睇咗張menu好耐，女人果然係三心二意，樣樣都想食哈哈，最後揀咗個豚肉鍋啦
上菜速度有啲慢，但我地一行十幾人，所以可以理解嘅，。一上菜不得了，呢個set實在包好多嘢，有前菜、沙律、味噌湯、蒸蛋同主菜，甜品就要另外加錢。
我地之前都試咗好幾間日本餐廳，啲配菜大同少異。呢間嘅配菜認真啲，例如個沙律上面有啲薄薄嘅脆脆，味噌湯入面加咗，蒸蛋入面都加咗海鮮。至於個豚肉鍋，個湯底好甜，入面都有好多唔同種類嘅蔬菜，豚肉分量都幾多下，塊塊都厚切，而且咬起嚟幾爽口(雖然肥羔都幾多下，不過咁先好食㗎嘛)
食哂所有嘢已經好飽，無肚再食甜品啦，唯有下次再試啦
