rosamondsoong's Profile

今日放假約左男朋友黎cafe打卡！一入門口就有個乾花拱門，仲有啲resort 風既裝飾，勁打卡！門口仲有個千秋可以比人影相，勁正入面既燈光同間鋪既色Tone都好match，都係金銅色，入面仲有好多花既佈置，每一個位都可以留影。食物方面有主菜、甜品同特飲。蒜香欖菜鮮蝦意大利粉主食有滿滿fushion 既味道，依道有啲似aglio oilo既影子，但加左欖菜落去都幾特別，味道不錯。泰式豬頸肉菠蘿竹炭漢堡配薯條依個泰式Burger都幾別緻，除左一般漢堡有既蕃茄生菜等等，仲有炭燒豬頸肉同菠蘿，幾refreshing，解去薯條既油膩感。Papaya Mango Smoothie+ 黑糖焙茶鮮奶飲品方面真係好靚，連枝飲筒都襯左色，味道都好濃不會過甜。楊枝甘露梳乎厘班戟職員入黎時都好貼心提我地甜品係即做，可以食主菜中途點。梳乎厘好Fluffy，空氣感十足，配以楊枝甘露點下都不錯。好欣賞佢可以免費提字，當然唔可以浪費依個機會啦總結，依間Cafe真係處處打卡位，下午茶黎High tea 可以慢慢坐，慢慢影相，愛打卡既你一定要來😁！…Read More

日本野食比人感覺就係唔會辣，但係香港有間過江龍拉麵鋪，有辣仲有鹽西依啲咁重口味既野，勁想試，今日終於都揾到個志趣相投既朋友試下喇。間鋪門面好多地獄公仔，入面勁有地獄feel，有啲紅色惡魔公仔咁樣，幾得意。入面冷氣充足，職員派定一人一條圍裙，幾細心，唔知啲野食辣唔辣呢。莞荽辣麻味噌拉麵(小麻)(中辣）:見到碗鹽西山已經心心眼，浸左落湯度吸左麻辣味噌湯味真係好match，佢個感覺有啲似譚仔，但係又食緊日本拉麵，幾得意。中辣個辣度似十小辣至五小辣之間，如果想食辣可以叫辣啲，加埋濃濃既味噌，啲麵同玉米筍索晒啲味，好滋味。豬肉叉燒有啲似東坡肉，但妏得都幾淋，唔錯。特製麻辣味噌拉麵(小麻)(小辣）比起岩岩果碗少左鹽西，多左豬肉叉燒同埋蛋，小辣感覺上唔太辣，其他都係上面差唔多。溏心蛋做得唔錯，食到最後都係流心滿滿。增量玉米筍估唔到佢嘅份量咁大，仲好有鑊氣。食辣嘢嘅時候可以間中食下解辣，又可以浸落湯到吸味。可樂 Zero食辣野最好緊係有冰涼既可樂啦！總結，餐廳位置方便，係幾特別既日式拉麵，如果鍾意食辣同芫荽一定要食。另外餐廳好適合食辣拉麵，一早已經準備定圍裙，著白衫真係好易彈到周圍都係，同埋環境都好涼爽。下次都會再食！…Read More

旺角成日行過依間餐廳都覺得好Grand，難得有朋友都想試就試下。餐廳有三層，空間感十足，以工業風設計為主，燈光昏暗，但內在環境都好乾淨，枱同枱之間距離都好足。前菜西班牙紅蝦薄切，個紅蝦好重鮮味，再加上酸酸地既魚子，好醒胃。火灸赤蝦海膽醬櫻花蝦意大利飯，赤蝦岩岩好熟，有少少刺身感覺，同樣隻蝦好鮮，好食。個Risotto唔重忌廉，反而食得出滿滿既海膽味，入面仲有啲櫻花蝦仔，有日式既感覺。聽講依度扒都出名，於是叫左個特選級牛林上蓋扒配蕃薯條。口感好淋好重牛味，點埋mustard /燒汁就錦上添花，不過今次個牛好食，唔洗其他都夠。牛肉下面仲有薯蓉，都幾幼滑。蕃薯條出奇地辣辣地，幾正。飲品方面，依度都有酒同特飲提供。個樣整得好靚。Cocktail酒味比較出帶有少許果味，而Mocktail都比較甜啲，始終都係唔同果汁飲品混製。總結，依間餐廳用料上乘，好多時啲肉類同海鮮唔洗點啲汁去調味已經好好食。另外職員服務態度好好，環境好坐，好適合和朋友一齊黎鋸扒Chill下。…Read More

