Sammie LC's Profile

藥膳雞煲一上枱，香氣撲鼻，真係未食已經流口水，個湯底金黃金黃，飲一湯先，甜得嚟好溫和，藥材味唔會太搶，飲完成個人暖笠笠，好舒服！隻雞又夠嫩滑，吸晒藥材精華，正到爆！食完隻雞，加湯打邊爐。肥牛片任食來講，不過不失。牛柏葉爽脆彈牙，點少少豉油已經好惹味。韭菜餃韭菜香濃，咬開仲有肉汁；牛丸彈牙爆汁，芝士竹崙一咬開啲芝士湧出嚟，邪惡但好滿足！生菜、蘿蔔索晒湯汁，清甜解膩；金菇同薯粉掛湯能力一流，吸盡藥膳精華，食到停唔到口！呢個藥膳雞煲加打邊爐，CP值高，食完成個人又滿足又暖身，絕對係入秋之選。…Read More

悅川以地道的川菜風味聞名，這次品嚐的「精選二人餐」不僅份量十足，更將川菜的麻辣鮮香展現得淋漓盡致，適合三五好友共享。 另外，還點了大刀風味白肉。青瓜拌雲耳脆嫩的雲耳搭配清甜青瓜，酸辣開胃，瞬間喚醒味蕾。 招牌水煮牛肉川菜經典，牛肉片嫩滑，湯底麻辣鮮香，搭配豆芽、鴨血、寬面及青菜，層次豐富。 肉碎雞蛋炒豆角鑊氣十足，豆角爽脆，搭配肉碎和雞蛋，家常卻美味。 蔥油煎餅外面煎得焦香，內裏鬆軟，伴着滿滿的蔥香，適合搭配重口味菜餚。冰粉清涼爽口，甜而不膩，是解辣的絕佳搭配。大刀風味白肉薄透彈牙，蒜香浓郁，肥瘦適中，辣味温和，搭配青瓜絲及幼麵線，更顯清爽，川菜冷盤必點！…Read More

如果有人想去元朗又咁啱想食咖喱嘅話，我真係推薦呢一間天龍咖喱，佢嘅味絕對係好食嘅類別，而且好足料。我哋四個人叫咗幾個唔同嘅set，飽到捧住個肚離開。大四喜咖喱牛腩先講吓佢嘅用料，佢用料係好新鮮，而且多種類，有走肥嘅牛腩，牛舌同牛筋。就算牛舌都煮到好腍配合佢哋嘅咖喱醬汁，絕對係authentic，唔似有啲椰汁味太重嘅咖喱，配合白飯真係冇得彈。而佢個餐就可以揀薄餅都得。烤羊扒鍾意食羊嘅人就好開心啦，今次呢個羊扒嘅臊味係啱啱好，適中唔會太過火。又唔會烤焗得太過熟，真係好好食。…Read More

朋友帶路，說在香港也能品嘗到極具特色的潮州牛肉火鍋。果然，「潮城」潮州牛肉火鍋店名副其實，不負所望。這家新開張不久的餐廳，位於旺角白布街一條安靜小巷中。雖然外觀不大，但店內實則分為上下兩層，樓上別有洞天，裝潢融合了復古港式大排檔的風格，別具特色。主打潮州黃牛肉，款式選擇豐富，價格也算親民。我們選擇了 及經典的#牛骨湯底及#姬松茸湯底鮮甜可口，不會蓋過配菜的原味。首先上桌的是極品牛肉三拼，肉質鮮嫩，切工精細，即便垂直擺放也不會從碟上跌下來 -- 店員解釋這需要極新鮮的肉才能做到。三種部位都很出色： 肉味濃郁、口感豐富； 鮮嫩有嚼勁；瘦一點的 也很美味。另外的配菜同樣出色，大推#手工餃子，餡料豐富肉汁滿滿，還有酥脆的#炸蝦棗、 和#獅頭鵝肉丸，每一道都做工精細，味道層次豐富。還有值得一贊是店員態度親切周到，主動介紹每道菜品特色。以後想吃潮汕牛肉火鍋不用過關啦。…Read More

