麥當勞 (Moved) New Location

真係唔記得幾耐冇食過麥當勞既巨無霸啦。如果唔係今日無意中發現到原來巨無霸餐減價減到$21，恐怕再過多十年我都唔會食佢。$21一個巨無霸餐，一杯汽水，加$2.5轉扭扭薯條，睇錢份上，殺佢！記得以前細個食巨無霸係要上下兩層分開食，一個包當佢兩個包咁食。但人大左，發覺來兩層既包係可以一啖咬晒落去，巨無霸原來唔係好大件咋喎。一向覺得麥當勞漢堡包塊漢堡好難食，又乾又鞋……至於巨無霸就係2倍難食！生菜絲睇落仲唔多新鮮添。全個餐最好食算係扭扭薯條，雖然都係硬左尐尐。