stephyss's Profile

圖書館裡食午餐…Bochord嘅Lunch 真係好豐富！餐廳環境系復古典雅的歐洲圖書館風格，以胡桃木為主調，天花板有古典方格紋，牆上設有嵌入式書架，擺放數百本古典書籍，營造出高雅舒適且富文化氣息的文藝氛圍，彷彿穿越至上世紀歐陸貴族嘅私人藏書室。臨窗位可以望到維港海景，最吸睛嘅墨綠色真皮梳化系必打卡元素之一，可惜當日已經full咗喎，下次黎要記得早啲book啦，可以打卡呢張大梳化系會開心啲㗎。Caprese Salad，用咗Organic buffalo cheese配搭番茄同埋蘋果醋啫喱，芝士質地細膩嫩滑，帶有微微嘅鹹香，蘋果醋啫喱酸酸甜甜，好清新。日本海膽配蟹味噌豆腐，新鮮雪蟹肉同有機青瓜，再加上三文魚籽，食落去海水味十足，海膽味道鮮甜而且啖啖肉，豆腐軟滑細膩，清爽又開胃。鷹嘴豆泥湯，湯底用咗雞湯同埋晒乾蕃茄，濃郁中帶有黑蒜及茴香嘅微妙香氣，口感絲滑豐富。升級嘅龍蝦湯配埋酸種酥皮同白蘭地忌廉，湯身鮮甜充滿咸香，配上香脆嘅酥皮，非常邪惡。荔枝木烤本地三黃雞，雞肉肉質富有口感，雞肉入味唔鞋，配搭時令蔬菜，味道清新唔膩，擺盤好靚。炭燒澳洲 M5 級牛肋眼，份量超誇張！牛肉油脂豐富，碳燒香氣十足，口感好Q好煙韌，搭配紅蘿蔔同薯仔勁滿足。當日甜品系，蜜桃雪芭同埋梅子啫喱，雪芭質感好清爽，入口即溶，啖啖都有果香鮮甜，好自然嘅蜜桃味，帶點淡淡嘅酸甜，梅子啫喱好啱解膩。金莎榛子撻都勁好食。…Read More

ICC 101樓的Odyssée是一間高質法國創意餐廳，環境時尚靚仔，落地玻璃窗讓人可以一邊欣賞維港壯麗風景，一邊享用美食，氛圍非常有氣氛。Odyssée Experience有6道菜套餐，價錢適中，菜式擺盤都非常精緻，由開胃Amuse-Bouche開始，Solliés無花果、榛子同果醬，令口感層次豐富，奶味細膩且帶鮮甜，同果醬嘅微酸甜味十分夾。法式洋蔥湯用香脆嘅Brioche配Gruyère芝士同Bayonne火腿，湯底濃郁惹味，芝士融化後帶煙韌嘅口感，非常暖胃。升級Brittany藍龍蝦，配搭濃郁嘅龍蝦濃湯、芹菜同檸檬，湯鮮甜開胃，龍蝦肉質彈牙Juicy。魚類主菜有Threadfin配Bouillabaisse鮮湯底、蜆肉同西蘭花仔，味道層次好豐富，鮮甜海味盡顯。海鮮意大利燴飯用蜆肉、豌豆同章魚，飯粒吸收咗濃郁海鮮湯汁，軟硬適中，啖啖海鮮味道。美國Prime嫩牛柳，牛肉入口嫩滑且入味，牛尾味道濃郁。甜品係Souffle，好有心思，士多啤梨香氣出色。甜度適中，好有層次感。…Read More

