louie186's Profile

聖誕節正日, 老婆話想去行赤柱市集, 咁順手訂左中環餐廳晚飯5點半開始, 比想像中少人, 到點入場酒店餐廳環境係無問題, 半山山境可惜睇唔到黃昏日落海鮮: 中蝦, 翠螺, 鮑魚仔, 青口, 白沙蜆四種蝦細仔D, 其他翠螺同鮑魚仔都唔錯, 好彈牙, 加上少律青菜好開胃濃蝦湯: 呢個真係正, 睇下果陣蝦油黃晒, 兜底仲有蝦肉, 在下飲左兩大碗, 老婆都話好好味鵝肝多士: 鵝肝細左D, 多士又厚左D, 味道係可以既, 但食唔到好多火雞: 感覺上有D柴皮, 尤其塊雞皮咬落去唔得, 老左海鮮正盤: 龍蝦/燒魚塊/帶子, 配磨菇白汁薯溶, 好好味道, 尤其帶子同魚真係煮得唔錯牛扒正盤: 西冷/牛面珠/牛脷, 我同老婆共享左D, 牛面珠底墊米餅, 好嫩滑, 西冷唔算肥, 無筋, 好重肉汁味, 牛脷都可以整體覺得正盤做得好有水準熱煮紅酒: 飲出紅酒, 肉桂, 紅菜頭, 其他唔知, 幾種材料味道配合, 唔太甜又唔太刺激甜品: 比較少, 都係雪糕, 木樹蛋糕, 比較平凡…Read More

每年聖誕節都會同老婆食自助餐, 不過今年25號同26號差左三舊水一位, 所以老婆話遲一日先去食咁26號去到酒店, 老實講我自己係第一次黎呢度, 感覺上交通唔算方便6點鐘開始入場, 地方大, 企理乾淨冷盤魚生: 生文魚/希靈魚/吞拿魚一般有既都有, 新鮮無大問題, 反而有甜墨魚仔算驚喜海鮮:生烚龍蝦/翠螺/海蝦, 不過無生蠔, 其他都亦不失熟盤: 近幾年自助餐中, 以呢間熱盤最多選擇1. 居然有花膠鵝掌, 我食左幾塊花膠, 淋但唔夠入味, 鵝掌就OK 2. 紅咖喱羊真心唔錯, 咖喱都幾地道, 其實真正印度紅咖喱反而有陣我地接受唔到既香料怪味, 但呢盤就無3. 蒸石班無腥, 而且當出就遇上, 佷左個魚翅位, 骨膠好正4. 鵝肝多士好好味, 塊多士唔厚, 但唔敢食太多5. 炒蟹, 正常貨色6. 青豆帶子炒龍蝦鉗, 我幾欣賞個帶子, 炒得好香7. 蒜溶烤蠔, 食左一隻咁大把, 其實唔關佢地事, 係我始終偏向生蠔8. 釀龍蝦, 用芝士, 磨菇, 蟹子釀得幾香, 屬於高人氣搶手貨9. 牛尾牛脷, 砵酒燜得好淋同入味, 食左兩塊牛尾10. 羊仔脾, 細左D, 但都係正正常常11. 牛仔脾, 唔得, 太生太薄又多筋, 係全場我覺得最差其實仲有好多菜比如火雞, 燒鴨, 叉燒但都無試晒, 因為已經好飽甜品又係超多我食左個朱古力雪糕, 一塊木頭蛋糕, 個蛋糕口感幾得意, 可能加左朱古力粒, 真係食樹皮咁, 但味道係OK既我就唔介紹勒, 因為布置有心思就影左幾張相, 各位可以自己睇…Read More

母親節, 帶左老母黎食中午餐其實以前都黎過, 連串店, 海運都有一間但無餐廳主裝修好有特色,  一樽樽大茶罐放晒響度, 以金色為主體, 感覺好豪華其實佢地果個係早午餐, 398一杯果汁, 一杯大冷茶, 餐包固定前點, 選擇點主菜同甜品蘋果汁: 鮮搾, 飲到尾杯底有蘋果渣, 味道唔太甜, 飲落好開胃餐包: 無乜特別, 仲要唔多熱, 不過佢地特色玄米芝士就幾好味大冰茶: 拳頭咁大杯, 唔講得笑, 紅茶就帶少少果味, 佢地做茶既唔會差得去邊前點: 炸豆腐茄子占醬脆片, 外觀係好靚, 但老實講唔識欣賞墨魚汁魷圈龍蝦意粉: 喂喂, 又話龍蝦, 比想像中細隻, 意粉個汁有D偏鹹, 好彩杯冰茶夠大杯甜品: 因為最近有D滯, 點左個紅色玫瑰草莓, 面果層同入面咬感唔同, 正常室溫唔凍, 酸酸甜甜幾好味全餐連加一四舊水…Read More

