tvai's Profile

最近與屋企人去開西貢，夜晚梗係諗住食海鮮啦，揀咗聽咗好耐但一直想試嘅酒家「六福菜館」，呢間餐廳是連續十六年獲得米芝蓮一星榮譽的老牌粵菜館。🏆🎉 餐廳擁有三層樓，環境寬敞乾淨，氛圍都好舒適😌。我們點左四人海鮮套餐，入面已經包含咗好多道招牌菜餚，正～😋椒鹽奇脆豆腐作為頭盤的椒鹽奇脆豆腐，外層椒鹽超薄皮，炸得極致香脆，入口外脆內嫩，豆腐保持滑溜，真係好驚喜✨🧈薑蔥炒蟶子皇蟶子皇多肉又彈牙，薑蔥炒鑊氣十足🔥🍴椒鹽焗鮑魚椒鹽焗鮑魚帶來滿滿驚喜，鮑魚大大隻，肉質厚實，煮得彈牙而不硬，椒鹽香氣濃郁，真係估佢唔到，絕對真材實料💯👏天婦羅桶蠔生菜包桶蠔炸得表面脆卜卜，蠔肉肥美，天婦羅薄薄地，搭配沙律醬和新鮮生菜捲在一起，清新不油膩🥬😊。生菜更吸收了蠔汁的精華，好Juicy💦，整體口感層次豐富🎊上湯開邊龍蝦伊麵龍蝦真係好大隻🤭🦞啖啖肉，濃湯滑溜，伊麵充分吸收湯汁，滑溜中帶有Q彈口感，整體味道層次豐富，令人食指大動🍜💫鮮菠蘿生炒骨醬汁酸甜適中，肉質嫩滑，外皮炸得炸得脆脆地，爽口不膩，香水菠蘿亦都好多汁🍍，真係食到停唔到口😍套餐仲有米湯浸時蔬同埋自家製甜品個甜品就咁睇以為普通大菜糕，點知食落係好清新嘅椰皇汁味道🥥，仲見到有幾塊椰皇嘅肉喺入面，果然真係米芝蓮酒家，連甜品都一絲不苟、真材實料👌🍮…Read More

元朗元點呢個新加坡老字號豆乳製品最近又有新搞作！✨喺新加坡已經有30年根基，堅持每日香港廠房新鮮石磨製造～🤩每次經過都發現新驚喜，今次發現左一串串嘅面煎糕，賣相非常得意～💖配搭埋招牌豆乳一齊食，冷熱交融嘅口感真係一絕，豆乳控必試！🔥1️⃣ 樽裝布甸珍珠豆乳茶 $47豆乳味奶茶，入面有珍珠和豆腐花，清甜又多重口感🍮🥤2️⃣ 菠蘿花生醬面煎糕串 配 樽裝9 °微甜濃豆乳 $40感覺好似食雞蛋仔，入面有花生醬，而上層有菠蘿包皮，好有港式風味🥪💕；仲可以裝套餐飲必推嘅 招牌9 °微甜濃豆乳，堅好抵！👍3️⃣ 香芒小宇宙 $49⁠超多鮮芒果，仲有小丸子和椰乳西米露。芒果控必食🥭💫…Read More

