Chloe2017's Profile

兩個人行完深水埗，準備進攻太子旺角花園街前，先行食番個ＴＥＡ先，結果係大眾書局旁發現左ＬＥＥ間西餐廳，環境一流，有公仔作為餐廳主題，雖然５點多，都仲有下午茶時段，都是４０幾蚊一個餐，有西式、中式，３０幾蚊有小食類下午茶，傾左一陣，決定了點一個福建炒飯、一個豬排炒烏冬，上菜時間都幾快，咁就係上左豬排炒烏冬先，我地２個都覺得好吃的，不過烏冬口感似薯粉，跟住係福建炒飯，都是好吃的，當然可能是西餐廳，不是以中式菜為主打，所以個炒飯唔多鑊氣，但勝在唔油，我唔鍾意太油的食物，計埋餐飲，我地點了好立克走奶，埋單都是＄１０４，我地覺得好開心，間餐廳有公仔做主題，睇住公仔吃飯同吹水幾好呀…Read More

一行三個人由新界到九龍，到了長沙灣，這間千之味刺身壽司專門店在大圍都有分店，咁只有長沙灣係有一人ＬＩＫＥ　ＦＡＣＥＢＯＯＫ　ＰＡＧＥ既一蚊一隻赤蝦刺身，我地３個人所以都有３隻，的確是好大隻赤蝦，名實相符，但蝦身偏軟，如果硬身一點，口感會更佳，其實我地主要叫了刺身，因為刺身有買一送一的優惠，譬如叫６件吞拿魚會再送，的確夠份量。整體食物味道尚可，中華沙律好大碟，軟殼蟹口感好，同行友人都很愛，我自己就比較喜歡個炒飯，很香很好吃，其他刺身都尚好，叮得出新鮮的，有海膽、帶子、油甘魚、吞拿魚等！不過這間店的面積比較細，我們早去就快，如果遲可能要等，而且店鋪的位置比較隱蔽，要搵一搵先搵到。…Read More

同友人一早已經聽聞過旺角開左個超多人食既日本餐廳，我地一早拎左飛先，然後係旺角行左一個鐘街，買下衫，吹下水，ＬＥＥ個係策略，因為太多人了，我地持飛個陣，水牌是９６，佐但我地手上張飛係寫１３６囉，唔去行街的話，真是等到天荒地老，行左差不多整粒鐘我地再番鋪頭都要等７張檯先到。咁我地兩個人一人選一個，友人選了Ｌ２火焰三色盛井，而我就選了Ｌ１０特選刺身壽司定食！，上菜時間都快既，基本上餐廳環境唔錯，我覺得坐得幾舒服，有綠茶同前菜（前菜是一碗仔綠色海蜇），這個凉拌海蜇唔ＨＥＡ，入口口感好正，食得出唔係ＣＨＥＡＰ野，之前上Ｌ２火焰三色盛井極大碗，真是要兩個人先叮得晒，跟住再黎Ｌ１０特選刺身壽司定食，我最愛是隻大甜蝦，真是好大好甜除左要等位等好耐，其他一切都好好的！…Read More

兩個人一人一杯乳酪杯，有芒果同藍霉兩隻口味，睇水牌，芒果係新口味，所以我特別選了芒果味，非常非常之好吃！基本上一個人吃一杯已經好夠份量，個杯的設計好細心，一揭開蓋，Ｄ脆脆同Ｄ乳酪係分左兩隔既，所以落幾多脆脆，係一次個落晒定分幾次落，可以由自己決定，我就一次過落晒，脆脆加乳酪口感佳，而且杯乳酪的芒果味都濃郁，我沒有嘗到藍霉味個隻，不過同行友人說都好重藍霉味兩隻都係２７蚊一杯。養生之道檢說，乳酪含豐富活性乳酸菌，是一種存在於人體內的益生菌，有助合成腸道中的維他命B雜和維他命K，促進營養素的代謝和吸收，從而有助增強抵抗力，亦有助於抑制體內害菌的繁殖能力，以維持腸道健康，所以得閒要吃下乳酪，但不宜吃太多。我自己都係一星期一杯，一日一杯，我覺得太多！ …Read More

