AlexLai3599's Profile

我同朋友最鍾意就係食麻辣嘢，所有嘅麻辣嘢我哋都好鍾意食。咁啱我哋有幾個人喺度，於是就上網搵到依間重慶火鍋，見到佢有幾間分店，之前仲喺內地火紅嘅電視節目「舌尖上的中國」揀咗依一間做重慶火鍋嘅代表，我哋都十分期待。 佢都係用單點嘅方式叫食物，每樣食物都有分大、小兩種份量。喺未叫食物之前，店員先送上一碗紅棗雪耳冰花糖水，除咗可以清潤喉嚨之外，仲可以為接落嚟嘅麻辣火鍋打底。我地點左全店最出名嘅九宮格麻辣大紅鍋，$38/位，見到啲辣椒就知道幾惹味啦！其實九架都係同一個辣度，不過因為每樣食物煮熟嘅時間都唔同，所以九格可以方便客人擺放唔同嘅食物。我哋叫咗孝禹十味，包括稻田毛肚（水牛嘅胃）、嫩牛肉、極品鵝腸、重慶耗兒魚、現炸豆皮等等呢度有生蒜、麻油、蔥花、芫荽俾我哋自己混埋一齊，再配埋唔同嘅食材，更加惹味。紅糖滋粑佢嘅外層炸到金黃色， 再係上面淋上紅糖，咬落去好煙軔，唔會太乾，有少少甜味好好食。毛肚、鵝腸稻田毛肚同埋鵝腸好爽口，口感相當唔錯，再吸收埋麻辣湯底嘅味道更加惹味。肥牛嘅肉質鮮嫩，咬落去好甘香，唔會太軔。特別推介依度嘅萵筍片，佢嘅賣相已經值10分，捲到好似一朵花咁。唔使淥好耐就已經可以食，相當爽口，再加上麻辣嘅味道更加出色。…Read More

平時成日都打邊爐，食嚟食去都係果啲，於是就同班朋友去試吓啲新嘢 —「蒸氣火鍋」。依度最新嘅推出係鮮首爾塔，佢係唔同其他嘅塔，首爾塔係透明嘅，可以睇到入面嘅嘢食。見到個餐牌有咁多海鮮，價錢又唔算貴，於是我哋就叫咗首爾塔。喺食首爾塔之前，我哋叫咗依度嘅韓式醬油蝦蟹。蝦蟹吸收晒啲醬汁嘅精華，將蝦同蟹嘅鮮味帶上去另一個層次，食落又唔會太鹹或者太淡，味道啱啱好。呢度仲有最新推出嘅promotion，係「沙白瘋狂任食30分鐘」，係30分鐘入面可以任叫沙白，鍾意食沙白嘅我哋當然忍唔住要叫。佢會比一個漏斗我哋，蒸一輪沙白要大概10分鐘，所以轉兩次漏斗就食得啦！雖然佢每一輪都會好多，但我哋唔洗5分鐘就已經清晒，總共叫咗三次，真係好抵食！終於都嚟到首爾塔，我哋加左$50轉做人蔘雞湯，佢會先將雞、花蛤、人蔘、蟹同生米放喺鍋底，之後靠第一至第八層嘅海鮮同埋其他食材滴出嚟嘅精華煮，聽到都已經流晒口水。頭幾層會有不同嘅貝類，例如刀蚌、北寄貝、象拔蚌、元貝，全部都好新鮮同埋好大隻好厚肉！除咗海鮮之外， 佢仲有其他蔬菜、菇、丸，可以配搭一下。終於去到最尾嗰層啦！店員會首先將雞入面嘅糯米分到係我哋嘅碗上，再將雞拆肉。同埋仲有大大隻嘅沙巴肉蟹，入面有好多膏，肉質鮮嫩。整體來講，呢度嘅海鮮真係好新鮮，同埋份量都好大份，依個價錢嘅性價比好高，好抵食呀～…Read More