今次係中環試到一間有稀有食材嘅廚師發辦，梗係要分享吓啦～門口裝修樸實無華～承接日本廚師發辦嘅裝潢氣派～1.赤貝赤貝爽口彈牙配合埋蕃茄汁，仲有蓴菜就滑捋捋，成個配搭清新得嚟又帶口感，正！2.道蟹，配搭蝦汁啫喱紫蘇花 🦀啖啖肉嘅道蟹配上蝦汁做成嘅啫喱，紫蘇花清香點綴，鮮味爆燈！3. 九繪魚（又稱為日本石斑），加左四季紅,柚子gin 酒肉質結實得嚟唔韌，柚子gin嘅香氣好出，帶出魚嘅清甜！4.白見貝配秋刀魚白見貝爽甜，配埋當造嘅秋刀魚，肉質味美，加少少wasabi，相當唔錯。5.兵庫縣夢追星山蠔，配昆布水雲 🦪蠔身飽滿creamy，昆布水雲滑溜帶酸，好開胃～6.九州馬鮁魚，皮薄脆口 🐠油香滿溢，加埋酸黃瓜嘅酸甜，中和得啱啱好！7.鮑魚、魚翅、瑤柱天婦羅鮑魚肉質彈牙得嚟唔韌，配埋wasabi鮮味出晒嚟魚翅亦非常脆口，加上瑤柱鹽碎碎地鹹鹹地，非常好嘅配搭8.油煮八爪魚（蛸 🐙）配茄子八爪魚嫩滑到呢～茄子吸盡湯汁，好入味！9.壽司1️⃣ 帆立貝加咗柚子皮、海藻鹽非常鮮甜，柚子皮清香，海藻鹽提鮮！2️⃣ 血合Toro（稀有部位）配橘子鹽 🍊從來都冇食過稀有嘅「血合位」嘅吞拿魚～肉味突出，師傅話真係非常少有～坊間都唔係度度有得食～3️⃣ 蝦姑（瀨尿蝦）彈牙鮮美4️⃣ 喉黑，紫菜夾住上又叫甘墨魚，肉質比較軟身5️⃣ 筋子北海道赤馬糞海膽/禮文產海膽 馬糞海膽較濃郁Creamy，雙重享受😋10.赤出汁 🍲11.黑糖鬆餅配開心果雪糕同靜岡蜜瓜 🍈鬆餅脆脆地，雪糕開心果味出晒嚟，蜜瓜都幾甜㗎～…Read More

自己一向都有健身嘅習慣💪，最近竟然聽到譚仔雲南米線竟然推出好適合我哋健身一族嘅Gym Gym餐同埋果昔🥤，梗係要嚟試吓啦～😲叫咗其中一個新出嘅「啖啖肉雞扒牛肉清湯蒟蒻麵」🤤，平時食開嘅雞肉變咗做原塊「去皮」啖啖肉雞扒🐓，加埋牛肉🐄同埋蒟蒻麵～又有蛋白質、低碳水、膳食纖維～惦～加上仲出咗兩款新果昔，我就揀咗「莓果動力果昔」🍓，成份有蘋果、香蕉、藍莓、草莓製成，味道清甜，又帶果香🌸套餐本身隨餐附送低糖綠茶🍵，仲可以+$25轉配果昔添。需要健身減脂嘅你又點可以錯過呢😌…Read More

