PanFish's Profile

越南平民美食, 是我最愛吃的, 香口惹味食極不厭。友人那次帶我來這店品嚐, 水準真好。那三拼撈檬, 雞翼, 香茅豬扒, 扎肉都好好味, 好多香料味, d檬粉酸汁有魚露香料, 酸酸甜甜辣辣, 極開胃。芋絲炸蝦豬肉丸, 我鮮有在越菜館吃到, 芋絲炸到香脆, 丸子肉汁夠又彈牙, 香口到震! 蝦餅又係外脆內彈, 味鮮, 點雞醬最好吃。 牛油雞翼, 雞皮炸到好脆, 有濃濃蒜香, 牛油香, 食到不能停口。大家都點了薄荷青檸打, 冰爽開胃, 食炸野配這款特飲, 好正! 這店香口菜式, 手藝真到家。…Read More

食過好多間放題，這間銅鑼店的放題店是我最喜歡的三甲店。我食放題都飲好多飲品，呢度好多揀，有我愛的錫蘭檸檬茶，還有雀巢檸檬茶、Coke 和道地飲品，原來還有特飲供應，那晚飲野都飲左7款。當晚的刺身三文魚、希靈魚、馬刀貝、甜蝦、拖羅青口、鮮鮑等通通有食，水準唔錯，好新鮮，以呢個價食到呢D刺身，係值的。那晚有款一品料理叫甚麼黃金蟹餅，好好食，因為蟹肉餅好鮮味，重有D鮮甜龍蝦汁伴著(還有蟹籽)，呢款Fusion 菜勝西餐呀！ 壽司都可以，咁新鮮不難吃，但燒物一定要食燒菠蘿，因為唔係咁多放題有得食，成本貴嘛，我食左好多轉，好正，又開胃。燒鰻魚和牛柳粒、燒翠瓜都好好食，燒物食多D會好值。外面都自助美食Bar ，D炸物好香口OK的，還有沙律自選，食得多肉又可以清下腸胃。甜品也吃得好多，奶凍、木糖布丁、馬卡龍、芝士蛋糕，想揀都有，重有雪糕…雖然不可同酒店甜品相比，但我都覺得好好食。…Read More

係facebook見到水佬榮的到有佢地的宣傳,好似幾吸引,咁樣緊係要約幾個朋友去試下啦，由其是而加係冬天一定耍打下邊爐先係冬天嘛。所以我地揀左近Ｄ既銅鑼灣分店食，原來而間分店係新開左冇幾耐。首先講下個環境先：我最怕就係Ｄ餐廳好逼，好多打邊爐的餐廳好多時連行都行唔到，而間裹面既環境寛敞，有闊的通道行路，環境衛生整潔之後緊係講下食物啦個航母海鮮鍋係４－６個人食的，佢會根據你的人數比份量的，每日唔有唔同時令海鮮的，我地個花蟹、鮑魚、青口、海蝦、蜆、墨魚、蛑同大扇貝。海鮮底就有各種蔬菜做湯底。Ｄ海鮮好新鮮，蝦好鮮甜，蟹好多膏，總之一個字（正）。重要講埋個服務質素餐廳的服務態度真係要比個讚，佢地會留意到我地既碟多殼，就會好主動黎幫我地換，重要見到我地冇咩水既時候就會自動幫我地加水。真係好貼心！！…Read More

Burgeroom 係銅鑼灣已經好出名我都食過幾次了😋今次食左咁多次我認為最好食既漢堡同小食😝😝今次我同朋友食左2個漢堡同埋一款小食真心推介🍔🍔🍔鵝肝牛肉漢堡 同埋 雙層牛肉芝士漢堡首先講下個鵝肝牛肉漢堡,如果冇食個鵝肝既朋友真係要試下我食左第1次既時候已經愛上左,個鵝肝入口即溶加埋個厚厚的牛肉,個口夠大既話一口咬落去真係好正,鵝肝加牛肉既配搭真係一個字[妙]😋😋之後就係雙層牛肉芝士漢堡,鍾意食芝士既一定要食,作為一個芝士控,點會唔叫,個包既芝士好多,多到芝士包住個包咁,每一啖都係濃濃既芝士味,加埋牛肉既經典配搭,絕對唔係一間普通快餐店食到既雙牛芝堡咁簡單.而2款真係高度推薦既漢堡食漢堡一定要黎😋😋🍔🍔…Read More

