sososo_904的個人專頁

呢間餐廳長期好多人排隊，較為特別係佢主打燉湯，成日食上海菜但就無飲過燉湯係等位期間經理有拎一碟好似一口小泡芙黎派，都幾貼心，免得大家等到唔耐煩，不過除左經理，落單既職員就禮貌欠佳，同埋好唔耐煩一入到去店員就會問你要咩茶，呢度既茶係一人一包，所以可以各自揀，我地揀左人蔘茶同茉莉茶，人蔘茶就回甘反而茉莉茶好苦澀晚餐大約8點入座，湯只係得兩款揀，唔知賣晒定根本無煲喇一煲湯大約分到4-5碗，多人既都要叫兩個湯，係個湯既雞煲到好淋，將湯加埋雲吞一齊食，感覺好似食緊罐湯餃咁，果度咁多個湯不過叫左兩個都差不多味，都係重雞湯味，雖然係燉雞湯，但呢個價錢有點貴小籠包幾得意有黑色，不過味道同普通差不多。呢度既菜式有少許新穎同著重賣相，但味道唔算好好食最尾果碟菜係送既，係入商場門口果時派單張有張coupon送，唔記得叫咩不過唔好食…查看更多

好耐都無食任食火鍋，呢晚約左荃灣晚餐，朋友一提議打邊爐就會諗起一鍋堂。雖然已經早點用手機apps拎飛，不過都等左接近1個鐘，以前係用某個apps拎飛，原來呢家已經用緊佢自家既apps，而且入座之後仲可以用apps點菜，都幾方便首先揀個湯底，揀左呢個春日限定既猴頭菇松茸豬骨鍋，湯底黎到真係好多料，大大粒猴頭菇一黎到見到每枱都必點既長蟹棒，係某快餐店一個火鍋得一條好珍貴咖，呢度可以任點，哈哈，不過食兩條都夠呢度既蝦一向都好新鮮，中意食蝦既朋友不能錯過芝士魚豆腐炸魚皮仲想講下有幾樣熟食都幾好食，都係會encore，包括鴨血同豬肚，好入味仲有好多款式，樣樣叫少少都飽最後最後好飽好飽都會食返杯乳酪雪糕…查看更多

同朋友大約6點半去到即刻有位，呢間店7點後好多人排隊，唔想等唯有早少少啦本身對於魚生丼唔算超鍾意，因為好多時食晒魚生都未食完飯，要逼自己食飯咁，但聽講呢間好多料又好食，已經想試好耐同朋友一人一個丼再加燒牛舌丼既選擇唔算好多，但每款都好多款料，好雜錦，岩晒有選擇困難又多心既人啦四重爆丼 $188火焰魚生丼 $98朋友點左招牌四重爆丼，望到海膽山都好吸引，海膽好鮮甜而且份量真係好多，滿滿既海膽真係好美味，所以呢個價錢真係值我平時都好中意食火炙壽司，所以一黎到就揀好呢個火焰魚生丼，厚切三文魚好肥美，帆立貝大大粒，好鮮甜，燒過更好味燒牛舌就不過不失，有點韌，要花點牙力先咬得開，哈哈呢度重點始終係丼啦，見到仲有個鰻魚丼好多人點，係原條鰻魚，望落好好味，中意食鰻魚既朋友都可以試下啦…查看更多

夜晚7點黎到即刻有位，黎呢度當然係想食小籠包同生煎包，平時食上海野必食咖麻灌湯小籠包$34平時出面食既係一籠6隻，呢度就4隻但就大隻dd, 係幾好味，多汁肉甜，最緊要係趁熱食上海生煎包 $18呢個包係招牌菜啦，仲有張圖畫教你點食，都係好多湯係入面，同小籠包有得揮。幾好既係可以兩個咁叫，有時d店要叫4個，兩個人食兩個會飽，呢家一人一個幾好雞絲粉皮 $33雖然幾好味個麻醬汁，但雞肉既味就麻麻，同埋係雞柳肉咁，同想像既雞絲太大分別炸醬麵麵太淋，同埋似肉燥麵多d，肉粒都偏肥，好膩呢個蔥爆牛肉都幾好味，好濃味，朋友話蔥好食過牛肉，送飯食一流。可惜個菜飯真係太離譜，第一次食到咁流既菜飯，得d菜碎粒咁，咬都咬唔到一粒菜，睇張相都見唔到菜可能因為我本身真係幾中意食菜飯，見到佢呢個菜飯真係呆左整體黎講係得小籠包同生煎包幾好食，但都未至於好食到要再黎，其他食物真係一般。雖然呢個價錢銅鑼灣黎講係平，但好味又唔貴既上海菜仲有好多選擇。…查看更多

