PYMWong's Profile

適逢新舊同事交替，因為大家都好日本菜，搵咗間日本餐廳歡迎同歡送幾位好同事睇咗張menu好耐，女人果然係三心二意，樣樣都想食哈哈，最後揀咗個豚肉鍋啦上菜速度有啲慢，但我地一行十幾人，所以可以理解嘅，。一上菜不得了，呢個set實在包好多嘢，有前菜、沙律、味噌湯、蒸蛋同主菜，甜品就要另外加錢。我地之前都試咗好幾間日本餐廳，啲配菜大同少異。呢間嘅配菜認真啲，例如個沙律上面有啲薄薄嘅脆脆，味噌湯入面加咗，蒸蛋入面都加咗海鮮。至於個豚肉鍋，個湯底好甜，入面都有好多唔同種類嘅蔬菜，豚肉分量都幾多下，塊塊都厚切，而且咬起嚟幾爽口(雖然肥羔都幾多下，不過咁先好食㗎嘛)食哂所有嘢已經好飽，無肚再食甜品啦，唯有下次再試啦…Read More

女人嘅聚會，唔最後食返個糖水，總會有種唔完整嘅感覺，於是就返返嚟我地嘅老地方食糖水估唔到翠苑會係北角又開多間分店，生意之好可想言之。我地例叫合桃糊，貪佢夠特別，香港唔係好多糖水鋪有賣。呢度嘅合桃糊keep到一貫水準，非常之香滑，甜而不膩，有陣淡淡嘅合桃香，次次都好快食完…Read More

幾經辛苦，終於約齊姐妹飯眾，聽講呢間口碑幾好，於是嚟試下我地七點去到，唔算多人，餐廳仲係得幾個人，一打開menu，不得了，二人餐$198有兩碗面，一個涼菜，五款點心，一碟菜，加兩杯飲品，心諗金翅大煲了，邊有可能咁抵？我地三個女仔食得唔算多，order住個二人餐先人漸漸多起嚟，我地嘅嘢食都到咗，點心用細細嘅碗裝住，非常精緻。兩個面嘅湯底分別係雞湯同魚湯，不算濃，但味道唔錯，食完唔會有口渴嘅感覺。點心全部都好好食，首推墨魚餅、炸蝦球、豬頸肉，雖然份量唔多，但味道方面真心出色。尤其是炸蝦球，一咬開竟然會爆汁，酸酸甜甜十分好味全院滿座係有原因的，十個讚，下次一定再嚟過…Read More

喺Facebook見到好多人介紹呢間台灣進駐嘅豆花先生，可能個名太響，令人期望太高，結果反而覺得個豆花平平無奇第一次食，梗係乜都試下啦，於是嗌咗個招牌豆花，豆花係熱嘅，糖水係凍嘅，溝埋一齊就唔凍唔熱，忽冷忽熱咁。招牌豆花有紅豆竽圓同地瓜圓，紅豆無乜特別，竽圓同地瓜圓係煙韌嘅，但竽圓無乜味，地瓜圓好少少，甜味算適中嘅。其實個豆花整體唔差嘅，豆花都好滑，只能說係俾人捧得太高吧，同想像中有啲唔同呢～…Read More

呢幾年葵廣唔單止愈來愈多靚衫，更加有唔少出色嘅小食店進駐，本人住得遠，已經有段時間無嚟，完全唔知二樓有個area，集中開咗好多小食店，大嘆走寳。唔緊，有胃唔怕遲，只係花多眼亂，唔知點揀好，好彩姐妹想食雞，target立即清晰好多。呢度40蚊可以揀一雞三餸一汁，本人不嬲只食雞胸唔食雞脾(俾娘親話好鬼豬)，所以揀咗雞胸。餸都有好多選擇，有蘋果石榴青瓜之類，我地最後揀咗花枝丸竽絲同鮑魚菇。因為本人喉嚨痛，汁就揀左望落似最清淡嘅沙律汁本來無乜太大期望，以為同屋企整嘅奄雞差唔多。結果大出意料之外，因為實在太好味啦！雞胸嘅質地唔會太鞋，仲非常之入味添。三樣餸都好好食，竽絲同鮑魚菇涼涼地好爽口，食起嚟好過癮。個汁酸酸地，同凍食亦都好夾呢！唯一嘅缺點係雞皮太多，唔小心食咗幾塊雞皮(不過都好食嘅)，食完個盒有好多雞皮，好彩雞肉都唔少，算抵食嘅，下次嚟會再食~…Read More