那日和朋友仔去行街，中午好肚餓要醫肚，想吃上海小吃，到openrice 搜尋附近上海小吃，找到呢間小店，一於試下啦。細店子，企理裝修，牆上掛了許多師傅照，估計是高人坐陣吧！先來最想吃的生煎包，煎到好熱，包底煎到有點焦，包皮是稍厚的，正合我意，因為包稍厚口感才佳，包皮軟鬆恰好，咬下去見到肉汁傾瀉而出，鮮味油潤，好一道生煎包，可口非常。再來灌湯小籠包，皮好薄，咬爆皮後，也是熱湯汁傾瀉，肉餡入味不散，果然技藝超凡。上海粗炒炒得不俗，粗炒妙在每條也蘸上和甜甜醬汁，上海麵夠煙韌，但油稍多了點，不過與香脆又甜的黃芹白結合，更為可口香口。菜芯灼到青綠，也好吃，喝埋清甜兼豆味濃郁豆漿，可平衡一下肥膩感，水準不錯啊。…Read More

我老闆今日請我哋一班同事去一間極尚日本餐廳食飯，佢話呢間餐廳非常有質素，仲話係慰勞下我哋呢班同事咁話喎，我哋當然吾會拒絕啦。首先食我嘅至愛甜蝦，質素真係冇得輸，夠鮮味，又爽甜，果然係有質素。三文魚，每一件都肥大肉厚，肉質夠潤澤，食落口中又林又甜，大廚厚切刀工，令你口感食落更加滋味。大大粒嘅帶子，鮮味無窮，當你咬開後，啲肉汁好像是要噴出來似的，鮮味十足。牛柳粒，味道夠濃甜，牛柳嘅質素甚佳，林林甜甜，肉質豐富，食後齒頰留香。海膽手卷，鮮味嘅馬糞海膽，鮮甜味非常足夠，軟綿綿嘅口感，質感軟滑。黃金炸蝦，外表炸得金光燦爛，賣相已經贏曬，咬落鬆脆可口，炸物將整隻大蝦重重包著，將大蝦嘅汁液不會流出，蝦肉爽甜，汁液豐富蝦味又夠濃郁。天婦羅炸蝦，同樣出色，佢嘅炸漿調校得恰到好處，夠鬆化，蝦肉鮮味出眾，肉質夠彈牙，時間控制得啱啱好。佢嘅甜品都係好有質素，一個哈根大師雪糕，聽個名已經好高檔，食落口更加名符其實，雪糕奶味夠香濃，質感滑溜溜，甜味適中，食完雪糕嘅香味，留在你嘅口腔 歷久不散，令你回味無窮。…Read More

潮人偶然都要食下煮家菜，所以識揀呢間潮人私房菜啦，有海鮮各樣菜，只要早少少訂位就得，黎到就有得食黎到先飲番個湯先，個湯都幾好味，味道唔會太淡，飲啖湯吹兩嘴，再食少少湯料，好快就上主菜花雕蛋白蒸蟹，一大片蛋白，加上非常奪目的一隻蟹，聞上去非常之香的花雕酒味，令人賞心悅目，仲有蟹的鮮味，非常多肉，正！胡椒蝦，蝦夠新鮮大隻，肉質爽口彈牙，最緊要係胡椒味重而入味，蝦先食得夠滋味糟滷炒桂魚，其實我一開始都唔太清楚糟滷係咩意思，但當下食落去淨係知好味，魚肉又滑又嫩，糟滷原來係一種酒類調味，所以食落有少少酒味，加埋爽口既雲耳，好味呢整體黎講菜式都係比較創新，外面都未必有試過，味道不錯，價錢亦合理…Read More

找回旅行的感覺今日去長沙灣探完病同朋友揾下有咩好食,行過CHOOCHOO見裹面好靚,所以就左去試下入到去發現餐廳係用火車內部的設計既火車主題餐廳,好有旅行既感覺我地2個人叫左 shoulder of beef, 脆皮豚肉配胡椒番茄汁, 1664可倫堡啤炸魚&有皮薯條野飲叫左Pineapp coconut 同 Carrot apple juiceD餐好快就送到黎,好快就有得食了shoulder of beef的牛肉是牛肉白裹透紅,咬落去啖啖肉都係肉汁真係好爽口1664可倫堡啤炸魚&有皮薯條的魚是石斑,係真材實材,一切開魚的香味就出曬黎.脆皮豚肉配胡椒番茄汁的豚肉的外皮十分爽脆,好滋味2杯野食的用電燈泡的設計做杯,味道好濃郁的蔬菜味,好健康…Read More

