Ray Cheng's Profile

在灣仔銅鑼灣交界的天樂里和灣仔道，曾經是小弟晚飯和宵夜經常光顧之地，現在卻感覺有點凋零，還好總有一兩間特別一點的餐廳，途經附近仍然可以找到好吃的。在天樂里旁邊有這樣的一間日式小店 - 赤鯛。店內日式木質裝修，挺有在日本光顧連鎖店時的感覺，現在去不了日本，在香港找到這樣的環境，也好聊解思鄉之情吧。店內冷氣很充足，今日天氣炎熱🥵，坐進來正好。而且我將會點湯烏冬，如果冷氣不夠，怎麼辦？在這裡我覺得必點一定是店家的招牌 - 鯛魚濃湯烏冬，至於配什麽餸，全憑個人喜好，豐儉由人，高級至鮑魚、龍蝦，平民至叉燒、炸豬扒都有得選，選擇不比譚仔少！她的鯛魚湯非常濃稠，沒有半點鯹味。魚湯最忌有鯹味，顯得格外不新鮮。這裡的魚湯，帶有濃烈的香氣、質感濃稠、鮮甜。這裡的叉燒也是一絕，面積很大、薄薄的一片，肥瘦均勻，沒有半點羶味，入口不會感到很油膩，但size卻令人很滿足。小食也有不少選擇，有炸物、沙律，還有這個牛肉露筍卷。牛肉和汁配搭得很好，十分惹味，露筍的青味也不太重，沒有喧賓奪主。這裡有我最喜歡的炭燒咖啡，在日本文化風行香港時，曾經非常的流行，深黑色的型格，配上淡淡的苦澀味和濃厚的咖啡回甘，小弟覺得是男士夏天的必然選擇。…Read More

尋日俾人洗咗一日版，各大媒體都見到海南雞嘅踪影⋯話說，邊有人去海南食海南雞？鍾意去旅行嘅香港人都知，食海南雞一定係星馬，除非佢唔係香港人。俾人洗左一日版，見到都餓，今日出開西灣河做嘢，順便返唻呢間馬拉餐廳食返個海南雞飯先！自從早排響灣仔食過一次佢啲喇沙同海南雞之後，就成日都念念不忘，可惜佢分店唔算多。海南雞浸得剛剛好，唔會過熟唔會梅柴。個油飯好香，粒粒分味，調味啱啱好，配埋啲豉油辣醬薑茸係一絕。最正係可以拼碗喇沙仔，一次過滿足你兩個願望，雖然去唔到新加坡，都叫可以止止痕喇。喇沙湯好香，椰奶味剛剛好，仲有粒半熟蛋，真心正。其實疫情持續，有得堂食已經好心滿意足，去旅行暫時都只係奢想，尤其邊個會想去海南？要食海南雞？我不如坐車去西灣河。成個餐連埋杯凍拉茶都係$85，一次過滿足晒大食仔兩個願望，物超所值！…Read More

改個好聽啲嘅名，整靚少少裝修，背後其實都係大集團，終歸都係快餐，仲要係垃圾嗰隻。朝早過開唻大做嘢，見佢環境唔錯，諗住入唻坐陣。門口寫住早餐任何包類加$14有凍飲，嗌嗰要杯冰水果茶，佢先話唔得，跟餐剩係檸茶檸水⋯⋯心諗，咁你又唔寫清楚。收銀其實一直都係黑口黑面，人工應該好低唔願返工嗰隻。坐埋位，一咬，頂，個包凍嘅？唔知出爐幾耐擺左幾耐，好彩無叫佢啲炒蛋三文治，都唔知啲松露蛋有冇擺一個朝早，客唔算多，做定咁多出唻，真係好危險。無下次…Read More

