入到去大概半full house到，人氣都唔差。裝修以白色為主調，配以木傢俬，都幾柔和舒服。
入到去安排座位，座位都闊落好坐。之後就可以掃QR code落單。
沙茶牛肉鍋（走辣）+粉絲：入面大部份既野食都煮過，之後有個小火幫你heat住食咁，所以唔洗等好耐。湯底唔會太咸，恰到好處，配料有牛肉、蜆、貢丸、菜、豆腐，每樣少少咁都幾豐富，加埋粉絲索湯又低卡飽肚，成個小火鍋無晒罪惡感。加罐無糖可樂呃自己唔係食左好多卡路里
職員亦會主動問你加唔加湯。
麻醬手撕雞拌麵：好大碗，個麵係麻醬熱拌，麻得黎唔會太咸，啲麵都唔會一餅餅，再加上涼伴既手撕雞都幾好食。
蜜桃綠妍：大大杯，蜜桃味比茶味重。
總結，依間食店以小火鍋為主打，可惜我唔食臭豆腐，見到隔離枱食，陣味真係好勁😹應該好足料。不過沙茶牛肉鍋同拌麵都唔錯，算係-6揾到間唔差既台灣野。