銅鑼灣嘅花花世界「花廚」系一間人見人愛，花見花載嘅靚靚餐廳，由入門口開始已經令人相機好忙碌，黎打卡食飯絕對唔會錯架啦！佢哋近期推出咗「南洋暖嶼限定雙人套餐」，仲會贈送限定花卡+時令花材一枝1份。沙律&前菜（2選1）紅菜頭藜麥沙律（V）或者海陸空高蛋白Taco（AN4和牛眼肉/蝦/雞。我哋揀咗：紅菜頭藜麥沙律，佢色彩繽紛，沙律中夾雜住紅菜頭，用咗藜麥、水蘿蔔、牛油果、車厘茄、沙律菜，口感爽口有嚼頭，沙律醬汁入味又帶有微酸，食落相當開胃。當季精選（2選1）海鮮椰香冬陰功湯或者叻沙煎大蝦菌菇配皮塔餅。我哋揀咗：叻沙煎大蝦菌菇配皮塔餅，蝦肉好彈牙，配合菌菇嘅鮮甜，叻沙醬汁風味濃厚但唔會過辣，搭配酥脆嘅皮塔餅，啖啖都好有層次感。特色主菜有黑松露香草烤三黃雞同埋桂花照燒菲力牛排（200g）。三黃雞外皮烤得好香脆，肉質嫩滑多汁，香草同黑松露嘅香氣完美滲透入雞肉，賣相出色。菲力牛排肉質靚，烤得恰到好處，肉眼Juicy又彈牙，照燒醬帶甜味中和咗牛肉嘅濃郁。主食系海鮮辣味咖喱燴飯，鐵鍋呈上，熱辣辣好吸引，海洋豐富，燴飯濕潤，米飯軟硬適中。甜品（2選1）斑斕醬抹茶雪糕法式吐司或者”荷塘月色”葡萄烏龍凍，我哋揀咗斑斕醬抹茶雪糕法式吐司，法式吐司外層微脆，內裏軟嫩，斑斕醬再加抹茶雪糕絕配，唔會太甜，充滿斑斕香氣。飲品，我哋揀咗藍蝴蝶，色彩由藍變紫，靚到唔捨得飲，飲落清新爽口，味道帶點果香。沙梨果檸檬青蘋果，蘋果綠好吸睛，清新氣息好舒服。…Read More

PHI Coffee & Pancake尖沙咀中心分店，木系風格玻璃幕門採光十足，窗外仲可以望到街景，成日經過都幾想試吓，裝修簡約帶少少度假息，適合飯聚。佢哋最近推出泰式系列，清新得黎充滿泰式情調。椰香冬陰功海鮮意粉呢款意粉靈感來自泰式冬陰功湯，酸辣味好突出，入口鮮甜爽口，仲有彈牙意粉條同啖啖肉海鮮，食落層次豐富又夠惹味，完全唔會膩。泰式梳乎芒果糯米飯嘅粒粒芒果都好新鮮甜美，糯米飯煙韌又唔痴牙，沾埋椰漿更帶奶香，梳乎厘保持一貫水準，好有海綿質感，蛋香濃郁，整體滋味又有口感，甜度啱啱好。漢堡扒全日早餐賣相好豐富，塊漢堡扒夠厚身，咬落啖啖肉又Juicy，肉味香濃，一啲都唔鞋口；仲有香脆德國腸、煙三文魚、牛油果、太陽蛋同埋新鮮沙律菜，每樣都用料新鮮，配埋烘多士，食得好滿足又有層次感。羅勒檸檬特飲特飲夠清新，冰凍解渴，有陣陣香草香。糯米芒芒椰奶沙冰就最啱夏天飲，沙冰滑溜，芒果味鮮甜，椰奶唔會搶味，兩者平衡得好好，層次感都好豐富，飲落最啱打卡又消暑。…Read More

Cucina假日海景Brunch，可以望住維港嘆美食，又有豐富半自助前菜同主菜選擇，環境舒適可以打卡。一入餐廳已經見到玻璃大窗，整個維港開揚風景盡收眼底，天氣好嘅時候陽光灑落餐檯，望住藍天白雲，感覺好舒服。如果食晚餐仲可以欣賞到「幻彩詠香江」，應該又係另一種享受，有機會真係要黎試吓。自助區有前菜凍肉拼盤有巴馬火腿、意式豬肉腸、莎樂美腸，油香味夠，口感好Q好煙靱。芝士拼盤有松露芝士、藍芝士同阿夏戈芝士，好多款供選擇。沙律區選擇多，有牛肉沙律、鴨胸沙律、番茄水牛芝士沙律，全部清新開胃，醬汁惹味。意粉station可自選醬汁，有蕃茄醬同海鮮汁。意粉食落去有彈性，海鮮汁香濃鮮味，掛汁好足。雞蛋station即叫即煮，有黑松露炒蛋，口感滑溜。熱葷有意式焗千層茄子，茄子燴得好入味又唔夠油膩。意式肉丸好Juicy，濃郁番茄同香草味道好好味。烤加拿大豬鞍配杏桃醬，豬肉外皮香脆，肥瘦均勻。除了自助區外，brunch仲包左個海鮮塔。海鮮塔裡面有鮑魚、龍蝦、蟹腳、翡翠螺同青口。鮑魚鮮甜爽口，啲龍蝦肉彈牙又Juicy，咬落去啖啖肉。其他海鮮都好鮮甜，喜歡食海鮮嘅朋友真係會好滿足。主菜方面可以選慢煮牛頰肉同比目魚，牛頰肉入口即化，牛香味濃，薯蓉綿密，醬汁好夾牛肉，一啲都唔會柴口。比目魚鮮甜嫩滑，魚皮微脆，配埋青豆，口感豐富。甜品檯有火焰車厘子、提拉米蘇、馬卡龍、各式蛋糕、生果，雪糕用Häagen-Dazs，甜品層次豐富唔會太heavy。…Read More

