原來佢哋喺啟德體育園都開咗分店呀 ~📣！
新店走森林系風格🌳，日頭有陽光照入嚟，感覺幾舒服同寧靜，好有一份文青感🩵🤍。估唔到呢日落大雨都有咁多人幫襯，注意假日可能要等位⚠️！
今次試吓佢哋最新嘅泰式Menu先🇹🇭。
2
🥞 泰式梳乎芒果糯米飯 │ $138
估唔到芒果糯米飯都有Pancake版本。
有好多芒果🥭，有椰奶俾你落，仲有Pat椰汁糯米飯，真係泰Fusion ~ 賣相都好靚靚💛
🍳 漢堡扒全日早餐 │ $156
呢個ADB幾足料，煙三文魚有兩大朵花，配丹麥酥唔錯。嚿漢堡扒聞落好有泰國feel，應該用咗泰式香料去整，都幾惹味。不過啲蘑菇有啲淡😟，再濃味啲會更好。
🥗 泰式青檸芒果沙律 │ $92
又係大個咗至知食菜好重要！
而家出街食嘢都多咗食沙津菜，呢個酸酸辣辣咁好開胃，入面有士多啤梨同芒果，幾清新。
🍹 糯米芒芒椰奶沙冰 │ $68
🍹 羅勒檸檬特飲 │ $52
呢2杯嘢飲係有啲貴，不過要嗌埋先Match到成餐飯嘅泰式風情🌸🌺。杯沙冰唔係好甜，飲落有少少綿稠嘅感覺；而杯檸檬就正常發揮，有陣薄荷感，幾解渴。
‧ ‧ ‧ ‧ ‧ ‧
💡 教你點去：
啟德地鐵 D出口🚇，一路行到去零售館1門口，轉左直行會見到北斗園個路牌🚏，然後行到分叉位再轉左直行，治路右邊係個有蓋運動場，行前多少少就係餐廳喇🍴！
