AnthonyLam9996's Profile

話說今日老婆生日，見住左咁耐都未食過呢間野，又話有野送又話買一送一，咁就去試吓啦。去到門口知客好似唔憂做咁，問有咩餐，就求求其話C, D餐先有買一送一，詳情呢張野有。即係叫你自己睇，都冇問題嘅，價錢唔係特別平。簡單講，C餐冇和牛，D餐有，原價688一位。見係生日就試個貴架啦，一入去，帶左我哋去左唔係卡位，我見有好多張卡位枱冇人坐就要求坐，點知知客話，如果你想坐就要同人搭枱，中間有塊板。結果就同人share一枱卡位。到點餐，原來食係100任食，但係點餐就得60分鐘，即係叫你好叫定多啲。最後食到好飽。味道正常，啲和牛係切定未解凍。總括黎講，688一個人就一定唔會食架啦，宜家試左次買一送一都係建議唔使試。性價比太低，招呼又唔好。…Read More

話說我一行二人去到呢間有名氣嘅米芝蓮一星餐廳食中午飯。去到嘅時候係中午兩點，侍應態度已經唔係禁好，當時亦冇即時理會。正常開茶之後，大約2點10分，侍應就話”我哋兩點半last order，你好叫啦喎”，我哋就回應話要睇多下menu先。🤔🤔咁我哋即刻就快睇張menu，當我哋兩點15分左右諗住再叫嘅時候，個侍應就話”冇架啦喎，我哋廚房last order左。當時真係嬲爆😡😡。事後諗返，人哋話晒都米芝蓮，咁好嘅服務同質素當然要好好分享。結果我哋就食左一碗榨菜同飲左兩杯冇乜味嘅茶做午餐。…Read More

話說早排有個親戚山長水遠出黎長沙灣話想去酒樓飲茶，咁就揀左百匯軒，因為一黎係商場入面，稍為企理，二黎又近地鐵站，行5分鐘左右就到。事前打電話上去訂位，佢話，得架啦，唔駛訂，你直接上黎啦！為咗上述兩個原因，算。一上到餐廳，當日中午12點見冇員工招呼就自己行入去，有個阿姐行過話，自己坐啦！咁就坐底左。之後有個阿叔問飲咩茶，我地話帶左茶葉，咁就比佢啦，點知佢粒搶左包野就行左去。之後叫野食，係張餐紙揀好晒，交埋比侍應，點知轉頭返轉頭話，賣晒，揀過樣啦。之後野食陸續到達，還可以接受。最後比錢，原來佢地應該好唔高興客人碌卡，比完錢一聲多謝都冇，仲要黑晒面。2個人食左6個點心，一碟炒飯，盛惠218係深水埗黎講唔算平。你放心，我有生之年都唔會再嚟…Read More

話說今日閒日放假，又訓晏左小小，就諗住求其落街食個下午茶，見到這間餐廳冇乜人，反而隔離嗰間就坐到滿，心諗唔通真係差得禁交關？等我試下先咁入到餐廳冇人理就梗架啦，之後見有一邊位冇人坐就就咁坐低啦，上手嘅殘餘大概等左5分鐘就有人收，收嘅時候瞪一瞪我，一位吓嘛。我話係。之後，我見佢收完就順便講埋，唔該要個焗豬扒飯熱奶茶。佢諗都唔諗，等等啦！我心諗都唔係好多野記姐，ok，我未食，我忍你，隔左冇耐佢攞住條布行返過黎，一邊抹枱就一邊係咁撞我部手揸嘅電話。咁我都忍，佢再送一句，焗豬熱奶下話？我話係嘅唔該。我1620左右入餐廳，佢1627就幫我落到單，之後1647，個飯就到，等候時間尚可接受，4點幾食個下午茶都係等20分鐘度。個飯味道ok嘅，但係如果比個揀多次，考慮到服務，價錢，味道同時間，我會比多2蚊食大家樂…Read More

唔講都仲好啲，一講就成杯都係冰，直頭到底👏👏👏服務員態度極之良好，五個字可以形容晒，十問九唔應。至於價錢就真係最抵食，五十至六十一個午餐。加埋杯凍冰，真係堅抵呀！午餐之選一定係紅磡冰廳，因為排半個鐘到就有位，岩晒上班一族…Read More