小籠包摺紋工整，皮薄得嚟唔易穿。用筷子輕輕夾起，入面嘅湯汁搖晃可見！咬開小口，熱辣辣嘅豬肉湯瞬間湧出，鮮甜唔油膩。肉餡肥瘦適中，加咗少少薑絲辟腥，點埋浙醋一啖食，滿足感爆燈！
滑蛋蝦仁 — 嫩滑鮮香～～
雞蛋炒到剛熟凝固，保持半流心狀態，口感嫩滑😍蝦仁用中蝦拆殼，爽彈鮮甜，份量慷慨！！蛋汁包裹住每粒蝦仁，簡單調味已經帶出蛋香同海鮮甜味，送飯一流！
京蔥爆牛肉 — 蔥香撲鼻・肉嫩鑊氣足😍
牛肉片切得厚薄均勻，用醬油同蠔油醃過，快炒保持肉質軟嫩。京蔥段炒到半透明甜味釋出來，同牛肉好夾。醬汁濃郁但唔會過鹹，最欣賞係夠鑊氣，食到微微焦香！
西蘭花炒蝦球 — 清爽健康・雙重蝦鮮
西蘭花灼得爽脆翠綠，蝦球同滑蛋蝦仁用既一樣咁新鮮彈牙，仲要超大粒！用左蒜片同少少紹酒爆炒，簡單調味突出食材原味😍
6