Bookmark左依間餐廳好耐，係花系韓式cafe，野食好打卡able，今日終於有機會試喇。七點鐘到，已經要等幾枱喇。等左三四個字終於有位坐。鋪頭係太古城Open Area，係自助形式既餐廳，首先自己去左比錢買野食，跟住拎左個alarm，響就可以去拎野食喇。依度既Menu好fancy，好靚，見到佢出名蛋包飯，所以叫左兩個。等左一陣，野食都有了，但見到佢原來用外賣盒裝住既，聽返職員講係因為疫情，所以最近都係因為防感染控制用即棄兜。蕃茜海鮮蛋包飯+牛肝菌蛋包飯：蛋包飯真係好正，一介開就有流心既creamy滑蛋。蕃茜飯都幾清新，配以海鮮同沙律都唔會太漏。牛肝菌飯係配以白飯同野菌汁，配以牛油雜菇都幾豐富，但相對會漏啲。海鮮煎蔥餅：滿滿既海鮮煎餅，再加上辣汁真係好惹味。韓式炸雞（無骨半份）：即炸好脆，但雞肉唔會乾柴，再加上莞茜真係好正。最後甜品，韓式雜莓牛角包窩夫：本身以為係牛角包+窩夫，心諗牛角包呢，原來窩夫既質地係牛角包，甜甜地咁，配上砂糖係面，好似又食緊牛角包又食緊窩夫咁。清新香橙綠茶沙冰：綠茶味好濃，但唔會太甜。濟洲綠茶咖啡：咖啡味較濃，較少綠茶味，都唔錯，兩杯飲品都解膩總結，餐廳食物質素好好，全部野食都好靚，同好有特色，有一啲比較油膩既食物都加上refreshing既元素，令我可以一次過食晒咁多野食。希望下次黎既時間疫情好啲，再黎打過卡！#Banchan&Cook #COFFEETIME #韓式餐廳 #太古 #銅鑼灣 #東涌 #咖啡 #炸雞 #芝士拉絲#hongkong#韓國菜好好食#韓國菜…Read More

我係一個唔食生野既人，男朋友突然話帶我去食壽司大餐，心諗都唔食生野，連壽司朗都唔食，做乜仲食壽司店，原來依間鋪有好多特別既壽司，仲要有生有熟，適合晒唔同既人。鋪面唔算好大，但枱同枱之間有適當距離。餐紙好多選擇呀，有好多特別名既壽司、串燒、刺身去到鍋物都有。我地叫左啲特色卷物：辣妹: 好靚既粉紅色，佢係將一舊有芝士同炸蝦既卷物打橫放，再加辣味吞拿魚係面頭，成舊放晒入口食，真係正，辣+芝士真係絕配，炸蝦令口感更有層次。綠野仙蹤: 食完辣壽司，就要食啲refresh d既壽司，依個卷有八爪魚、蘋果、蟹柳、牛油果、飛魚子，蘋果再加牛油果好清新，蘋果既微甜再加上八爪魚都幾match。龍卷風沙律: 好大兜入面有蔬菜、海藻、蟹柳、脆片，配以燒汁同小小辣汁，味道同口感都好豐富。椒鹽雞腎: 椒鹽味好足，雞腎新鮮，好爽脆雜錦天婦羅: 新鮮炸，炸衣唔太厚，材料唔錯，食到蔬菜同蝦原味。服務態度都Ok，會有侍應定期加水、收碟。總結，依間餐廳食物質素好好，啲壽司好岩鍾意食熟食既人，而且個配搭好正，賣相好靚，已經諗住帶埋啲親戚既小朋友去食，因為佢地都係鍾意食熟既壽司🍣…Read More

