傷心情長劍's Profile

最近好小寫食評，但都忍唔住要公開佢既惡行。話說最近因為疫情關係，小左好人去蘭桂坊飲野，同幾位朋友去到蘭桂坊，基本上所有酒吧既人都走哂出黎R生意，依間都唔例外，而我朋友就因為個侍應話肯比happy hour 價錢而入左依間，最後我地嗌左一個Towel 就結帳，點知埋單果時張單竟然係8xx而menu 係無Towel既價錢，大家都知中左伏睇到呆左，平時你叫一個Towel 都係ard 3xx-5xx 比盡你咪600 但埋單竟然貴到咁，仲要寫話係HH價今時今日咁既服務態度，我以後都唔會去，咁岩今日去既時候隔離Zine 無開先入希望大家唔好中伏…Read More

作為餃子嘅忠實粉絲我當然不會放過任何一個食餃子嘅機會，昨晚路經長沙灣又想不到食咩就入左甜記餃子。餐廳入面嘅裝潢都頗為新淨，仲有個寫著"餃子"嘅霓紅燈。幾個人食叫左一個醉雞麵餐($40)同5隻湯餃子麵餐($38)，另外叫左10隻雙併餃子($42)，同一份小食醉豬手($45)。豬手其實有六舊，但已經急不及待食左😂先講小食醉豬手同醉雞，酒味幾濃香，調味是不錯的，但豬手肉質好雪藏質地，有少許假，但豬皮夠厚食落都幾有咬口，而且硬度適中；反而醉雞無乜肉質問題，整體還好。作為餃子店，餃子必需要做到皮嘅厚薄適中，而且絕不可以過"粉"，而甜記嘅餃子皮雖然薄，但邊位嘅皮點都有些少"粉感"，而餡則太乾，肉質亦不夠鮮甜。餃子分別叫左椰菜冬菇雲耳豬肉餃、香芹莞荽豬肉餃同西洋菜餃，個人比較推香芹莞荽豬肉餃，因為口感同味道方面都比較出，香芹有咬口🤩而另外兩款都無乜特別，味道唔係好夠，本身以為椰菜冬菇雲耳豬肉餃會好有咬口，但點知都係無乜，比較失望。😣麵底叫左台灣麵同雞湯底，麵係幾好食但湯底反而無乜味道，不過$38五隻餃子連麵都夠哂一人份量，依個價錢黎講又睇得出真材實料黎講都無乜野要批評了…Read More

某日閒日一行四人決定去食No Milkshake No Life，舖位比較細，下午去到full左所以等左陣位，小店隔離有個類似吸煙位嘅outdoor，放置左植物同枱凳，不過唔見有人喺外面食野，打卡都不錯。舖入面嘅裝修風格獨特，好有型格外國風，用左唔少物品去配襯，睇得出落左心思。小店主要係食西式嘅三文治/漢堡等食物，首先叫左款想食好耐嘅黐線芝士黐芝士治($78)，溶左嘅拉絲芝士勁吸引，麵包加入紅菜頭製成，烘左但麵包依然夠軟身，整體邪惡得嚟又天然，中和一下心理😋Fish & Chips ($78)雖則熱氣，但比想像中好食，d粉唔會成大舊好厚，而且炸得岩岩好，d魚都唔會好粉，魚嘅感覺真材實料，同埋薯條都好食，最後成碟食哂。仲叫左個堅抽真 - 煙肉烤芝士 ($68)，其實同上面個芝士三文治有啲似，但味道無咁好食，去到依個位已經食得太多熱氣野同有d太乾，唔建議再叫依款，而且份量細啲。另外叫左杯Almond Caramal Baileys Milkshake ($68/16oz) 同 Coffee Oreo Milkshake ($44/12oz)，依兩杯飲品真係好飽好膩，尤其是Almond Caramal Baileys Milkshake ，但口感兩杯都超好，一杯係Oreo碎，另一杯係杏仁碎，杏仁碎再加Baileys嘅 Milkshake真係超級邪惡，建議大家叫細杯，大杯真係太飽，最後大家都飲唔哂。🤦🏻‍♀️最後我地仲叫左個香蕉焦糖朱古力班戟($78)，大大份好足料，🍌焦糖、香蕉同朱古力醬舖滿成隻碟，但個人認為班戟較厚身，尚算鬆軟，不過不失。最後，食物比較膩大家注意食量黎嗌食物，同埋謹記收拾返啲食剩既食物同餐具🍴😆…Read More

