JellyJan's Profile

今天小妹又出去揾下午茶食，見之前Pokka Cafe 的店舖再重新裝修, 現在名為Pick Coffee， 想看看他們的Tea set 同之前間Pokka Cafe 有什麼分別 ! 入到餐廳後，裝修都是以精緻日本西式cafe為主題。Tea set 餐牌有很多選擇， 可以說是包羅萬有! 最後，小妹就點咗個「 日式叉燒雞白湯拉麵配雞肉漢堡及芝麻雞翼」， 當然再order埋呢度的「皇牌特色咖啡 」(等叫起先上)啦!等了不久， 湯麵和小食都端上， 但是看到「雞肉漢堡和芝麻雞翼」的賣相就一般般啦，而味道跟普通茶餐廳一樣 ，沒有特別驚喜! 至於個「日式叉燒雞白湯拉麵」，湯底和拉麵份量也可以； 溫泉蛋好味；麵條、叉燒質感和味道只可以講是ok； 但就性價比來說， 整份下午茶餐就好一般!食完拉麵後，就叫侍應姐姐端上期待已久的「皇牌特色咖啡」， 好在杯咖啡總算沒有令小妹失望 ，真是這裏的超級皇牌! 好正! 小妹總算在這間cafe尋回點日式咖啡的感覺! 咖啡無論溫度、味道、和質感都保持水準，實在不可不試!…Read More

今天又是我可以做自由人時間，剛巧經過這間星馬泰餐廳，見冇乜人， 又有啲肚餓 ，就想試試佢哋嘅下午茶set! 看過餐牌後，覺得在青衣城來說，這裡的價錢算是合理，平均都是五六十蚊就有交易(未包加一服務費)，下午茶餐牌也有很多選選，包一個主食加一杯嘢飲，也可以額外追加其他小食!餐廳裝修不錯，見到主人家設計嘅心思，這裡主要是用木和藤等物料擺設， 環境很有馬來西亞風情!由於小妹很懷念以前一間位於灣仔的蝦麵店，所以見到餐牌上有一道「檳城濃湯蝦麵」，就急不及待 order了，這裡是用手機自助點餐，非常方便!蝦麵湯底尚算濃郁，麵條也可以，材料除了有蝦、蛋和配菜外，還有兩片豬腩肉... 肉質和味道OK，可能小妹比較晏先食野，所以略嫌份量偏少 😅! 縱觀而言， 這間星馬泰餐廳不過不失，性價比OK，大家可以不妨來試試!…Read More

約了兩位閨蜜諗住星期五去尖沙咀食晚飯，本想去尖東之前食過嗰間地中海餐廳，點知事隔數月就換咗這間越南餐廳，我們見地點位置都算方便，所以就即管試試這間新派越南餐廳了!本來我們一早已預訂了晚上7時15分 Indoor Table， 但去到 Receptionist竟然話今晚好full，現在沒有枱給我們，要我們等等... ...吓! 😱竟然!！ 我們等了20分鐘才有位坐， 但是要安排我們坐Outdoor table，可能佢地室内的Indoor table 之前已overbooked!？🤔Anyway, Outdoor環境尚算開揚， 適合一大班朋友聯誼聚腳。餐牌的Design與Content都比較西洋 feel! 我們就點了呢度幾個招牌Dishes:- - Pho Bo Waygu add with Roasted Bone Marrow (招牌牛肉米粉連骨髓)- DIY (自制素菜纸米卷)- Bun Thit Nuong with Char Chilled Chicken (炭烤雞扒米線)- Spicy Fried Chicken Wings (辣炸雞翼)- Morning Glory (炒通菜 )小妹覺得這幾個Dish性價比一般般啦，份量和味道都可以的；但是，如果你話要食正宗越南嘢，這裡可能未必是啦! 但, 如果你想約三五知己來高興下，不妨也可以來這間新派越南餐廳一試!…Read More

今天天氣很好，諗住帶媽子出去曬曬太陽，順便食過下午茶餐， 途經荷蘭冰室， 見有位， 所以就入去坐坐，同媽子嘆一嘆下午茶!這裏的下午茶menu有很多選擇，鹹點、甜點、以至炒粉麵飯都有! 而且價錢亦很相宜， 一個字來形容 「抵」! 而且這裡的環境也很舒服，因為這間冰室是採用落地玻璃兼開放式設計，所以沒有很侷促的感覺!入座後，我們order了一客「黑白一口西多士」, 和一客「吉列豬扒拼沙律」兩個Tea sets!「一口西多士」很鬆化， 脹卜卜，再加埋個朱古力和煉奶醬， 非常惹味!而「吉列豬扒」就炸得很香脆，外脆內軟，熱辣辣拼埋沙律一齊食，so juicy ! 杯奶茶也很不錯，茶底没有苦澀味，媽子和我也很滿意今天的下午茶，媽子仲問我幾時會再帶她來食㖭:):)! 我們兩個人埋單都是七十幾蚊， 簡簡單單 ，這裡也是一個屋邨下午茶的好去處!…Read More

