吃貨Janice's Profile

一入到牛大人就感受到濃濃既台灣風味～整體感覺好乾淨企理，一坐低就拎左野飲先！！牛大人既飲品都非常有台灣特式，分別係菊花普洱同洛神花茶～菊花普洱我就覺得岩D中意清淡D口味既人飲，而我個人比較中意洛神花茶既味道，甜道適中之餘重可以消一消濟，飲完再食下1 round~!!我地今次既湯底選擇雞湯，清甜美味，未打邊爐前飲番一口，暖一暖胃，冬天最岩！！其實牛大人既食材真係幾新鮮同高質數，唔會有未溶雪既情況出現！！而熱食方面當然唔少得台灣最出名既滷肉飯拉！！平時既滷肉飯係用豬肉整得，牛大人既竟然係牛肉，另有一番風味！！一定要試下！！另外，估唔到既係有我最中意食既王子面，係台灣既邊爐界，邊個唔識王子面，平時係香港好難會有！係呢D竟然有！！馬上食番幾包先！！獨特既菜：水蓮～人生第一次係呢個菜，估唔到入口又幾爽口，好有口感，最後點左 4,5個先夠皮～！！最後最後！甜品竟然係MOVENPICK！！Oh My God!!! 超中意呢隻牌子既雪糕～ 好滿足！！…Read More

The ThirtySix 係大館附近  行完展覽上去岩岩好冇估錯  一出電梯已經有打卡位！門口弧形Macallan酒牆設計極華麗  好似進入緊一個私人酒庫原來已經榮獲Best Whisky List銅獎！排名僅次兩間酒店！望向調酒區有種神秘電影感   如同穿越到懷舊英國火車車箱另設VIP箱座   牆身有日本風格畫作襯托亦揭示佢地用日本居酒屋定位  主打Fusion日本菜重點打卡位酒窖酒櫃有好齊全既Macallan系列  限量版包括停產既都可能有其他品牌whisky既限量版都不妨問下  仲有空間留低支靚酒2nd round再飲記住玩埋小遊戲  估中鎖匙有得每人一shot 得獎Vodka - Tito’s！入口唔算太烈同帶少少甜度  女仔都幾岩飲 見唔到男神但都冧晒😍睇到menu即變選擇困難症  好多都想試價錢又親民揀Drinks建議都可以問問專業又nice既staff  相信會有驚喜(前) B for Maylor’s Boilermaker $120  底酒好易入口 檸檬加香草好清新 岩晒酒量淺朋友(後) Naked Orange Sour $120  比前者酸同甜 酒味更突出‘Gyutan’ Ox Tongue  $58居酒屋點都叫返串燒物先似樣   好香肉味又爽！Salted Egg Chicken Crackling $68聽聞係男神最愛  配酒一流 鹹蛋黃裹粉包得好均勻  脆度剛好唔會溜口熱氣 Unagi Avocado Roll $78是日最愛之一  超香軟蛋皮包鰻魚, 牛肉粒, 三文魚, 青瓜, 牛油果, 再加蟹籽點綴完全比佢精緻外型迷倒  入口層次好豐富 蛋怪記得叫啊！！ 😋 Rice Crackers with Veggies Mocktail Mousseline $88是日第二最愛  個醬太驚喜 個人覺得係有喇沙既椰香味（知道材料後朋友大笑）結果係紅甜椒, 茄子, 甘筍, 洋蔥, 黃瓜, 牛油果,  好似仲有荷蘭醬 最後要加米通清埋個醬再次認同牛油果真係fusion菜入面好重要既角色  令到個醬好香好滑😜Old-fashioned bourbon burger $138車厘子醬加Cheese甜度突出  牛味好濃有少少肉汁 夾埋食岩岩好Foie Gras & Oyster in Yakitori Sake Sauce $88/pc紫菜加廣島蠔冇咁膩  蠔好入味…Read More