平時同朋友捐窿捐罅搵嘢食，揀得日本嘢，講究啲就一定係廚師發辦，隨意啲嘅就一定係日本燒肉～😊今次決定試吓啲新嘢，就係和牛割烹料理😋。顧名思義，就係用來自唔同地方同埋唔同部位嘅和牛烹調出既菜式。去到餐廳門口一睇，完全係好日式嘅裝修，門口旁邊張貼住佢哋係SCMP 2025年嘅top 100餐廳，真係好犀利👍，同埋唔講唔知佢哋嘅日本奈良總店仲係米芝蓮指南嘅餐廳添～🌟入到去坐定定，師傅即刻搬咗一盤好大盆嘅牛🥩出嚟同我哋介紹～當中有宮崎和牛、鹿兒島和牛牛肩背、熟成兩個月嘅西冷仲有澳洲和牛牛舌👅～睇到啲油脂分布都知道質感應該好唔錯～😍1. 葉蓋冷茶碗蒸 係用「神之葉」去蓋住凍蒸蛋，食落真係好有涼快感❄️，同埋入面有北海道粟米，粟米亦都好爽好甜，好重粟米味，同個冷蒸蛋好夾～😌2）炭燒和牛伴山椒、意大利黑醋、翠玉瓜、防風用昆布醃製既和牛嫩滑，外層有焦香味之餘，配合埋黑醋，酸酸地估唔到都幾夾😲。另外，菜式中仲伴有可祛濕嘅防風一齊食用～🌿3）藁燒和牛牛舌伴山葵、柚子胡椒慢煮牛舌再配合埋用禾稈草煙燻，非常嫩滑彈牙同伴隨着濃濃既煙燻味🔥，仲配有山葵同埋柚子胡椒，製造唔同嘅口感，我就鍾意味道較濃柚子胡椒～😌4）和牛牛尾伴葛切、油揚、九条葱用蒸煮嘅牛尾用湯嘅形式配搭好似薯粉質地嘅葛切，牛尾嘅口感非常嫩滑，仲要冇揸～真係剛剛好～👌5）和牛里脊肉他他拌醃黃蘿蔔、海苔壽司呢個真係冇得輸🤩，鹿兒島和牛他他用海苔包住份量相當大件，另外原來仲可以追加海膽配合埋一齊食～一啖真係放唔哂落口～😆6）晴王麝香葡萄拌木綿豆腐、馬斯卡彭乳酪、紫蘇花穗來自福岡嘅晴王，甜甜地清一清油膩感～🍇😊7）炭燒熟成和牛西冷、白桃、水田芥、新鮮黑胡椒鹽漬熟成兩個月嘅西冷，橄欖油調配水田芥，一嚿肉一粒黑胡椒配鹽分，味道濃郁，質感非常，完全食唔停口～🔥🥩8）吉列和牛菲力三文治伴自家製奈良漬他他醬、自家製醬汁宮崎吉列和牛肉肉質嫩滑，配搭鬆脆嘅麵包，完全可以用signature嚟形容，真係好滿足～😋👍9）和牛里脊肉伴松茸壽喜燒大大條嘅松茸配搭埋和牛壽喜燒～估唔到都咁夾喎～🍲❤️10）萬願寺青椒 腐皮 新生姜 炊飯炊飯都有濃濃嘅生薑味道，配埋和牛壽喜燒食都唔錯～🍚👏11）和牛咖喱飯 或 和牛冷素麵 或 和牛丼最後可以喺以上三款揀一款，我就揀咗和牛咖喱飯，又估唔到啲咖喱都幾好食，一滴都唔放過🤣12）自家製 Gelato係雲呢拿配搭乳酸汁仲有白桃肉😋好味道～🍨💖第一次食和牛割烹料理，估唔到完全係意料之外，以後食日本菜式又有多一個選擇啦～😍…Read More

早幾日放工喺尖沙咀見完客，同事提議搵間居酒屋食吓串燒啤啤佢輕鬆吓～🍻😌 咁我哋就去咗K11附近好有氣氛嘅樂酒場～一上樓梯霓虹光管咁既色彩，仲貼滿晒好多日本地道嘅海報~✨而店舖內亦有榻榻米嘅座位提供，果然真係好有日本地道居酒屋嘅氛圍🤭🎏入座後，店員話最近佢哋做緊串燒拼盤嘅推廣會送一杯檸檬燒酌🍋🥃。串燒拼盤亦都好豐富，分別有：1）生菜豚肉卷🥬🐷2）燒雞皮：又香又脆🍢🔥3）燒雞翼：燒得剛剛好，乾身得來都Juicy~🍗💦4）燒粟米🌽5）明太子西葫蘆：呢個組合有幾特別，鹹鹹地配埋翠玉瓜好好食🤤6）免治軟骨雞肉棒配蘭王蛋：免治雞肉啖啖肉汁配埋蘭王蛋冇得輸🍡🥚💛另外我哋仲叫咗：流心芝士玉子燒🧀🍳：店員上菜時會用火槍輕輕炙一炙鋪喺面嘅濃濃芝士，真係好香呀～🔥😍，加上玉子燒亦都非常之厚身，一啖咬落真係好滿足😋吉列童星蝦🍤：呢個真係好過癮，上枱嘅時候竟然有童星點心麵嘅包裝，入面原來就係吉列蝦配搭埋點心麵，咬落真係chok chok脆～😆👶🏻💥 諗返起都唔知幾耐冇食過童星點心麵添🤣三文魚籽海膽杯🍣🍶：個面鋪滿晒海膽同埋三文魚籽，入面仲有少量三文魚刺身，一羹加埋食落口，真係多重滋味～海膽本身味道都好夠再加埋三文魚籽爆珠～💥🤤 不得了不得了～👏🏻海之幸TACO🌮：由呢個吞拿魚蓉配搭三文魚子再加海膽～本身呢個組合已經好吸引，竟然仲用紫菜做成嘅TACO，味道好味之餘，層次感十足～😋🎉國產和牛他他 TACO🐄🌮：生牛肉配搭蔥芝麻之外，再加埋紫菜做嘅TACO，又係另一傑作～講到話必食都不為過👍🏻🔥…Read More

