玉子燒部長's Profile

屋企人夜晚收工時間經過觀塘見到呢間新開既鋪好多人排隊睇個名以為係日式蛋糕店點知原來係賣台式既古早蛋糕，真奇妙古早蛋糕近期開到成行成市感覺就似以前既流心芝士撻、珍珠奶茶之類咁風潮過後就係瞬間即逝既感覺係未逝之前部長就試試看核桃杏仁原味 $75曬係面啲核桃量都幾多，而且係脆同香真係幾dump本同幾足料喎海綿蛋糕好厚身但鬆軟，一啲都唔乾部長本身就麻麻地海綿蛋糕但都覺得呢個海綿蛋糕好好食而且甜度對於部長嚟講都啱啱好，因為唔係好甜如果鍾意食好甜既人，可以自己點糖漿/果醬咁食又係另一番風味呢…Read More

牛油果軟殼蟹沙律 $88 食沙律本身就係想要個fresh嘅感覺，所以沙律醬就好重要 唔明白點解用嘅沙律醬會係蛋黃醬 牛油果打成蓉， 冇牛油果既味道，只食到少少CREAMY嘅口感 沙律菜嘅量唔算好多，但蛋黃醬就超多加上牛油果醬，真係越食越膩 唯一可讚賞嘅係個軟殼蟹炸得都幾香脆但個沙律其實整體都係FAILED 西班牙海鮮飯 $148見到已經覺得中伏，食落更加中伏 個SAUCE日式蕃茄醬既味道， 就係似蛋包飯個茄汁飯咁既味 冇西班牙海鮮飯個香味，令人覺得好失望飯望落唔似RISOTTO， 但食落都有al dente嘅感覺，算係合格海鮮都有齊款式，但就懷疑處理得唔太乾淨部長同友人食完，返到屋企一個嘔一個輕瀉 總之呢一餐，係一個惡夢 部長我經已BLACKLIST咗呢間野了…Read More

今日部長同友人入西貢遊玩半日係附近食完TEA後就想來個甜品Search發現附近有間黃雪糕店咁就當然要去G持下點知食完令人好失望店鋪係巴士總站附近既街道入面係內街的，店面都幾細下，係有啲難搵入面大約有10個位左右雪糕係黑板上面既味道有啲味道望落係幾特別Japanese Twin Alps Blended Whisky Ice cream鹿兒島雙岳混合威士忌雪糕 $65第一淡入口有好微弱既酒味如果唔講係威士忌的話，係唔會察覺到有威士忌既味雪糕整個味道都偏淡，奶味唔濃郁隨處可見既提子冧酒雪糕既酒味都比呢個濃郁可見酒既味道真係冇乜雪糕唔CREAMY，底個雪糕球上枱時已經係溶緊口感食落似半雪糕半雪葩，明顯雪糕奶脂含量不足由於雪糕味道好淡，所以相對地都唔係好甜部長認為呢個係唯一既優點但同行既嗜甜友人好明顯就好失望佢食HAZELUT ALMOND & MILD CHOCOLATE都話味道好淡，只係比維記質素好少少整體都係令人好失望…Read More

大熱天經過，見到外賣雪糕做緊特價印象中呢間野都好出名的啱啱開張時都好多人嚟排長龍食佢個抹茶雪糕外賣才廿二雞，但要TAKE RISK係街到除口罩邊行邊食WEEKDAY條街都唔算好多人而且都係好快食完，覺得可以一試宇治抹茶牛奶雪糕筒 $22入口口感雪糕口感好幼滑牛奶味好濃郁，牛奶既味道明顯突出過抹茶抹茶既味雖然都香，但就有啲比牛奶味掩蓋咗如果鍾意食濃抹茶味既話，建議都係食返純抹茶雪糕雖然部長認為純抹茶味雪糕，始終係CHA CHA但如果係抹茶+牛奶 MIXED口味既話呢度好似比較優勝而且外賣特價先$22，CP值係高…Read More

星期六父親節加撞正老竇生日本嚟諗住出去食晚飯，但疫情都未算好穩定最後都係決定外賣大家鍾意食既野+斬料加餸屯門燒味本身冇乜選擇，友人話呢間新開既燒味鋪燒味唔錯就試下夜晚臨近七點先去到，可能太夜關係叉燒沒了，油雞沒了燒腩仔沒了，心碎了好彩仲有燒肉，再遲少少可能真係乜都冇燒肉 $82估計係朝早燒既關係，燒肉個皮已經唔脆，可惜買嗰陣個姐姐話係後脾肉，肉會比較爽的確食落口感係好爽脆，冇乜油膩感燒肉有層肥膏，肉唔靚就好易有陣豬騷味而呢間既燒肉係完全冇騷味呀媽食完都話幾好食而且八十幾蚊有一大盒唔算貴希望下次可以買到其他燒味試…Read More