難得同朋友約到出黎食飯專登揀左係北角既活一鮮方便大家收工就腳🤤餐廳裝修好有日本味道空間比較細 座位都較小所以建議想黎食個陣先卜定位先！今次我地兩個人黎食所以就叫左2樣主食同1樣小食分別試左佢地既熟食同刺身整體黎講好滿意🥰👉🏿吉列黑豚豬扒朋友叫左個熱食～食左佢一舊豬扒 覺得都唔錯唔會好厚粉 仲食到陣陣新鮮豬肉味仲要係新鮮熱辣辣炸出黎真係要趁熱食 好香口🤤👉🏿特上活一鮮丼本身已經好中意食丼呢個刺身丼好吸引 好足料除左飯多 仲有好多唔同既刺身切到厚度岩岩好 口感好正最鐘情於油甘魚 好高汁😋鮮甜得黎完全唔會腥！👉🏿紫心香竽丸平時食日本菜見到有香竽丸都一定會嗌呢到一份有4粒 每粒都炸到岩岩好外脆內軟 咬落淡淡芋頭香係我中意既芋頭味😍食完已經飽到不得了見到隔壁枱叫左壽司好吸引下次再黎食一定要試下佢地既壽司！…Read More

今日個朋友生 話想食羊就去試下喇 佢成個樓面都好中式又好大間 正啊！我哋唔係叫咗好多嘢食，叫咗個蕃茄麻辣鴛鴦鍋，番茄湯好甜麻辣都不錯～雙拼都係$118韭菜盒佢係煎嘅，佢入面勁多韭菜勁香口！餐前小食一流呀！嫩滑太陽卷 都係好大碟 好好味 切得薄薄地， 擺落湯淥一淥就食得!!鐘意食羊嘅朋友必食ah!!蟹子墨魚滑 好彈牙 入味 叫一份有三條 都好足料佢嘅火鍋料都好出色 好有保證！！仲要有好多選擇添！蒙古烤串 羊肉好夠羶 烤得好香口…Read More

朋友生日揀左呢間開左無耐既西餐餐廳除左室內座位 仲會有室外露天座位如果想搞下party或者飯聚呢到仲會提供包場，私人眾會室內外環境同包廂提供既服務真係一應俱全😍一入到去見到燈光陰暗 好有feel背景仲襯托着啲音樂宜加空間都幾大 坐得好舒服仲會見到個開放式既水吧可以見到職員係到沖野飲另外所用既碟仲要係雲石設計 覺得好高貴 好靚 影相都特別靚🥰原先都設有set dinner既menu如果覺得唔岩食 可以就咁叫主菜宜加做緊優惠👉🏿Happy Monday / Wednesday6點後Main Course買一送一😍然後+$98仲可以變左set！非常抵食set會包埋沙律，頭盤，湯，包，甜品同餐飲我地叫左個主菜 安格斯肉眼再+98變左set 多左咁多樣野食食完飽到不得了頭盤既煎帶子三文魚籽配海膽醬最令我印象深刻！簡簡單單既帶子 賣相相當精緻 而且帶子煎到兩邊岩岩好 好鬼滑仲要配上啖啖既爆醬三文魚籽再點放左係側邊海膽醬 完美！個醬好有驚喜 完全唔腥仲好好食食完一啖仲想食第二啖 回味無窮🤤主菜既安格斯肉眼(7成熟)份量都幾多幾大塊扒可以兩個女仔一齊share而啲肉勁嫩 切落去已經感覺到佢既嫩好軟綿綿 完全唔會韌再點佢個醬汁非常惹味呢個扒相當唔錯😎下次再黎可以試下其他主菜每個一定都好有驚喜🥰…Read More

餐廳位置都相當方便，係元朗西鐵站或者大棠路輕鐵站行過去都係5至10分鐘路程我地2個人total叫左1個小食同2個主菜首先係焗黑松露釀大啡菇伴芝士薯蓉 個菇焗得好香但唔會太乾 而且黑松露同芝士嘅比例啱啱好 食到黑松露嘅同時亦有芝士香 之後係美國1855極佳級黑安格斯肉眼牛扒 其實佢menu有好幾款牛扒同埋唔同重量選擇 我地就揀左10oz 而source 都有4款 比較特別嘅係青胡椒醬 不過我地就揀左比較common嘅紅酒燒汁 五成熟嘅牛扒煎得啱啱好 肉質粉嫩juicy 仲配左脆卜卜嘅長薯條 但係份量唔多唔夠喉呀！再黎就係Risotto 佢有鮮海膽 手拆蟹肉 蟹粉 嫩菠菜 鮮蟹汁 意大利飯軟硬適中 好鮮甜 正！但美中不足係有時會食到啲啲蟹殻最後飲品叫左Red Sangria 同grapeson (即係提子梳打) 2杯都唔會太甜 我特别鍾意杯red sangria! 唔會太酸好啱女仔飲另外發現e到係住元天屯朋友chill 下嘅好地方！夜晚10點後有得shisha同食炭烤串燒！…Read More

