japjapjapjap's Profile

香葉青豆角肉碎飯 食泰國野點可以唔揀香葉肉碎炒飯😋呢個飯鑊氣十足！肉碎炒得乾身，加入大量香葉、青豆角、辣椒同蒜片，辣度適中，鹹香惹味超級送飯。最正係加入咗脆口豬油渣，增添油香同口感，撈勻半熟煎蛋黃一齊食，邪惡度爆燈！ 泰式燒牛扒軟嫩多汁驚喜之作😋牛扒用咗泰式香料醃製，表面燒到微焦，內裡保持粉嫩medium rare，肉質軟腍唔韌。蘸埋秘製酸辣醬汁（似青檸魚露base），清新解膩，旁邊配泰式酸辣沙律，爽口開胃封門牛柳泰船麵湯底用牛骨熬製，深褐色湯頭濃郁帶香料甜香，麵條選用金邊粉，掛湯力強。封門牛柳切薄片，輕輕灼熟，肉質極嫩滑，仲有牛丸、牛柏葉等配料，足料大碗！船麵配埋日四個特製調味料，甜酸苦辣可自選😆建議加少少泰式辣椒粉更過癮～～泰式奶茶橙紅色經典泰奶，茶香濃滑不死甜！茶味突出，奶滑順喉，甜度岩岩好，少有覺得泰茶唔死甜🙈冰涼解辣，絕對係搭配濃味泰菜嘅完美配搭。 原個新鮮椰青原個椰青上枱，冰凍清甜，椰肉嫩滑可以刮嚟食，食完濃味嘢飲一啖，瞬間解膩😍…Read More

八寶套餐 - 地獄蕃茄湯米線 即係八餸麵！大胃王必食大碗到我嚇親配料揀左滑雞片、滑牛肉、豬大腸、貴州丁家脆哨、鴨血、貢菜、雲耳、白蘿蔔片一擺低已經聞到濃濃既蕃茄酸香，湯底用新鮮蕃茄熬製，加入川味辣椒 又辣又酸～層次豐富！米線滑得來有咬口滑雞片比左雞髀肉嫩滑唔鞋口、豬大腸洗得好乾淨無異味又大塊，咬落爽彈 、丁家貴州脆哨炸到脆卜卜入口油香爆發💫鹹香惹味、鴨血滑溜無腥味、貢菜多到食極都食唔完 超脆咬到好攰、雲耳增加爽脆口感😋😋🐮牛魔王套餐 - 青二荊條湯刀削麵配料已經預設好肥牛、滑牛肉、潮汕手搥牛肉丸、黑毛肚、牛黃喉 + 秘製沾醬湯底用青二荊條辣椒熬製，麻香突出但唔會死辣麻辣控一定要衝 呢個湯底真係好好食！！麻得黎香 啖啖都咁香又唔會太辣搞到成碗都勁惹味刀削麵厚薄均勻 掛湯力強！ 潮汕牛肉丸彈牙爆汁，牛味濃郁 黑毛肚爽脆冇異味 牛黃喉切得薄身，口感似海哲非常易咬秘製沾醬係店家自製唔係買現成醬帶蒜香同芝麻香 勁似細個食撈撈個隻味！細個回憶返哂黎點肉食非常惹味再昇華左😋😋😋…Read More

🥟 小籠包豬肉煎餃 呢款係店內招牌，必叫煎餃！外皮煎到金黃脆底，一咬開竟然有小籠包嘅爆汁效果，肉餡混合雞湯同洋蔥蓉，薑汁調味好惹味，形狀似餃子但口感似小籠包，超驚喜！🍗 三杯雞飯 雞肉煮得入味，醬汁甜中帶九層塔香，撈飯一流。雖然唔係傳統港式口味，但醬汁濃稠，雞肉嫩滑，配埋熱辣辣白飯，好滿足。 🥟 雲耳椰菜豬肉水餃餃皮薄身，餡料以椰菜同雲耳為主，咬落爽脆，豬肉比例剛好，唔會太油膩。湯底用西洋菜熬製，清甜無味精，飲完唔口渴。 🥬 芹菜豬肉水餃呢款用西芹而不是唐芹，只有淡淡清香，唔會搶味，配埋豬肉餡同薄皮，好易入口。煎餃版更香口，點埋自家辣菜脯更惹味。 🍲 菜乾湯湯底真材實料，菜乾甘香，仲有紅蘿蔔同瘦肉，飲落暖胃又滋潤，好夠味咸得黎完全冇味精感，係住家湯水既味道🩷🍙 日式住家飯團飯團係老闆日籍太太嘅手作，用自家製醬油醃過，配簡單醃菜，入口米飯煙韌又鬆軟，帶微微甜香，食落有種溫暖嘅家庭感。飯團外層微焦，內裡軟熟，仲有少少飯焦香，簡單但好有心思。最好味就係佢哋嘅自家製菜譜！無論係加落個飯團或者啲飯度 或者餃子度都非常好食！夜晚七點已經全場坐滿，好彩我哋早去🥹…Read More