之前食過呢間餐廳一次，但太忙無寫到食評，適逢同事生日，想食返呢間日本嘢，yeah機會嚟啦飛雲!!呢間餐廳嘅裝修相當西式，唔似一般嘅日本餐廳有塔塔米播日本歌之類，齋睇個環境令人以為杯呢度有得嗌返杯cocktail飲下哈哈我地大部份人都點左kokomi便當，跟餐有面豉湯，清清地幾好飲，個便當係一個兩層嘅盒，下面嗰層有芝麻磨菇炒飯，炒飯加咗芝麻好香，菇味都好足，我呢個飯筒簡直好想叫佢多飯呀上面嗰層分開兩邊，一邊係刺身，一邊係熟食，刺身我分唔到係咩魚，不過食得出好新鮮，好肥美，熟食嗰邊有好多唔同種類嘅食物，每一款都好好食，首推燒鯖魚同迷你紫薯天婦羅，做得非常出色，另外杏仁墨魚丸都好特別，一塊塊嘅杏仁片包住爽口彈牙嘅墨魚丸，我都係第一次見咋，口感都幾得意，其實玉子都唔錯，可能最後先食，已經好飽啦，所以無乜特別感覺啦呢間店嘅水準非常唔錯，絕對可以一試再試，雖然有少少貴，但開得係PP都預咗㗎啦，期待下次嚟試新嘢~…Read More

呢間印度餐廳，係五洲大廈非常唔當眼嘅位置，有次行錯左仲以為佢執左添，呢間嘢係我中學果陣已經係度㗎啦，都幾受同學仔歡迎㗎，貪佢個lunch set咩都有好抵嘛，適逢同中同gathering, 梗係要搵返啲充滿回憶既地方啦~呢度嘅dinner set我好少食(中學雞要返屋企食飯嘛)，其水準好過lunch幾多下，我地三個女仔胃口唔大，於是揀左個二人餐食住先首先黎左紅湯，少少辛辣都幾好飲(lunch個湯就太淡味)，另外仲有咖喱薯角同一碟類似薯片嘅開胃小菜，咖喱薯角正正常常都幾好食，薯片脆脆地其實無乜味，大家記住要問佢拎醬啊根住黎左碟燒雞，以鐵板上菜，熱辣辣咁好過癮，香料好香，啲雞好入味之餘，入面仍然好juicy，又唔會燒得太乾，連配菜都燒得好好食，精彩啊，好想食多一碟唔知係咪燒雞太好食，之後嗰兩個主菜咖哩我地無咁震撼，不過個羊肉咖哩同菠菜芝士都好好食，啲汁送個naan都好好味，佢個naan個口感都做得相當唔錯可能平日黎食無乜人，我地三個好盡情地吹左成晚水，埋單都唔使一百一個人，真係抵到爛呀…Read More

之前係某飲食雜誌見到，西灣河開左開小店，標榜係少味精既家常韓國料理，一直都想試下，上次同細佬黎，原來星期四唔開，今次一於同姐妹慶祝Happy Friday~～他開小店都幾隱世，有少少難搵，去到見到個好得意既招牌，似係小朋友寫既字，店舖裝修都幾溫馨～坐低望一望Menu，食物種類雖然唔算多，但價格都幾平民化，我地三個order左一碟紫菜包飯，一碗牛肉拌飯同一份芝士炸雞紫菜包飯入面有午餐肉同芝士，兩種味道好夾，芝士好香，午餐肉入口即溶，我地話快食哂成碟牛肉拌飯既賣相同出面賣既無乜分別，但無咁濃味，反而一種清新的感覺，有家的味道芝士炸雞一份有6件，3件雞除3件雞翼，同好多芝士!!!每拎起一件雞都有拉芝的視覺效果，好正，d雞亦炸得相當唔錯，內軟外脆，仲好juicy添唔知係咪食得太多芝士，我地三碟竟然夠哂數，每人埋單都係70蚊左右，真係大件夾抵食，唔怪之得我地8點幾走果時，店外仲排哂長龍啦～～…Read More

見電視介紹過呢間重慶燒烤，咁岩同朋友係附近行完山，開開心心諗住去食餐好既，點知就咁中左伏。首先，個爐完全唔夠火，啲肉已經唔算厚，但燒左大半個鐘都熟唔到，個爐既火力可想言之，叫店員換爐，啲店員態度好差，一個二個都燶哂面咁，完全無人理我地。好多食客都要自己搽牛油上個爐到先整旺個火，後來仲連牛油都俾人拎哂，要等佢煮牛油，真係好離譜。我地最後都直接放棄左，出去搵野食醫肚算。其實間店的食物種類算正常，調味算不錯，但啲野食都燒唔熟，唔通生食咩?! 話就話任食兩個半鐘，其實咁細火根本燒唔到啲乜，食到一肚火就有，呢128我寧願跌左佢算，真係十萬個嬲！對我黎講，絕對無下次！正一垃圾，完。…Read More