之前曾經試過阪神嘅銅鑼灣店，環境都唔錯，今日都嚟試吓觀塘分店嘅手勢先～板神鉄板燒都幾高CP值㗎，最平HK$555 就有南非鮑魚同紅蝦😋，除此之外，嫌唔夠喉，仲可以升級半隻伊勢海老或者加錢加配生牡蠣、帆立貝、赤貝等等 今日既鉄板燒套餐都係揀咗米國產牛薄燒～季節前菜沙律菜配蟹籽、🍅番薯粒，都好開胃。 新鮮時令刺身三款分別有魷魚、油甘魚同埋赤身。 南非鮑魚肉質相當彈牙，仲好有鹹鮮味，完全唔使落鹽，師傅話一般新鮮嘅鮑魚海水味較重，所以直接入口已經好好味😋鵝肝漢堡 厚厚既鵝肝煎得表面又香又脆, 一啖咬落好 𝐣𝐮𝐢𝐜𝐲，真係入口即溶。紅蝦🦐天使麵師傅先將米粉炸脆，再將紅蝦煮熟，加埋蝦膏醬汁，真係不得了👍🏻，醬汁又正，食落蝦身又彈牙 終於到咗美國牛肉🥩薄燒～我哋同師傅講要三成熟，燙幾下就包住炸蒜同埋蔥花，食落肉質剛剛好，脆脆哋相當有口感。 炒飯, 麵豉湯🥣, 漬物飯粒炒到剛剛好，仲有大量櫻花蝦同埋牛肉粒，真係食唔停口。甜品香蕉煎餅配埋焦糖多士，煎餅甜得來又唔膩，多士就咬落chok chok脆～最後仲有朱古力蛋捲作結～都係嗰句食材同味道相當唔錯，CP值非常高，好值得推薦～…Read More