星期日陪老婆行左陣街, 老婆話累唔想行, 就訂左附近呢間餐廳坐坐從中午4點幾坐到5點半叫野食, 中間食左個下午茶同晚餐下午茶係綠茶心太軟+熱檸茶 88蚊我食左個雪糕, 老婆食心太軟, 佢話好味道, 中間流心綠茶汁睇落唔錯之後到飯點叫左雙人晚餐, 5舊幾水, 老婆加錢要龍蝦湯同西冷扒, 我就要左個熱松露磨菇意粉先黎湯, 哇, 個濃蝦湯真係好濃, 呢個可以推薦之後個雞肉沙律好大份, 雞肉好多, 我地兩個人食唔晒反而個大啡菇就顯得細左D, 味道係唔錯既, 加熱汁好有菇味主菜西冷扒老婆嫌肥左D, 我就夠得OK, 好實肉, 但略欠肉汁, 老婆就話個配菜煎得好香我反而鐘意個黑松露意粉, 唔算太油, 黑松露既味道適中, 意粉就略硬左少少飲品, 我點左凍啡, 老婆要小田山綠茶拿鐵, 但係師傅唔記得左, 因為趕住走所以最後無上飲品要扣返少少分…Read More

響深水埗北河街, 請左一日假陪老婆, 佢話想食西餐就黎左門口布置幾特別, 旁邊仲有地方養貓仔, 氣氛幾好, 夜晚應該幾好FEEL收費真係唔算貴, 我叫左個豬扒拼漢堡, 老婆點左個安格斯牛柳, 女人怕肥喎多士配果醬: 跟餐, 無乜特別餐湯: 老婆要白湯, 我要紅湯, 個紅湯得喎, 事關大部份紅湯都係菜味重, 但佢就好平衡, 清清楚楚飲到湯中肉味, 配合得好適中豬扒: 唔厚, 但爽, 輕微烤味漢堡: 口感堅實, 肉汁差D, 同平時食開既差唔多, 合格以上意粉: 好幼下, 靭到係煮到當好, 但真係幼左D唔習慣老婆個牛柳食左少少, 都好有牛扒味, 唔係行貨咖啡: 佢地有賣咖啡, 啡味濃得黎帶少少酸, 整體係唔錯既雪糕: 細細杯朱古力, 唔識乜牌子, 朱古力味一般, 無混朱古力粒, 普普但好過亞波羅順帶一提, 雪糕係隨便派既, 老婆果個係海鹽味, 真係無試過, 味道唔甜唔醎幾得意…Read More