中午同事去咗三分熟·菊志炭火料理鐵板燒，餐廳門面好細，但好有日本和風,佢哋嘅商務午市套餐，主菜選擇都幾多,有5款選擇:荀鮮魚介（熟成）馬鮁宮崎豚骨薄燒鳥取地雞肉宮崎A5牛肉薄燒宮崎A5西冷牛肉厚燒套餐首先係日向野菜沙律，車厘茄非常多汁,菜式清新爽口，沙律醬汁帶少少酸香。水野茶碗蒸滑溜嫩滑，好有日本茶碗蒸原有嘅細膩口感，蛋味濃郁之餘仲有啲香菇、細碎海鮮粒，好有層次感。荀鮮魚介熟成馬鮁，配埋芥辣醬，魚肉彈牙又Juicy，充滿海洋鮮味。宮崎A5西冷牛肉厚燒極度入味，牛肉厚度適中，外層微微焦香，內裡保持嫩滑同Juicy，好Q好煙韌。菊志炒飯粒粒分明，微微鍋氣十分惹味，炒飯入面釀咗啲香蔥同蛋花，唔會太油膩。甜品開心果雪糕，好有開心果味。…Read More

MAMTOM餐廳嘅充滿東南亞風情，天花有好多玻璃燈，光線偏暗，令到環境有情調又神秘感。木質桌椅及天然材質裝飾令人感覺好chill。雞肉馬來西亞沙嗲，雞肉嫩滑又入晒，略帶炭燒香氣，啖啖肉好Juicy，配合醬汁非常惹味。新加坡叻沙作為主食，湯底香濃，帶少少椰漿甜味同辣香味層次好豐富，好有層次感，麵條爽口帶彈性，加上蝦膠同豆卜，仲要大大碗。香辣雞燒雞肉，燒到正好合適 ，炒芥蘭，份量都算多，青菜保持爽口，配合乾蒜粒，偏咸，入味香口。菠蘿殼雪葩，用菠蘿殼裝住雪葩，賣相一流，雪葩好清新，帶少少自然嘅酸甜，冰涼清爽，陣陣菠蘿香氣。新鮮椰青水，大大粒椰子勁多汁，椰青水自然鮮甜，飲完好清涼解渴。…Read More

和牛燒肉一郎和牛放題，依家又有三人同行一人免費優惠啦！120天穀飼安格斯牛、歐盟無激素豚肉、日本進口和牛任食！荃灣廣場分店門口有好多牛牛公仔可以打卡，環境闊落，設有好多卡位梳發非常好坐。Qr code 落單，簡單方便，依家套餐分三個level. 分別系，lv1 肉擒故縱 74品；lv2肉火狂熱 88品；lv3肉罷不能 98品。我哋揀咗lv3,有日本黑毛和牛5款放題，另外仲有120天阿根廷殼飼安格斯牛、各種海鮮、涼拌小食、雞肉、野菜、飯、湯、麵等日式料理。自助區提供沙律、甜品、雪條、多款果茶、果汁及罐裝飲品，其他食物就 Qr code 落單。先用牛脂肪燒吓個爐，食肉獸就可以開動啦！和牛肉質素超高，油花分佈均衡，油脂超豐富，入口即溶。…Read More

