南圍王獅虎's Profile

公司附近開左呢間burger店，一直都未有機會嘗試。趁今朝工作唔忙，偷空來試下早餐。點左一份早餐A，雙腸煎蛋多士。個餐盛惠$28，價錢可以，附近茶餐廳都差唔多，但餐飲點熱咖啡，居然要加$5，乍聽我真係有少少愕然，唔通杯咖啡好得？咖啡好快上左，看起來沒有特別，淺嘗一口，奶味重，咖啡味好淡，唔算太得，更對唔起佢既價錢。至於份早餐，等呀等，足足等左十五分鐘，旁邊後來點單的客人都快食完了，恐怕是漏單？一催促，就送到。早餐賣相尚可，多士也烘得不錯，但豬肉腸可以再煎更香，雞蛋則太細隻。整體而言，以價錢而論，略貴。…Read More

旺角，一向唔係我揾嘢食的"飛佛"，總覺得食肆雖多，但有質素難求。但有次同朋友出嚟食飯，朋友A極力推介平靚正。好！今日就順朋友A意，嚟呢度試下。7點入座，人未算多，朋友點左個小壼清酒先，唔記得係乜清酒，凍飲，味唔太辛，啱我謂口。飲左一陣開始食嘢。先嚟個蟹子沙律，估唔到份量咁大份，蟹子多，比一般日本壽司店都大碟，而且蟹子奇多，入口涼涼，吃到青瓜絲的清新，真的是吃得出的新鮮，伴著一大堆的蟹子入口，充滿脆脆口感，雖然簡單，但很令人滿意。前菜後，串燒係今晚主打，成日覺得串燒的精髓，係燒到外面乾乾地身，帶點香/脆，裡頭留有應有的肉汁，咁先至叫火喉拿捏得好，而呢度真係做得唔錯！1)汁燒雞翼：一碟5隻，個個食左大LIKE！汁甜甜地，幾惹味，雞皮燒得好脆口！！肉又嫩，火喉，真係控制得唔錯！讚！2)鹽燒本地牛粒：侍應介紹說是本地牛柳頭粒，不是每天有供應，是限定貨色。肉質是比不上安格斯牛鬆軟，但肉味濃，而且牛粒外層燒得乾身，入面有保留有肉汁，唔錯！3)燒牛舌：夠乾身得來有肉汁，彈牙，好味！4)燒尤魚筒：無得彈，有彈性，鮮味！佐酒！正！5)燒五花腩：都算層肥層瘦，脆得來爽口，簡單的鹽燒，己帶起肉味。不過由於油份重，呢味吃時一定要加少許鮮檸汁，去啲膩感。6)燒鱸魚：是日推介，是新鮮鱸魚，鹽燒，魚肉嫩滑，鮮甜。最後嚟個豚肉烏冬配豬骨湯和鰻魚石頭鍋飯。前者幾有咬口，湯底是有誠意，喝得出不是味精水，但未算很突出，但都可以收貨。後者上桌時熱辣辣，剛巧這天凍冰冰，辣辣的，份外覺得惹味和温！飲飽食醉，4 人埋單400多，果然如朋友A所言，平靚正是也！…Read More

下午入去食個Tea，點一份下午茶餐，乾煎雞扒湯意粉，蟹籽炒蛋厚多士，加餐飲。雞扒煎得幾香，外皮仲有少少脆，湯意粉好滑好爽口，炒蛋多士都冇乜好挑剔。整體而言是港式茶餐廳的一般水準，不過不失，但說好的澳式呢？…Read More

真係唔記得幾耐冇食過麥當勞既巨無霸啦。如果唔係今日無意中發現到原來巨無霸餐減價減到$21，恐怕再過多十年我都唔會食佢。$21一個巨無霸餐，一杯汽水，加$2.5轉扭扭薯條，睇錢份上，殺佢！記得以前細個食巨無霸係要上下兩層分開食，一個包當佢兩個包咁食。但人大左，發覺來兩層既包係可以一啖咬晒落去，巨無霸原來唔係好大件咋喎。一向覺得麥當勞漢堡包塊漢堡好難食，又乾又鞋……至於巨無霸就係2倍難食！生菜絲睇落仲唔多新鮮添。全個餐最好食算係扭扭薯條，雖然都係硬左尐尐。…Read More