喺日本旅行返咗成個月，非常懷念日本美食，朋友帶咗我去食美味鐵板燒，一邊坐喺板前欣賞廚師嘅精湛廚藝，一邊享受美食。我哋揀咗秋田二人前套餐，一共有12道菜，分別有#季節沙律、#魚籽鵝肝蒸蛋、#鮮活時令龍蝦、#原隻鮮活南非鮑魚、#季節時令海鮮 （帶子/三色刺身）、#香煎頂級鵝肝、#鹿兒島霜降和牛薄燒卷、#鹿兒島霜降和牛厚燒、#秋田炒飯、#炒野菜、#龍蝦清湯 及 #精選甜品，整個套餐非常豐富，而且擺盤精美，色香味俱全。其中套餐以下幾樣特別出色：#鮮活時令龍蝦：龍蝦鮮甜彈牙，美味可口。#原隻鮮活南非鮑魚：鮑魚上鐵板前還郁緊，大大隻，非常新鮮，鮑魚煮得剛剛好，爽口彈牙，配上特別嘅醬汁，非常好食。#香煎頂級鵝肝：鵝肝煎得兩面焦香，入口順滑，鵝肝味濃郁，配上多士非常美味。#鹿兒島霜降和牛薄燒卷：和牛薄片包住炸蒜片及香蔥，惹味！#鹿兒島霜降和牛厚燒：和牛脂肪分布均勻，肉質細膩，美味。#秋田炒飯：招牌炒飯，炒得粒粒分明，香口惹味。總括嚟講，秋田鐵板燒係一個視覺同味覺嘅享受，而且，係一個慶祝生日好地方，廚師會即時係板上寫出祝福語，及有打卡嘅地方，非常有心思。…Read More

今日去馬灣探朋友，朋友帶咗嚟食土耳其菜，餐廳唔大，但每個角落都花心思佈置，充滿土耳其風情，而且啲碟都是自家設計，非常精美。呢度除咗餐廳之外，仲有唔同嘅workshop，例如教整土耳其熱沙咖啡、整土耳其燈等。我哋叫咗土耳其烤雞飯、牛肉薄餅及兩杯特飲。另外，玩了土耳其熱沙咖啡workshop。#土耳其烤雞飯非常足料大份，有成半隻烤雞，烤得皮脆肉嫩，肉質非常之Juicy，加上特製嘅香料，非常好食。#牛肉薄餅薄餅有芝士、牛肉同車厘茄等蔬菜，牛肉本身用特製醬料醃過，非常惹味，加埋滿滿嘅芝士，非常滿足。#左手香雪條配檸檬左手香特飲佢哋嘅限定飲品，非常Fresh嘅一杯嘢飲，炎炎夏日，必試！#土耳其鴛鴦雪條拿鐵咖啡雪條同咖啡唔係好甜，鴛鴦配咖啡非常夾，而且非常清爽涼快。#土耳其熱沙咖啡 workshop 店員會教你整熱沙咖啡，仲可以着土耳其服裝整，一邊整咖啡一邊打卡，做完仲有證書，非常有趣體驗。而咖啡就非常之香濃，再配上土耳其糖，鍾意飲咖啡嘅人一定唔可以錯過。…Read More

太和中心附近成日都有好嘢食，今日去咗呢間酒吧加燒烤酒場，環境好乾淨舒服，啱晒同朋友放工傾偈聚下，有好多唔同特色嘅酒，而且星期一至日都做緊唔同嘅特價，串燒食物嘅質素都好高，冇諗過有咁多款可以揀，而且個醬處理得好好，唔會太濃味，有時燒烤會每一款味道都好相似，但呢間我唔會。XO醬廣島蠔每隻蠔都好大隻，好香海水味，最重要係燒得唔乾，好Juicy 。炭燒豬頸肉豬頸肉好肥美，夠好爽口。牛舌芯牛舌心夠爽，好味。燒棉花糖棉花糖燒得好好，火候啱啱好。…Read More