今天中午陪我侄仔去鑽石山買閃咭 ，途經鑽石山荷裡活廣場，見到一間裝修得很有日本風味的餐廳，望一望原來是丼丼屋出現在眼前! 因之前位於青衣城的分店已结業，所以很久都沒有機會再食丼丼屋的定食了，很想再回味。 姪仔好肯定的跟我說：話丼丼屋有保證， 不如就在這裏吃午餐! 而我當然支持啦，二話不説就入咗餐廳， 這間丼丼屋的裝修真是很不錯， 裏面佈置了很多櫻花和日本裝飾， 而且地方又闊落 ，給人有一種煥然一新的感覺!之後我們就點咗個丼丼屋出名的滑蛋親子雞肉丼， 因為姪仔話 這個雞肉當定食又大碗又好味 ；而我就點咗個燒銀鱈魚定食， 雖然咁耐冇食，但是味道依然保持水準，正! 滑蛋親子雞肉丼： 份量十足，雞肉同滑蛋滿滿，而且味道非常新鮮，的確大人和小朋友都咁啱食!燒銀鱈魚定食： 銀雪魚燒得皮脆肉嫩， 而且醬汁很惹味，平時少吃飯的我，也忍不住口吃晒全碗珍珠米飯，大滿足!另外，我們加多了兩個小食，一客炸雞和一客玉子蛋，雖然兩個小食份量不多，但配埋個主定食， 份量啱啱好， 而且又有很豐富的感覺!這次再光顧丼丼屋 ，小妹非常滿意，而且還重拾久違了的丼丼屋味道，希望丼丼屋在今天的經濟環境下，仍能夠繼續迎難而上，努力呀!…Read More

今天下午行咗去青衣城，期間經過2樓，見到有一間新開的越南食肆， 即管走行去望望他們放在門前的餐牌，見到這裡的下午茶餐牌都幾抵食，而且有很多選擇，所以就入去幫襯下!餐廳內的裝修格調傾向柔和色彩，看起來很舒服養眼! 這裏的下午茶餐大概是由$56起至$70不等，而餐牌主要是越式湯粉類、撈檬類、炒粉麵及飯類等，包一杯飲品，最啱等食late lunch 嘅朋友仔當正餐食!!小妹就order咗個「炭燒豬扒扎肉撈檬」加 一杯熱咖啡。炭燒豬扒肉質夠晒腍，但可惜冇乜肉味，又食唔到有炭燒味! 而扎肉就沒有太大特別，味道一般!至於杯咖啡，一心想可以飲到的是越南咖啡，但可惜只是普通咖啡，令小妹有少許失望!總括而言，這間越南食肆在青衣城來説，性價比一般，不過不失，份量都算OK，侍應服務也尚可以，但食物質素則有待提升，要繼續加油!…Read More