去旺角食台灣野，緊係食呀木啦，但排到隊先得嫁，七點已經成個門口都企滿晒人，佢隔離依加都多左台灣食店，所以簡其中一間試下。入到去大概半full house到，人氣都唔差。裝修以白色為主調，配以木傢俬，都幾柔和舒服。入到去安排座位，座位都闊落好坐。之後就可以掃QR code落單。沙茶牛肉鍋（走辣）+粉絲：入面大部份既野食都煮過，之後有個小火幫你heat住食咁，所以唔洗等好耐。湯底唔會太咸，恰到好處，配料有牛肉、蜆、貢丸、菜、豆腐，每樣少少咁都幾豐富，加埋粉絲索湯又低卡飽肚，成個小火鍋無晒罪惡感。加罐無糖可樂呃自己唔係食左好多卡路里職員亦會主動問你加唔加湯。麻醬手撕雞拌麵：好大碗，個麵係麻醬熱拌，麻得黎唔會太咸，啲麵都唔會一餅餅，再加上涼伴既手撕雞都幾好食。蜜桃綠妍：大大杯，蜜桃味比茶味重。總結，依間食店以小火鍋為主打，可惜我唔食臭豆腐，見到隔離枱食，陣味真係好勁😹應該好足料。不過沙茶牛肉鍋同拌麵都唔錯，算係-6揾到間唔差既台灣野。…Read More

旺角依加好多bar ，係黑布街果頭簡直門庭若市，果度竟有間cafebar。本身諗住食文青cafe，但間餐廳晚黑去到，個vibe好似酒吧，原來cafe同bar既野都有，幾得意。野食以意粉為主，另外有啲cocktail、mocktail、花茶等等，真係好多元化。裝修方面都好靚，啲燈光昏暗再加上chill vibe song 都幾舒服。青醬鮮蝦意大利粉青醬好濃，但唔會太咸，蝦既份量都多，再加上車厘茄都幾refreshing。鮮茄雞胸意大利飯鮮茄飯酸酸甜甜，好醒胃，再配上菇、車厘茄都match，唯獨雞胸煮得太柴。青檸梳打用酒杯裝住好靚，非常打卡able。Orange Sweet熱花茶用玻璃茶壺裝住，過左一陣都好保温，茶味好香，好清新，幾解膩我欣賞依間餐廳好多元化，一次過可以食唔同種類既野，位置方便，環境舒服，食物飲品做得精緻，如果愛打卡既你地一定要來～…Read More

今日約左以前同學仔傾計，揾左間位置方便，環境舒服既cafe，仲可以坐一段時間傾計。Cafe係油麻地地鐵站一出行兩三分鐘就到，今日落好大雨，好彩沿路都有野遮。依間餐廳都好大，枱同枱之間既位都闊落。野食方面有肉類既Main，意粉，小食、甜品，仲有特飲。佢意粉同小食既份量比我想像中大好多，適合大班人食。軟殼蟹黑松露意大利粉隻蟹係椒鹽口味，配上忌廉黑松露意粉，仲有青紅椒、菇依啲蔬菜，唔會太肥膩。香蒜白酒蜆意大利粉依個意粉好足料，我數過有成十隻蜆，個調味做得Ok，佢加左Basil、酒同蒜去整，如果再加啲辣會仲好食酸忌廉煙肉薯條依個薯條好大份，比我想像中多，變左食唔晒，佢個Sour cream好好味，配上熱辣辣既脆薯條真係好正。薄荷朱古力同Oreo milkshake好大杯，味道剛好不太甜，再加埋忌廉真係大滿足朱古力心太軟，熱辣辣，一打開，濃濃既朱古力漿就流出，好正，再配上凍既雲呢拿雪糕，中和返個温度。整體，食物質素好好，份量比想像中大，食唔晒，如果叫少個小食/意粉就岩岩好。職員好有禮，而且都會好alert，留意客人需要，適時加水/收碟，依點好欣賞。環境方面好適合朋友聚餐，好坐又唔趕人走👍🏿👍🏿…Read More

朗屏比人感覺就係好多大牌檔同雞煲檔，朋友介紹左依間日本餐廳比我，話個vibe都ok，就試下。話明千杯串，緊係主打食串燒，見到仲有杯涼既啤酒同清酒飲。環境好舒服，有卡位同室內位。Menu見佢以肉食為主打。我地叫左兩個main，再加啲肉食豚肉飯，個飯好大佈滿晒豚肉，個汁整得幾好，配埋紫洋蔥好惹味。雞白湯拉麵，都係普普通通，港式拉麵水平😅但佢塊叉燒都幾大塊，合格。串燒方面，叫左串牛舌、牛柳同照燒雞，肉質都唔錯，調味足夠。牛肉他他反而係最好食果個，個他他牛味十足，再加埋羅勒汁，個味好夾，幾正跟住再叫左罐可樂，職員無晒凍可樂，就加左冰底比我，識隨機應變👍🏿總結，地方舒適好坐，肉食類唔錯，同朋友傾計慢慢食都幾好。職員態度幾好，佢仲提我平時3-6點埋單有折同飲啤酒買一送一，不過都好少機會果個鐘數黎食野了。…Read More