今日又嚟到半島酒店🏨嘅廚師發辦-釧，記得對上一次嘅印象都係好深刻，食物新鮮之餘又好有心思，同埋一定係最當造嘅食材。晚市有兩Set，今次我哋揀咗”釧KUSHIRO～先付1）紫海瞻配合秋葵、䔿菜啫喱同埋瀨尿蝦🦐：海膽味濃，䔿菜質感相當滑啊～2）北海道毛蟹🦀 ：師傅拆埋肉配合埋蟹膏，蟹味非常濃郁，再加埋紫蘇花同少少青檸汁，令鮮味出晒嚟～3）紐西蘭螯蝦🦐他他：相當有層次感同心思嘅signature菜式，螯蝦鋪得滿滿，再加少少魚子醬！食完一啖即刻見到紅紅嘅蕃茄🍅啫喱同埋橙橙嘅龍蝦膏，味道配合得相當一流！4）沙甸魚磯邊卷：肉質嫩滑配合埋牙蔥脆脆地，口感唔錯。5）禾稈草煙燻💨鰹魚：食落濃濃嘅煙熏味，配合本身味道較重嘅鰹魚，再加日本洋蔥、芝麻、酸汁，真係非常夾！一品料理1）鹿兒島天婦羅穴子配冷麵：天婦羅外脆內軟，不在話下，冷麵嘅湯汁仲配咗鳳梨梅子，酸酸甜甜，真係好開胃。2）甘雕立鱗燒：魚肉嫩滑，鱗片咬落chok chok脆，配埋個米菊魚湯😋3）伊勢海老：今次呢個做法係配荷蘭汁、柚子酸汁，再同風乾魚子醬一齊燒，味道好特別，4）山口県赤鮑魚：鮑魚蒸足八個鐘，配埋鮑魚乾汁，完全冇得輸。壽司1）伊左木2）赤貝：配合埋青檸汁，食落亦都好彈牙3）池魚：屬於當造嘅季節，夏天嘅油份較重4）鹿兒島車海老：見到佢就最開心，個口感真係my favourite!5）長崎縣赤睦魚：都係火炙過魚皮之後，油香滿滿。6）白海膽：海膽味相當出，入口即溶7）中吞拿：油脂分布均勻，肉質鮮味。8）大吞拿🍣：廚師發辦必備食材、炙一炙，食落真係好滿足。玉子布甸：清一清油膩嘅口腔吸物鹿兒島蕯摩地雞湯：配合埋日本砵酒、甘筍、大蒜、洋蔥，相當濃郁。甜品1）腐皮福袋配豆乳奶凍：又一signature期待之作！2）月夏蕎茶：蕎麥雪糕配合埋海綿蛋糕、焙茶吉士醬，黑豆煮，第一次食蕎麥雪糕，清清地好味。3）黑芝麻朱古力又係一餐相當豐富，相當有心思嘅廚師發辦，菜式亦都會經常有update，所以就算食得密，都一樣每次嚟都好有驚喜😄…Read More

漸漸都鍾意四圍搵吓廚師發辦，試下不同食店嘅食材，同埋師傅嘅心思，好似欣賞藝術品咁，真係食極都唔厭！今次介紹嘅廚師發辦喺位於大坑「曦」，位置就喺中華遊樂會對面，天后站一出沿着銅鑼灣道就到，都好方便啊！前菜日本蕃茄🍅、冰菜拌芝麻醬 ：濃濃既嘅芝麻口味下，冰菜咬落幾爽，蕃茄亦都夠晒甜。刺身1）羽太🐟，又叫做日本石斑：用咗柚子啫喱舖面，味道相當清新。2）深海池魚：用炭爐輕輕火灸一下，嗰種炭香味，非常香口，上枱時再加辣油，相當惹味！3）華蓮生蠔🦪：來自長崎県既華蓮生蠔經過慢火蒸一蒸，估唔到同平時即刻開嚟食嘅質感好唔同，真係要試試！4）鏗魚：味道相對較濃，而魚皮都火炙🔥一下，將本身較硬嘅魚皮造成容易入口，鍾意濃味嘅，就唔可以錯過喇！食完刺身之後，即刻整返碗北海道粟米🌽凍湯🥣，食落唔太甜，但係濃濃粟米香，中和返剛剛濃味嘅刺身是日重點 日本赤鮑魚：經過炆煮四小時，鮑魚腍得來又有口感入味，仲好有咬口，超好味啊！天婦羅無花果、蘆筍：無花果用來做天婦羅，真係第一次，食飯落唔太甜，外面取得來入面有好似入口即溶咁，估唔到無花果配合上嚟都幾有驚喜。壽司1） 金目鲷 ：食落質感唔錯，好新鮮2）池魚：配加薑蔥，好夾3）真錭：醃左昆布，做就煙韌口感4）黑睦魚：火炙一下，好香口，加咗Wasabi莖，好特別5）牡丹蝦🍤：加埋青檸汁，清新又彈牙6）鮮鯖魚：師傅話因為從未醃過，所以質感比較彈牙7）大拖羅🍣 ：最後點少得油脂滿滿，入口即溶既大拖呢😋8)海膽: 睇到啲紋理都知道新鮮，真係食指大動蓮藕饅頭真係好有心思，師傅將蓮藕同埋蝦🍤變成糊狀再先蒸後炸，亦都用煆熬製出湯汁配合一齊； 外面食落少少脆，咬開之後因為入面混合咗蓮藕，所以食落爽口，蝦汁亦都好濃厚。主食係豚肉麵🐷🍜，份量剛剛好，滿足！甜品係青檸🍋‍🟩啫喱作結質地軟腍腍，酸酸甜甜，青檸味又香又濃～…Read More

