🩷 月見 - 極丼
鎖定要嗌最出名嘅月見丼！
佢哋標旁使用"高級卵🥚"，質素好啲，食得都放心啲。呢款係包括咗海膽、三文魚籽同吞拿魚蓉，係冇得輸嘅組合🌟。撈埋隻蛋，爆晒汁，啖啖都好好鮮味，推介💁🏻♀️！
🧡 特選海鮮丼 連定食
如果肚餓，嗌呢款就啱晒！
包咗定食，有湯、沙津同茶碗蒸。賣相好澎湃😳，鮑魚同牡丹蝦都好大隻，海膽份量亦畀得唔少；仲好貼心預先將鮑魚切開咗3片，食得方便啲👍🏻
🧡 海膽龍珠卷 $148
唔使去Omakase都食到嘅龍珠卷❗️
呢個價錢有4嚿都算相宜，未試過一定要Try Try！最精粹係中間嗰粒有醃製過嘅大蛋黃🥚，食落口感好濕潤✨，每人Share 2嚿係啱啱好，冇咁漏。
🍢 汁燒免治雞軟骨棒
嚟居酒屋好似係必嗌雞棒。好鍾意佢個日式燒汁味，香口得嚟甜甜哋，好惹味。推介💁🏻♀️！
🍰 千層雲呢拿蛋糕
呢度有得嗌甜品，加分喎😳！仲有雪糕芭菲同心太軟嗰啲，今次就嗌咗清新少少嘅千層蛋糕。$35 抵加啦😌！唔太甜，正好作為成餐晚尾聲嘅Highlight~ 💫
🍹 巨峰乳酸梳打
🍺 檸檬冰果碳酸酒
有唔同酒類選擇，7-8%酒精嘅碳酸酒都有好多款揀，入口唔苦澀好易飲👌🏻。唔飲酒嘅，都有乳酸梳打同汽水，所以一家大細過嚟都好啱🫶🏻