今日去左深水埗特賣城買野，真係好多平野買，臨走果陣就去返附近揾野食，發覺深水埗都開左好多新鋪頭，見到依間餐廳都幾乾淨，同時個裝修好懷舊，價錢平平地，就入去試下。一入到去，間鋪頭好多d講規則既台式poster好好笑。Menu款式都幾多，野飲都有唔同品種。古早半筋半肉麵，都幾大碗，個湯唔會太油，但味道都唔錯，麵好滑同彈牙。牛展同牛筋份量都多，口感同味道都ok，可以妏得再淋啲同入味啲。鹽酥大雞排肉燥便當，個飯都好大。個雞扒都係即炸，卜卜脆幾好食，唔會太柴，肉燥調味剛好，不會太咸。牛肉香蔥手抓捲餅，依個係蛋餅皮捲住椰菜絲同牛肉，配上啲辣汁，好惹味。輕芝士岩鹽奶蓋紅茶，輕芝士岩鹽奶蓋烏龍茶，茶味都好出，叫佢微糖都真係唔會太甜，芝士奶蓋份量都多，但唔會太咸/太漏。埋單都係$200，食到捧住肚皮，雖然唔係人氣店，但勝在性價比高，行過都可以再食。…Read More

依加出左黎做野，好難約到朋友一齊出黎玩，唯有都係得閑約下知己朋友去旺角食野，朋友都有推介過依間cafe試下，話好坐得黎野唔難食，仲有board game玩。七點幾去到都差唔多full house。入面位置都係梳化卡位，好舒適，唔會好逼，枱同枱之間都隔得遠，具私穩度。野食方面都係有意粉、飯、小食、特飲等等既大路野，佢特飲方面個塔羅特飲幾有創意，不過唔敢試。肉醬闊條麵個份量充足，汁都夠濃味，但唔係忌廉果種，啖啖都有肉碎，唔錯。卡邦尼雜菌意粉都幾掛汁，creamy程度岩岩好。蜜糖雞翼既蜜糖味重，外脆入面都juicy，熱辣辣食好滋味。芝士薯條份量多，不過比較淋身啲。榛子朱古力不會過甜，比較重榛子味，唔會飲完好漏Oreo奶昔飲落就相對甜啲，但都係正常甜度，啖啖Oreo食完之後仲可以慢慢坐，傾下計，過左一個好開心既晚上。總結，依間餐廳位置好好，方便就腳，而且野食質素OK，地方舒服，係同朋友群聚好地方。…Read More

觀塘出名有好多好野食，工廈入面咩都有得食，不過通常都係有人介紹/睇上網推介先知邊度有野好味。今日食依間餐廳，係觀塘返工既朋友推介。入到去店員就會帶位同拎餐牌比你，同介紹點餐方式，依間係寫紙仔出去打單的。餐廳入面好多好靚既台灣風景相同壁畫，好靚。食物都有大路既麵、飯，亦都有甜品同特飲，種類都好多。叫野食果陣都睇左十分鐘牛肉麵湯底調味岩岩好，唔會過咸，配上關廟幼麵都幾吸湯。牛展炆得幾淋，份量適中。炸豬扒魯肉飯，個豬扒炸得乾身，但唔會太柴。魯肉調味適中，有陣陣麻油香，再配埋辣菜甫，有唔同層次既風味。滷水豆腐味道岩岩好，唔會太過咸。野飲方面，都幾有特色，有啲豆漿飲品。豆腐紅茶珍珠，飲既時候好似飲珍奶，但滿滿既豆漿味。芋頭黑糖鮮奶既芋頭泥唔會太甜，配上黑糖就岩岩好甜。整體黎講，假日夜晚係度食飯都好好坐，食物質素唔錯，唔會太重口味，過咸或者過甜，又未至於太淡味，係難得唔重口味既台式餐廳。…Read More