近日秋高氣爽，作為香港人的我也未遊歷過位於美孚的饒宗頤文化館，所以就趁這天朗氣清的日子，相約閨密去這裡逛逛! 館內的建築物很有英國建築特色，而且小妹還發現位於文化館中庭位置內，有一間很有歐陸式建築的餐廳 ~ House of Joy 「悅滿軒」，餐廳的外牆設計非常有外國小鎮情懷，當日我哋就來這間餐廳品嚐晚餐:)!餐廳內的佈置很簡約優雅，而這裡的menu也很吸引，當晚我哋就order咗1 set “Chef Tasting Menu” ($688 for 2 persons)，另外再order 多半打法國生蠔。侍應話呢度啲生蠔是來自法國，$10一隻非常抵食，所以就叫了半打試試! 生蠔味道不太濃，有海水味，質感爽口，size 較細，但性價比很高，尚算不錯!再來是 starter，小妹就要咗個「甘筍南瓜湯」，湯濃度恰到好處，非常有新鮮蔬果味，好健康!至於second course， 小妹就要咗個「藍鯨吞拿魚他他配牛油果蓉多士」， 而閨蜜就要咗個「法式凍龍蝦肉醬配芒果莎莎」，兩個賣相都超靚超精緻，也可能是開胃前菜關係，份量較细，淺嘗一口，令你一試難忘!Main course 我就要咗個「香煎智利黑鱈魚配烤海鮮跟海鮮蟹肉汁海鮮泡沫」。 單是賣相已經是無法抗拒，鱈魚肉質嫩滑，再配埋海鮮蟹肉和打成的海鲜泡沬一齊食，味道鮮甜可口，口感一流! 小妹超鐘意這道菜!而小妹的閨密就要咗個「慢煮美國小牛排配蕃茄汁意大利麵」，小牛排好有牛味，而且肉質很鬆化，配埋個意粉一齊食，極度有滿足感!至於甜品，英式「Apple pie」 OK，酥皮脆度適中，不太甜；而「麵包布甸配雲呢拿雪糕焦糖汁」，甜度比較淡口，麵包布甸口感比較軟身，所以小妹覺得要配埋雪糕同crumble脆脆一齊食，再加嘆住一杯滴漏咖啡，感覺會好味點，完美點! 今次能夠找到這間隱世餐廳「悦滿軒」真是有House of Joy 的感覺 ～ 開心! 如果大家有機會來這裡遊遊，不妨也來「悅滿軒」望望，真心覺得這間餐廳很有fine dining 水準， 而且老闆侍應個個都好nice! 值得推介這間既有創意又有實力的隱世餐廳!…Read More

踏入秋季，正是香港郊遊好去處，作為香港人的我也未參觀過位於美孚的「饒宗頤文化館」，所以就趁天朗氣清的日子，相約閨密去這裡逛逛! 館內的建築物很有英國建築特色，而且小妹還發現位於文化館中庭位置內，有一間很有歐陸建築感覺的隱世餐廳 ~「悅滿軒」House of Joy ，餐廳外牆建築非常有外國小鎮情懷，當晚我哋就打算來這間餐廳品嚐晚餐!餐廳內的佈置很簡約優雅，見到餐廳內的menu更加吸引，所以最後我哋就order咗呢度嘅 “Chef Tasting Menu” ($688 for 2 persons)，另再order 多半打法國生蠔。侍應話呢度啲生蠔是來自法國，$10一隻非常抵食，所以就叫了半打試試! 生蠔味道不太濃，有海水味，質感爽口，size 較細，但性價比很高，尚算不錯!再來是 starter，小妹就要咗個「甘筍南瓜湯」，湯濃度恰到好處，非常有新鮮蔬果味，好健康!至於second course， 小妹就要咗個「藍鯨吞拿魚他他配牛油果蓉多士」， 而閨蜜就要咗個「法式凍龍蝦肉醬配芒果莎莎」，兩個賣相都超靚超精緻，也可能是開胃前菜關係，份量比較小，淺嘗一口，令你一試難忘，哈哈!Main course 我就要咗個「香煎智利黑鱈魚配烤海鮮跟海鮮蟹肉汁海鮮泡沫」。 單是賣相已經是無法抗拒，鱈魚肉質嫩滑，再配埋海鮮蟹肉汁和泡沬一齊食落口，味道鮮甜，口感一流! 小妹超鐘意這道菜!而小妹的閨密就要咗個「慢煮美國小牛排配蕃茄汁意大利麵」，佢話個慢煮小牛排好有牛味，而且肉質很鬆化，配埋個意粉一齊食，極度有滿足感!至於甜品，件英式「Apple pie」 OK，酥皮適中，不太甜；而「麵包布甸配雲呢拿雪糕焦糖汁」，麵包布甸口感比較軟身，甜度亦比較淡口，所以小妹覺得要配埋雪糕同crumble脆脆一齊食，加埋嘆住一杯滴漏咖啡，感覺會更好味點，更完美點! 今次能夠找到這間隱世餐廳「悦滿軒」真是覺得很開心! 如果大家有機會來饒宗頤文化館遊遊，不妨也來「悅滿軒」試試，真心覺得這裡很有fine dining 水準和氣氛， 而且老闆侍應個個都好nice! 有創意有實力的本地餐廳要繼續加油!…Read More