同一班朋友去食飯，但又太多人唔知食咩好嘅時候，中菜就係最好嘅選擇啦！因為我哋大家都港島，其中一個朋友又介紹依間中菜幾好食，於是好快就揀咗依間～花旗參燉竹絲雞湯一開始梗係飲個靚湯暖下個胃先啦！花旗參補氣、健脾益胃，最啱就係喺轉季依啲會容易病嘅時候飲㗎啦~個湯飲落味道好濃，但又唔會好油膩，竹絲雞嘅肉質好嫩又滑，真係好好味!睇下! 真係夠晒足料，個湯先可以咁濃咁好味!茄汁焗海虎蝦一見到隻虎蝦就流晒口水🤤🤤 因為佢好大隻!!! 咬落去蝦肉嘅味道吸收晒茄汁嘅濃味，酸酸甜甜咁，真係夠晒開胃!京蔥彩椒鮮淮山我本身唔係太鍾意食淮山，覺得佢好"諧"但依道菜真係令我對淮山改觀!我一直都以為淮山只係會拎嚟煲湯，原來淮山仲可以拎嚟炒~依道菜我好推薦大家食，淮山咬落去係好爽口，我真係一舊接一舊唔想停口呀~皇者燒鵝（半隻）重點推薦 - 皇者燒鵝!!!終於都嚟到重點主菜啦，未叫之前我朋友話依喥嘅燒鵝好好食，食完發現果然「名」不虛傳!燒鵝嘅肉質好嫩，皮同肉嘅口感好均勻好夾，完全係啱啱好~再配上䄂子醬，將燒鵝嘅味道再推上一個層次，佢中融咗燒鵝本身嘅油膩感，所以食落唔會話驚太油~瑤柱蛋白炒飯當然唔少得飽肚嘅炒飯啦! 咁大食嘅我嚟個炒飯喺最後就係最完滿嘅一餐啦!瑤柱同蛋白嘅份量都幾多，食落去好豐富嘅味道，唔會話淡~…Read More

同朋友喺銅鑼灣行晒時代希慎利舞臺皇室堡咁多個Mall，最後一站嚟到世貿，買完梗係去醫肚啦! 之前聽其他朋友提過依喥有間食泰東北菜好好食，識我嘅人就知我最鍾意就係食泰國嘢，所以朋友一問食咩，我即刻舉手帶頭話食依間去親食泰國嘢，我都會叫龍眼冰，係我最愛首先叫咗一碟串燒，配上泰式醬汁夠晒惹味！豬頸肉咬落去好軟，唔會好韌，有少少燶燶哋，燒得啱啱好~ 原來泰菜都有燉花膠食！泰東北人嘅食法係加埋生芽菜同泰式酸醋，食落又係另一番風味~佢係成個瓦煲上，仲要有好大塊花膠添，真係滋陰養顏 !食泰國嘢當然唔少得我至愛嘅炒金邊粉啦！啲魚食落去唔會太梅，反而係好嫩好滑，食落酸酸甜甜咁，最正嘅係我啲朋友原來唔係幾食魚，最後我一個人清晒成條魚，得返成條骨喺喥！哈哈！…Read More

放咗學，學校Canteen又閂咗，於是就同幾個朋友喺理工行過去尖沙咀揾食，順便去Shopping~聽講依間舖頭係在港嘅泰國人開，之前都一直想試下，依次終於有機會試下啦~!唔知係咪店主嘅珍藏呢~ 哈哈店內去到我首先叫咗杯泰式奶茶，茶同奶嘅份量控制得啱啱好。平時喺出面飲嘅泰式奶茶通常都落埋糖，但唔知係咪因爲香港人飲唔慣會覺得太甜～依喥佢係有一樽糖水畀你自己落，等你自己可以控制份量，飲適合自己嘅甜度!有名你叫無骨鳯爪，當然係無骨啦，每啖咬落去都好彈牙好爽口! 自問食得辣嘅你，你一定要試下依個鳯爪，因為我咁食得辣，都覺得有少少辣，要飲返啲嘢先可以中和返～依日咁啱賣晒炸豬皮，所以唯有叫炸雞皮~ 依個就一定要趁熱食，如果凍咗就唔好食㗎啦! 一送到上嚟熱辣辣，每下都係拆拆聲好脆! 又唔會話太油膩，真係必食呀!依個就係主食 - 安格斯牛肉船河啦~! 聽講每日都會用幾個鐘去熬個湯底，好濃好入味，我差唔多飲晒咁濟! 如果唔夠嘅話，仲可以加湯添!佢有幾款麵畀你揀嘅: 黃麵、金邊粉、米粉同河粉，而我就揀咗我最鍾意嘅金邊粉，啲金邊粉吸收晒湯汁嘅精華，每啖都好入味呀!至於牛肉方面，佢就用咗安格斯牛肉，肉質好鬆軟，送到上嚟嘅時候會有少少生，唔會太熟，完全恰到好處!正!唔好以為依個只係一個普通嘅炸雞槌，依喥嘅雞槌醃得相當入味，充滿住香茅嘅味道，食完一舊又想再食第二舊！…Read More