今日在銅鑼灣做完私事，原本諗住去希慎廣場的Urban Bakery 幫襯買二送一的牛角酥，撞正TVB正拍小儀採訪梗麵包師，八咗一陣之後，發現呢輪熱辣辣牛角酥售罄，要排成25分鐘再等下一輪 @@……肚又餓，索性在附近搵嘢食，去咗14樓呢間Wired Cafe，見個環境唔錯，於是決定係度hea下食個late lunch。Set Lunch 大概有6款套餐可以揀，點咗個蛋包飯同咖啡，飯上來，賣上唔錯吖！飯粒應該係用珍珠米或者入面米，粒粒圓碌碌，幾有咬口，個蛋都算煮得啱啱好，伴個深咖色的燒汁，汁味沒想像中的濃，起咗吊味作用，伴飯的還有少許蔬菜，整體算不俗。由於座位間隔很寬敞，午後人又唔多，如果想慢慢食慢慢hea，都算一個唔錯的選擇。…Read More

朋友仔請食午餐，帶咗我嚟呢間餐廳，話新開無耐，無乜人知，唔駛等位，不過重點係，午餐成個晚餐咁，有成5道菜，價錢仲好相宜添！！我心諗：「有無咁大隻夾乸隨街跳呀！」上到去，餐廳裝修很不俗，一入門口就見到一條條吊住啲風乾火腿，嘩！！睇見都流口水！！原來呢度主要係食鐵板燒同西班牙tapas，唔怪得知咁多風乾火腿腳啦！餐廳一邊係鐵板燒VIP房，另一邊係西餐格局。午市只供應Set lunch同埋tapas。我地坐西餐廳那邊，正如朋友所說，可能是新開張關係，人唔多，坐近落地大玻璃，陽光滲入嚟，有啲悠和音樂，好悠閒，感覺好唔錯。朋友推介的Set lunch果然好超值，包沙律、湯、主菜、意粉、甜品，仲有咖啡或茶，價錢都只係$88-$148。晚市都唔算貴喎，鐵板燒套餐$400起，有齊前菜、沙律、湯、兩個主菜、甜品、咖啡；至於Tapas就主要散叫。先嚟沙律，3選1我揀了黑毛豬火腿沙律，黑毛豬火腿炸了，很有鹹香，沙律係雜沙律菜伴油醋汁，菜好新鮮，油醋汁少許酸甜酸甜的，好開胃。是日餐湯是磨菇湯，呢個好驚喜，驚喜在好足料，入口好有磨菇香，仲好有口感，啖啖都是滿口的磨菇茸粒！！主菜揀了鮮鱸魚柳伴大蜆配洋蔥汁，係用一個銅窩仔上的，好精緻好高貴咁，後來同侍應八下，原來個銅窩仔係日本訂番嚟，要成二千幾蚊個架！！好高貴啊！！鱸魚火喉囉得幾好，滑！唔知係咪鱸魚啲同埋大蜆啲鮮味落咗啲洋蔥汁度，個汁超香甜，突然好想有個白飯撈汁吃啊！！隨主菜上的還有西班牙黑毛豬湯天使麵，份量唔多，個樣好平凡，得塊薄豬肉片點綴，但侍應說湯底是用黑毛豬風乾火腿骨熬24小時，係老火湯，無加味精，可以喝的。好！先吃了片豬肉薄片，估唔到幾嫩滑喎！然後聽取侍應意見，飲啖湯先……嘩！！好甜，仲有啲膠質，味道直情好似老火金華火腿湯一樣……結果，吃到呢個時候都已經幾飽的我……忍唔住飲哂啲湯……甜品時候到，朱古力慕思，中規中距，反而杯咖啡有驚喜，因為想不到餐廳對咖啡都這麼認真，咖啡一上來，香氣撲鼻，面層仲有層好靚仔O既creama，入口滑、甘、重有回酣味，問問侍應，原來用Lavazza豆。呢杯咖啡，為呢餐畫上完美的句號。值得一提的是，侍應招呼極好，見我對門口啲豬腿好奇，悉心解釋畀我聽不特止，原來這裡除了黑毛豬火腿，仲有白毛豬火腿，仲醒左我地一碟24個月的白毛豬火腿畀我地試，白毛豬火腿都好有油香，侍應教我地蘸些自製的番茄醬，放上塊小多士一齊食，話係西班牙地道食法，味道又幾特別，去了一點油膩，與火腿味又好夾。原來11月嚟食晚飯，都免費送一碟。就係呢碟火腿同侍應細心，令原本已物超所值、令人滿意的Lunch，更加分！！…Read More