大家好～話說近來報了一個課程係尖沙咀(嘴)上堂，由於上堂時間係夜晚７點半至九點半，放工之後食左個素麵就動身去上堂，去既時候沿途經過了一間麵包店，門面望落去好有格調，雖然鋪頭細細但都幾搶眼，於是行左入去諗住買番個包做宵夜。其實，選擇都相當多，以大包為主打，我去既時間是７點多，已經有１００蚊４個包的優惠，但我人仔細細實在食唔晒，於是我就買左一個寫住＂ＮＥＷ＂既紫薯芝士竹炭包，單購３５蚊，其實都幾貴左，但包的賣相都幾吸引，所以都抵既，而且雖然係半個，但好夠，咬落去係鬆軟的包皮，全黑因為是竹炭，咁這個竹炭唔係燒個Ｄ而係食用竹炭，食用竹炭不僅能吸附體內垃圾，起到排毒作用，不過我食既時候唔多感受到芝士味，反而係好重ＣＲＥＡＭ咪，非常非常之ＣＲＥＡＭＹ，由於我唔多鍾意ＣＲＥＡＭ，下次會買其他硬包，但如果係好鍾意ＣＲＥＡＭ既朋友就會好鍾意囉，仲有可能我上堂聽書都累了，宵夜甜一甜，一覺到聽朝，都幾幸福呢～～～…Read More

星期日晚周圍行，想平平地食餐飯於是去左食點心皇，環境一般，不過都坐得還可既，兩個人吃，我拍板叫了枝竹炆班腩、ＸＯ醬西芹炒豬頸肉，餐飲要了熱菜蜜。飯前會有中湯一小碗，飲得出是老火湯，是有南北杏同冬瓜，味道唔錯，幾開胃，之後大約十幾分鐘就會有菜上，枝竹炆班腩、ＸＯ醬西芹炒豬頸肉，會跟白飯，當中枝竹炆班腩都好夠味:)，好入味，不過ＸＯ醬西芹炒豬頸肉既豬頸肉比較偏咸，而且西芹好少，其實可以多Ｄ，同埋ＸＯ醬既味好少好少，個白飯都有改進的空間，最後有熱菜蜜，都係平時一般茶餐廳１樽樽開個Ｄ，都夠熱，幾好飲。以餐廳的各項服務同衛生都是一般般吧，但以價錢黎計，兩個人都是１０６蚊，又有餐湯、餐飲、主菜２個，加兩碗白飯，其實都真是好平民好抵食，而且我地坐整整４５分鐘都冇被人趕，可以慢慢吃，茶餐廳來計算係咁架啦。。。。。。。。…Read More

有朋自遠方來，不亦樂乎？朋友遠從比利時番港渡新歲，於是一行６個女生到荃灣吃雞煲火鍋，自知比較孤陋寡聞，一向都是和媽媽吃開吉野家或大家樂的一人一火鍋，所以有得吃雞煲火鍋，感覺新鮮。基本上，雞煲火鍋的麻辣味偏重，吃得出有花椒、八角，我吃了許多雞肉，味道佳，不過雞腳就唔夠火候比較唔淋，之後我地都點了肥牛、素根、嚮玲、冬瓜片、蘿白片、芝心丸、牛丸、豆腐釀鯪魚肉、油麥菜、娃娃菜，上菜時間都快。口頭上說６個人一檯只坐一小時，不過我們都由８時叮吃到１１時多，都夠我們女生六人談天說地，餐廳環境同服務都尚可的。另外，飲品，我和友人點了酸梅湯，而其他各人點了咸檸水，我想應該是這店的特色，非常大杯。整體用膳感覺佳，會回頭再試。…Read More

98蚊一個SET LUNCH~總共由A至G都有幾多的選擇!我就選了G餐的石頭鍋飯,咁是有牛干的,賣相唔錯,不過我個人覺得味道偏咸,多洋慕,而且有冬菇粒配,整體整個鍋飯係可口入味,但有點不高興,就是個飯唔夠熱,偏暖,同我印象中既石頭鍋飯有出入,要熱烘烘才對架,似是將整好左既飯放入鍋中,而唔係由鍋熱煮,所以個飯都冇咩飯焦。另外,會有甜品既,有窩夫同杯子沙律,咁我就選了窩夫,好好吃,係用士多啤梨醬既窩夫,份量是一片,OL的朋友黎計,剛剛好,不多也不少,餐飲點了菠蘿冰果茶,都好飲既,但我覺得備凍左D。整體餐廳環境氣氛唔錯,幾個朋友一齊吹下水,是好好既選擇!…Read More