同女朋友shopping完, 想搵個地方食壽司, 附近選擇唔多, 諗住呢間都係連鎖店, 應該唔衰得去邊所以試試.食物只屬一般, 非常非常ge一般, 只能夠當一餐飽飯, 唔算係好食ge壽司.三文魚腩唔推薦, 叫返三文魚刺身會比較好吞拿魚好似雪左好耐, 質地口感差吞拿魚腩基本上係厚切吞拿魚, 搵唔到油香櫻花蝦蝦頭入面好腥, 試啜左一口, 想嘔食物質素麻麻都算, 最慘係啲服務態度好差.事件1, 當晚做緊$26食品本價, 本來係餐飲聯用唻救市, 不過食肆運作起上唻, 似乎想用唻自殺多啲服務員響廳面不停咁大聲埋怨啲客淨係點$26ge嘢食, 令到唔夠指定色碟用, 唔想客人點, 咪出聲囉.事實係啲服務員一邊埋怨, 啲客就一邊黑面. 到底做優惠係想趕客, 定係救市?最離譜係客人離開後, 執枱ge服務員竟然響其他客人面前大聲取笑啱啱離開ge客人食左幾多隻特價碟, 真係不知所謂.事件2, 食到尾, 埋單, 本來都雙安無事. 去櫃面埋單, 個女經理已經唔係好望人, 無厘笑容, 知你老人家忙, 我都算, 你未打單我都拎定張咭俾錢.張單印左出唻, 望都唔望我就掟響櫃面, 「簽個名喇」, 唔好話服務, 禮貌都無. 算喇, 食物麻麻都無下次架啦.最搞笑係當我簽完張單之後, 張咭竟然唔見左. 佢拎住張信用咭收據, 問我有冇袋返張咭, 我梗係無啦. 由於當時不停有另一個服務員同個經理唱錢, 響我面前擾擾攘攘, 搞到我都無留意自己張咭游左去邊.其時有兩三個客人同時走唻埋單, 於是個女經理就無尾音咁講左句「你等等喇」, 心諗, 小姐你唔俾返張咭我, 我想唔等都唔得喇.本來都忍住度火唔發, 最搞笑係男經理呢個時候行過唻, 用調笑ge語氣問我, 有冇睇清楚係唔係自己袋返張咭喇, 我已經睇左幾次, 好肯定無, 所以都話佢知無, 跟住佢就話, 成日有啲客自己袋起左唔知, 示意要我自己搵清楚. 呢個時候, 個女經理就響自己個櫃枱上佢ge正前方, 之前佢已經揭過幾次ge一叠單下面, 搵返我張咭. 其實fine, 我已經無所謂, 既然搵返張咭, 我都算. 誰不知當我準備離開ge時候, 個男經理竟然仲不停咁講: 係架, 成日有啲客自己袋返張咭都唔知..... 我真係俾佢激到彈起, 當場問佢: 而家張咭響邊個度呀? 你同事keep 住我張咭你仲咁多嘢講? 佢竟然仲識得答: 啊~ 無, 講返俾你知, 成日有啲客都係咁自己袋起左張咭啫我無奈地唔理全店客人目光, 咆哮式講左一句: 咁你即係想點呀? 而家係你同事做錯嘢, 你講咁多想做咩先? 呢個時候, 佢ge反應就係見我惡, 第一時間扮聽唔到.總結: 不知所謂仲有, 呢篇食評, 我唔會修改半隻字.…Read More

同老婆仔, 一直都係呢度ge捧場客, 差唔多每兩個月都會唻一次, 可惜幾個月以唻, 每唻一次就會扣一次分, 扣到都所餘無幾. 最主要係因為發覺D食物每況愈下, 幾乎比茶餐廳好唔到幾多.終於都俾佢威返次, 尋晚再唻ge時候, 雖然未至於話讚不絕口, 但係同老婆仔都覺得, D quality好返好多.叫左一份牛柳, 一份T骨.之前有一次份牛柳ge份量少得可憐, 仲要係D頭頭尾尾, 都不成「柳」型. 今次最少都四四正正, 擺出唻都好睇D. 味道幾好, 唔太干身, 亦都唔韌, 咬口幾好.:)T骨都唔錯, 不過以5成唻講, 就干身得滯, 而且近骨位ge地方, 幾乎切唔到, 一個$5銀咁大ge area食唔到, 太生.嚴格唻講, 唔算差, 以價錢唻講係合理ge.希望下次唻會做得更加好la…Read More