差不多3年未食過自助餐, 今天跟老婆訂了老尖凱悅我老婆係蝦控, 所以要搵D有龍蝦既, 闊別三年之後, 第一個感覺係乜都貴晒以前食一餐大約一千左右, 而家網上訂位都要一千七銀陪老婆買下化妝品, 到酒店大約六點四左右, 坐響酒店大堂等左5至10分鐘入席我同老婆分開拎野食, 佢拎龍蝦我拎魚生魚生有三文魚, 吞拿魚, 希靈魚, 墨魚, 帶子, 生蝦,  因為老婆唔係咁食生蝦, 所以拎左帶子同魚魚生: 帶子好好食, 好鮮甜, 又夠大粒, 如果燒燒就更好, 希露魚非常咁爽, 三文魚好滑, 整體係中上感覺, 係吞拿魚就削削地壽司: 係咁二拎左塊炙魚同燒蝦, 味道係OK既, 但唔係話好突出翡翠螺: 我覺得好食, 無乜沙亦滑嫩蟹腳: 無乜味, 連醎水味都無乜, 食左一大條無再食龍蝦: 今晚既主角, 呢期係燒烤, 有一般1)白烚波士頓龍蝦 2)即燒龍蝦 3)日式火焰龍蝦, 白烚同其他酒店差不多, 有洗有挑腸, 新鮮, 燒龍蝦亦算香口, 不過最好味係火焰龍蝦, 因為加左日式照燒醬, 燒出黎點活左龍蝦既味道除左冷食, 熱食方面就很少選擇, 少到有D難以置信, 第一檔係咖喱, 唔好意思, 係一件都無食到第二檔係燒烤封門西冷, 牛柳, 羊架, 第三檔係西式熟食, 穿過另一邊有中式, 燒鵝, 湯, 蒸魚, 炒伊麵, 蛋黃中蝦, 但只係幾款封門西冷: 好老實講, 唔係好得, 唔知係咪佢切個位差, 食落有D柴皮, 肯定唔係正常西冷果種油香牛柳: 好過西冷, 合格既, 食左兩塊細細既羊架: 同牛柳差不多, 唔算特別好又唔係叫差, 有羊羶味既, 但唔係好識評價燒蘋果焦蛋鵝肝: 哈哈哈哈哈......唔細心搵真係搵唔到, 塊鵝肝係焦糖炖蛋下面, 所以好多人唔發覺無拎到, 蘋果配炖蛋係OK既, 但放兩塊鵝肝響底就真係多舊魚囉, 咁整法塊鵝肝無左油份變得削削地, 浪費花膠蟲草花雞湯: 好湯, 用料幾足火候夠, 食完魚生飲個熱湯暖一暖真係幾好蒸魚: 我要鬧下囉, 我鐘意食魚, 但條魚比人挖晒肉, 剩個魚頭同D鰭, 等左兩個鐘都無人REFILL, 好唔得囉飲品: 一種好似薄荷青檸水, 開始飲左杯, 同水幾乎無分別, 另一種係蜜桃茶, 呢個就好好多, 青檸水果斷放棄啦甜品, 我唔係咁好蛋糕, 老婆就食左個榴槤蛋糕, 佢話外面果層好味, 內裏鬆糕就一般, 我就食左兩杯雪糕, 朱古力, 士多啤梨, 咖啡三味哈根大師由細食到大我係OK既, 朱古力味道好純正, 裏面有朱古力粒, 加上芒果糖醬真係正但聽聞而家大陸人連MOVEN PICK都話CHEAP, 真係想見識下佢地平時食乜牌子敲鐘系列: 食食下聽到有人打鐘, 原來係展覽果條魚要開刀, 食客紛紛出去排隊, 每位有三塊都算係咁, 食落去好似油甘魚黎, 油唔多但外表好光亮, 滿滿魚生既味道, 如果係鐘意食魚生應該幾鐘意, 但個時間就差少少, 果陣已經飽晒.........算啦, 味道方面都好食既第二次敲鐘係蜜汁黑毛豬叉燒, 每位有四塊, 老婆無興趣. 幾得意既, 咬落好彈牙, 肉汁好豐富, 稍嫌豬左D同有少少筋…Read More

呢間舖計數都開左幾年, 位於青山道人流多但門口非常細, 經常行過龍以前曾經食過幾次, 有扒有拉麵幾多元化但正如小弟標題, 低端西餐, 價錢便宜, 水準中等唔算特別好食今日叫左個時令肉丸意粉+熱奶茶肉丸: 咬感鬆似魚蛋, 肉味有少少似貢丸, 明顯係豬肉, 帶少少雪味, 但其實我個人係接受既茄汁: 本來係好普通既茄汁, 唔算酸, 但又加左洋葱, 感覺有D怪意粉: 唔係傳統意粉, 係扁意粉, 咁做得西餐廳基本功點都有, 合格既奶茶: 因為坐響風口位置, 所以唔敢叫凍飲, 而奶茶濃味偏少少苦, 跟茶餐廳既味好似整體黎講好特別, 肉丸配意粉, 洋葱配茄汁, 呢個組合係幾古怪, 但食落味道又可以喎不過我個人覺得呢間舖水準一時時, 好似上星期食個照燒汁和風雞扒, 唔知點解有好大陣咖喱味拉麵試過, 係幾大碗, 但普普通通唔覺得特至於價錢就好親民, 所以行開行埋食飯無太大問題, 但燭光間餐果D就好掹水下…Read More