見壽司郎在青衣城剛開張，今天下午兩點幾經過，見不是太多人等候，所以就入去食下午茶，順便參觀一下這間新舖!在青衣城的壽司郎地方很大很寬敞，侍應們很有禮貌! 由於時間關係，我就即刻用佢哋專屬的平板電腦點餐，小妹當然點咗呢度嘅迷你飯壽司精選啦 ! 點餐後，壽司很快就從輸送帶送到，小妹至愛的極上鰻魚、吞拿魚腩、三文魚腩都好新鮮好有水準! 可惜，呢度嘅帆立貝較细，壽喜燒牛肉就有啲渣，有少少失望。至於這裡的海螺雙味和三點貝壽司，尚算可以!但這裡的炸蝦天婦羅烏冬好貼心，炸蝦可以分開上，而且味道和份量都好足料! 肚仔餓嘅朋友可以不妨order 這個烏冬，性價比超高，包你好快有滿足的感覺!最近見青衣城有很多食肆商舖都更換了，而壽司郎原址其實是丼丼屋和青悦，希望其他商舖可以繼續維持，大家要繼續支持本地食肄呀!…Read More

星期日晚我們三姊弟帶老爸老媽去附近恆景龍寶吃晚飯，這裡有很多不同款式的餐牌提供，我們點了一個$438的五和菜套餐，套餐包括客家鹽焗雞半隻、紅燒豆腐班腩煲、 韭黃滑蛋鮮蝦仁、 蠔皇花菇扒時蔬、脆皮燒腩仔(半斤)；另外再加一人一盅花膠燉湯。五和菜性價比很高，平日星期一至星期四只是$388，星期五、六、日就加多$50，非常抵食! 而且味道及份量都算OK! 值得一讚是這裡的原盅花膠燉湯，湯料十尺，有花膠、雞腳、瘦肉、 人參仔，味道非常鮮甜 ! 冬天就快到，大家不妨來一盅滋補下!順便一提，來龍寶食晚飯，每次都有甜橙送，一人一個，拎返屋企慢慢食都抵啦! 夠晒健康! …Read More

通常在星期天我和阿妹都會帶著行路不太方便的老媽子出去逛逛，今天下午也不例外，我們坐的士去青衣城，本想週圍行行，見到青衣城有好多商舖都轉換了，但仍見位於3樓的樂天皇朝還在，又見有少少肚仔餓，我地一行3人推著輪椅就上去睇下有無位!剛巧是下午兩點幾，過了午飯時間，店舖不算太多人，侍應見我哋有輪椅，也很貼心地安排我哋坐corner的窗口枱，枱與枱的位置很濶落，而且又有小火爐興住茶壼，一邊傾喫，一邊飲茶，確是嘆滬式下午茶的好地方!由於我哋是想入來食啲嘢順便給老媽子休息下，所以就order咗3道小食:-招牌原汁小籠包： 小籠包一籠有6個，送上來熱辣辣，size好正宗，咬落去肉汁鮮味，皮薄餡靚 ，而且又不覺得膩，食完好想繼續食，yummy!蘿蔔絲酥餅：蘿蔔絲砌得很又幼細，味道又很香甜，再加埋酥餅焗得很鬆脆，整個配搭恰到好處，唔怪之得是這裡的必食之選啦!皇朝擔擔麵： 由於我們不吃辣，我們叫了走辣! 擔擔麵份量好足料，麵條非常煙韌彈牙，沒有浸到淋bet bet，而且湯底非常濃鬱，再加埋花生碎和蔥花，味道非常惹味可口! 整體來說，小妹好滿意今日的滬式下午茶，既可以舒舒服服歎茶，又可以品嘗美味食物；而且吃下午茶時段比正常時段非常抵吃，如果大家假日想食個late lunch 或嘆下午茶，不妨來樂天試一試!…Read More

9月26日(星期四)我們一行四人，終於可以安排到可與老媽一起去廸士尼逛逛! 我們大概下午一點鐘到達，這天天氣極好，陽光普照，由於小妹已經有8、9年沒有去廸士尼， 所以今次之行都好想參觀幾個新園地，如魔雪奇緣、反斗奇兵、灰熊山谷、及Ironman 等。由於太曬的關係，我們下午兩點鐘去到魔雪奇緣世界裡的阿德爾小鎮，順道去試試這裡的阿德爾港畔餐廳 (Golden Crocus Inn Arendelle)。餐廳裡佈置得很有Frozen堡壘特色，掛滿很多Frozen人物肖像，當然室内溫度也很frozen 啦，我們入到餐廳內成個人舒服曬～ 夠曬Cool!餐牌內沒有太多選擇，而價錢當然不會太經濟啦，我們點了較便宜而又包羅萬有的兒童餐($105)，和一個凍蝦海鮮醬沙律($55)。兒童餐內有森林貓耳朵意粉、肉丸、炒雜菜、炸糖環及礦泉水一支。本想這是普通快餐一個，但卻令小妹有些驚喜:)，雖然份量不太多，但貓意粉跟肉丸配上忌廉磨菇汁的味道很不錯，而炸糖環十分脆又不太甜，食落口幾得意!大家下次來廸士尼，不妨行遠啲，入去魔雪奇緣世界的阿德爾餐廳打卡和食嘢啦!…Read More