ICONIC H 曾經紅極一時，分店開到去銅鑼灣，但可能熱潮已過最後租約期滿結業。因為要去紅館睇演唱會嘅關係，決定去ICONIC H 醫肚。人流雖然都有，而且舖位細，但無以前咁誇張，等左一陣就有位了。小店入面可以選擇嘅種類好多，又有各種特色口味，連條腸仔都有唔同款😆我叫左個雙囍狗，叫雙囍嘅原因就係佢果條孖腸，入面仲有燒過嘅菠蘿同燒溶左嘅芝士。由於我唔食牛嘅，店員就介紹我轉左一款係雞肉做嘅腸仔。菠蘿腸仔就唔洗諗都知夾啦! 仲要加埋啲芝士真係超邪惡! 😋😋😋🤩而朋友就叫左個魚蛋狗，本身都好懷疑依個口味到底好唔好食，但食落都唔錯，鐘意食明太子嘅人一定要食。由於淨食包有d齋，所以其中一個熱狗轉左做餐，跟餐薯條黎講都幾好食。如果下次再睇演唱會，應該都會黎食，但需要預少少時間等位。價錢一定比快餐店貴，但水準完全唔同，下次想挑戰下食牛油果松葉蟹熱狗!!😋…Read More

一向都好鐘意食餃子嘅我一直都知道荃灣依間餃子屋遠近馳名，但平日真係一年先會去一至兩次荃灣，所以今次決定捉緊機會一試餃子屋真身! 🥟去到餃子屋已經見到入面滿坐，出面好多人，同埋都有唔少人外賣走。不過大家都係快食快走，唔會坐太耐，而且坐位都比較迫所以等左大約25分鐘左右都有位。同朋友各自叫左一款湯餃子同煎餃子，另外送左辣菜脯都好食。🤩本身個人偏愛湯餃子，叫左栗米香菇豬肉餃，欣賞佢既餡料粒粒分明，栗米本身都爽口，而且好帶出到香菇既味道，當然唔少得個准山湯底，好味到連個湯都清哂! 🙈朋友叫左京蔥羊肉餃，平日少食煎餃因為怕會太乾同好熱氣同肉汁揮發哂，但依度既煎餃都食得過，肉汁都鎖到係個皮入面，皮煎得夠脆，京蔥同羊肉嘅味道本身都好夾! 同埋餃子大大隻，皮既厚度適中，加上價錢都平民，👌🏻抵食。自從觀塘某餃子店執左之後就無乜食過真係好好食嘅餃子，雖然好少去荃灣，但係如果下次再去都一定會黎食餃子屋❤…Read More

住喺藍田食物選擇唔算小，但講到好食一定唔小得手卷屋！手卷屋位於藍田匯景商場內，要行入啲近聚寶堂。我本人比較鐘意散嗌手卷同壽司，但其實無論你食邊款，都無伏，而我個人最推介既係厚燒玉子壽司，首先個玉子真心厚！而且每次食親啲飯都係微暖唔係雪左勁耐果啲，而且玉子味道加上芝士喺上面火炙完好有蛋既甜味! 真係必食之選 !另外叫左個饅魚手卷，超滿足! 如果真係要講佢有咩唔好，就係有時收工夜左8點左右得返唔係好多款大眾價錢，但高質食物，真心支持! …Read More