食串燒係最好既直落節目，同班老友食完飯未想咁快散Band，去搵間宵夜店繼續吹，點下小食飲下酒咁雞軟骨好有咬口，有肉得黎好脆口，微微焦先係最好食豬頸肉夠香軟，啖啖豬味，最緊要一口一啖燒雞翼同肥牛金菇，雞翼唔會燒得太燶，本身已經調左味，啖啖肉好食肥牛金菇唔會太韌，反而牛肉同金菇煮得夠軟林，食落有D香甜味芝士牛油焗帆立貝，超多芝士，同時聞到好香牛油味，帆立貝唔算太細粒，肉好軟滑，配上芝士牛油非常香口入味，只是6粒有少少唔夠喉燒魷魚鬚加燒烤汁，少少焦味加上醬汁好惹味，魷魚鬚有D咬口，好一款牙痕既小食牛舌反而厚身，沒有平時既咬口感，頗為軟身，調味不錯，帶點牛味再多支Apple cider，慢慢吹水，唔怕比人趕走，只是位置唔係大街，但都頗為多人！…Read More

今日同朋友去深水埗買電腦, 買到好晏超肚餓經過鴨寮街, 見到間餐廳好大個海報寫住[傳承百年味道 日日新鮮打造],我比佢既字句吸引左,所以就入左去食雖然佢唔係有好豪華既裝修,但係勝在有一個好好既服務態度👍店員推介我地試下佢地既米苔目,米苔目係台灣既美食,感覺好似銀針粉咁我叫左3餸 雲吞 雞肉 豬腩肉上菜速度好快,我地等左唔係好耐就可以食😋碗麵大大碗,多料,真係爽!!!!米苔目既口感真係好似銀針粉,口感就比銀針粉軟同彈牙, 真係食過番唔到轉頭我地再加多左2個小食😍麻辣牛肉同香煎脆皮肉餅麻辣牛肉唔算太辣,對我而d唔太食得辣黎講岩岩好而脆皮肉餅而外脆內軟, 咬落去既感覺好爽口同埋 佢地既飲品好特別同好多選擇我最後揀左 香港冇得飲既 櫻花可樂個感覺有d似忌廉但冇咁甜…Read More

今日難得做完晒project,咁啱經過見到一間韓燒叫熨烤達人，所以同左一大班fd去食。首先，我地點左啲雪花肥牛同牛排。一嚟到，雪花肥牛嘅色好鮮，唔會好冰，燒完食落去嘅牛肉味好香濃，完全冇雪藏味。而牛排就比較厚少少，燒完食落比較煙un,今肉質較為厚實，亦比較易熟。然後我地叫左啲海鮮，海蝦又大隻又新鮮，燒完入口嘅時候，蝦肉鮮甜，超多肉，肉質又爽口彈牙，搞到我忍唔住叫多隻。帶子好大粒，都幾厚，燒完之後食落有dd鹹，好重帶子味，不過有少少乾。原隻帆立貝亦都係比較大粒，燒完之後食落去味道鮮甜，少少清新的海水味道，肉身肥厚，啖啖肉，非常好食。魷魚食落去爽口彈牙，唔會太un或者咬極唔斷。仲有油脂滿溢的五花腩，仲要係厚切嘅，很好味喔～點左個泡菜，連肥牛一齊食真係超好味，不過有少少辣。豬大腸洗得幾乾淨，並沒有異味，食落鹹鹹的。整體黎講堅好食。…Read More

今日去龍門居搵friend食飯，諗住求其搵一間餐廳食就算，咁岩見到有間龍門冰室，見個外觀唔錯，就入去試下。一入到去見到裹面既裝修好靚，同其他冰室，茶餐廳完全唔同，真係估唔到。裹面既菜式好多款可以揀，鐵板餐，流心奄列餐，韓式芝士鐵板餐，而３個都好吸引，都諗左好耐。最後我揀左流心奄列餐，配雞扒加芝士汁飯加杯咸檸七。出餐時間好快，我地等左５分鐘左右就有得食個餐黎到既時候，我切開裹面個奄列既時候裹面既時候，因為佢熱辣辣咁送黎，Ｄ芝士香就出曬黎，加上佢Ｄ蛋加芝士汁盲係咁流曬出黎，作為芝士控既我黎講真係好吸引。食落去每一啖都係蛋加芝士，Ｄ蛋真係好滑，真係好滿足。見個飯咁好食，我地追加左個黑松露薯條。個薯條又係一個意外驚喜，薯條熱辣辣唔再講，佢個黑松露汁真係有黑松露味，無花無假，真係好好食總括黎講係意想不到既一次冰室體驗。…Read More

