仲有啲座位設計成篤篤車咁，打卡一流！
去骨海南雞
雞肉超滑溜！去晒骨真係啖啖肉，啱晒我呢啲懶人食肉獸🤭
皮薄肉嫩，點埋佢哋自家製嘅三色醬：
薑蓉、辣椒醬、黑豉油，味道即刻升左一個層次！！
雞肉本身已經夠味，唔點醬都已經好食😋
呢度嘅海南雞仲滑過我塊面
泰式經典明爐烏頭
呢個真係必試！我見枱枱都有點😍
條烏頭魚好大條厚肉，魚肉鮮甜冇腥味，
個湯底酸酸辣辣，仲有粉絲、椰菜、肉碎同菇菌
越煮越入味又夠哂飽🫶🏽
魚肉吸晒湯汁精華，仲有粉絲墊底，撈埋湯汁食超正！
好岩健身人士
呢個好均衡地集合哂碳水+纖維+靚蛋白質😛😛😛
香蔥蒜蓉包 麵包控點可以唔叫
新鮮焗起，外酥脆內軟，
面頭鋪滿香蔥同蒜蓉，一上枱已經聞到超香！
咬落去蒜蓉味好濃，但唔會太搶，加埋微微嘅牛油香，真係停唔到口。
我哋仲叫多份嚟送啤酒😝
