黎到先飲番個湯先，個湯都幾好味，味道唔會太淡，飲啖湯吹兩嘴，再食少少湯料，好快就上主菜
花雕蛋白蒸蟹，一大片蛋白，加上非常奪目的一隻蟹，聞上去非常之香的花雕酒味，令人賞心悅目，仲有蟹的鮮味，非常多肉，正！
胡椒蝦，蝦夠新鮮大隻，肉質爽口彈牙，最緊要係胡椒味重而入味，蝦先食得夠滋味
糟滷炒桂魚，其實我一開始都唔太清楚糟滷係咩意思，但當下食落去淨係知好味，魚肉又滑又嫩，糟滷原來係一種酒類調味，所以食落有少少酒味，加埋爽口既雲耳，好味呢
整體黎講菜式都係比較創新，外面都未必有試過，味道不錯，價錢亦合理