據聞呢間野好抵食，而且老火湯仲要冇味精於是就專登過嚟試一試兩點半左右嚟到，專登避咗LUNCH TIME既PEAK HOUR始終都係要排隊，但好彩都係排咗10分鐘左右就有位本嚟想食炆豬手，但遲咗一步最後一份都比對上一枱客點咗只差一點點~~最後決定試下都幾出名既咖哩吧咖哩雞飯 $46雖然點咗少辣，但食落都仲係幾辣，辣度後勁幾強咖哩既味道係好典型既港式咖哩味鍾唔鍾意就見人見智，部長我是ok der那雞既份量真係幾多，足料入面會有一兩舊薯仔同甘荀，煮得好腍甘荀好甜，薯仔夠粉呢個價錢好抵青紅蘿蔔老火湯呢盅老火湯係跟餐，飲落超清甜冇味精，好好飲，又好足料好難相信呢個竟然係跟個四十幾數既餐免費真心高質!!…Read More

今日晏晝同同事farewell lunch，同事建議去一間上環普興街嘅cafe 呢間cafe唔大，位置有d偏僻，但據聞都成日滿座lunch time要排隊等位，好似好厲害咁，搞到部長我都想試一試 為咗避免要排隊等位，我哋早咗出發，一點未夠就已經到達 當時店舖仲未有任何客人，相當好彩 店舖真係唔算大，部長我哋一行六人已經霸咗嘅一半位 Black truffle w/ mixed mushroom spaghetti (lunch combo) $148 Weekday如果食意粉基本上都係lunch combo 就係一個意粉配一杯熱飲，冇加一，價錢都係合理範圍意粉係手工意粉，食落有韌度，幾有口感 Black truffle基本上都冇輸，一上枱黑松露嘅味已經好香 意粉入面蘑菇份量都好足料，女生完食一個已經好飽，但唔會好濟，幾好 Cappuccino (lunch combo included) Drinks入面嘅飲品大部分都係咖啡，包埋喺lunch combo入面 熱嘅cappuccino入面有隻拉花嘅天鵝，淨係視覺享受都夠曬滿足 咖啡嘅味道唔算好出色，但係都ok唔會好酸， 亦都唔會有好重嘅燶味，味道比較balance…Read More

聽講番茄師兄殺到入嚟元朗開分店，決定再次挑戰事源上次部長諗住去深水埗分店，結果去到大排長龍， 滿懷失望地敗走 今次部長同友人早有準備，星期六既午飯時間提早出發 大約喺12點10分到達，去到係自己係板度填人數同自行搣飛等叫位 我哋前面都要等兩張枱，最後大約等咗15-20分鐘就入得 豚豚圓圓米線+炒滑蛋 $59+5 豚豚圓圓係指新鮮豬腩肉同豬頸肉真係重點講明，肉量真係好多， 覺得係食肉獸嘅分量 如果呢碗嘢畀食肉獸食嘅話應該係好開心好滿足米線嘅量亦都唔少，成碗野應該係一個準男生既份量部長女生一名，食到一半已經放棄狀態但特別在可以自行加返少少ROSEMARY令個湯FRESH返，又可以繼續食多少少 滑蛋相當之滑，係好食過平時連鎖餐廳早餐既炒滑蛋，加五蚊係抵玩的湯底雖然係用牛淆製， 講明係肉味比較濃，但牛肉味唔會真係好騷 部長本色唔身牛， 但都覺得可以接受，質素唔錯的  …Read More

今日LUNCH同同事一齊外賣自取PIZZA搭正12點打電話落柯打，LUNCH暫時未有20"既PIZZA提供兩個人SHARE驚唔夠就唯有點多份小食墊底啦講明幾點去拎，去到已經準備好晒一手交錢一手交貨，有效率雖然公司同餐廳只係約15分鐘左右步程但原來大熱天拎到返公司都係有少少凍咗啲芝士已經唔係溶既狀態，唯有放微波爐叮返熱佢如果可以，當然堂食最滋味但LUNCH都好多人排隊，堂食真係要早啲落去等位Gorgonzola & apple藍芝士蘋果薄餅12'' $168雖說係藍芝士，但冇藍芝士嗰種好嚇人既濃烈味道連怕食芝士既同事食完都話味道好平易近人而且蘋果薄片有微微果香，係幾清新呢個PIZZA係有種神奇魔力，食極都唔會覺得好膩平時部長我食PIZZA食到第2塊都差唔多下線但呢個PIZZA可以食到4塊Amazing其實兩個人食完個PIZZA都飽晒Grilled black pepper wings香烤黑椒雞翼 5pcs $58黑椒味係幾香，拎到返公司都個皮都未腍晒未食到有啲外脆內軟既口感，ok la~…Read More