今日嚟到希雲街一間以日本人氣貓咪Mofusand為主題的富山麵家，店舖由門口到餐具都充滿貓貓元素，每道食物都搭配可愛的Mofusand貓貓造型，氛圍滿分～ 貓奴一大推薦😄打開餐牌，梗係要食佢哋主題款式嘅菜式啦～1. 特製黑醬油拉麵 醬油湯底濃厚，搭配蛋、炸蝦天婦羅、叉燒同豬軟骨，仲有就係Mofusand貓貓魚片，真係好可愛啊～2. 特製咖喱撈麵 - 日式咖喱甜辣平衡，都係有蛋、炸蝦天婦羅同炸雞，炸雞都做到外脆內軟，而蘿蔔都入味。3. 特製章魚燒 - 外脆內軟，伴隨着啲木魚飄飄下，都唔錯呀～4. 特製三色芭菲 - 抹茶、士多啤梨、楊枝甘露三味雪糕組合，搭配哈密瓜波波，飯後甜品啱晒。我哋仲叫咗兩杯主題飲品 ～白桃烏龍奶茶： 除咗烏龍茶底、白桃果肉個面仲有口口奶油同埋Mofusand貓貓棉花糖，唔好話太甜～士多啤梨椰果梳打：奶油加底層椰果，亦都有唔同圖案嘅Mofusand 貓貓棉花糖。打卡啱晒。順帶一提，因為呢期係Mofusand貓貓主題，所以店家都有出售限定商品，有拉麵碗同湯匙套裝仲有唔同款式嘅環保袋，同埋扣針，貓奴嘅你哋，真係不容錯過😂😂😂…Read More

自己本身都係好鍾意食醬油蟹同埋韓式炸雞～剛好早排得知Bingo & Cook為咗慶祝10周年推出「60分鐘醬油蟹🦀無限任食」套餐，講緊都係三百幾蚊，平時叫一碟兩隻都差唔多呢個數，梗係即刻約埋班friend一齊去擦餐飽🤩醬油蟹任食方面都有得揀雌蟹或者雄蟹，兩者都係差$50，我哋就叫咗雌蟹，安排上第一碟會有蟹蓋，再追加就會無蟹蓋。我哋每人都encore咗幾隻，就咁食同撈飯食都有另一番滋味，絕對值回票價。套餐除咗任食醬油蟹之外，仲有任食炸雞🐓、烏冬炒年糕、年糕香腸串同埋紫菜飯🍚。炸雞真係好脆同埋好Juicy。嘢飲方面亦都係任飲，有可樂、雪碧、忌廉鮮奶等等😃 雖然60分鐘唔係話好長，但係落單上菜時時間都好快，我哋都食唔停口，真係大滿足😌Bingo & Cook地址：尖沙咀麼地道37-41號港匯廣場地下17-20 & 31-34號舖 …Read More

今日喺尖沙咀見完客放工諗住搵間酒吧飲杯嘢🍻，同事介紹喺天文臺道嗰邊有間墨西哥菜都唔錯，咁就諗著跟隊去試一試。原來位置就係喺天文台8號樓下，平時路過都見到幾有氣氛，一直都想試一試，今次終於有機會👍😄朋友話有幾個菜式一定要試，分別係：酥炸魷魚圈 Calamari Frito🦑味道同出面嘅炸魷魚圈完全唔同，不單止外脆內軟，仲食得出魷魚都幾新鮮添😋辣雞墨西哥餡餅 Chicken Enchiladas 🌮熱辣辣餡料都好足👍🏻雖然餡餅有好多醬浸住，但係食落啲皮都仲好鬆化，認真唔錯⭐️墨西哥風情食肉獸薄餅 Loaded All Meat Mexican pizza🍕熱辣辣香噴噴♨️，豬肉牛肉鋪滿晒面，個薄餅仲做得好薄好脆，加埋Tabasco🌶食，簡直一流😋我哋仲order咗個side~牛油果醬玉米片🌽真係飽晒🤭下次出開嚟尖沙咀，一定要再試埋佢其他特色墨西哥菜式先😌…Read More

