咁入到餐廳冇人理就梗架啦，之後見有一邊位冇人坐就就咁坐低啦，上手嘅殘餘大概等左5分鐘就有人收，收嘅時候瞪一瞪我，一位吓嘛。我話係。
之後，我見佢收完就順便講埋，唔該要個焗豬扒飯熱奶茶。佢諗都唔諗，等等啦！
我心諗都唔係好多野記姐，ok，我未食，我忍你，隔左冇耐佢攞住條布行返過黎，一邊抹枱就一邊係咁撞我部手揸嘅電話。咁我都忍，佢再送一句，焗豬熱奶下話？我話係嘅唔該。
我1620左右入餐廳，佢1627就幫我落到單，之後1647，個飯就到，等候時間尚可接受，4點幾食個下午茶都係等20分鐘度。
個飯味道ok嘅，但係如果比個揀多次，考慮到服務，價錢，味道同時間，我會比多2蚊食大家樂