同朋友喺附近經過，咁啱又有啲肚餓又想飲酒，喺Openrice揾到依間可以同時滿足到我哋兩個嘅願望，於是就上咗去食~可能因為比較早去嘅關係，所以去到唔係等咗好耐就安排我哋入座。環境氣氛都幾好，播嘅音樂唔會話太嘈，仲要全部都係我好鍾意嘅歌嗰喥仲有得篤波，不過我同我朋友就淨係想傾下計食下嘢所以就冇玩~坐低首先叫咗杯嘢飲先~ 因為我唔係成日飲酒，唔係幾識叫，所以我問侍應有冇咩介紹。佢好好咁介紹咗幾款唔kun嘅畀我揀，最後我叫依杯Pimm's No.1，帶少少青瓜同檸檬嘅味道，飲落去感覺好清新好refreshing，絕對適合唔係好識飲酒嘅朋友呀！:) (Happy Hour時段買一送一呀！超抵!)因為係Happy Hour時段，所以可以用$188叫Snack Combo~ 足足可以叫三款食物咁多，見到都覺得好抵!我哋兩個人最後叫咗孜然串燒牛、意大利巴馬火腿薄餅同燒汁焗芝士薯條~上菜嘅速度都幾快下，唔洗10分鐘就先上咗個薯條~ 本來以為薯條會唔多，點知見到真係嚇咗一跳~! 好多好大碟之餘，仲要新鮮熱辣辣，咬落去好脆，再加上我最鍾意嘅芝士，真係好好食呀!!隔咗幾分鐘，就上埋薄餅同豬手啦! 餅底咬落去好鬆脆，唔會太淋又唔會太硬，焗得啱啱好! 上面嘅料都好足料，夠晒入味! 最初仲諗住叫碟意粉，好彩冇叫! 唔係嘅話一定食唔晒~最後就係侍應推薦我哋食嘅依個燒德國咸豬手! 聽聞係依間餐廳嘅招牌菜，必叫之選~ 果然係不負所望，肉質唔係好韌啱啱好，仲好脆，隔離仲有兩款燒汁可以點，將豬手嘅肉味帶出嚟!如果想同朋友傾下計飲下酒，又想食到高水準嘅食物，一定要揀依間！必定Encore之選！…Read More

平時每次去諾士佛臺飲酒都見到泰燒遙別個招牌，但就每次都冇機會試。於是今次一心Book定枱同班朋友食完嘢直落飲嘢！平時食生蝦都係一碟咁圍住，點都諗唔到依喥嘅生蝦竟然會放喺一個shot杯入面，令人眼前一亮！味道酸酸甜甜，最啱叫嚟開胃依個牛柳粒串燒唔好睇張相以為係平時街邊一串魚蛋嘅size。其實佢足足有一隻手臂咁長！啲牛粒柳食落一啲都唔韌，中間夾住嘅菠蘿同蕃茄燒咗之後，入面嘅甜味更加突出，冇咁油膩！豬手一咬落去好脆，啲肉質好滑唔會話太硬，再加埋沙嗲同咖哩汁，食落有兩種風味!依個燒遙海中寶真係不得了，一望落去勁大份! 一開始睇依間餐廳好多人都激讚依個，果然名不虛傳！裹面有新鮮的大蝦、帶子、青口、蜆、蛋，唔好以為淨係得咁少～個底仲有好多粉絲，加埋啲醬汁食落真係想食過番尋味!!!一開始問店員有咩甜品推介，佢講咗幾樣，當佢一講到依個「泰榴戀」，本身鍾意食榴蓮嘅我，絕對忍唔住叫依個甜品!榴蓮味好重，聽講係用D24榴蓮整~ 真係好好味!!!…Read More