今年年初試過銅鑼灣加路連山道嘅 -「重房」佢哋嘅廚師發辦（Omakase）真係幾有驚喜✨，菜式同其他店比更加有特色，味道亦較濃郁，所以一直記住🤤仲推介過俾唔少朋友！最近終於再去食，水準依然保持到👍今次都係食晚餐 $1580 set有 16-18 道菜，當中包括唔少稀有食材 仲有分子料理，由於係無菜單廚師發辦，師傅會不時轉換新菜式，所以今次再嚟食都好有驚喜🤩 先付1）水雲蝦肉土佐醋，酸酸地好開胃。之後就係「哈哈螺」配汁煮蘿蔔，好有咬口同埋味道好夾。刺身2）北海道紫針海膽、魚子、深海池魚、蒪菜、海膽鮮味配搭埋一齊，真係有質感得嚟味道好唔錯，個賣相仲成杯雪糕杯咁👍3）北海道牡丹蝦伴夢王蛋醬同埋蝦頭醬，入口味道濃郁質地亦都半生半熟非常唔錯，仲有炸蝦頭亦都好脆4） 岩手県陸前高田配合埋海草酸汁啫喱，紅心芽蔥，質地非常飽飽滿。5）天婦羅烏頭魚配明太子同埋竹碳鹽、用紫菜包裹，真係名副其實嘅外脆內軟。6）靜崗地金目鯛，質地嫩滑配合埋炭香味、口感一流，燒香了魚皮，魚香味出晒嚟，再配埋福崗烏魚子，個賣相都好靚。7）法國麵包載住神戶A4和牛他他，炸蒜、日本蔥、北海道馬糞海膽、法國魚子醬，岩雪鹽，食起上嚟油香一流、口感豐富。8）拖羅兩食，用紫菜包住火炙過既腦天同埋生既中拖羅，本來腦天油份較多，但係中間加埋紫蘇葉就冇咁漏，紫菜仲好脆Tim 熟食9） 分子料理-三文魚下巴，連殼一啖咬落去好香脆同埋個魚油爆曬出嚟，好Juice，啖啖肉又嫩滑，師傅話伴碟紫紫地色嘅係紫椰菜汁，之後佢將檸檬汁混合一起，顏色變成紫紅色，仲有啲似落霞既顏色，都幾靚，真係食得又玩得😄壽司10）日本竹籤魚配柚子胡椒，魚皮燒一燒，魚油嘅出晒嚟11）O-toro配京都五色芝麻碎，配合起嚟感覺反而會冇咁油12）赤貝，加左岩鹽、柚子皮、青檸汁，又爽又彈牙，層層柚子皮香13）北海道銀雪鱈bb魚配黑松露醬14）北海道赤馬糞海膽加少少岩鹽，味道濃郁，質感一流，食完啲海水味喺口腔入面徘徊順帶一提，呢度嘅子姜，同平時出面食到嘅好食好多，多口問句師傅，先知原來都加咗工，唔怪得咁唔同啦🤭湯15）呢個「Signature魚湯」，由30多種魚肉熬製而成，完全冇味精，味道又濃郁又鮮甜甜品16）巨蜂提子作結，果香又濃又甜總結重房嘅 Omakase 水準穩定📈，食材新鮮，師傅設計菜式有心思👨‍🍳，$1580 嘅價錢算合理💰。如果鍾意濃味同創新配搭，值得一試！ …Read More