去到銅鑼灣朋友表示想食放題，好耐無食放題既我諗起滿屋，立馬決定去食。除左餐牌上既款式之外，依度有好多食物都係自助餐形式，超多種類包你食唔哂!例如鮮蝦、鮮蜆、自製沙律(有青爪、蟹籽、螺肉、泡菜、中華沙律等)、原件木瓜甜品、章魚小丸子、酸青瓜、白雲鳳爪、醋黑木耳等，個人都幾鐘意食章魚小丸子，食左2粒幾有口感，有食到章魚粒，唔會得舊粉放落口。仲有埋爆谷機，係幾有趣，不過就無大興趣無食到。其他餐牌上既食物同一般放題一樣，刺身是必須要食的!而且絕對唔會令人失望，推介三文魚同象拔蚌特別新鮮而且有質感，絕對不會”梅”! 另外特別推介榴蓮炸彈同芝士香芋丸，熱辣辣之餘好有榴蓮味同香芋香，同埋入面真係小流心，唔會超級滯! 另外好鐘意食個鹽燒鯖花魚，好有日本風味，亦有鮮味。叫左蟹皇海鮮粥，除左鮮蟹味仲有蟹膏架真係唔錯，不過份量有小小大，同朋友2個人食唔哂。飲品方面都係勁多，仲要有埋酒精飲品依枝芒果味既酒妹適合女仔飲。最後就係甜品，然有好多種類但已經太飽淨係食到個泡芙同限定左每人1杯既雪糕，有Haagen-Dazs同Movenpick，我簡左最簡單又好味既雲利拿味黎做今次晚餐既一個美好總結。留意返晚市放題9:30pm後入座仲要有85折，抵食!…Read More

黎到銅鑼灣咁多火鍋店都唔知試邊間好，聽講依間都好有名，所以想試下佢真偽😝店內環境好特別，無論係牆壁上定餐牌上，都有充滿中國古代獨特風味既畫，而且裝潢同擺設都甚有中國風，枱凳都好有古時中國既風果，再加上掛喺天花既紅色燈籠，好有味道。至於點解打邊爐會係養生? 近來火鍋店選擇真係包羅萬有，咩湯底都有。今次冒名而來，想試返最基本嘅麻辣湯底，又想試埋最近好流行嘅藥饍鍋，於是就叫左個紅油鴛鴦鍋，咁就兩樣口味都可以試齊😋 湯底等左一會就黎到，但建議都可以再滾下先落餸，咁樣啲湯會比較有味。另外仲有一系列嘅醬料比你簡，除左蔥、生蒜、炸蒜、辣椒之外，仲有一小樽紅油，特別有麻香嘅辣味，不過湯底本身我覺得已經好夠辣(我叫左小辣)。食物方面叫左個內蒙羊肉片($108)，羊肉味好香，會有羊羶味但十分之香，羊嘅脂肪同肉嘅分佈好平均，鐘意食羊嘅人絕對唔會失望! 😋肉類方面仲叫左個脆脘片($88)，魚嘅肉質十分結實同爽脆，食落味道仲好有魚鮮味，而且岩哂啲唔識吐骨既人😍，如果份量以多返小小就更加好啦。另外叫左個小龍黃喉 ($98)，本身以為係氣管部位黎，點知原來係血管，食落其實無乜特別味道，但就十分爽脆，放落辣湯底度特別正! 記得要留意返餐牌上面提議"淥"幾耐啲食物，咁就岩岩好唔洗怕過熟。心血來潮好想食芋頭，所以叫左個炸芋片($38)，都幾大碟下但依個有意外驚喜，芋頭食落粉粉的，鐘意質感鬆散啲嘅可以再煮淋些少，芋頭味好新鮮而且絕對唔假，好味嘅芋片真係可遇不可求! 食左咁多肉，仲叫多左個油麥菜($38)，比起一般既細棵小小，但又更鮮甜細嫩，食到後期放落麻辣湯底度好吸油，怕辣就唔好試啦。本身諗住埋單，但又見到好多人叫紅糖糍巴($58)加上侍應推介下，抵受唔住誘惑就叫左，的確係出乎意料地幾好食，但都要睇返你個人口味。糍巴其實係用熟糯米造成既粉團，本身得糯米味，但加上左紅糖做既糖漿同佢個粉團既表皮炸得岩岩好而且好簿，煙韌有咬口，食落絕不熱氣。餐廳環境、侍應服務態度同食物質素都好有水準，聽講最近喺尖沙咀都開左分店，以後打邊爐又多個選擇😋…Read More