老實講, 百幾個笑評ge食肆, 真係唔係呃你佢地個slogan好好, if you are not proud of it, don't serve it.幾十蚊一個burger, 唔好話M記無得比, 直頭係D收你成舊水一個burger個D酒吧或者西餐廳比唔上即叫即製, 勁新鮮BC burger, 入面煙肉arm arm好, 塊patty arm arm好熟, 唔會干爭爭個onion ring雖然有少少油, 但係D onion好fresh同juicy成個餐爭到你飽一飽先收6草野, 有幾多間餐廳可以俾到咁ge美味同滿足感?…Read More

星期六中午，開車載住老婆同佢老豆老母，出邊落住雨，都諗唔到可以去邊度食飯，響老尖搵地方泊車又貴。老婆醒起之前有同事提過呢度新有左個泊車優惠，所以就先打個電話confirm一下，連隨就開架車過唻，泊左響就近ge帝國中心。有泊車優惠，感覺好好多，最少唔洗因為食餐飯，俾多幾廿蚊泊車，而且亦都響附近，夠晒方便。食物方面，除左一定要食ge生煎包同松子魚以外，響服務員殷勤ge推介下，都試左幾款主打新菜，全部都同蟹有關。老婆任何同蟹有關ge都鍾意，無得揀，一定要試，包括：蟹粉窩巴、蟹粉石頭飯，同埋蟹鍋（exactly個名唔記得...真係唔好意思）一試之下，都算幾驚喜，味道好好，蟹粉ge味道好鮮，多口問左句，服務員話佢地D蟹粉係鮮拆ge，咁唔怪得la。蟹粉配窩巴，唔記得印象中以前有冇食過，不過感覺幾新鮮，同埋好富貴。至於個石頭飯，味道出奇okay wor，我本人就幾喜歡la總括唻講：對呢度好滿意，最緊要係有泊車優惠，開得車唻，三幾個人只要食夠五百蚊，就可以泊兩個鐘，食物美味之餘，更加零舍方便。難得佢地諗得週到，方便客人，更加方便自己，抵讚！…Read More

有大概一年沒有來過這裡. 昨晚帶了一個混血兒同事來這裡宵夜, 感覺還是蠻不錯的. 大排檔格局, 千萬別期望什麼無敵服務, 無味精健康飲食之類的, 但可以擁有的一定是屬於香港的原本風味.兩個人點了兩餸一粥.蠔仔粥一大窩, 盛惠$45, 絕對超值, 兩個人每人最少分了5-6小碗, 味道頗算不錯, 蠔仔數量很多, 亦有蠔的鮮味, 米的軟度亦剛好. 最少, 在附近的潮式大酒樓亦不過爾爾.椒鹽瀨尿蝦, 同事讚不絕口. 雖然瀨尿蝦體型頗細小, 但風味搭夠, 蒜蓉炸得夠香, 鹽香四溢, 新鮮出爐熱辣辣, 絕對夠熱氣. 好味, 食左先算.炸大腸, 好味, 夠脆, 配上甜酸汁, 味道一流.別想在這裡找什麼大酒樓, 有名食肆的質素, 來這裡先考慮她的價錢和格局, 這裡是風味和價廉物美之選.…Read More

在網上搜索了一遍, 最後找到這間飯店跟家人晚聚, 可惜是有點失望.餐牌上選擇很多, 豐儉由人, 點了: 小籠包, 醃篤鮮, 咸肉津白, 宮保雞丁, 膳糊, 高力豆沙和酒釀丸子, 全單$600, 價錢不算太高昂.可惜是食物質素及味道都只屬一般, 而且過於不必要的油膩, 令食物味道更加大打折扣.…Read More

食物質素可以算是一次比一次差.跟女朋友點了一客牛柳及一客美極雞扒雞扒雪味超重, 完全沒有半點肉味, 還幸不算太乾, 否則真固味同嚼蠟牛柳完全不成牛柳形, 兩件不規則的牛肉放在鐵板上, 感覺挺不倫不類再加上本來為了可以跟女朋友分甘同味, 所以點了七成熟的, 誰知道端上桌時, 差不多只有一成熟, 除了外層薄薄一圈帶點焦以外, 幾乎便是全生的了, 還幸我是吃得頗生的, 所以才沒有把牛柳打回頭.最差的便是服務, 只可以形容為"一團糟"…Read More