係附近睇完戲，2點幾黎拎位既時候店員已經話無晒乳鴿，失望左一下，因為見到賣相不錯又幾抵，本身都打算叫隻試試裝修幾靚，坐得舒服，而同行既朋友之前食過，所以就根據佢既推介揀左幾款小食有個拼盤可以揀3款茄子無咩特別木耳有驚喜，少少wasabi味，幾特別辣酒田螺幾惹味口水雞口水雞係友人至愛，去到邊有得食都會叫，但呢個口水雞唔係好得，雞肉好韌而且好咸，唔知以為叫左鹽焗雞加辣椒油，辣味亦都無咩味，俾咸雞蓋過左黑金流沙必叫賣相吸引，個包好軟熟，咬開係又甜又香既奶黃，想encore呢個唔記得左個名，睇menu以為切好左，原來係一個包。中間既豬腩肉望落好肥好油，但用包包住食，減少返油膩感，同埋包住望唔到肥膏會減少罪惡感🤣，都幾好食芝士蟹肉炒飯 一般般 望落有少少拉絲但芝士味欠奉，而且咖哩味太重太濃，食唔到蟹肉味酸菜魚細細窩都幾好，有時唔想食咁大鍋不過d魚太多骨，唔係咁岩我食，但酸菜同個湯既味道幾好，唔太辣整體食物一半半好但好精緻又有好多特別菜式，同埋裝修咁靚都可以食完坐陣傾計，不錯…查看更多

平時食飯時間經過都幾多人排隊，今日咁岩朋友十一點半放工一齊lunch，因為早左d所以唔駛等位呢間係爭鮮同一個集團不過就主要賣定食，所以係定食版既爭鮮呢度有個自助區，有麵豉湯有飯同紫菜絲任裝，食量大既朋友都唔怕唔飽啦。不過每個定食本身都有湯呀小食呀甜品呀（一粒泡芙），其實都夠食既芝士豬排定食$48芝士豬排係lunch先有提供，難得撞岩午餐時間黎，當然要食呢個，而且我對於芝士係不能抗拒豬排好大塊好厚而炸粉唔算好多，最驚喜係芝士可以拉絲，咬落去真係有少少流既芝士，呢個價錢有咁既水準真係唔錯呀鰻魚丼 $68呢個係朋友叫既，我試左一小舊鰻魚，都好好味，汁好濃。而且黃色既其實係蛋碎，仲係甜甜地，似玉子切碎，鋪滿成盒飯，送飯食一流…查看更多

以前係銅鑼灣食聰嫂要排好耐隊，唔知係因為分店開多左定某d地區人流少呢，其他鋪都幾次見到都唔駛排隊呢晚元朗食完飯好飽，本來經過b仔朋友話食唔落就走啦，行行下見到聰嫂，跟住朋友又話好想食，哈哈聰嫂始終冰係最好味，朋友話一定揀龍眼冰，我同另一個朋友就唔想食咁大碗冰，揀左豆腐花龍眼冰始終係招牌，清甜好味蜜瓜豆腐花 $30 - 顏色好fresh，比龍眼甜少少士多啤梨豆腐花 $30 - 甜中帶點酸，有點似乳酪，都好好味，不過上層既冰溶得好快揀豆腐花既話就一半冰一半豆腐花唔想食太多凍野既朋友就可以揀呢個啦…查看更多

之前食過呢間幾次，因為裝修幾靚又係連鎖式米線店以外既選擇，都覺得不錯，但愈食愈麻麻就無再去。今日放工約左朋友係油麻地站又因為好趕時間，所以就再揀呢間米線店餐牌轉左好多，價錢都貴左，不過就多左選擇，有焗飯有鐵板有小火鍋，但我黎呢度始終想食米線，就揀左蕃茄湯米線，朋友就轉烏冬特切牛肉蕃茄湯烏冬 $46豚肉蕃茄湯米線 $46好多蕃茄，岩晒蕃茄控既朋友本身職員落單搞錯左落左茄蛋湯，拎到黎見到茄蛋湯係蛋花，賣相麻麻，有點失望之後換返我點既蕃茄湯底，完全唔同晒，好多蕃茄肉呀，每一啖米線都有蕃茄，好好味，而無論我點既豚肉定朋友點既牛肉都份量足，呢個價錢算好抵…查看更多

因為好中意食芝士，連帶芝士蛋糕都好中意呢間既芝士蛋糕款式多又靚，一早已經好想試今次目標只係芝士蛋糕，所以就決定外賣蛋糕走，外賣就唔駛排隊咁制，等一陣就可以揀蛋糕，我地3個人所以一人揀一款每件蛋糕上面都有好大舊唧花cream，都好食既，唔會太膩，但原來蛋糕係好過份咁膩，我地有兩款係oreo同埋拖肥口味，頭幾啖還好，之後又甜又膩，一個人食半件我地都覺得太膩喇，好彩係share食，食到一半已經唔想食落去，如果揀左朱古力味係咪仲更加食唔落呢唯一較為好食就係芒果青檸口味，始終水果口味既會fresh少少，食落無咁膩，呢件都係唯一一件我地想食晒既，呢個可以encore，哈哈…查看更多