今晚約了舊同事聚會，想找一間餐廳吃泰國菜，見門面佈置幾特别，即管試試這間! 未行入餐廳門口，已見有一條walk-in 長龍在餐廳外面，心想係咪真係咁好食呀？! 入座後，waitress 禮貌地說用餐只有90分鐘，我們即刻用QR code order 食物，其實餐單種類有很多，樣樣都好似好吸引! 由於我們得倆個人，所以最後就點了3款菜式：～※ Asok Thai 小食拼盤拼盤內有：免治豬肉串、泰式魚餅、雞棗、清邁腸、炸蝦片、燒菠蘿。整個拼盤賣相和味道都算不錯，不過，小妹就特別喜歡呢度嘅燒菠蘿和炸蝦片! 燒完的菠蘿好鮮甜；炸蝦片極脆而且很有蝦味，舔埋咖哩汁一齊食，超正! 其餘的就中規中矩，但「清邁腸」... 小妹就唔識得欣賞喇，因為感覺像一條潤腸一樣，味道和質感有點怪😅!※ 金不換辣椒膏炒蜆如果喜歡吃辣嘅朋友不妨試試這味炒蜆，份量十足十，隻隻蜆都很鮮嫩， 連埋金不換辣椒膏一齊炒， 非常惹味!※ 青咖哩雞(連薄餅)青咖哩雞份量非常多，一個大煲裡面有很多雞肉，不過，小妹厭蔬菜不夠，只有玉豆和薯仔等，味道尚算OK，用嚟食泰式薄餅or撈飯也不錯! 不吃辣的朋友，可以試試這款咖哩!總括而言，小妹覺得這間泰式餐廳裝修不錯，但有點噪(可能枱比較密)，至於侍應服務也很殷勤，價錢跟食物份量和質素在尖沙咀區來說，也是合理之選! 不過，小妹覺得這間泰式打卡餐廳還有進步空間，要繼續加油呀!…Read More

原本諗住去元氣食佢哋的午市套餐，因為見到佢哋係Apps promote 午市及下午茶套餐，款式和選擇相當吸引，而且價錢又超抵，點知坐底問一問侍應才知道青衣城這間元氣是沒有午市套餐供應😯，無辦法啦，唯有照order 正常menu!始終元氣壽司是無得輸，款款壽司都好好味好新鮮， 特別是油甘魚天身、燒鰻魚，蝦3點，鱆魚燒、茶碗蒸，樣樣都保持到水準，超鐘意! 今次雖食唔到元氣午餐menu，希望下次再有機會在第二間再試到啦!…Read More

上星期五去睇演唱會，睇演唱會前當然要搵地方食晚餐先啦! 當天，我們到達置富都會時，大概晚上6時45分，想揾間地方食嘢，見到有間叫 "阿金南洋茶室"，但外面已經排咗條隊，本想應該好快會輪到枱，所以就揀咗這間來等位；但在排隊期間沒有侍應問排隊客人人數，個個齋企係到排，小妹覺得這個安排比較唔 efficient的，希望佢地有待改善啦! 我們差不多等了廿幾分鐘先有二人枱! 落單後，廚房出菜也很快，我們分別叫了幾款食物:-*「越式肉碎鲜茄湯米粉 配 香茅豬扒」： 蕃茄湯底尚可，有蕃茄味，配埋肉碎豆卜都幾口味:)! 至於米粉份量尚算多，但米粉質地略為腍身一些；而香茅豬扒冇乜肉味，而且質地過腍，味道就...麻麻地!*「越式燒豬頸肉撈檬粉」： 燒豬頸肉味道尚可，撈檬也算可以!*「玻璃魷魚通菜」 ：份量好少，通菜比較老身； 玻璃魷魚有幾塊，淋咗幾滴汁喺上面，有啲求其!*「越式奶茶加煉奶」： 小妹想讚一讚他們的越式奶茶加煉奶(叫少甜)，茶底很有越式風味，而且很滑流，小妹很欣賞!總括而言， 阿金總算是睇演唱會前速食之選，價錢算合理，七十幾蚊就有一個晚餐，合乎今時今日睇演唱會以外的經濟原則 (因為啲演唱會票價好貴)! 如果你的要求不太高，不妨來試試阿金，你會食得開心一點!…Read More