最近留意到稻香晚飯優惠推出清蒸大海斑，一至五晚每條$68，六日公眾假期$78。雖然心諗呢個價錢最多係斑仔，但都不妨一試。結果完全喜出望外，真係大海斑，估計大概有斤半咁重，足夠四個人食既份量，雖然我地得兩個人。認真超值！講返條魚，味道唔錯，但火喉略為老左少少！我地兩個人仲叫左翠肉炒龍蝦球，海皇雜菜煲。翠肉炒龍蝦球味道唔錯，雖然翠肉有兩三塊未炒熟而有苦味，但龍蝦球好足料，味道唔會過濃，肉質爽口！海皇雜菜煲則十分失色，海鮮料嚴重不足，連附近茶餐廳都好過佢！兩個人晚飯食左 $260，如果早知條魚咁大，仲可以叫少一樣餸，可以再平啲！…Read More

Burger King一連三日既超級優惠~ $10有飽有汽水~ 真係好抵!!! 我見到網上周圍有人講佢, 所以放工即刻來試!平日極少客仔既南豐廣場分店, 今晚7點去到見到大排長龍! 人龍排到去門口外面! 真係少見既場面!排左10多分鐘就買到, 今日既限定款式係豬柳堡~呢件豬柳堡好攪笑, 裡面居然有兩件炸洋蔥圈~ 不過食落味道都唔錯, 估唔到豬柳夾炸洋蔥圈呢個組合OK喎, 一定比麥記既豬柳漢堡好食!但呢杯汽水實在溝太多水, 又無氣又無味! 完全唔掂!明天既款式係小華堡, 梗加要試!…Read More

好耐冇去頁茶啦，見天氣開始熱返少少，又咁啱經過有少少口渴，就幫親返一杯啦～以前我都鍾意飲佢的歐蕾架（即係乳酸飲品），因為個人口味鍾意酸咪咪既野。今今次幫襯一杯芒果歐蕾，$14有大大杯，仲心諗咁大杯唔知飲唔飲得曬呢？服務員就好好服務，主動問我係咪要少糖少冰……一啖啜落去……嘩，淡到吖，真係中曬大伏，唔怪得要問我係咪少冰啦，如果唔係少冰，恐怕味道真係同清水都冇乜分別囉！照估計，裡面應該8成係水！結果飲左一半已經成杯丟左！經過今次，真係以後唔會再去幫襯！…Read More