今日部長上司請TEAM LUNCH，炎炎夏日上司唔鍾意行到身水身汗的，喺公司附近覓食就最好上次食完CLASSIFIED，今次就食對面呢一間kim & co啦 Summer salad夏日自助沙律吧 Set lunch 可以揀餐湯定係自助沙律吧 沙律吧就咁望一望款式都幾多有三大盤唔同嘅沙律款、一盤嘅水果、仲有兩盆嘅熟蔬菜（紅椰菜&西蘭花） 仲有牛油果三文魚壽司、camembert cheese、parma ham同 salami 二話不說咁揀咗沙律吧，沙律吧既整體質素都唔錯沙律吧基本上食係一回而已食完waitress就會好主動過嚟收碟所以要食咩就一次過夾吧，沒有ENCORE的Baked mixed vegetable lasagna 烘烤雜菜千層麵 $148個賣相真係幾靚嘅，但份量真係比想像之中小 好彩沙律吧都食咗件壽司同少少cheese打底如果唔係真係有機會唔夠飽男生嘅話建議食烤半隻雞或者扒，如果唔係份量真係唔夠 個千層麵係素食，sauce就係蓄茄醬，係幾fresh的 底係有d用herb整成既醬成個味道會比較清，啱夏天冇乜胃口食 比起平時既lasagna唔會好濟食到入面加咗金文拔芝士，所以食落其實都幾香 Deep fried milk bao 炸奶包 都係嗰句，賣相係幾靚既其實個包唔係炸係烘的，表面好乾，入面就係普通饅頭質感面再淋點好似煉奶既野，甜甜地的Emm...部長覺得呢個dessert係有啲failed 我寧願真係食炸饅頭，會比較好味 …Read More

今日嚟到呢間黃店外賣米線見到水飯系列，覺得款款都好吸引重點係有本部長最愛既胡椒豬肚於是就決定點呢款胡椒豬肚雞湯米線 $50外賣碗分兩層，上米線下湯，方便胡椒味道好濃好香，所以都有啲辣的但冬天食應該會好暖胃豬肚處理得好好，唔會有腥味雞湯飲得出係無味精既老火湯湯香得嚟唔會好油膩，再加上有少少酸菜食落微微酸又唔會搶咗胡椒或者雞湯既味真係幾好飲最緊要係飲完唔會好口渴豬肚同雞既份量都唔少，足料的係米線發得太漲，呢到有少少失色，扣少少分但$50有個老火湯米線真係幾抵食…Read More

今日既掃黃行動，專程入元朗去一間由日本人開而又幾出名嘅沾麵店 其實呢間舖之前都食過，覺得味道真係幾唔錯，變咗回頭客 閒日大約兩點到達，條隊已經有五個人 排咗大約半個鐘入得，條隊亦多咗五個人排隊 順帶一提，由於疫情嘅關係，呢間鋪都開始有外賣嘅服務 今日嘅special係紅辣椒麵，但部長都係點返黑胡椒麵配蝦味噌湯 蝦味噌湯+黑胡椒麵 $88 一碗麵會有一隻溏心蛋、兩塊叉燒、幾條荀同一塊紫菜蝦味噌湯相當鮮甜， 雖然味道係偏鹹咗啲 但其實沾面既湯底不嬲都係比較濃味，會比較油膩同鹹對比其他沾麵唔算真係好鹹，湯底味道濃度係適中，係好食的麵方面，黑胡椒味真係幾香黑胡椒同蝦味噌嘅配合啱啱好 唔會出現其中一個味蓋過另一個味 一路食都可以食到蝦味噌嘅鮮味，又食到黑胡椒嘅香味 部長都幾推薦呢個組合…Read More