今次專登搭車過嚟新蒲崗，就係為咗試吓呢間人氣爆燈嘅「秋拾米線」！門口成日排長龍，好彩今次下晝3點幾到，唔使點等位。鋪頭細細，裝修簡單，但勝在乾淨企理，坐得都算舒服。 八味豆腐 $25一上枱就聞到勁香！外皮炸到金黃脆口，咬落去入面嘅豆腐仲係滑捋捋，完全唔會乾爭爭。個「八味粉」帶少少辣同孜然香，食落好惹味，呢個豆腐嘅外脆內嫩，簡直係邪惡級別🤩 香茅豬頸肉米線 $56豬頸肉係呢度嘅招牌，果然冇介紹錯！炭燒過嘅豬頸肉外皮微焦，咬落去彈牙又多汁，仲有非常出既香茅味，唔會太油膩。湯底揀咗秘製酸辣（BB辣），酸度同辣度平衡得啱啱好，唔會搶咗豬頸肉嘅風頭。米線可以轉芽菜底，索晒湯汁之餘，口感更加清爽。 秋拾豆花撈米線 $40 +招牌魚腐呢個真係幾特別！凍食嘅豆花撈米線，豆花滑嘟嘟，豆味唔算好濃，但加埋花生碎、肉燥同辣醬，鹹鹹甜甜咁，口感好豐富。魚腐食得出係自家製，口感軟糯我覺得幾新鮮，夏天食幾開胃😛…Read More

喺佐敦地鐵站行幾分鐘就到嘅「打冷」鋪呢間餐廳食物種類非常多雞煲 烤魚 羊腩煲 煲仔飯 炒小菜 米線 樣樣都有！😱對面仲要係酒店啱晒啲遊客夜晚心思思想食地道小炒又唔想行咁遠呢間餐廳可以一次過滿足晒咁多願望😎順帶一提啲侍應姐姐全部都態度好好喺度真係feel到佢哋待客如賓既感覺💗下次黎一定要試埋個煲仔飯！薑蔥生蠔煲 $168 香港「打冷」店必叫係我最愛既一道廣東菜生蠔大大隻，肥嘟嘟又鮮甜，完全冇腥味！薑蔥、大量韭菜爆得好香！蠔肉裏住既生粉外皮夠薄，煎到微微焦脆，內裡嫩滑多爆汁，撈埋啲薑蔥汁食兩碗飯都唔夠送😍麻辣牛展 $36每件都厚切，抵食！原先係五香牛展滷得入味，可以自己揀辣度個麻辣汁做得好好 微辣帶麻一食入口覺得有味蕾衝擊嘅感覺 夠晒開胃✨魚肉春卷酸辣米線（走肉碎）米線湯底BB辣酸辣度適中 唔會太嗆喉太咸魚肉春卷炸得香脆，入面嘅魚肉好煙靭配埋酸辣湯好夾好好食😍我鍾意清淡啲所以走肉碎，咁反而仲突出魚肉春卷嘅鮮味XO醬西芹炒珊瑚蚌 $138點解我會覺得呢間舖頭似「打冷」/大排檔就係因為佢有呢碟菜！通常都只係可以喺大排檔有珊瑚蚌食 估唔到咁近地鐵站都有🥹珊瑚蚌好爽脆鮮甜😍份量仲好多XO醬炒得夠鑊氣西芹非常爽口無臭青味 成道菜好鹹香惹味😍😍😍豉汁蒸鯇魚飯 $68呢個蒸鯇魚飯絕對對得起佢個價錢落咗單之後等10分鐘 即叫即蒸所以新鮮食鯇魚肉質非常嫩滑！好難得搵到間茶餐廳食蒸魚係唔柴既😜豉汁仲要係剁完再炒過，調得剛剛好，好有心機，欣賞呢啲細節位！唔會太咸仲有少少甜味撈飯食真係無得輸🤩魚肉蒸嘅時間控制得啱啱好…Read More