其實小房子都開左頗長時間，但一直未有機會踏足，咁岩上星期約左朋友又唔知去邊好，不如就去小房子啦? 由於係週末嘅關係，下午去到都要排左陣隊先有得入去。小房子環境比想像中細，掛滿不少植物，加上木枱、木椅、書架等充滿文青感嘅擺設，加上店內有貓貓，感覺悠閒。餐廳係以自助形式落單，之後店員會送上食物。不過食物皇類不多，飲品方面都以茶/梳打為主，沒有咖啡。食物方面，叫左三色小飯團，味道分別為明太子，櫻花梅子同三文魚，另外免費加配溏心蛋同沙津($78)。菜式外貌用作影相一流，但食落感覺其實都相當"頹".. 😐尤其係明太子果舊飯團，只係一舊飯加上左個紫菜喺外面，同明太子係上面，連塊紫菜都變淋...☹️只有三文魚味道係正常水準。另外溏心蛋的確係拿掐得岩岩好，但另外個配菜沙律又係感覺有啲頹，好似只係啲紫菜加芽菜。櫻花水信玄餅($48)賣相精美，但食落其實同普通啫喱無異，甚或比一般啫喱淡😕，只係配以黑糖槳搭救。幸好，飲品方面玫瑰桂花烏龍茶($48)味道不錯，桂花同玫瑰都各有香味，但又唔會搶過對方風頭，而加上烏龍茶就岩岩好。☝🏻整體嚟講就係比錢買個食物嘅賣相同餐廳嘅環境，但有啲客人都其實要搭枱坐，應該不會再去了。…Read More

自從無喺觀塘返工之後都好小去觀塘食野，後尾見到網上有唔小人讚依間名為「拿督星馬大飯店」嘅餐廳，而我居然無食過又無聽過! 但可惜嘅係佢只做平日早午市，由於要返工所以一直都無機會食到。去到前排有假放，就衝左去試喇!餐廳位於觀塘碼頭果邊嘅熟食中心上層，其實都係一般熟食中心格局，店內擺設左唔小新加坡人嘅照片，同店內文字嘅設計都好有風味。食物方面叫左個我朋友推介嘅豬頸肉娘惹叻沙($47)，個麵底你可以簡要米粉、油麵、摻摻、沙河粉，而我地就要左摻摻，摻摻其實即係油麵加米粉，兩款麵無論粗幼、口感食落都完全唔同。個叻沙嘅沙底會有小小辣，有時係香港食叻沙會有好重椰奶味，但依間就無乜，但個豬頸肉真係令人失望😫，首先唔淋，而且好乾身，似係食緊一舊無肥肉又乾嘅叉燒咁.. 但除左個豬頸肉之外其他係唔錯..😕另外叫左個黑豉油干炒撈粗麵($42)，落單嘅時候因為我同朋友都鐘意食豬頸肉所以依碟都係同一款肉，至於個麵就不過不失啦，同一般荼記差不多，但個豉油同我地一般食開嘅唔同，好似會甜啲，但依個麵相對上會比較油。另外我跟餐叫左個薑汁拉茶(+$5)，又幾好飲👍🏼😋，薑味岩岩好唔會太少，但陣味又薑得黎味味地，可能本身南洋奶茶都比較甜，所以兩樣野加埋就異常地夾。另外朋友叫左山楂冰，試左一啖個味道幾清新。總括嚟講如果我喺觀塘附近返工偶爾食下都可以，但就未必會專登去食，另外留意返餐廳因為係熟食中心所以感覺都有小小唔係好乾淨。…Read More