之前都食過幾次呢間既糖水，多數食招牌糊，食過合桃糊同芝麻糊，不過都係一般無咩特別，有時仲覺得太甜今次係朋友推薦食藜麥紫米露，一行3人全部都叫同一款，一來未試過，二來本身都中意食紫米露藜麥紫米露$24紫米露本身都煮得好好食，唔會太淋又有咬口，而且甜度岩岩好，加埋藜麥就會多少少口感，慢慢食都會食到d藜麥見到牆上貼左唔同字句去形容呢個紫米露，哈哈 「健康到裂」好誇張，藜麥聽講好有益，可以加落沙律或者乳酪食，第一次食紫米露加藜麥，又健康又好食…查看更多

呢間店開多左分店，旺角都有就好方便，因為朗豪坊呢層好多蛋糕店，真係眼花繚亂，不過呢次係一心一意想試戚風蛋糕既。一黎到見到咁多款真係唔知揀邊款好，每個小蛋糕都有玻璃罩蓋住，好似花咁靚。因為考慮到會食完飯先食蛋糕，驚過飽，所以都唔想揀濃味既，而fresh d既當然揀水果味。今次試左日本柚子口味，個淺黃色既外表好吸引，好似好fresh，食落去真係有dd柚子，而且入面個cream係唔膩，好好味，朋友兩個人做飯後甜品食真係岩岩好，如果多人就可以買多幾款試下喇…查看更多

成日一班朋友係荃灣食泰國菜都會揀金坊，無他既，保持水準又算多菜式，食好多次都會有新野想試，雖然愈食愈貴都仲係成日幫襯佢。每次幫襯金坊都係晚餐時間，今日第一次午餐經過先諗起佢有做午市，都好多人，連午餐時間都要拎飛，好彩等一陣就有位。因為天氣太熱，唔想食粉類，我地3個人都揀晒海南雞飯1. 海南雞飯$50 —— 好多雞配埋黃油飯2. 海南雞拼豬頸肉$50 —— 雞好滑，豬頸肉入味單拼雙拼同樣價錢又送埋野飲，食物午市都一樣水準但平好多，都幾抵食，唔怪得午市都咁多人要等位啦…查看更多

係太古城行左好耐都諗唔到食咩，終於經過呢個food court門口就入去睇睇。入面裝修唔錯，好日式而且又有點餐apps，都幾方便，因為可以先搵位，坐低再用apps當睇menu睇晒咁多間店有咩食。終於揀左呢間日式食店，因為見到有火炙壽司餐，幾吸引又唔駛食咁飽。上：什錦魚生飯配烏冬下：火炙壽司餐配溏沁蛋朋友既魚生飯不錯，魚生都新鮮不過朋友話反而烏冬仲好食我既火炙壽司都不錯，跟餐仲可以加錢配龍蝦湯，湯好濃味我地都加錢配炸軟殻蟹手卷呢個熱辣辣唔油，好好味，略嫌紫菜淋左Food court既質素黎講還好，唔想食咁飽都可以試下呢間…查看更多

今次係朋友既同事介紹，因為上次食過連鎖店酒家既填鴨有點失望，我地今次好期待呢間傳統既北京菜門口有點難搵，一唔覺意都走過左，樓梯上一層見到裝潢係好傳統既酒家。唔知係咪有d鐵板上既菜但抽風麻麻，未坐低已經聞到好大陣油煙味，所以環境有點扣分我地5個人就先直接點左個4-5位用填鴨餐$698炒四季豆偏油，反而望落平平無奇既菜肉水餃幾好味，而賽螃蟹都好有水準。不過最令人期待都係主角填鴨，當車仔推到隻鴨黎我地面前，真係好期待呢個填鴨係唔止皮，而且連埋唔少肉，包住食更加有肉汁同有口感，份量都唔少，大家都可以食到飽，略嫌俾你包鴨既皮好乾同厚，反而連鎖店食既皮係好軟熟，小敗筆最後既高力豆沙好好味，熱辣辣又唔會太甜，甜而不膩，朋友直頭話想encore，但已經飽了下次再有朋友想食片皮鴨都會推介佢黎…查看更多

之前都黎過兩次，一次晚餐時間，一次下午茶，呢次係第一次午餐時間黎。好彩唔算好多人，等左一陣就有位。Lunch set都有好多選擇，雖然見到好多人揀明太子意粉但見到餐牌都係忍唔住會叫All Day Breakfast $60，價錢唔貴但份量都多，都幾抵食另外之前都食過小食拼盤，賣相不錯又擺得好有心思，用個小籃子裝雞翼。不過炸得好油，薯條偏咸雖然已經夏天，但為左卡通公仔都會叫熱飲，而且卡通公仔人物真係好多，總有一個你中意既，有時仲會有少少選擇困難症，揀公仔耐過揀食物同飲品唯一唔好就係如果你被安排坐樓上就預左好難搵到職員，要朋友上上落落點野食同拎餐具，好似唔記得左有客係上面果層…查看更多