灣仔中華小館交通方便，環境乾淨舒適，裝修走傳統中式風格，令人感覺親切又溫馨，啱啱一家人或者朋友聚餐。仲有個大大水族缸養住各類海鮮。金勾銀蒜蒸勝瓜，擺盤好靚，勝瓜鮮甜爽口，蒸得剛剛好保持咗蔬菜清新嘅口感，上面鋪上蝦乾，同蒜蓉嘅香味完美結合。陳皮梅一字骨，大大一煲，熱辣辣上場，一字骨嘅肉質香嫩，醬汁混合咗陳皮梅嘅香氣，味道層次好豐富，份量仲要好足夠。芝麻鹽焗雞（半隻），雞皮焗得特別香脆，表面密密麻麻鋪滿咗香口嘅芝麻，帶來層次豐富嘅口感層。雞肉嫩滑入味，啖啖肉。雞肉嫩滑Juicy，即使雞胸肉部分都唔會乾柴，肉汁豐盈，肉質入味，非常好食。跟碗白飯真係好滿足。…Read More

響旺角想食泰國菜，又想坐得舒服，每次都會諗起「青花」。餐廳位於The Forest商場一樓，環境整潔舒適，氛圍幾放鬆，啱晒約兩個人慢慢坐住傾計食嘢。中午套餐嘅泰式炒金邊粉，金邊粉炒得好均匀，啲粉粒粒分明，口感爽口又有彈牙感，配料充足，味道層次好豐富，帶有啲微辣嘅惹味，唔會太搶但又夠醒胃，真係幾好味。柚子大蝦沙律嘅蝦肉啖啖肉，彈牙又Juicy，柚子嘅酸甜味同沙律醬汁完美融合，令成碟沙律既有爽口嘅鮮甜感，亦帶少少清新感。藍蝶花蟿肉菠蘿炒飯，炒飯嗰啲菠蘿香氣好自然，配合啲肉鬆，粒粒飯都炒到好香，味道入味，唔會太油膩，藍蝶花嘅色澤令整碟炒飯賣相靚靚，打卡一流。蒜蓉炒椰䔧炒得嫩滑，帶有蒜香，食落好有口感，保持咗啲爽脆感，啖啖都係蒜蓉香，好冧。龍眼桂圓茶，茶味甘甜帶有啲自然嘅龍眼香，飲落清涼又唔會過甜，，解膩又醒胃。…Read More

黑門水產喺尖沙咀棉登徑，環境係日式居酒屋風格，間餐廳好寬敞舒服，牆上仲有日本產品poster，營造到好濃厚嘅日系氣氛，好適合同朋友聚會。佢哋嘅招牌菜之一係海膽蟹味噌甲羅燒，入面配有鮮濃嘅海膽、蟹肉、蟹籽同埋鵪鶉蛋，味道層次好豐富，海膽同蟹膏嘅鮮甜同鹹鮮味配埋脆一脆嘅梳打餅，好惹味。蟹味噌甲羅燒就係用咗味增嘅松葉蟹膏、蟹籽、蟹肉同香蔥，再加埋鵪鶉蛋。銀雪魚西京燒,佢哋用自家醃製嘅西京味噌醬，令銀鱈魚入口夠嫩滑，魚皮有淡淡焦香，口感豐富而軟滑。壽喜燒牛肉鍋定食選用高質牛肉配埋香煎洋蔥同蔬菜，壽喜燒湯底帶有甜味，配生蛋一齊食令牛肉更加嫩滑。橙汁同蘋果汁好清新解渴，味道甜而自然，可以中和濃重嘅海鮮同燒物味道。…Read More

Jimmy's Kitchen 老字號英國菜有近百年歷史，最初在上海開店，1928年後遷移至香港，但在疫情時停業，舊年終於在中環畢打行閣樓重新開業，絕對系一間殿堂級老牌西餐廳。現代感嘅裝修，但仍保留傳統風味。溫馨又古典的胡桃木與淺木色牆板，令人好似時光倒流重回當年，餐廳仲設有開放式廚房吧枱，可以望住大廚用心烹調。是晚我挑戰咗食蝸牛，之前成日去法國都冇試過，今次真係成就解鎖，佢哋嘅法式焗蝸牛（香草牛油焗田螺）系經典必試菜式之一。以濃郁嘅蒜香牛油包裹著飽滿的田螺，加上細膩綿滑嘅馬鈴薯蓉。超級經典嘅基輔炸雞卷（Chicken Kiev），炸至金黃酥脆的雞腿肉，外皮香脆而不油膩，雞肉內裡多汁嫩滑。輕輕切開雞肉，竟噴發蒜香牛油汁，勁juicy。伴碟有豐富奶油薯蓉系我最愛，與雞肉好夾。值得一提餐前CORN BREAD 質地鬆軟又嫩滑，仲好有彈性，濃郁牛油香，食到粟米粒粒，相當好味。安格斯牛肉碎多士都係招牌菜式，豐富嘅牛肉碎鋪滿多士，牛肉充滿鹹香，多士勁酥脆，配上忌廉薯蓉，賣相都好出色。經典法式洋蔥湯到鮮味十足，湯底味道層次好豐富，焦糖洋蔥融入湯中，濃郁嘅鮮甜同陣陣奶香輕輕滲出。西班牙海鱸魚，新鮮得嚟仲保持嫩滑，魚皮薄脆，魚肉嫩滑。…Read More