呢間泰國菜餐廳裝修好有泰國風情🌴🍂仲有啲座位設計成篤篤車咁，打卡一流！去骨海南雞雞肉超滑溜！去晒骨真係啖啖肉，啱晒我呢啲懶人食肉獸🤭皮薄肉嫩，點埋佢哋自家製嘅三色醬：薑蓉、辣椒醬、黑豉油，味道即刻升左一個層次！！雞肉本身已經夠味，唔點醬都已經好食😋呢度嘅海南雞仲滑過我塊面泰式經典明爐烏頭呢個真係必試！我見枱枱都有點😍條烏頭魚好大條厚肉，魚肉鮮甜冇腥味，個湯底酸酸辣辣，仲有粉絲、椰菜、肉碎同菇菌越煮越入味又夠哂飽🫶🏽魚肉吸晒湯汁精華，仲有粉絲墊底，撈埋湯汁食超正！好岩健身人士 呢個好均衡地集合哂碳水+纖維+靚蛋白質😛😛😛香蔥蒜蓉包 麵包控點可以唔叫 新鮮焗起，外酥脆內軟，面頭鋪滿香蔥同蒜蓉，一上枱已經聞到超香！咬落去蒜蓉味好濃，但唔會太搶，加埋微微嘅牛油香，真係停唔到口。我哋仲叫多份嚟送啤酒😝…Read More

📍地址：尖沙咀彌敦道36-44號重慶大廈地庫S21號舖 今次同朋友去咗重慶大廈地庫嘅「Ha Noi 越南菜」，呢間鋪頭雖然隱藏喺地庫，但人氣爆棚，晚市仲要等位！餐廳環境光猛，座位闊落，職員手腳快，好適合趕時間又想食好嘢嘅人順化蕃茄海鮮湯飯湯底超濃郁一打開超香海鮮味！第一次叫蕃茄湯可以鮮到咁蕃茄味酸甜開胃，海鮮份量足，有蝦、魷魚同大量蜆肉全部都好新鮮，蝦肉彈牙，魷魚係用鮮魷非常爽口撈埋啲飯食停唔到口🤭最欣賞湯飯仲加咗少少芫荽同洋蔥，層次感即刻出曬嚟！！！海防牛肉炒飯鑊氣十足！牛肉片嫩滑唔韌，仲有啲蔬菜粒同蛋絲，炒得非常乾身唔油膩😋招牌越式三文治個包係即叫即焗，外皮脆到「索索」🤣入面夾住扎肉、醃蘿蔔、香菜同辣椒，口感豐富到爆！扎肉彈牙，加埋酸蘿蔔嘅清爽，個包仲加埋沙律醬同肝醬🤤完全唔會膩朋友話「成個潛艇咁大」，食半個已經好滿足 安南鮮蝦米紙卷米紙煙韌得嚟唔會癡牙，入面包住大大隻鮮蝦、青瓜同蘿蔔絲，加埋九層塔嘅香氣🤩配埋魚露甜酸汁，清新又開胃蝦肉新鮮爽甜，成個配搭好適合夏天食🤤🤤順化蕃茄湯同越式三文治真係必試！🌟🌟🌟下次會再嚟encore佢哋嘅牛油雞翼同咖喱牛腩。 …Read More

不枉我山長水遠過嚟石硤尾南山邨搵食✨✨嚟到南山邨可以流水線咁食好西因為隔離就係排哂長龍既南山白汁冰同埋雞蛋仔蛋pre dinner🤣揀左食啲小食先招牌生炸髀配意粉 個炸髀即叫即炸 金黃酥脆既炸雞髀一上枱新鮮滾熱辣就勁香油香！！個皮炸得極通透meet開啲肉「咔嚓」一聲，薄對既粉漿裹住 juicy 的雞肉，肉汁流到成碟都係 **回頭指數**：★★★★☆ 髀加燒巨人豬扒飯兩塊豬扒真係巨大塊😂食到好滿足肯定大過我塊面 調味調得啱啱好 唔會好咸 厚薄適中 所以咬落去一啲都唔柴香爆魷魚鬚呢個真係香爆 超級惹味送酒一流魷魚鬚仲要冇雪味，好新鮮好彈牙😍香煎厚牛舌呢幾塊牛舌超厚身但係超腍入口唔使點咬已經食到好香肉味係個口散發南山村居民好幸福樓下仲有咁多懷舊嘅小食同餐廳可以揀…Read More