Lunch時間，約咗朋友食飯，通常都會去公司附近嘅里間Cafe，Cafe 環境舒服，嘢食又唔錯，非常之適合傾偈。近排Cafe出咗二人套餐，都幾抵食，我哋叫咗前菜明太子薯條，主食蘋果木燻豬腩雜菌意大利飯及三文魚籽醬油漬海膽醬意大利飯，一杯澳式鮮奶咖啡及一杯焙茶鮮奶。明太子薯條估唔到前菜都幾大份，薯條炸到外脆內軟，上面鋪滿明太子及紫菜，非常好食。蘋果木燻豬腩雜菌意大利飯意大利飯嘅醬汁非常之Creamy，意大利飯煙靭，配上豬腩及雜菌，不錯配搭。三文魚籽醬油漬海膽醬意大利飯海膽醬一樣非常之Creamy，而且配上三文魚子非常之鮮味，加上蘆筍、雜菌及洋蔥等，非常好食。澳式鮮奶咖啡 及 焙茶鮮奶咖啡香濃順滑；焙茶茶味香濃，配上鮮奶剛剛好。…Read More

今日嚟咗公司附近Ufufu食lunch ，一間日式嘅西餐廳，同事話呢間嘅法式多士好好食。我哋叫左羅勒忌廉汁雞肉意粉、巴馬火腿薄餅、八女抹茶法式西多士及菊花枸杞茶。羅勒忌廉汁雞肉意粉羅勒忌廉汁意粉非常之Creamy ，意粉係煮得偏硬又咬口個種，係我鍾意食嘅硬度，而雞胸肉非常之嫩滑。巴馬火腿薄餅薄餅非常之多芝士，鍾意食芝士嘅人一定唔好錯過，配上巴馬火腿，鹹香配芝士，正！八女抹茶法式多士法式多士非常之鬆軟，外層香脆，配上cream、雪糕、紅豆、抹茶醬等，非常之好食，的確係佢嘅王牌食品，真係冇得輸，一定要嚟試佢嘅法式多士。另外，抹茶雪糕，抹茶味香濃，沒有苦澀味，好味。菊花枸杞茶菊花味清香，配上微微嘅枸杞甜味，好夾，飲起嚟非常之舒服。…Read More

今日嚟旺角行街，唔知食咩好，朋友又想食炸雞，於是便去食yaddllie plate。我哋叫咗大蔥絲無骨雞、香辣芝士八爪魚、鮮蝦沙律、紫菜手抓飯、韓式牛肉蛋捲、淑女辣醬炒年糕、農家鮮泡菜、藍橙荔枝梳打、蝶豆花青瓜梳打及香蕉奶米酒。大蔥絲無骨雞無骨炸雞非常之適合女仔食，雞炸得外脆內軟，粉漿很薄，肉質非常Juicy，配上青蔥絲，又係另一種清新嘅食法。香辣芝士八爪魚鍾意食芝士嘅人一定唔可以錯過，有濃厚嘅芝士、彈牙嘅八爪魚，配上香辣嘅醬汁，非常惹味好食。鮮蝦沙律每次嚟都必叫，新鮮嘅沙律菜配上鮮蝦及雞蛋，甜甜地嘅醬汁，清新可口。紫菜手抓飯紫菜及蟹籽撈飯，真係冇得輸，自己手動變成手抓飯，好玩得來又好食。韓式牛肉蛋捲蛋捲包住滿滿嘅牛肉及芝士，幾特別，第一次食咁嘅配搭，味道非常之夾。淑女辣醬炒年糕年糕上面鋪滿芝士，配上辣醬及煙靭嘅年糕，不錯。…Read More

今日同同事去咗公司附近食午餐，見Asok Thai Garden 啲午餐都唔錯，於是便去食。我哋叫咗兩個lunch set，分別蝦頭醬肉碎麻花卷粉及炭燒肉眼扒配黑松露薯條，lunch set包一杯嘢飲，以及加配咗泰式糯米飯。蝦頭醬肉碎麻花卷粉第一次食麻花卷，質感煙靭，配上蝦頭醬及肉碎，非常惹味，好食。炭燒肉眼扒配黑松露薯條肉眼扒生熟度煎得剛剛好，唔韌，牛味濃，配炸得香脆嘅黑松露薯條，熱辣辣好好食。泰式糯米飯芒果清甜，配上煙靭嘅糯米飯，精緻美味。…Read More

