買完已經八點幾，晚餐就直接喺呢度解決
由街頭行到街尾，有好幾間都好多人
但武肺流行既呢個時勢，想揀返啲人少少嘅餐廳
行到街尾呢一間，似乎人比較少
食客們都好主動咁樣分隔一段距離坐， 於是就決定呢一間
炸醬麵套餐 $65
套餐包2隻餃子同蔬菜清湯，仲有前菜小碟泡菜&醃蘿蔔
炸醬麵味道唔算好濃郁，偏清淡，但食完唔會膩
個人係幾鍾意呢種味，反而麻麻地食完好膩嘅炸醬
一份面兩個人分，啱啱好，可以再加其他小食
餃子煎得好香好脆，唔錯
泡菜味道太淡，一般
蔬菜清湯胡椒味過重，FAILED DER
炒年糕(芝士) $63
炒年糕味道好大路，基本上都唔會難食
年糕煙煙韌韌，好鍾意呢個口感，醬汁辣得嚟都幾甜
但成片未溶既芝士撻喺面，係有啲求其
紫菜捲 $43
紫菜飯捲入面有蛋、紅蘿蔔、火腿同埋漬蘿蔔
味道普通，唔算好特別
除非你好鍾意食飯卷，如果唔係可以SKIP呢個試其他小食仲好
