牧羊少年咖啡館 (香港文化博物館)

Open Now

Now Closed

很久之前試過係太子本店的牧羊少年，個陣時是食全日早餐同好大個漢堡包，味道尚可，但今日發現原來係有甜品買，而且可以外賣，於是就叫左外賣，又係３個女人啦，今次叫左一個心太軟、兩個藍莓芝士餅，咁芝士餅係會配埋雲呢拿雪糕既，服務人員態度尚可啦，等就等左十幾分鐘，因為個心太軟係即叫才焗。基本上，３樣甜品都有水準既，有誠意既。小女士比較喜歡個心太軟，因為的確是入口暖暖的，而且巧克力味濃郁既，而個藍莓芝士餅既藍莓味好正，餅底亦都很好，另外個雲呢拿雪糕都好好食，雲呢拿雪糕既雲呢拿味唔夠出，比較多奶味，但唔算快溶，將個雲呢拿雪糕點心太軟其實幾一流，不過我唔太喜歡心太軟個個ＣＲＥＡＭ，唔係咁好食，不過都好值得一試既，食左之後，３個人都有甜一甜、笑一笑的感覺。我地見除左心太軟同芝士餅之外，仲有窩夫，窩夫的款式比較多，下次會試試，價錢同一般出面甜品店差不多，心太軟是５２蚊，芝士餅（跟雲呢拿雪糕）是３４蚊，芝士餅除左藍莓，仲有另一個味，但我忘了，因為我比較喜歡藍莓味，其他一系列的窩夫就７２蚊，份量的確比較大。