假日約咗朋友去中環蘭桂坊飲下嘢，傾下偈，順便食晚飯，見Chicago啲串燒好似都幾抵食，便去試吓。我哋叫咗好多串燒及小食，不少係人氣之選，如黑松露薯條、香蔥燒蟶子皇、招牌茄子燒、一口和牛串、鹽燒豬頸肉、紙鶴雞皮、燒雞泡魚乾及燒豬大腸等，另外嗌咗兩杯野飲，佢嘅signature啤酒Chicago logo bear 及Mocktail Saturday。串燒配合唔同嘅調味料，燒得很惹味，而且很細心，有得揀辣度，尤其香蔥燒蟶子皇，燒得剛剛好，非常鮮甜；招牌茄子燒，調味調得好好，非常juicy；紙鶴雞皮，非常薄嘅一塊雞皮，冇脂肪，燒得卜卜脆，好好食。Chicago logo bear呢隻啤酒有菠蘿香，原來有一塊乾菠蘿喺裏里，啤酒偏甜，好適合女仔飲。Saturday 加上薄荷、青檸及蜜糖嘅梳打水，非常清新，配上串燒一流。…Read More

今日同朋友去尖沙咀行街，朋友想食台式火鍋，見牛品午巿套餐幾抵食，便去試下。我哋叫左兩個75分鐘午巿定食套餐，套餐包括任揀兩款肉類，及任食場内自助食品、台灣小食及甜品等，都只係$98位，加埋加一，百零元，就可以食到，真係超值。我哋兩個都係牛魔王，所以揀咗兩款牛，美國牛胸腹及加拿大頂級牛板腱，湯底我哋揀咗鴛鴦湯底（+$50)，花菇昆布鍋及牛品麻辣鍋。美國牛胸腹及加拿大頂級牛板腱估唔到牛份量都好多，每樣肉都有四碟，而且有牛味，呢個價錢食到里個質素，真係不錯。自助食品自助食品都很豐富，有不同嘅新鮮蔬菜，如A菜、娃娃菜、白菜仔、蕃茄、蘿蔔、芋頭及冬瓜等蔬菜，不同嘅菇菌類，如金菇、雞髀菇、冬菇等，不同丸類，如章魚丸、花枝丸、黑椒豬肚丸等，麵食有公仔麵、烏冬及粉絲等。另外，仲有一些炸物，如炸魚皮及蝦片等，台灣小食，如滷水雞翼尖、拍青瓜、滷水豬肚等，差不多有成十種等，真係幾多選擇。最特別嘅係佢嘅甜品，除雪糕外，仲可以DIY飄雪綿綿冰，有好多toppings可以加上去，如芋圓、紅豆、椰果、西米等，另外，晚市牛御品套餐會送春陽茶事，非常超值。…Read More

去左旺角呢間鋿晶館，有點心又有小菜，真係超乎想像。我哋叫咗少少點心再加小菜，特別想講吓小菜。咕嚕肉真係唔容易整得好食向上將佢整的美味，粒粒排骨都好多肉。酸甜味適中，再加埋青紅椒同菠蘿，酸酸甜甜，真係好惹味，食指大動！乾炒牛河炒牛河雖然好多地方都有得食，但係今次食落真係同平時唔同，需要好夠鑊氣先至炒得出。每片牛肉都好容易入口，落啲辣椒醬真係超級惹味。炒菜心蒜蓉炒菜心都好好，佢唔會煮得太熟，真係好新鮮！…Read More

而家天氣咁熱，喺條街行一陣就已經流晒汗，好想飲一啲清涼嘅飲品降降溫，但係尖沙咀冇旺角咁容易搵到手搖店，今日經過樂道附近，見到呢間手搖店好吸引，手搖店主打唔同款式既茶，每款都好有特色，有唔同口味，有原茶、鮮果茶同芝士瑪奇朵系列。除咗茶之外，仲有鮮奶系列同甘蔗系列，樣樣都好想試😍😍最好嘅地方就係甜度、冰既份量都可以自己選擇，我自己怕甜，所以試咗無糖，一樣咁好飲。蜜桃烏龍茶經店員推介，就試咗呢款蜜桃烏龍茶，蜜桃🍑味夠濃，每啖都飲到好香嘅蜜桃味，但又唔會係好人工嗰種，烏龍茶果茶底好香。桂花烏龍茶另一款桂花烏龍茶都一樣出色，淡淡既桂花味，配埋烏龍茶好夾。…Read More