去到葵芳廣場二樓，花多眼亂又唔知食咩好，選擇非常多，不過我同朋友都係至在食小食，因為可以乜都食下啊嘛，所以就諗住一試元朗鬼巴士。其實已經聽過「元朗鬼巴士」依個大名好多次，今次終於有機會食。見到有大雜錦($50)同小雜錦($30)，於是就問問師傅到底有啲咩材料? 🙋🏻原來係每款食物都有啲，我見其實一串生腸都要$10，豬脷都要$8，咁其實有4款餸以上都抵返，所以最後叫左個「小雜錦」，包括有生腸、反腸、紅腸、雞腎、豬耳，豬脷、牛柏葉、豬頭肉同2舊墨魚。食物會即叫即切，師傅仲會好有心機，放完一層食物(大約2-3款)入個外賣盒之後添上一層醬汁，之後再切再加，絕不馬虎😬食落其實材料上就同平日食開嘅滷味質素比較上高，食滷味最緊要係唔好有陣"臭"味或者內臟味，最緊要係乾淨！☝🏻☝🏻☝🏻牛柏葉幾爽脆，又唔會太大舊好難咬。另外加上左秘製羅漢果豉油，同出面平時嘅醬汁唔同，令到啲滷味入味又惹味。不過我始終第一次食鬼巴士，無法同其他分店比較，如果未食過又鐘意食滷味嘅人記得唔好錯過! :)…Read More

上到葵芳廣場3樓，好多野小食店都試過，今次係時候食下阿佳拌麵⭐️咁唔洗講，叫份肉燥拌麵($30)就機本，另外再叫左份迷你生煎包($15)。排隊買完好快有得食，拎上手時都仲係熱架! 👍🏼拌麵既配料有肉燥、流心蛋、豆腐、仲有啲好似係小黃瓜絲，味道方面叫左沙茶味。麵質唔錯，唔會太乾或者淋，但肉燥食落相對上有小小偏乾，望落唔乾但食落乾同肉質可能太老，豆腐都幾彈，但口感都一般，係隻流心蛋挽回些少分數。沙茶味道令到個麵都幾重口味，睇下個人喜好。另外係個生煎包，都幾認真麻麻😣，個皮真心乾，入面嘅餡都無乜特別，加上真係好細粒，不推薦。…Read More

週末去到葵涌廣場行左陣街，當然少不了要掃埋街，食完元朗鬼巴士之後都係口痕又想食多啲野，見到隔離再隔離有一間叫SATAY Q嘅賣沙嗲串燒店舖，就被佢店面嘅設計同串燒吸引左。我同朋友叫左一串雞($12)、一串牛($15)、一串龍躉魚蛋($10)、一串鰻魚($17)同一杯斑蘭珍多冰($20)，本身其實只係叫左兩串野，點知食食下又再加野食又叫埋飲品加加埋埋就食左咁多野。雞肉串我認為整體不過不失，無乜特別但又有正常水準。牛肉本身個味係幾鮮，食落覺得係幾和味同juicy，不過可能咁岩食到去啲筋位，比較難咬。至於龍躉魚蛋又幾高質👍🏼，估佢唔到。係咪真係龍躉我就食唔出，但係啲魚蛋嘅"魚"味好真，朋友一食都話覺得個味道好鮮，如果可以再彈牙啲就更加好，味道取勝！至於饅魚又係幾好味，都算厚身，有口感，不過本身饅魚入貨都貴，所以$17就只有3舊，唔夠喉!如果有多兩舊就更加好喇哈哈! 每款串燒我地都加左沙嗲醬，叫左小辣，個沙嗲嘅味道同我地食開嘅私確有唔同，平時果啲通常帶啲微甜，但依個係沙嗲加微辣，如果唔食得辣嘅人可以走辣，另外建議食魚蛋都走辣，更加食到個原味!最後辣得濟叫左杯斑蘭珍多冰，我覺得真係飲到入面有斑蘭味，另外主要都係椰奶味，而入面嘅珍多條同平時果啲唔同，唔係就咁加啲類似啫喱/椰果就當係，真係第一次見嘅珍多條，佢有小小似一條條幼身通粉咁，個味道有小小甜糯米味，係用斑蘭葉造嘅所以都真係級色架，整體都幾解辣！…Read More