Penthouse 位於銅鑼灣37樓，一進入餐廳立即看到十分吸引的海景。 最美麗是大約在730 入夜的時候，令到整餐飯都變得十分浪漫。這天我們叫了一個餐，湯是黑松露湯，大塊大塊的黑松露放在湯上，風味十足。另外我們叫了蟹餅，十分足料，充滿蟹肉。另外叫了巴拿馬火腿哈蜜瓜，火腿十分夠味，配上清甜哈蜜瓜，清爽中帶點野味。另外牛排🥩十分厚實，肉與肉之間有點脂肪但不會太肥膩，吃進口非常滿足最後個個甜品一其有4款, 每樣各2件, 有細細件既cake 同柸裝既燉蛋整體黎講, 真係不錯, 有靚境, 好有feel🥰…Read More

今日帶左媽媽黎食楊記麻辣魚館😚因為大家都冇咩胃口, 所以要食D開胃野, 就即刻叫左個酸菜魚 又係食我最鍾意食既酸菜魚, 真係超超超超級好食!!!!❤️❤️佢依個魚係特別滑又冇骨 又唔係好勁辣, 辣度係岩岩好的~之後就叫左2個小食串燒羊肉同啤酒鴨平時唔係好食羊肉既我, 今次食完覺得都幾好食一D都唔騷 因為佢D 辣椒完成整走哂D騷味, 煮得唔錯!!最後就係個個啤酒鴨, 有勁多芫荽 超正! 都係辣辣地3碟加碗白飯 撈飯真係一流😍…Read More

第一次食湘菜，因為香港真係無咩湘菜餐廳。而喱間餐廳地方好大，裝潢寬躺舒適，裝飾亦好用心。我哋叫咗四樣菜試左椒魚頭好入味，仲有埋手工雲吞，真心坻食。之後同老闆傾落知道我地唔食得太辣，好貼心幫我地控制個辣度，仲邀請我地試下鮮榨山楂汁，味道濃郁好開胃仲解辣。另外叫左碟豆腐好好味，口感好似魚片頭咁爽口，有鍋氣！份量十足！ 好好食仲有呢一個嘅甜品叫自製砂糖餃子🥟 超好食 ！！仲有佢杯山楂野飲 好足料 好入味 係真材實料🥰…Read More

中午食咩好 又平又抵梗係食包點先生一個飯$30都唔使平靚正所以我就帶咗個北菇蒸雞飯😂最鍾意食呢個雞夠滑仲有埋冬菇唔會好dry☺️所以平時冇煮飯都會買佢黎食又平又抵😂😂😂…Read More

堅無味精傳統韓國湯飯一直都好鍾意韓國菜，今次朋友介紹黎呢間新開左無耐位於尖沙咀嘅地道韓國菜，呢到地方雖然細﹑開放室廚房都好細，只能容納兩位廚師在內，麻雀雖少但五臟俱全，鋪面好整潔，廚房抽風系統好好，唔會令到成間鋪有廚房整野食嘅味，而且可以睇到廚師好認真烹調每道菜餚。~薯仔豬排骨湯~呢個真心要推介，真係食得出無味精外，仲食得出佢肴左好耐，個湯好濃郁，亦都好足料︰兩大舊超軟身嘅排骨，仲有其他配菜，本身我地無加飯，但係覺得呢個變湯飯會更好食，所以加左一碗飯，正!~炒豬肉石鍋伴飯~呢個伴飯都非常唔錯，起初店員只係比左一小碟辣醬我地伴入去飯入面，我地以為咁細碟會唔夠味，但原來本身個飯已經好夠味，仲有好多配料︰芽菜、紫菜、紅蘿蔔、菠菜﹑仲有芝士等等，令成個層次推高。~餃子王~好大隻，大約係女士手掌嘅大小，叫左一個普通餃子王同埋一個泡菜餃子王，兩個都好足料，但可能我地放耐左少少，個皮有少少乾，但都唔大影響，幾Juicy!…Read More