今日帶係外國回流嘅朋友返嚟食飯佢話好掛住港式奶茶同港式燒味係市區最容易食到嘅一定係太興！冰鎮凍奶茶 世一連我平時唔飲奶茶都覺得好好味🥺佢最大嘅特點係凍奶茶唔加冰而係用冰鎮住 唔使次次凍奶茶飲到尾都會淡晒而係每一啖入口都係咁香濃咁滑😛紅豆冰問阿姐仲有咩嘢飲好介紹佢推介紅豆冰朋友話飲返細細個同屋企人去茶記嘅味道👅煮到淋哂既紅豆+椰汁 飲既時候仲會飲到紅豆粒粒呢杯點會難飲？！燒鵝（下庄） $148阿姐推介食燒鵝一定要叫下庄下庄呢個位最特別之處係如果唔好食嘅話非常明顯以我由細食燒鵝食到大嘅經驗燒鵝係分油香派/脆皮派顯然太興係走 油香派所以會見到個皮係淋哂每一舊肉都好皮薄肉厚 啖啖肉😍而且每舊肉都燒到好香 啲肉吸收哂油香味🔥最正係燒鵝同油雞下面都有個火馨住所以慢慢食都唔會凍哂油雞（下庄） $60呢個油雞做得非常之好連雞胸位都好嫩滑豉油好明顯係加料煮過 有咸香有甜味連鎖店嚟講，呢個好值得加分👍🏽對得住個價錢👍🏽蝦王醬通菜炒鮮魷 $80呢碟菜最正係每嚿鮮魷都大大嚿 好爽口用新鮮魷魚已經覺得好讚！唔係用水魷/急凍魷魚👍🏽👍🏽👍🏽用蝦皇醬炒都唔覺得佢好咸反而仲多左啲鮮味連鎖茶記食到呢個質素嘅小炒～心滿意足另外要讚一讚呢間鋪啲店員服務態度好好落單阿姐直頭好似老闆咁熱情介紹啲菜式完全唔會覺得有壓力想你叫多啲係估你唔到太興原來做得咁好😻…Read More

原來尖沙咀有間咁大咁好feel泰菜！首先環境超大 少有係尖沙咀會有咁大間地鋪位既餐廳而且啲座位好闊落 有沙發既大圓枱 下次要帶班港女黎打卡🤭間餐廳大到有bar枱區、掟落街、大projector螢幕可以唱K😳好岩成班friend過黎吹水飲水但係係食泰菜既bar 實在太正中下懷因為平時唔鐘意去bar得西餐/炸野 又係我牛魔王一定要叫炭燒安格斯牛扒 $268炭燒安格斯牛扒以大木盒裝住別有風格上枱時店員先落鹽然後用火槍大火燒焦牛肉表面色香味既享受🤯😍伴碟有大量嘅蔬菜 沙律菜、彩椒、洋蔥、西蘭花好彩係揀咗呢個唔係叫燒牛肉沙律😋估唔到有咁多菜食叫左五成熟牛扒中間肉質仲係紅色 煎得超靚仔😳配搭3款惹味醬汁 酸甜香辣一道菜可以品嘗三種唔同風味！香茅檸檬葉鹽燒大鳥頭 $198食泰菜最鍾意叫燒魚條魚大條～又新鮮燒魚嘅靈魂喺醬汁度燒到好香香茅味嘅魚肉加埋甜甜地既酸辣汁個汁我比100分泰式肉碎煎蛋飯 $98呢個係我食泰菜無論碟頭定大餐都一定會叫因為我超級鍾意食九層塔呢個肉碎炒得好香 唔會好油膩 食落好少肥豬肉如果少啲鹹會更加好最鍾意係佢上面嗰隻燶邊蛋簡直就好似炸蛋咁好 煎到個邊邊好脆好好食🤭我下次黎食lunch一定會叫呢個！…Read More

