉好腍，好容易就起到晒啲骨出嚟，而且近骨嘅牛肉都更重牛味，所以都好難難食🤣仲有紅蘿蔔同埋白蘿蔔，幾有港式牛腩飯vibe，份量都好多吓！🍙 雞蛋多過飯的蛋飯卷 | $92終於有呢一個版本出現喇😌！舊玉子蛋整得好綿滑，冇搭肉冇咁多飯，食落冇咁肥，但依然係會飽肚，呢個都幾推薦女士們嗌！☕️ 飲完唔會手指指餅咖啡 | $58飲落去都真係Tiramisu咁嘅味，不過不失都唔錯👌🏻‧ ‧ ‧ ‧ ‧ ‧💡 Summer Time「夏日陽光遊」記得同店員拎一本Terrace Passport每次幫襯都可以儲一個印仔💮，三個已經可以換到免費飲品，指定分店仲有得玩Game🎯；儲到12個印仔就可以全單半價，係佢哋嘅熟客就唔好錯過啦！…Read More

呢度出名係食材高質，店內有海鮮水缸🦞🦐，啲海產夠晒新鮮，食得安心好多！今次特登嚟二刷佢哋嘅招牌名物月見丼🤟🏻！🧡 月見・極丼 │ $208 🧡 月見・櫻花海老丼 │ $145每款丼飯都會有一隻日本蛋，撈埋啲飯食真係好好味🤤！極丼係最滋味，有齊海膽、三文魚籽同吞拿魚蓉，每啖都好濃郁，份量啱啱好🫶🏻。而海老丼就最啱鍾意食刺身蝦嘅朋友，價錢又相宜啲。🦪 時令生蠔［限時優惠🌟$145半打]今次時令係法國普斯生蠔，除返開唔使$25隻😳，CP值好高。食落都冇腥味，口感偏Creamy。好少食生蠔嘅我都覺得好易入口！💡 除咗生蠔，龍蝦刺身同象拔蚌刺身都做緊半價，大家可以留意吓💁🏻‍♀️。🧡 海膽龍珠卷 │ $148🍢 汁燒免治雞軟骨棒 │ $38又係上次食過覺得好味要再嗌返！第一次嚟嘅朋友一定要嗌龍珠卷，唔係周圍都有。🍣 黑松露煙燻帆立貝 │ $35🍣 火炙厚切鮟鱇魚肝 │ $42🍣 柚子風手切本鮪魚腩蓉 │ $32呢3款特色壽司係期間限定🌟，賣相好精緻，用咗紫菜兜住，一啖一件。大推帆立貝！唔會好漏，口感同味道都好正🤤！🐠 銀鱈魚西京燒 │ $118呢個銀鱈魚好有驚喜😳！一梳梳魚肉有濕潤感，食落好鮮甜、又冇骨，真係懶人至愛。🍢鹽燒仙台熟成牛舌芯 │ $128💖 免費畫碟服務🎨單點一份甜品就有得免費畫碟，好啱生日或者慶祝活動增加啲儀式感💕！如果有指定卡通圖案/內容就要預早兩日WhatsApp落單📲，同埋要畀訂座訂金$200。今次揀咗畫我兒時回憶嘅比卡超PIKACHU⚡️，肥嘟嘟咁都幾得意。🍰 特濃開心果雪糕脆窩夫杯 │ $68🍰 巴斯克芝士蛋糕配挪威焦糖芝士 │ $65開心果嗰款好精緻，雪糕夠濃郁，可惜細杯啲🤏🏻。芝士蛋糕味道都OK，乾身咗啲但唔大影響。🍺 蜜桃碳酸酒 │ $55 (中杯)🍹 巨峰乳酸梳打 │ $35呢度酒類飲品選擇極多，生啤全日任何時段都係半價🌟，$34蚊就有500ml咁大杯，不過我都係鍾意嗌梳打類飲品，無酒精都有幾款，所以呢度都好啱家庭聚會過嚟。…Read More

午市得90分鐘，係食得有啲趕，不過可以話係過足口癮，回晒本。最畀到驚喜我，係啲韓式熟食幾高質🥰！🥩午市有14款肉類選擇：雞、豬、牛，仲有羊肩肉喎🐑冬天食啲羊肉暖一暖都幾好😋提一提🤍💡建議先燒晒啲冇汁嘅肉，咁樣個爐會冇咁搶火又冇咁易燒到黑晒🌚當然都可以搵店員換爐🦑 海鮮任食，有青口、蜆、多春魚、墨魚嗰啲，仲有得燒八爪魚仔🐙 附送嘅醬油海鮮拼盤都好正！隻蟹爆晒膏，如果怕太生可以擺落去再燒吓。個醬油八爪魚好出色👍🏻好爽口彈牙！🇰🇷 重點推介啲韓式小食🌟野菜粉絲、泡菜煎餅🫓、柚子單骨雞翼、紫菜包飯🌯、粉絲煎餃等等，全部都整得幾好味👍🏻，熱辣辣上枱特別好食😋。一定食到回晒本！臨走之前記得食埋雪糕🍧鍾意佢係芭菲嗰隻質感，食落唔太甜都幾Refreshing🍀‧ ‧ ‧ ‧ ‧ ‧…Read More