收工想同朋友靜靜地食餐飯，又想去啲就腳啲嘅地方，就決定去太子呢間小店。呢間喺鬧市之中算係環境同氣氛都比較適合傾計嘅餐廳。一去到門口見到手工啤酒買一送一，就二話不說同朋友叫咗一人一杯，然後再另外嗌多一個小食同兩個主食set。set包兩個忌廉湯，嘢食份量適中。手工啤酒幾特別，一杯叫Love Craft嘅煙熏味好濃，另一杯叫Hong Kong Yau就淡同甜D，兩杯都好適合女性飲，買一送一真係值得一試。然後叫咗三個嘢食，一個係煎蛋肉醬芝士薯條，上枱嘅時候熱辣辣，芝士半溶狀態，加埋煎蛋嘅半熟蛋黃同肉醬一齊食，好好食好夾！之後有蒜香軟殼蟹配香檳蜜糖燒春雞，軟殼蟹好脆好香，蒜味好突出，唔好咬落去成口都係油，燒春雞好滑，一D都唔鞋口，整體都唔錯！最後有松葉蟹粉海膽卡邦尼意粉，卡邦尼醬同蟹粉海膽都好夾，咸中帶甜，飽肚之選。無論環境、價錢、食物質素都性價比高嘅餐廳。…Read More

今日同個無見十年既朋友聚舊，咁就收工搵下附近有咩食，就入咗去依間餐廳。和牛牛肋骨配紅酒汁我估餐廳用咗慢煮嘅方法去做，令到個牛肋骨好軟身，加上配以紅酒汁相當好味，十分推介👍🏻墨魚汁海鮮炒飯海鮮炒飯本身以為好細碟，基本上食完個牛肋骨已經好飽，我相信依個炒飯夠四個人以上食，講返個味道先，啱啱都有提過，啲海鮮真係好新鮮，真係好抵食😋Churros如果冇記錯好似有六條，個份量係適合三至四個人以上，因為我本身好鍾意食churros，炸到內軟外脆配埋個朱古力醬，不過因為真係食得太飽，所以最後只可以食兩條！…Read More

最近同朋友黎左尖沙嘴試哩間Nathan Left，我哋7點半入坐8點就開始有live band。叫左兩杯cocktail一個雞亦拼盤、nachos同mussels share黎食。雞亦拼盤有chicken nugget、炸雞同炸薯條。炸雞全部都好脆，肉質新鮮多汁，點埋個辣醬味道更加豐富。我哋叫bite size嘅nachos都好足料份量好大，nachos好薄好脆，連埋啲芝士、番茄醬、牛油果醬同sour cream一齊食超好食。Mussels好新鮮又厚肉，醬汁好creamy又有海鮮嘅鮮味，忍唔住筆黎飲，再用香脆嘅蒜蓉包點埋啲汁食。威靈頓牛柳即叫即焗所以會耐少少。金黃色嘅外皮鬆脆，包住牛柳，切開入面中心係嫩紅色。牛柳調味好足夠其實已經好夠味，可以再點埋醬汁同芥末，更加刺激味蕾。…Read More

話想食中式野同打邊爐，於是我地就搵左呢間符合曬呢兩個條件既碼頭故事。雖然呢間店出名麻辣，但我地4個人都唔食麻就叫左個大骨百味湯鍋（$118），但一樣都出色，湯料充足而且又入味。有別於其他既邊爐，呢到既調味料係❎唔用豉油，✅主要係用特製麻油＋醋＋蠔油＋蒜組成，職員仲好熱心教我地點去調味，估唔到出黎個味又幾特別👍🏻我地叫左餐單上既推介產品，包括一米鴨腸（$88）份量都好多而且好新鮮唔腥腥。嫩滑牛肉（$102）同安格斯肥牛（$138）價錢合理份量都好多夠我地咁多人食。千絲牛舌（$78）本身個味已經辣辣地而且口感好似食緊豬頸肉咁爽爽地，連平時唔食牛脷既朋友都話好味。手工青笋片（$48）切得好薄只要碌一碌就食得。臨走時仲發現餐廳裹面有獨立房間可以安排十人以上既座位，下次多人聚會都可以考慮呢間餐廳。…Read More