成班朋友聚首一堂，有人提議到酒店食自助餐，結果打電話去問價，三百幾蚊位(加一)，卻不是有太多食物選擇，全體打退堂鼓。我記起公司同事話過這間放題店好食又抵食，二佰幾蚊位，我看過飲食雜誌話這間是得獎放題店，結果班友全部一致讚訂位！好彩今日早D Book 位，星期四都全場爆滿！班友一定係食貴野先啦，刺身點了又點，上菜算快了，我好喜歡食甜蝦，好鮮甜，另外D三文魚和榮螺都好食，新鮮的，但八爪魚有點腥，唔係好Like。飲品居然有Lotte，大部人點了Mango，值回票價。蟹棒和鰻魚壽司都好食，重有是 芝士漢堡扒卷，好特別，芝士表面燒得焦香，內面係牛肉，好盞鬼，咀夠大一啖食晒，入面D牛肉好Juicy混著煙韌飯粒香香濃芝士，勁好味。燒羊架、大蝦、鯖魚、燒翠肉瓜、雞軟骨…起碼係即叫即燒，魚有點腥，但蝦夠新鮮彈牙，燒物整OK啦。燒物中愛死了一口芝士，因班友都係芝士怪，叫了又叫，吉列外皮香脆，咬開是流心芝士，你點會唔Encore。炸蠔也好吃，廣島蠔，蠔味夠濃。北海道牛乳海鮮鍋 和 肥牛鍋 海鮮鍋個湯底係主角，好鮮甜；肥牛肉質嫩滑加埋麵鼓湯，好Match，D 黃芽白菜吸湯汁食真係又甜又鮮又有菜味。吃飽飽又來甜品-雪糕，雪糕櫃任選小雪糕杯，雀巢雪糕，還不錯！坦白講二佰幾蚊，夠多選擇，食物不錯，成班友都話下次再Encore！…Read More

今日夜晚去長沙灣體育館打波之後，打完波真係好肚餓就同朋友去搵好野食啦，我地一行４條友，都諗唔到食咩好，所以周圍行下。行到咁上下見到創味坊見個外觀都唔錯，所以決定左食而一間。我太肚餓，所以決定左叫左一個創味坊珍寶雜扒餐黎食等緊餐黎既時候發現到餐廳的室內設計真係好用心，環境寛敞，中間有ｂａｒ枱位，門口旁邊有卡位，坐唔到位食飯真係別有另一番風味，而且餐枱上都印有唔同的圖案好精美。速度都幾快，好快就有個前菜個扒類套餐有埋餐湯同蒜厚多士，麵包外脆內軟，食落去有陣陣既蒜香味。而個主菜當然係個雜扒餐，份量極多，對於岩岩做完運動的我黎講，真係好滿足，３塊扒都係好厚，切落去果下見到Ｄ肉汁流出黎，好吸引最後我地叫多個鹽酥雞中翼＋脆薯角，個薯角是新鮮炸起，雞翼的外皮香脆，肉質鮮嫩。食完之後好滿足，份量多好岩我而Ｄ做完運動，同大食既人，味道又好味。…Read More

放假冇野做係屋企瞓到日上三竿落到街已經係下午茶時間了，係附近住行過，見佢門口貼咗張相個吉列豬扒茶餐沙律幾吸引，橫店未食野又唔係好肚餓，試下都好喎。個吉列豬扒都幾大塊而且外脆內嫩，炸粉唔會太厚，阻住曬啲肉汁係個豬扒裏面，咬落都幾juicy。以前好鍾意去大快活食佢個吉列豬扒早餐㗎覺得好好食又大份又抵食，依家真係冇呢支歌仔唱啦。竟然今日畀我係東西茶餐廳食到返呢種感覺，太開心喇。三十二蚊個茶餐仲要有杯大大杯嘅紅豆冰食，真係超級滿足。紅豆大大粒同煮到腍哂，好好食呀，而且仲唔係好甜啱曬我口味。見到佢個餐牌晚是仲有好多套餐下次可以同埋啊媽冇煮飯走落嚟試下去其他野食睇下好唔好食先。…Read More