選擇超多，睇Menu都要花啲時間🙈。男士們想帶女仔食啲有質素、有品味嘅餐廳，呢間都係好選擇🥰，又坐得舒服！🩷 月見 - 極丼鎖定要嗌最出名嘅月見丼！佢哋標旁使用"高級卵🥚"，質素好啲，食得都放心啲。呢款係包括咗海膽、三文魚籽同吞拿魚蓉，係冇得輸嘅組合🌟。撈埋隻蛋，爆晒汁，啖啖都好好鮮味，推介💁🏻‍♀️！🧡 特選海鮮丼 連定食如果肚餓，嗌呢款就啱晒！包咗定食，有湯、沙津同茶碗蒸。賣相好澎湃😳，鮑魚同牡丹蝦都好大隻，海膽份量亦畀得唔少；仲好貼心預先將鮑魚切開咗3片，食得方便啲👍🏻🧡 海膽龍珠卷 $148唔使去Omakase都食到嘅龍珠卷❗️呢個價錢有4嚿都算相宜，未試過一定要Try Try！最精粹係中間嗰粒有醃製過嘅大蛋黃🥚，食落口感好濕潤✨，每人Share 2嚿係啱啱好，冇咁漏。🍢 汁燒免治雞軟骨棒嚟居酒屋好似係必嗌雞棒。好鍾意佢個日式燒汁味，香口得嚟甜甜哋，好惹味。推介💁🏻‍♀️！🍰 千層雲呢拿蛋糕呢度有得嗌甜品，加分喎😳！仲有雪糕芭菲同心太軟嗰啲，今次就嗌咗清新少少嘅千層蛋糕。$35 抵加啦😌！唔太甜，正好作為成餐晚尾聲嘅Highlight~ 💫🍹 巨峰乳酸梳打🍺 檸檬冰果碳酸酒有唔同酒類選擇，7-8%酒精嘅碳酸酒都有好多款揀，入口唔苦澀好易飲👌🏻。唔飲酒嘅，都有乳酸梳打同汽水，所以一家大細過嚟都好啱🫶🏻…Read More

咁遠水路嚟到將軍澳，梗係有好嘢食😍。呢間韓日fusion餐廳 [ Seoulmate ] ，係PetFriendly🐶又係親子餐廳，環境幾闊落舒服，仲有搖搖櫈坐好有童心💛。嘢食CP值好高🌟，今次仲尋覓到回憶中嘅芝士火鍋！🫕 雪花芝士山鍋 | $298包咗180g 澳洲穀飼西冷牛扒🥩、炸雞、八爪魚燒、免治雞肉丸🍢、法式多士、新薯。份量幾豐盛，3-4個人share都OK👌🏻 味道都有驚喜，個芝士夠咸香得嚟帶微甜，所以搭埋西冷食係好提鮮，成個肉味都好岀，好正👍🏻！今次仲解鎖咗新食法🔓 +$28 辛辣麵將啲調味粉倒落，再加埋麵撈一撈，就可以實現辛辣版芝士撈丁🌟！有芝士中和咗，微微辣感都幾過癮，不過要注意啲粉唔好落咁多⚠️！🧡 明太子忌廉汁貓耳朵 | $158上面有三文魚籽同炸三文魚皮，賣相整得好精緻😍，仲好好味喎！口感好creamy，啲醬唔係好咸，貓耳朵細細粒好易入口。🍛 西班牙泡菜海鮮飯 | $168有三隻大蝦🦐同蜆，底下仲潛咗好多魷魚粒，口感好豐富。飯粒分明乾身，泡菜炒得爽甜，唔食得辣嘅朋友都絕對啱食。🍕 炸原隻軟殼蟹千島醬薄餅 | $138呢個幾抵喎，一開八件薄脆批，質感好正，脆得嚟又唔係勁熱氣嗰隻，隻蟹仲有蟹膏𠻹🦀！💖 最 期 待 甜 品 環 節💖🍮 雪山開心果意式奶凍 | $58有個奶要自己落，模擬咗雪山爆發個樣🏔️。都幾Q彈，開心果味都濃郁嘅，但會滯啲。🍮 蛋中的焦糖燉蛋 | $48蛋形狀上都幾cute，味道唔太甜膩，焦糖脆皮夠薄，好味！🏔️ 芒果奶昔奶蓋雪山 | $48🐻 洛神花冰極熊西柚白桃梳打 | $52想講呢度啲飲品都好打卡able！雪山同熊仔系列都各有幾個選擇，靚之餘味道都好唔錯😌，值得要嗌返杯。…Read More