無意中發現到觀塘開左一間叫廿一由八嘅餐廳，上網睇完發現原來係一間集合賣木匠、木家具，搞木工工作班同有野食嘅餐廳! 💫廿一由八由地鐵站行去大約五分鐘左右，係觀塘嘅工廠大廈入面，一上去出lift就會見到好靚嘅字體寫住EST廿一由八2014。入左去之後會有部份位置係用嚟放置廿一由八自家製嘅家具，全部都係全人手製作，而且仲可以訂造唔同嘅傢俱。圖中左邊會有一塊大玻璃可以見到workshop嘅上堂情況，右邊位置就係食野/飲咖啡位置，無論係一個人黎放鬆定幾個人嚟吹水都可以🙌🏻食品方面其實選擇唔多，Set Lunch只有三款，而我同朋友就簡左「挪威煙三文魚藜麥番薯餅配牛油果醬及黃梅果醬」同「軟殼蟹番茄乾發達芝士扁意粉」。「挪威煙三文魚藜麥番薯餅配牛油果醬及黃梅果醬」($83連餐飲)🍴除左三文魚藜麥番薯之外，個餅入面仲有洋蔥，個人覺得洋蔥個味有小小重，會搶去左本身食物嘅味道，三文魚味道不過不失，牛油果醬加埋黃梅果醬係幾好嘅配搭，牛油果本身唔係一個味道好出嘅食物，所以配搭得剛好，黃梅果醬唔似係自家製，但係果肉同個醬配落個餅度係唔錯! 😋另外仲會配左啲簡單嘅沙津同醋，整體不錯，但如果自己一個人食依個set lunch又無其他野食就會略嫌有小小”悶”☝🏻「軟殼蟹蕃茄乾發達芝士扁意粉」($92連餐飲)🍴店員上菜時我見到原隻軟殼蟹🦀放左喺意粉上面，都幾得意。依款午餐都係會配返小小簡單嘅沙津同醋，另外仲有🍋檸檬比你自己調味，不過我個人覺得唔落都可以，因為食落芝士味都幾足夠。個意粉我個人黎講係幾鐘意嘅，意粉雖然有蕃茄🍅，但因為只係蕃茄乾嘅關係，味道唔會搶，另外我諗大家見到白色一細舊果啲就係發達芝士，依個意粉有趣嘅地方係食落唔知點解會覺得好似每條意粉外層都有薄薄嘅芝士包住，食落芝士感好豐富🧀🧀🧀🧀，但係又唔會有膩嘅感覺，另外原隻軟殼蟹口感不錯。另外跟餐方面叫左杯熱咖啡，但係就令我有點失望😢，本身個咖啡底係好苦，而且有咖啡酸味，個人而言唔係太鐘意。最後仲叫多左個「香梨薑黃吉士蛋糕現配檸檬醬」($35)，本身以為成件蛋糕應該都係鬆軟嘅，但食落發現蛋糕外層係有小小硬嘅，當時諗會唔會中伏？🙄但食落發現佢個味道好香，好易入口😋😋，食落只係有好輕微嘅薑味，所以就算唔鐘意薑嘅朋友都可以照食，不過係蛋糕外層可以改善些少，令佢唔好太硬。填飽個肚之後其實都可以到處走下，因為店內嘅木工傢俱都好靚同打磨得好平滑，佢地仲放置左一啲小型嘅傢俱模型擺設出黎，欣賞廿一由八無論係食物定木工方面對「美」嘅堅持!🥀…Read More

嚟得銅鑼灣依間分店食，都一貫地排哂長龍先有得食。首先叫左個🍓士多啤梨冰，其實之前已經食過一次但朋友未試過，又好食😋所以都照食!佢哋嘅冰聽講係用日本純水刨嘅，所以出嚟特別細滑，依舊係入口即溶，完全沒有冰碎，而且好綿密。🍵伯爵茶味重得嚟唔會有陣澀味，奶味都十分濃郁，兩個味道加埋一齊大分和諧，另外仲加左蕨餅食，蕨餅幾煙韌，配埋黃豆粉剛好。而士多啤梨🍓味道都係一樣好食，士多啤梨味濃郁香甜，而且依兩款大大舊冰入面仲有奶凍食💫，因為如果只係得冰食嘅話食到最後會有少少悶架，如果冰入面有奶凍就特別好食，而且個奶凍味同啲士多啤梨冰味好夾，而且食到最後都係咁正！😬…Read More