跟朋友逛過黃埔AEON和幾個商場後，不知不覺就走到這裡。看到門口的餐牌，滿滿都是各式各樣的餃子，肚子便突然襲來一種飢餓感，腦海裏都是餃子的味道，於是想都沒想便決定與朋友試試。一打開餐牌，感覺很猶豫... 因為實在太多款餃子了！各種煮法、味道、風格，實在讓人不知道選哪個好。把餃子釀入雞翼中，一咬下去，口裏同時享受兩種味道和感覺，加上少許檸檬汁，把雞翼和餃子的肉味更為突出和增加新鮮感覺。朋友在餐牌上一看到這個便決定一定要吃這個，因為我們都是芝士的愛好者，哈哈。一咬就流出熱騰騰的芝士，實在令人滿足！這款餃子誠心推薦，它足足有180mm，與一對筷子差不多長。新鮮的蟹肉和蝦肉再配上沙律醬，鮮味更為突出！胃口很大的我，光吃餃子當然吃不飽！於是我和朋友Share了這個烏冬吃，烏冬彈牙爽口，沾上濃郁的汁，真是可口！這個極力推介！！！餃子皮內包着朱古力，再加上雲昵拿雪糕，味道十分配合。超好吃的說！…Read More

同完朋友去Apple整電話，就去誠品行下。行到咁上下，就肚餓，上一層就係food court，真係好方便！Lunchtime時段真係好多人，差啲揾唔到位就走，好彩咁啱有兩個人走咗😀去完日本返嚟又唔想食日本嘢，又唔想食Pizza，唯有食韓國嘢啦😂我就叫咗依個泡菜豬肉石頭飯：單叫就$58，1 set連飲品+湯就貴$10 = $68見到外觀唔錯，食落去都Ok唔差，但我就覺得貴咗少少唔係好值依個價錢，哈哈泡菜同豬肉嘅味好夾，不過可能泡菜嘅味太重太䶢，我好後悔冇加$10叫嘢飲😭最後死死地氣落一層去買杯天仁茗茶，$18嘅珍珠奶綠😂，先餸到個飯…Read More

同屋企人食完父親節飯，就直落去食糖水！本來想去食甜品老媽，不過可惜已結業，所以就食最近嘅翠苑食傳統糖水啦😀可能仲早，我哋8個人，唔洗等位就可以直接入去坐。環境有少少逼，但依種就係小店嘅傳統風味，好過冷冰冰嘅連鎖店呀!我就叫咗$18嘅薑汁燉奶，熱辣辣又抵又好食！依家要揾啲咁平嘅糖水真係越見越少啦~啲薑味同奶味配合得好好，唔會失衡，滑嫩嫩好正呀!希望大家可以多多支持啲小店嘅經營，唔好等佢哋一間間倒下先珍惜懷愐呀！😞…Read More

同朋友仔食完晚餐食唔飽就直落去食糖水！我哋本身諗住去聰嫂，但係條龍實在太太太太太太長了🤕，所以開Openrice睇附近嘅甜品鋪，就揾到依間。等咗位大約5分鐘，就有得入去食了! 😀因為入面嘅甜品偏貴，所以就叫咗兩個，三個share食!入面個芒果好甜幾好食，同出面嘅糯米磁幾配搭 ！依個益力多芒果綿花冰，我個人就唔多推薦大家食。佢冇乜芒果味，被益力多遮蓋晒。唔知係咪為咗配合隻碟嘅大細，喺側面加咗一堆紅豆，同埋兩粒芝麻湯圓，但其實九唔搭八，一啲都唔啱味😅總括而言，質素麻麻，同價位不配。…Read More

今日約咗三五知己去了這間專食麻辣嘅餐廳，自問最愛食辣嘅我，依間嘅麻辣實在值得推介！餐廳的interior design畀人感覺幾舒服，一啲都唔覺得逼。冷氣亦都好夠，你知㗎啦，食辣一定要開住冷氣先食得舒服！喺食物方面，我哋叫咗一個涼拌皮蛋同埋經典香鍋：我本身食得辣，但朋友仔唔食咁辣就叫咗微辣。雖然望落佢好似加咗好多辣椒，但其實唔係好辣，啱晒啲唔食得太辣嘅人！依間真係唔錯，值得推介!…Read More