呢間都做左幾年, 之前同位置一直做唔住, 無記錯上手仲要係椰林閣不過轉左呢個翠豪園生意好似唔錯佢地本身有午餐, 不過入黎其實係想食D唔同既野因為生意好, 所以幾迫下, 黎幾次都係撘枱響大門口入去就有個牌, 佢地既招牌係湯飯王55蚊包一湯一菜二餸, 白飯或米線,加餸+10, 餐茶+10, 所以我只係點左個普通湯加飯佢地個湯飯本身有豬潤, 豬腰, 牛肉, 雞肉, 田雞, 黃鱔今次點既係紫菜, 豬腰加黃鱔, 飯同鼓油分開上湯底: 味似豬骨湯,  當然唔及老火湯, 都OK既, 我飲左大半碗都唔覺口渴, 中午無不斷飲水豬腰: 新鮮, 超爽口, 加D辣椒鼓油真係好正黃鱔: 我自己鐘意食鱔, 同樣都係爽既, 無乜雪味, 不過今次仲有少少腥, 可能洗得唔清紫菜: 我本身喜歡西洋菜, 但西洋菜唔熟好危險, 所以改叫紫菜, 潛湯之後原來口感味道都好特別白飯: 好似硬左少少整體55蚊, 一般午餐價, 但食到半時少食既野今次已經係第三次返黎食, 除左坐得唔舒服, 味道方面係合格以上…Read More

間店既位置其實好差下, 離街市同地鐵都好遠,不過死位又做得住, 所以證明有返咁上下水準店內以木啡色為主, 好西式下, 夜晚應該幾好feel餐牌有好多選擇, 但我自己都係鐘意食肉醬意粉加一塊烤雞, 一杯冷奶茶, 個伴碟做得幾靚意粉: 唔錯,  有正常西餐廳水準, 軟硬度偏少少硬, 我自己係覺得ok既肉醬: 肉少茄醬多所以唔覺膩, 可以接受, 但如果肉多返少少就更好烤雞: 幾好, 咬落有蜜糖味同有少少汁保留住, 今時今日一塊雞肯德基都要收你十幾蚊奶茶: 好奇怪, 佢好似ice coffee咁既味道, 又唔能夠話難飲, 但如果慣左茶餐廳就最好點其他以呢個價錢真係好抵食, 尋日食個餛飩都要51啦, 缺點係份量少左d, 女仕黎講比較適合不過我認為可以返食, 下次試下點特飲…Read More

先講下廢話對上一次寫食評已經要數到新冠前, 呢段時間好少外出食野, 亦無心情寫食評係最近放寬左先多返出街食飯講返呢間舖頭, 響街角位置, 感覺有D老舊, 衛生放面麻麻早前行過見餐牌好多款式, 所以中午入去試下叫左一個蝦仁香菇大餛飩, 熱奶茶等左十分鐘到煮好湯底: 好普通, 好清淡, 我唔知京式係咪都咁清, 但飲唔出有乜特別餛飩皮: 質量唔錯既, 唔會一夾就碎, 好多差既餛飩皮好容易浸到爛溶溶, 最少佢就無呢個情況蝦仁: 同蝦米差不多大小, 食落口都爽既, 但跟我地傳統大蝦雲吞比就細左D, 我諗剝殼既工錢仲貴過蝦成本香菇: 喂大佬呀, 完全無味道! 鮮肉: 肉質係新鮮既, 但選既肉太瘦, 入口咬落去無肉汁香味, 簡單講就係削奶茶: 唔得, 大家樂即沖奶茶咁既水平整體其實評OK都好掹車邊, 所謂大餛飩既SIZE其實同食開既雲吞差不多, 一客十隻唔係好夠飽十隻加餐茶51,  價錢上亦無優勢, 如果係想食清清地既可以既, 只係同我預期有落差…Read More