難得星期六只需工作半天, 還是逃不了要到愉景灣開工. 辛苦工作半天以後, 想對自己好一點, 所以再次來到這裡食burger, 貪其夠豐富!上次來到這裡沒有幫食物拍寫真, 倒有點美中不足. 今次order了一客medium rare 的bacon & cheese burger, 便特意拍下了沙龍, 讓所有人都知道究竟一客burger, 有多豐富.medium rare成數剛剛好, 肉汁一邊食一邊滴, yummy!…Read More

之前在這裡工作, 發現這裡無論如何都是一個拍拖好地方, 所以特意邀請女友大人和她的好朋友來這裡晚飯. 在云云餐廳中選擇了這裡, 因為女友大人的朋友喜歡吃份量十足的burger.一行三人合共點選了4樣食物, 份量十足, 吃得飽飽的.Burger of the month - belgian burger: 是餐廳特別推介, 只於1-2月供應. 有很香的garlic味, burger 要5成熟, 煮得剛好. 感覺很rich. 配belgian fries, 即係薯條上面淋上melting cheese. 可惜cheese凝固得太快, 變左一餅野.chili cheese burger: 份量very勁, 比belgian burger仲要再大上三份一. 除了份量巨型的burger, 內裡尚夾有chili cheese肉醬, 感覺rich 爆!另外的onion rings和hot wings都十分不錯, 只是沒有burger那種爆驚喜的感覺.假如喜歡食burger, 或是喜愛豐富晚餐的朋友, 一定要試試這裡.…Read More

幾天前, 因為工作關係, 要在愉景灣耽待, 無可選擇下唯有在這個地方一個人lunch, 無意間選了這間有點過份優靜的墨西哥餐廳.知道這間餐廳在soho有分店, 但兩間也未曾試過, 誰知一試之下, 倒是令人有幾分驚喜.服務還算可以, 中規中矩的, 在這種閒散的地方工作的人, 很難勤快到怎樣的一個地步. 但食物的質素倒時叫人有點驚喜呢!點了一個set lunch, 是chicken fajita, 其實就是鐵板雞扒, 伴隨的主食是tortilla, 即是墨西哥薄餅, 餐內還包括沙律或湯,及咖啡或茶, 價錢好像是$78另收加一, 算不上很貴, 因為餐廳的環境算是不錯. 在愉景灣, 就連快餐式的卡巴店, 一個lunch 動輒是$50以上的價錢.沙律給人的感覺很清新, 內裡還附有拆了肉的甜橘, 算是有誠意, 亦有驚喜.主菜chicken fajita, 感覺真叫人驚喜. 上菜時鐵板不斷吱吱作響, 遠遠還可以嗅到那陣雞扒散發出來的肉香.肉質很有口感, 咬下去一點也不乾, 外邊烤焦了的肉香卻令人垂涎欲滴, 色香味俱佳.另一叫人驚喜的是鐵板上的配菜, 那些烤得剛剛好的洋葱和燈籠椒, 火候剛好, 既入味亦有口感, 令我忍不住把它們都吃個清光.至於tortilla附上三款不同的醬料, 有墨西哥式蕃茄汁, 酸忌廉, 和牛油果醬, 可算應有盡有. 美中不足的是, tortilla由於本身比較薄, 在室外環境較易變冷. 儘管餐廳配以特製器皿, 仍然扭轉不了多少, 但已算盡了本份, 誠意可嘉. …Read More

食物一般, 好似好有idea, 但係食落真係麻麻, 所謂ge創意反而顯得有D多餘, 唔太欣賞. 假如做得好味, 做傳統野都唔係問題, 整得唔好味, 再古靈精怪都係多餘服務真係好差, 舉親手都冇人睇到, D碟放到一抬都係都冇人收, 到底係service問題, 定係燈光問題呢?? 最失望都算係呢樣. 話晒都係集團, 如果D staff真係咁弱ge, 請個人返唻train下啦, 唔該!…Read More

響呢度食左個胡椒豬肚鍋,味度真係唔錯其他ge火鍋配料亦都好好, 尤其係o個手切肥牛, 真係唔錯湯底好好味, 最抵係D啤酒, $10有5罐, 我地4個人飲左成20罐, 盡興!講味度, 呢度真係唔錯, 好過D酒樓好多美中不足ge係, 廁所真係幾污糟…Read More