大家如果有睇開新聞的話，就會知道屹立80年的信興酒樓已經係2016年12月29日結業。係深水埗這一類舊區的舊式茶樓已經愈來愈賣少見少，而中央飯店都是舊式茶樓，主打都是平、快、正的港式堂食點心，基本上行入去冇人會招呼你，你地自己搵位，搵到位就坐底，跟住竟會有阿姐或是阿哥黎幫你開茶同位。個日我地差不多１０個人，本來都想食添好運，但想吹下水，都是去番中央飯店比較好，因為我地一食食整個半鐘，真是唔容易搵地方架！係中央飯店吃仲會見到舊式的推點心車，同有姐姐係你問有咩食既時候同你講冇呀，得咩咩渣，要唔要呀？這態度是另一種「親切」，有時候新式酒樓跟單送菜唔係唔好，但就係少左ＬＥＥ種好搞鬼既人客同服務人員的交流，我地叫咩都唔一定全部有，但個陣一叫而有的感覺，是另一種享受。我地都叫左差不多１０幾籠點心，多不勝數，有煎蘿蔔糕、魚肉燒賣、蝦餃、年糕、雞札、牛肉球、春卷、芋頭糕、咸水角、叉燒腸粉、叉燒包、鵪鶉蛋燒賣、牛肉腸粉、鮮蝦腸粉等等，真是舉唔晒，仲有一個飯同一個鍋米，個鍋米超級大鍋，１０幾個人都夠晒分，超滿足，每個人除番都是５０幾蚊落樓，我地收入普通既，真是好抵食，基本上各點心同菜式都是有味道既，所以人多真是一個真心正…Read More

兩口子由尖沙嘴行完一輪，坐渡海小輪，輕鬆下午文化遊後，一直由海旁沿街而行，一直行到北角城市花園附近，我們兩人都餓了，於是周圍搵野食，抬頭望，發現了一個黃色的招牌。我們兩人就膽粗粗上左去，發現是間泰式餐廳，可能位置比較偏僻，好像有點隠世，所以根本不用等位，就已經有位入。餐廳不大，比較細，但環境寧靜，坐下來，都幾舒服，之後點菜，點了海南雞(例)蒜蓉炒通菜:)泰式千層糕，三個都好好食，我們最喜歡吃海南雞，確確實實係雞有雞味，好難得，即使是點了例牌，但都有好多雞肉，而且雞皮不肥，不過小女子不太愛雞皮，我們人少，否則會點全隻，絕對會再吃，而蒜蓉炒通菜份量都是比較輕型，賣點是不油，最後是飯後甜品泰式千層糕，小女子超愛吃，因為用泰式千層糕送餐廳提供的茶是畫龍點睛。其實我本身點椰汁西米糕，但老闆說已經賣光光了下次要早點喔，總之會再次光顧這個小店，真的很好吃呀，而且老闆很有人情味，會主動同我們傾計，而且還會介紹菜單呀！…Read More

很久之前試過係太子本店的牧羊少年，個陣時是食全日早餐同好大個漢堡包，味道尚可，但今日發現原來係有甜品買，而且可以外賣，於是就叫左外賣，又係３個女人啦，今次叫左一個心太軟、兩個藍莓芝士餅，咁芝士餅係會配埋雲呢拿雪糕既，服務人員態度尚可啦，等就等左十幾分鐘，因為個心太軟係即叫才焗。基本上，３樣甜品都有水準既，有誠意既。小女士比較喜歡個心太軟，因為的確是入口暖暖的，而且巧克力味濃郁既，而個藍莓芝士餅既藍莓味好正，餅底亦都很好，另外個雲呢拿雪糕都好好食，雲呢拿雪糕既雲呢拿味唔夠出，比較多奶味，但唔算快溶，將個雲呢拿雪糕點心太軟其實幾一流，不過我唔太喜歡心太軟個個ＣＲＥＡＭ，唔係咁好食，不過都好值得一試既，食左之後，３個人都有甜一甜、笑一笑的感覺。我地見除左心太軟同芝士餅之外，仲有窩夫，窩夫的款式比較多，下次會試試，價錢同一般出面甜品店差不多，心太軟是５２蚊，芝士餅（跟雲呢拿雪糕）是３４蚊，芝士餅除左藍莓，仲有另一個味，但我忘了，因為我比較喜歡藍莓味，其他一系列的窩夫就７２蚊，份量的確比較大。…Read More