Happy Friday諗住買件餅返屋企食，點知中大伏。係屋企附近個美食中心買野食，諗住買個餅食左，試下啦，$36平平地。佢都有唔同既款式既，例如apple crumble等等。返到屋企食完飯諗住食下啦，哇X佢，個蛋糕好淋又無味，蛋糕同埋個底又勁水，有變壞左既感覺，又唔夠凍，食到一半都係掟左佢。文青店真係得個樣，野食真係好多都係劣食。仲有想講衛生意識一般，收完錢立即幫我包蛋糕，依方面可以有改善會更好。不過都唔會再食，太難食。…Read More

有時搭巴士經過依個位，見到佢有啲廣告招牌，好似有啲嘢食咁，係好奇心驅使下就落咗去睇吓。原來以前茶餐廳嗰個位變咗做一個小型美食廣場，有西餐、泰式、台式、日式、港式，連文青cafe都有。放假嘅朝頭早落去行咗一轉，發覺人流都有，但唔多，諗黎諗去，樣樣都想食，於是食左Blue Lagoon依間西餐。依間餐廳有啲意粉、漢堡包同埋一啲西式小食，都係即叫即整，價錢可能係一啲工廠區都比較貴，但係睇佢ig d相都幾靚，所以都想試下。我哋叫咗個煙肉芝士牛肉漢堡+薯條+飲品($88)，蒜香海鮮天使麵($58)。等咗大約10分鐘終於有得食啦，除咗佢哋做堂食之外，都有接foodpanda嘅單，所以都等咗一陣先有得食。煙肉芝士牛肉漢堡+薯條+飲品($88)個包好大個，入面材料好豐富，煙肉好脆，牛肉厚得黎好重牛味，重點係好大個，好似食極都唔完咁好正！不過略嫌佢個包都偏甜，如果可以轉用另一隻包就會岩口味多d。薯條都好脆，熱辣辣好正！蒜香海鮮天使麵($58)非常多海鮮，依個價錢都好足料下，蒜油味重，天使麵既咸味適中，辣度岩岩好，好食，但我食量比較大，略嫌個天使麵細份，女人食應該覺得飽，男人就可能爭d+$5跟餐有不同罐裝汽水，價錢正常最後，好想下次再食佢其他漢堡包，同試下Pountine，依間餐廳雖然係鋪仔，但係都好有驚喜，喺附近返工都值得一試…Read More

係聖誕期間，想係尖沙咀睇燈飾，影下相，所以好早就預約左食Nara Thai Cuisine。依間之前睇Alfred條片，都話依間餐廳唔錯，所以都想試下。本身都有諗過約ladynara試下，佢主打泰式西餐，但見啲野唔太岩食咁，所以都想食返正常既泰菜。好彩卜左位，六點幾去到已經無得等walk-in，好快職員已經帶我地入去。Lady nara 既裝修就比較粉紅系，nara Thai就係走典雅低調風，兩邊都有海景睇。不過可惜無編到我地坐海景。食物方面份量正常，種類都多，上菜速度正常首先係黎左飲品，鮮椰子沙冰($55)+鮮芒果沙冰($55)，佢標榜都係用鮮果榨汁，飲品都唔會死甜，但味道濃厚👍🏿黃咖喱大蝦($168.0)大大碟，用上左虎蝦，係海蝦黎，蝦肉唔會無味。黃咖喱好潔身，偏重香料味而唔辣，配飯/naan食會好d。 印度薄餅($35.0)，有兩大塊，炸得乾得黎酥脆，比一般食開既naan 都還要厚👍🏿白飯($18.0)，正常份量，可以配咖喱吃。泰式蝦醬炒河粉($108.0)，份量偏少，但都幾好食，蝦醬惹味，河粉闊到好似陳村粉，旁邊有啲青木瓜絲，可以中和下蝦醬既咸香，refresh下。泰式炒雜菜($68)，正常份量，調味Ok，但偏油。芒果糯米飯伴椰奶($88.0)，食到飽，最後都食左個甜品。芒果好甜，糯米飯熱暖，配埋椰奶簡直無得彈。最後要讚下員工服務態度都好好，說話有禮，同埋佢地定時都會巡場，雖然今次坐最入，但係都唔會無服務。總結，Nara Thai 都無人講到話咁伏咁劣，可以間唔中黎食一次🤤都有興趣試下隔離間lady nara試下泰式西餐。…Read More