士多啤梨豆腐花糯米糍🎂第一次呢種糯米糍蛋糕未食經好期待(・ω・)ノ有好大塊大福皮包住好野塊大福皮好夠咬口 煙煙韌韌😍小小既蛋糕有好多層面切面都好靚by 店家：蛋香戚風當造草莓粒粒豆腐花慕絲草莓果醬牛乳奶油皇牌麻薯外層呢個蛋糕食完都好清新因為cream 唔算好多同埋有士多啤梨酸酸甜甜（好彩唔係好酸）土多啤梨果醬個層做到Parfait質地 幾特別中間都仲有啲果肉最鍾意佢層豆腐mouse！雖然唔濃 但清新好食C唔洗淨係食白 cream 有多啲味道層麻薯超好食超煙韌（*（B＊）終於食蛋糕唔洗擔心麻薯太少既問題💖💖$335 4”…Read More

新開主打日式串燒嘅居酒屋🏮見佢嘅串燒款式好多 刺身嘅款式有多又多 價錢唔係好貴咋喎我好鐘意既嘅池魚、金目鯛、油甘魚刺身、燒飯團都有仲要晚市清酒一個價錢任飲不過今次係晏晝嚟到尖沙咀搵野醫肚下次一定趁佢未排長龍之前一定要同班老友黎試下晚市Lunch set包麵豉湯 薯仔沙律 蕨餅🤩飲品叫左兩款試試· 石燒咖喱豚肉沾麵 $108第一次食沾烏冬XD烏冬份量好多好彈牙用石鍋上咖哩 上枱時仲有一隻生蛋黃 個咖哩仲滾緊😍襯熱撈埋蛋黄咖哩質地順滑 呢個係偏香料味多啲既日式咖哩整體黎講都好好食 因為啲烏冬好好食同埋我都唔係好鍾意太甜嘅咖喱· 和牛釜飯 $118牛魔王最鐘意食牛丼除咗有洋蔥，仲有好多蘑菇片 木魚絲 牛肉片 日式碗豆 蓮藕片 好豐富既口感😆開頭有啲擔心叫和牛會好肥膩和牛唔肥😍👍🏽切得夠薄👍🏽份量多👍🏽全部都係加分位…Read More

老川皇都開左好多年 呢間係新分店隔離就係網紅排隊店越發位置非常易認金湯酸菜海鱸魚（一斤）$198呢個極薦指數爆燈🔅🔅🔅🔅🔆首先一上枱大份都嚇親 成個湯都真係煮到金色 超級濃郁食完成個都唔會好口渴 但好惹味！雖然用左大量花椒 但都唔會好麻叫左微辣 辣度亦岩岩好呢兜無論魚片、酸菜都勁好食 超好送飯💢魚片唔係預製魚片 係新鮮魚肉‼️仲有成舊魚腩連骨上埋 魚片超滑 好耐冇係香港食到咁高質好味既酸菜魚🥺火爆腰花 $106好難得會見到有炒豬腰，一定要試下配菜仲有雲耳、荀、萵筍、芹菜一齊炒好多菜食 係相對均衡啲無咁熱氣但又有鑊氣既菜🤣豬腰份量都好多 兩個人都食唔哂炒得好爽！好香口 無腥味一啲都唔鞋😮👍🏽👍🏽👍🏽脆皮牛奶卷 $38好耐冇食過新鮮炸起嘅炸鮮奶！😍😍真係即炸，上枱攤左一陣先入到口個皮好薄🔆好脆 加埋奶香味呢個都係必點推介🥰童年回憶返哂黎😍…Read More