兩個小女人難得放假，梗係一齊行旺角，行到肚餓餓，於是我地放棄朗豪坊，行去支持小店，行下行下，行左去女人街，係無咩方向感亂行，行到累就行左入「首爾」。間店都好有情趣既，黑媽媽，有好多聖誕燈飾既吊燈，水吧個面比較似日式多過韓式，情侶去食的話幾有ＭＯＯＤ，兩個女人吹水都好得既，於是我地拍板叫左傳統石頭鍋飯(烤肉)，芝士炒年糕，炸一口雞，前菜（泡菜加青瓜），餐湯（蛋花粟米湯），可能個日我個人好凍所以我好鍾意個餐湯（蛋花粟米湯），雖然細細碗，但我好夠，之後前菜（泡菜加青瓜）就正正常常冇咩特別，比較值得推介的是傳統石頭鍋飯(烤肉)，好正呀，牛肉真是入味架，天寒地凍暖笠笠，鍾意叮飯焦的話，必叫架不過一開始其實是個炸一口雞上先，唔粉，但普通，唔算好有印象，另外芝士炒年糕，芝士咪個醬係好好的，但我不太鍾意個炸麵底，我朋友話好食，不過我唔太鍾意，但年糕配芝士係好的配搭，整體水平唔錯，服務人員都好既，可以再嘗埋其他。暫時冇錢去首爾，就去住位於香港旺角女人街的港式「首爾」飯店吧！…Read More

今日天氣寒冷，好適合食辣的食物，因為可以保暖開胃，於是一行人又去左沙田雲桂香食米線，基本上上菜時間快，但服務就普通，我地要同其他人搭檯，我地叫左兩碗小鍋紅薯粉（ＢＢ辣）同一碗麻辣米線，仲有叫白肉同龍蝦卷，係粉麵上的確做到麻辣，食左整個人都暖番晒，而Ｄ白肉入面包青瓜，入口口感極佳，但個龍蝦卷就欠缺誠意，似係街市買回的魚腐卷，不過是沒有冰鮮咪，但都是好失望:(。整體而言，服務水平一般，不過勝在今日夠晒凍，吃碗麻辣米線真是整個人都精神晒。…Read More

3個女人放工一聚,去左禾輋間陳根記,有同事話好似會執,昨晚去完,覺得唔會執住,好抵食!3個女人都唔洗一百蚊落樓,叫左四菜兩碗白飯,朋友有叫碑酒都係超抵飲,基本上wasabi 手撕雞食落口真是好wasabi,勁正,然後是我們的最愛煎蠔餅,最緊要係唔粉,上星期係荃灣室內大牌檔食煎蠔餅,一口粉超唔開心,但陳根記煎蠔餅的確是一口都是蠔,好開心,但都有少少唔高興因為冇炸墨魚咀,所以叫左椒鹽鮮魷,碟椒鹽鮮魷好正常幾好食,唔粉,不過另外個馬拉盞炒安菜就失失地望,因為只有咸味,食唔到馬拉盞既咪,唔好問我咩係馬拉盞既咪,即是馬拉嘅醬,同蝦醬做法幾似,但昨晚完全食唔到,整體都好推介,因為咁有風味既大牌檔係香港愈來愈少,要珍惜,多人聚一定要去,少人聚都可以,不過要遇左有人係附近食煙,好彩個陣我已經食飽飽,好滿足啦,下次要吃埋其他!…Read More

我同屋企人見到係新開於是就入去食,兩個人點左兩個餐分別是豉汁煎黃立倉魚同娃娃葉蜆肉帶子仔,兩碟都好食,都食得出條魚係新鮮魚而唔係死魚,LEE點都幾欣賞,價錢合理。不過唯一唔開心的就是落單的比較新手,而且上左娃娃葉蜆肉帶子仔差不多10幾分鐘都唔比白飯我,最無奈是可能新店開,人手少,服務生唔多識做,我們點的是黃立倉魚,但卻落錯了做黃花魚,結果要再等多十幾分鐘才上菜,但整體服務尚可的,應該會再去,因為餐牌的選擇多,有比目魚、大眼雞,我都會想試埋。…Read More