好多人都話未認真行過啟德體育園，其實啲餐廳都陸續開晒，同埋啲路好闊係幾好行☀️👣。今次去咗零售館2 朝聖呢間好American Style嘅 ，主打親民價錢嘆酒店質素，都幾有賣點🌟！商場指示清晰咗，好易就搵到間餐廳。呢度空間感好大，仲有個幾Cute嘅網球牆🎾，好似話用咗一千個網球整㗎。難得坐到個靚位，一定要打卡📸。🍔 手打牛肉漢堡配薯條 味道正常發揮，塊漢堡扒都幾厚切大塊，想食得飽就嗌佢。🦐 明太子大蝦意大利飯 啲飯都有啲水份，唔會太乾身，味道都唔錯。加咗三文魚就真係畫龍點晴，賣相靚啲，又好味啲。🍝 白松露油忌廉野菌意大利粉呢個好好味喎👍🏻！本身睇落覺得乾乾哋，但原來食落都幾濕潤又好夠味，食到尾都唔膩，係一個唔伏嘅選擇，好味🩷！🍓 草莓窩夫配雪糕話晒係HeySoNuts團隊搞，甜品冇得輸💁🏻‍♀️窩夫烤得超脆🧇，真係外脆內軟，質感Real正！好細心幫你切開晒，又砌到成座塔咁好精緻🥰，呢個抵食啦仲大份，一定要Encore！💜 紫薯麻糬窩夫配雪糕見入面超多麻糬，有拉絲質感、唔算太甜👌🏻，但食食吓幾漏，同朋友Share食會好啲！☕️ Cappuccino☕️ Iced Cappuccino‧ ‧ ‧ ‧ ‧ ‧好鍾意呢度個Vibe🤍想食飽啲得，想Chill個甜品得🍰，想簡簡單單嘆杯精釀啤酒亦得🍻。冇限時，唔使食到咁急。本身價錢都算親民，如果你係啟德園區員工嘅話，仲多個9折！呢度甜品都做到生日畫碟🎂，約一班朋友嚟慶祝都唔錯。認真，窩夫係整得好好好味，大推一定要試🩷💛！…Read More

以前覺得食放題/自助餐唔抵，因為細食嘅人好難食到回本。去咗極尚大喜屋，發現真係實現「回本冇壓力」🫶🏻！$200幾蚊就可以食到咁豐盛嘅日式放題，求其嗌啲鮑魚、花膠、刺身已經回晒本😆，佢哋定期更新Menu，價錢抵食又唔肉赤💁🏻‍♀️。晚市都係唔使$300就食到飽🤰🏻不過我揀咗中午食，因為最早可以由中午12點食到3點🌟，想食盡呢3小時記得12點好到喇！💛 識食梗係狂狂狂嗌 刺身 赤蝦、三文魚、甜蝦、北海道帶子、北寄貝、赤貝、油甘魚、希靈魚，仲有蟹腳等等。啲刺身魚真係好厚切😍，三文魚好靚，夠肥美！🩷 回本必食呢啲👇🏻🌟 紅燒鮑魚飯 鮑魚炆得好腍好入味，份量Perfect🫶🏻🌟 醉鮑魚🌟 金蒜炭燒廣島蠔 (重蒜🤤好正🌟 金湯花膠如果食得落，我都想再食多份嚿花膠真係大件得誇張，好好味👍🏻🌟燒金枕頭榴槤王食到勁飽都隊咗2件，夠甜又軟綿壽司都有勁多花款🍣估唔到放題都食到咁精緻、咁靚嘅壽司。其實我嗌咗好多款㗎，不過擺晒入口都食到影唔切‧‧‧🙈🍣 厚切鰻魚玉子漢堡兩層玉子中間夾住明太子醬好值得要食，口感好正🍣 焦糖鵝肝壽司好有驚喜！加咗焦糖甜甜哋，好好味😍🍣 海膽三色中餅心心形狀好得意，海膽都好新鮮🍣 千島杏片赤蝦🍣 拖羅蓉伴吞拿魚🍣 拖羅蓉虎蝦🍣 三重芝士松葉蟹肉卷最尾梗係要食雪糕同甜品🍧除咗有大家up得出嘅雪糕牌子，我覺得自助區個軟雪糕都幾好味🍦。今轉係哈蜜瓜味，仲可以揀2溝。唧完個雪糕，過隔離加幾粒爆谷🍿，開鎖隱藏食法🌟！啲焦糖爆谷炒得好好味，食落又唔會起渣，係出色嘅！食咗好多好多嘢🤰🏻久唔久食返餐放題都幾滿足！🤣…Read More