老友請我到新商場的新餐廳開幕前 pre-opening party 免費試菜！好大盤的雞肉 Caesar Salad（full size），雞肉少少「鞋」，但蔬菜很新鮮！墨西哥粟米湯，稠口香濃，內有粒粒粟米，有口感有味道！三款不同的春卷，不是我們中國春卷的那種春卷皮，較厚身煙韌，再配上不同涵料真的各具特色，推介！烤雞 pizza 薄底，雞肉不算多但肉質細嫩，加上至愛的菠蘿粒份外醒胃惹味，芝士味香濃。但 pizza 雖然係薄底，卻不是脆薄的那種餅底，pizza express 在餅底方面做得比較 california pizza 的好。海鮮意粉非常足料，大量蝦肉，魷魚圈及蜆肉。甜品方面 Brownie 真係太過太過太過甜了，吃一小口就食唔落，勁「漏」！而於焗蘋果真係出色，暖暖的蘋果肉咬落軟軟林林的甜味適中，正！…Read More

朋友慶祝生日, 話六國酒店lunch buffet抵食, 只係位位$165, 不妨試下.以lunch buffet來講, 食品種類算多, 沙律, 冷盤, 壽司刺身, 熱葷, 甜品應有盡有.各款食品都淺嘗一遍後, 發現其中質素非常參差:沙律類: 普通壽司刺身: 差, 刺身軟巴巴, 完全沒有口感, 壽司的飯底粘糊糊冷盤: 各式火腿不錯, 但龍蝦仔青口等海鮮類一般熱葷: 正常水準, 自選素材的麵檔幾好食, 可能即叫即整的關係吧.甜品: 幾款蛋糕都幾好味, 另有要客人動手自製的格仔餅 (好玩! 但成品失敗了) 再加上雪糕是心愛的Häagen Dazs! 總括來講甜品類值得一讚!個人意見, 為求食好野真不用考慮, 純粹係價錢平宜多野食!…Read More

在廟街找風味小館晚飯。路過興記，聽見門口阿姐響亮的吆喝聲，被它的「老字號」吸引著。細問下，仲話已經開左第X間分店，眼見店內差不多坐滿客人，我心想，應該有一定水準吧。蠔餅，看見每一檯客都點了，我也來一份小的。有一定水準，但味道不算很突出。豉椒炒蜆，超細份，蜆肉淡味，應該不是即場炒，而是炒好再加芡汁的。椒鹽鮮尤，炸得很脆，口感不錯，但鮮尤的味道感淡。招牌菜煲仔飯，等了十多分鐘，熱度十足。但用料只是雪藏雞脾肉，臘腸也只有半條，伴飯的豉油味道又淡，完全令人失望！完全不推薦這裡給大家！…Read More

在第二家Mos Burger分店吃過，感覺不錯。但今次在東港城分店，卻感覺水準比不上其他分店。芝士漢堡，感覺很乾身，不好吃；炸雞，是拆骨炸雞翼，這是一款我很喜歡的小食，但這裡的似乎太油膩；雞塊也一般；蜜糖檸檬特飲也沒有特別。…Read More

昨天剛在觀塘太興吃過下午茶，今天午飯時候又再次光顧將軍澳太興。小時候總以認為只有「麻甩佬」才喜歡吃X寶飯，時光荏苒，不知不覺間我已經去到「麻甩佬」的層次。而且，以前不過是四寶、五寶，今時今日，已經升級到八寶的高度！不過太興的八寶飯實在是太出色了！人家的X寶通常只給半邊的咸蛋，這裡的八寶居然還有兩個半邊咸蛋，這才算一寶！而另外七寶是切雞、燒鵝、叉燒、燒肉、燻蹄、墨魚、紅腸，太興的燒味一向水準不俗，這個八寶飯真的一級捧！用料足，味道好！…Read More

牛根腩還牛根腩，茄子炆伊麪還茄子炆伊麪，兩者一向係火馬牛不相及，太興的牛根腩茄子炆伊麪，都算係幾特別既配搭。奈何配搭特別，不等於味道出眾，這一道牛根腩茄子炆伊麪，實實在在的怪味。牛根腩帶少少酸味，茄子淡而無味，只有伊麪炆得唔錯啱啱好，呢三者放埋一齊，始終產生唔到化學作用。好在冰鎮奶茶為呢份下午茶餐挽回少許分數。…Read More