今日離開觀塘區試衫 順便喺度食埋晚飯千揀萬揀 揀咗呢間好多好評又岩打卡嘅Fine Dining（其實最主要係見到佢個牛扒煎得好靚所以吸引咗食肉獸過嚟）🤭我覺得性價比超高 同埋唔使做咁多選擇淨係需要俾Main dish嘅價錢就已經包晒welcome drink、Starter比齊三款、餐湯、Main dish、甜品比齊三款、再包一杯特色飲品只係需要揀主菜、湯同飲品就搞掂岩哂好貪心又選擇困難嘅我同埋份量勁大，我哋兩個女仔係食唔晒所有嘢🫢仲要呢個價錢係比我享受到fine dining既服務侍應上頭盤嘅時候會介紹食用嘅先後次序-由淡至濃咁食我覺得呢個服務好受寵若驚😂😂😂👍🏽三道前菜擺盤好精緻展現咗廚師豐富嘅創意 融合得好好-48個月風乾火腿配蜜瓜果凍-冧酒車厘子鵝肝慕絲-火炙日本甜栗忌廉芝士撻配鵪鶉蛋（最有驚喜係呢個面頭有濃郁既魚子醬，餡仲食到好出既黑松露味唔油膩，粟米又好甜，撻皮脆🥺🩷鼠尾草青提紅酒醋梳打（welcome drink酸酸甜甜好清新🫶🏽打開左我既胃口干邑龍蝦濃湯食西餐最鍾意飲嘅就係龍蝦湯！其實係湯我都鍾意湯嘅質地厚得來依然保持到順滑嘅口感而且仲有好兩隻大隻嘅蝦、翠玉瓜可以食，好鮮甜😋椰絲牛油果蜜瓜凍湯咖啡香料烤澳洲 M5牛腹扒伴煙肉芝士玉米餅$488叫左五成熟 上枱就係煎得如此漂亮既牛扒😍一睇就知肉質非常軟嫩同多汁！牛味又重 呢個份量岩岩好唔算細份🤓煙肉芝士玉米餅都幾得意 口感鬆軟 有啲似Ikex個蔬菜薯餅不過芝士味唔會太出 係食到煎到脆脆地同香甜粟米味個到正榛子芥末烤紐西蘭羊架煙肉芝士玉米餅$438叫左七成熟，上枱見到咁紅開頭有啲驚但係肉質非常軟淋無腥味！每件羊架都大大件好多肉好少肥膏位（加分！！）足足有成6支骨 所以係非常抵食😭兩碟既配菜都有大量西式四季豆？同炒大啡菇調味得好唔會太咸又可以食下蔬菜最抵讚係連配菜佢都比好多🤩甜品-朱古力紅桑子開心果脆脆-薰衣草薑檸啤；-青檸椰子薄荷意式沙冰甜品冇分先後次序我最鍾意嘅都係開心果脆脆！朱古力味好濃！最滿意嘅係佢寫得出三種食材你食落口嘅時候三種食材嘅味都會食得到而且本身自己好鍾意脆脆撻類嘅口感所以真係大讚熱紅蘋果洋甘菊茶呢個又係勁加分！有好多片砌到花型既薄切蘋果片喺個杯到再加入熱洋甘菊茶，茶味好重好佩服佢地咁都諗到蘋果配洋甘菊平時就咁飲洋甘菊太重味岩哂想低卡啲但又唔想夜晚攝入咖啡因既我🥺🩷而且入口都相當之溫潤，係冬天飲好正秋桂花鳳梨蜂蜜梳打…Read More

之前幫襯過呢間泰國菜已經覺得好好味拍得住九龍城嘅風味見佢新開咗喺啟德分店係Airside行到攰行埋過嚟呢到搵食～～～夜晚七點嚟到已經開始要等位😱座無虛席估唔到依家啟德發展到咁靚 多咗咁多新商場😍雙子匯13-15樓都係食肆！題外話 就算全場坐滿都好啲侍應態度都非常好而且加水加得好密 仲係加熱水加分👍🏽👍🏽👍🏽👍🏽👍🏽👍🏽叫咗個泰式柚子蝦沙律 $118小巧精緻 有好多隻大大隻嘅冰鮮蝦、魷魚、腰果、好甜好多汁嘅碌柚配埋又酸又辣鹹鹹地嘅汁好開胃！最欣賞係佢會加埋炸椰絲炸蒜配埋啲碌柚一齊食有畫龍點睛嘅效果😍又香又多咗一種椰子味泰式去骨海南雞 半隻 $138半隻雞有雞胸有雞髀啱晒減脂人士同食肉獸就算係雞胸嗰幾嚿都唔柴 加埋啲酸辣汁一齊食 又惹味又開胃雞髀個幾舊直頭正，又滑又多汁冬陰功海鮮炒飯海鮮好足料 有大蝦、青口、魷魚仲加咗啲香茅 草菇一齊炒個飯對我黎講冬陰功味唔係好勁，唔辣所以又係一道好惹味嘅炒飯…Read More