Siaw由前Samsen米芝蓮大廚主理，店名「Siaw」喺泰文解作「朋友」，氣氛自然溫馨親切，好有特色。環境裝修有泰國風味，晚飯時間大排長龍。和牛船麵（Beef Boat Noodles）湯底鮮甜入味，牛肉切得厚薄適中，啖啖肉好嫩滑，麵條彈牙帶啲煙靱口感。炒蝦河粉（Spicy Prawns with Flat Fresh Rice Noodle）辣度適中，蝦鮮甜彈牙，河粉吸足醬汁，辣香十足但唔會蓋過蝦嘅鮮味。蟹肉奄列配鹹蛋黃（Crab Meat Omelette Squid & Tiger Prawns with Salted Egg）金黃酥脆嘅奄列包住飽滿蟹肉，搭配濃郁鹹蛋黃醬，好冧好入味，配合魷魚同虎蝦口感交織得恰到好處。泰式椰子煎餅（Khanom Krok），呢款泰式煎餅喺香港Siaw係首度推出，口感軟滑香甜，帶淡淡椰香，加上炭火烤製嘅咖央多，外皮微脆，內裏綿密香濃，甜度恰到好處。…Read More

朋友鐘意食順德菜，所以專登搵咗灣仔呢間名門私房菜試吓。呢間餐廳主打順德手工菜，廚師功架一流，食材帶有濃厚嘅順德家鄉味道。蝦子柚皮就更見功夫，柚皮事前反覆浸水去苦，再用老雞、大地魚乾、瑤柱同蝦米慢火炆到入味，最後淋上鮮香蝦子。柚皮吸滿湯汁後軟糯綿潤，蝦子香氣撲鼻，甘香而唔腥，係一道真材實料嘅傳統功夫菜。冰鎮鮑魚用上厚身南非鮑，冰鎮得啱啱好，入口爽滑中帶微微鹹香，咬落啖啖肉又Juicy。順德煎釀鯪魚，鯪魚拆骨打成魚膠釀返魚身，外層炸到金香脆口，魚肉彈牙又鮮甜，魚香滿口，真係冇得輸。烏糟雞，雞皮滑溜、肉質嫩滑，黑糟香氣溫順似酒香，配上自家種大頭菜，送飯一流。鮑粒咸魚雞粒煲飯，飯粒焗得香脆金黃，飯底有咸魚香，鮑魚粒細膩彈牙、雞粒鹹香入味，飯焦香脆得黎又過癮。脆皮咕嚕肉，新鮮排骨炸得外皮金黃酥脆，內裡肉質依然嫩滑Juicy，用埋三色椒同油炸鬼，口感夠脆。…Read More

新城市廣場嘅Butlery，餐廳環境輕鬆，帶有歐洲小酒館風格，裝潢簡約且有型格。以墨綠色主調配以六邊形地磚和木質藤椅，營造出歐陸復古氛圍，每個角落都非常適合拍照打卡。尤其鐘意佢哋嘅招牌梳乎厘pancake.Earl Grey Pancake 賣相好吸引，鋪上咗伯罸茶醬，微微帶啲淡淡嘅伯罸茶香氣，充滿空氣質感又有啲彈牙嫩滑，加入無花果，果香鮮甜剛好中和咗伯罸茶醬嘅茶韻。配合果仁脆餅、白朱古力脆米，帶嚟唔同層次嘅口感。Lunch set選擇都算多，價錢實惠。扇貝蒜香意粉，蒜香濃郁中又帶有少少辛辣感，伴隨著鮮甜彈牙嘅扇貝。烤肋眼牛排medium well，都幾有肉汁，外層燒烤得剛好，帶有啲焦香，唔會油膩，惹味。餐加甜品，鬆餅配雪糕，鬆餅外脆內軟，冰冰涼涼口感唔錯。Matcha Latte，賣相靚，奶香濃郁，抹茶味微苦。…Read More