Kinson Burger & Bar (Closed)

公司附近開左呢間burger店，一直都未有機會嘗試。趁今朝工作唔忙，偷空來試下早餐。點左一份早餐A，雙腸煎蛋多士。個餐盛惠$28，價錢可以，附近茶餐廳都差唔多，但餐飲點熱咖啡，居然要加$5，乍聽我真係有少少愕然，唔通杯咖啡好得？咖啡好快上左，看起來沒有特別，淺嘗一口，奶味重，咖啡味好淡，唔算太得，更對唔起佢既價錢。至於份早餐，等呀等，足足等左十五分鐘，旁邊後來點單的客人都快食完了，恐怕是漏單？一催促，就送到。早餐賣相尚可，多士也烘得不錯，但豬肉腸可以再煎更香，雞蛋則太細隻。整體而言，以價錢而論，略貴。