今日放工去開銅鑼灣嗰頭,聽有啲朋友講話喺加路連山道開咗幾個月嘅omakase,叫做「重房」,一於就去試吓新嘢先🤭佢得一個dinner set,包含咗一啲稀有食材同埋分子料理,有 17至18品。1)北海道牛魚加蝦湯配松葉蟹肉,個湯既質地似啫喱布甸2)高糖蕃茄白酒啫喱3)鱈魚白子配埋橙昔蘿蔔蓉,食落一啲都唔腥4)北海道活北寄貝,好嫩滑,D木魚鋪喺面仲好脆5)冰見寒鰤,師傅話一般最靚,最頂級就係呢個12-1月。 將鰤魚係炭爐網上輕輕炙過,造就左煙燻效果,好有炭香味同埋油香味6)小場井蠔,蠔肉好creamy,配埋蜜甘啫喱,甜甜地7)鯖魚,即係馬交魚,加海鹽燒香個皮,好有油香,仲有 芽葱配自家製洋蔥醬,紫蘇花8)拿破崙,呢個真係好特別,底層係呢個慢煮鮟鱇魚肝配 法國麵包,中間加咗塊鱈魚片,個頂就係甜蝦蓉同埋蝦頭膏 仲有炒香嘅櫻花蝦混合埋一起,一啖咬落去,真係好滿足😋9)之後就係呢個吞拿魚兩食,用紫菜包住熟既腦天同埋生 既吞拿魚腩,入面仲有蜆肉再加咗炒香嘅鹽,油份較多,但 係加埋紫蘇葉就冇咁漏,紫菜仲好脆Tim10)天婦羅沙咀魚,質感好滑身,師傅仲叫我哋將檸檬汁倒落 去個碟邊,一邊撈,顏色慢慢由本身嘅紫色變晒做紫紅色, 仲有輕輕嘅檸檬味,個顏色都幾靚,真係食得又玩得😂11)北海道針魚,較清甜12)赤身醬油漬配柚子胡椒,質地出奇地林身又唔散,好 味道順帶一提,呢度嘅子姜,同平時出面食到嘅好食好多,多口問句師傅,先知原來都加咗工,唔怪得咁唔同啦13)深海池魚配搭咗北海道麵豉醬,亦都係用咗炭爐既網 造就左個煙燻效果,濃濃既炭香味同油香,正啊~14)赤貝,加左岩鹽、柚子皮、青檸汁,又爽又彈牙,層 層柚子皮香15)北海道白海膽配法國黑魚子醬,兩者配搭起來,濃濃 既海膽味又唔蓋過魚子嘅鮮味16)拖羅蓉,配搭埋師傅嘅自家製配料同埋今日嘅第一日 京都五色芝麻碎,入口即溶17)最後就係呢個「Signature魚湯」,由多種魚肉熬製而 成,完全冇落糖,又濃郁又鮮甜,仲隱約飲到白胡椒味~18)最後就係呢一個靜岡縣士多啤梨作結 普遍嚟講味道較濃,很適合開酒飲住嚟食…Read More

話說今日又喺灣仔搵嘢食，見到咁大個招牌又係川菜即刻就諗到又可以試一試呢一間嘅口水雞掂唔掂。點知食完，真係搞唔掂🤦🏼‍♂️雖然門口都有幾個人排緊隊，睇佢個餐單見佢最出名係醉雞，心諗口水雞應該都有返上下。咁我就叫咗個口水雞配擔擔麵。個餐嚟到嘅時候見到有雞髀心諗應該好滑溜，正啊～但係睇睇下見到隻雞點解咁白雪雪😨擺落口一食，點知啲雞係冇味….特登沾多啲紅油同辣椒先至有少少味。唔知係咪用醉雞嘅形式配搭呢一種質地會好食啲？所以口水雞出嚟嘅效果變成咁。除咗雞髀之外，雞件有啲好嚡。紅油嘅味道又唔係好夠，係好彩個擔擔面都叫做尚算正常～…Read More