今晚經過荔枝角附近, 走左去D2 PLACE行左一陣見到呢間餐廳幾有風格, 貢入去八卦, 見到佢地有威靈頓牛扒就入去試下因為我好耐無食威靈頓牛扒情況就咁, 佢地有雙人套餐198, 連飯/粉同飲品但老婆唔得閒, 我自己一個就單點128+8蚊飲料裏面裝飾幾特別,  但好多人, 座位有D迫唔係咁舒服等左十幾分鐘左右, 黎到就係簡簡單單的一個扒配菜: 西蘭花, 普通, 無乜味薯蓉: 純粹薯蓉, 無火腿粒或煙肉, 所以味道係寡D, 不過熱到起煙, 所以我接受到牛扒: 切開, 生熟分明, 有少少甩皮情況, 但可以接受 　　食落有牛味, 肉汁仍然保留住, 中間有菇粒, 但唔係磨菇似野菌　　而且有一種熟識味道, 唔知有無猜錯, 好似鴨肝醬味道　　以牛柳黎講唔靭無渣已經係合格, 食落亦唔覺老　　威靈頓牛扒其實好難做,  整體味道都合格以上, 百幾蚊我覺得真係超值飲料: 中午飲左奶茶, 所以選左蘋果花茶, 少甜, 淡淡蘋果味, 唔錯…Read More

晚飯時間去, 人唔多, 生意麻麻, 唔使等位叫左個西冷扒試試, 配意粉/蒜汁賣相係OK既 羅宋湯: 嗯, 無落辣汁, 亦無乜肉, 清清淡淡, 同茶餐廳差不多麵包: 鬆軟新鮮, 但塊牛油完全無味道牛扒: 主菜, 一刀切開, 哇, 熟晒...............各位自己睇...............西冷牛扒喎, 我知道價錢唔高, 但都唔使焗到白雪雪咁下話咬得爛, 但無味囉, 就算咬塊邊邊肥膏都無味囉, 叫做好過大家樂少少唔好當自己鋸扒, 當係普通茶記牛扒意粉就OK意粉: 又係非常咁普通, 茶記水準熱奶茶: 普通得黎削削地, 應該係淡奶問題…Read More

今日中午諗住求其食個麵, 行過呢間餐廳裝修OK, 餐牌賣相又唔錯就入去試間舖裝修唔錯, 似餐廳FEEL, 但好多人要撘枱黎到好大碟野, 都OK喎1) 多土: 正常多士一塊, 牛油唔夠味2) 豬扒: 三塊, 咬落個面果層幾脆, 茶餐廳黎計幾厚3) 腸仔: 好普通既腸仔4) 炒蛋: 好大隻蛋, 幾滑5) 公仔面: 麻油另外上, 但餐牌照片有少少菜, 實物就無6) 凍啡: 普通杯裝, 唔夠啡味連凍飲HK$51, 公仔麵黎計比一般貴幾蚊, 但份量好足…Read More

呢間餐廳手勢唔錯, 今次係第三次返去食佢位於葵興街市後面, 門口幾細下入面位置唔多, 只有一張卡位, 其他都係打橫貼既四座位同埋平時幾多人幫襯, 星期二又休息生意相當唔錯我食過佢地牛脷飯, 墨汁意粉, 但相比起黎個炒三文魚意粉最惹味1) 南瓜溶湯: 唔太甜, OK啦, 又唔係話特別好2) 意粉: 得, 乾身, 軟硬適中, 可以同長沙環金園相比, 上面曬左香草幾美觀3) 炒三文魚: 好味, 雖然係散, 但溝埋意粉食好襯唔會話醎4) 配料: 青紅椒絲, 唔辣, 爽既口感同意粉唔同, 視覺效果亦佳, 食到底會見到香蒜, 其實蒜先係無名英雄5) 凍檸茶: 有足夠紅茶味, 比起茶餐廳更好晚飯凍飲共$54, 呢個價錢值…Read More

呢輪響葵興呢邊開工, 所以就試下呢邊D飯店行過呢間舖頭幾次, 個門口LOGO隻船仔幾搶眼, 今日終於入去試下點左佢地招牌水門雞, 即係海南雞1) 蘿白湯: 好過例湯, 塊蘿白幾好味2) 海南雞: 無骨, 好瘦, 唔夠滑亦唔夠香, 只可以點醬黎掩飾下3) 糯米飯: 其實...我有少少懷疑係咪糯米, 表面係金黃色, 但可以話無雞油味4) 青瓜蘿白: 估唔到搶返分既係配菜, 酸蘿白夾飯一齊食就搵返海南雞既感覺5) 豬肉: 店員工話係呢個餐送既, OK喎, 爽得黎有豬柳味, 好過D雞好多6) 奶茶: 哇, 呢杯野吖, 唔知係咪佢地用泰國進口奶, 同飲開既完全唔同, 味道好特別連凍飲$51…Read More