今日LUNCH想食JUNK FOOD 知道良景新開咗間齊柏林熱狗 之前喺龍門居食過薯條同MOZZARELLA STICKS 覺得幾唔錯， 決定ENCORE， 順便試埋熱狗嚟到先發覺原來呢度係冇MOZZARELLA STICKS 轉食薯格好了由於返到屋企已經係半個鐘之後嘅事 薯條都仲暖暖哋， 但熱狗就真係凍咗建議大家真係要即買即食會比較好 好彩有焗爐，150度焗返幾分鐘，熱狗又重生了火炙芝士辣肉腸熱狗 $42 招牌之一，亦都係bestseller嘅其中一款 半溶嘅芝士食落有拉絲效果雖然係生洋蔥，但冇好辣好攻鼻食落清脆反而幾有口感黃芥末加埋辣肉醬，酸酸地辣辣地個醬濃味得嚟幾開胃，係幾好味嫁呢～澳式風情熱狗 $38 配料其實就係平時PIZZA嘅配料食落成個味都好PIZZA因為有菠蘿嘅關係，成個味道偏甜，好啱小朋友食但部長幾鍾意條紐倫堡腸，有陣好FRESH既香草味打算下次食的話將芝士辣肉腸熱狗既荷蘭腸換做紐倫堡腸咁就咁就perfect池喇～炸魚薯條 $28 炸魚和咗半個鐘之後都仍然鬆脆，冇腍外脆內軟，相當好食薯條係粗薯條，一份兩人SHARE都好足夠由於個醬係面，基本上已經腍曬就算焗爐翻熱都回魂乏術建議如果外賣路程遠，走醬比較穩陣細薯格 $15 薯格比薯條嘅情況樂觀少少，一半腍一半都仲係脆拎住行返嚟嘅時候已經聞到薯格好香即食嘅話應該係脆卜卜好好食兩個人各食一份熱狗+share一份炸魚薯條已經夠飽食埋薯格真係超級飽…Read More

今日專登嚟韓國街買材料諗住之後整韓國料理 買完已經八點幾，晚餐就直接喺呢度解決 由街頭行到街尾，有好幾間都好多人但武肺流行既呢個時勢，想揀返啲人少少嘅餐廳 行到街尾呢一間，似乎人比較少 食客們都好主動咁樣分隔一段距離坐， 於是就決定呢一間 炸醬麵套餐 $65套餐包2隻餃子同蔬菜清湯，仲有前菜小碟泡菜&醃蘿蔔 炸醬麵味道唔算好濃郁，偏清淡，但食完唔會膩 個人係幾鍾意呢種味，反而麻麻地食完好膩嘅炸醬 一份面兩個人分，啱啱好，可以再加其他小食餃子煎得好香好脆，唔錯 泡菜味道太淡，一般蔬菜清湯胡椒味過重，FAILED DER炒年糕(芝士) $63 炒年糕味道好大路，基本上都唔會難食 年糕煙煙韌韌，好鍾意呢個口感，醬汁辣得嚟都幾甜 但成片未溶既芝士撻喺面，係有啲求其紫菜捲 $43 紫菜飯捲入面有蛋、紅蘿蔔、火腿同埋漬蘿蔔 味道普通，唔算好特別 除非你好鍾意食飯卷，如果唔係可以SKIP呢個試其他小食仲好…Read More

今日同同事要去元朗上一日嘅TRAINING COURSE LUNCH再喺元朗廣場附近覓食 本身去黃店夏捌月的， 同事之前食過都話幾好食， 但都幾多人 無可奈何就轉場，隨便喺附近搵一間食 於是就嚟咗夏捌月附近，轉角位呢一間BROTHER 由於時間緊拙，唔諗太多，直接點咗其中一個SET LUNCH SET LUNCH 會跟麵包同餐湯或者沙律 & 熱餐飲餐包 (SET LUNCH) 麵包微溫，似係五穀麵包，質感好軟熟而且牛油係用部長最鍾意嘅銀寶牌，唔錯帶子青蘋果橘子沙律 (SET LUNCH)部長最近對貝殼類海鮮敏感，所以要求走帶子，係可以的以為附送嘅沙律係平時嗰啲超迷你SIZE點知份量令人大吃一驚，相當大方 咁既份量估計單價都四、五十蚊青蘋果好爽脆， 橘子酸酸甜甜咁，真係好FRESH 黑醋味道唔會好酸，有啲果香，個沙律係好屈機黑松露雜菌溫泉蛋意粉 $76都係嗰句，一加黑松露醬已經贏在起跑線扁意粉做到al dente嘅口感 SAUCE同意粉嘅比例恰到好處 雜菌好香，加埋少少半溶嘅芝士同溫泉蛋雖然午餐嚟講，連加一都八十幾蚊，唔算平 但呢個質素，係值的…Read More