雯雯_迪迪仔's Profile

平時夜晚嚟蘭桂坊飲嘢，都未試過晏晝響度食lunch，今次嚟到加州大廈24樓，出𨋢已經感覺到光猛耀眼讓陽光映入眼簾，加埋呢度嘅音樂同埋望到周圍嘅景致都覺得自己好似離開咗香港咁，如果喺附近做嘢嘅人嚟到食lunch應該好放鬆先黎一份頭盤生蠔Oysters (2pcs) Served with Mignonette, Lemon, 冰爽嘅生蠔配合檸檬同埋木犀草醬，嗰陣海水鹹味同埋酸味嘅衝擊真係夠晒醒神，即刻開晒胃準備食主食見set Menu裏面竟然有一個Section特別講PARMIGIANO WHEEL 芝士火焰車輪意粉，梗係要叫你試吓啦，仲有唔同嘅意粉可以選擇，今次揀咗Strozzapreti 手卷意粉，用香檳奶油汁，響36個月巴馬臣熟成芝士輪烹煮，芝味濃郁另外set lunch main 揀左Porterhouse Lobster Roll 招牌龍蝦包，龍蝦包滿滿的牛油香味，配搭住配柚子蛋黃醬同三文魚籽，賣相靚仔之餘又好味，仲可以用麵包包加埋頭先車輪意粉嘅醬汁，又多一款食法呢度嘅lunch set Menu都幾多選擇，下次可以再同朋友過嚟試吓…Read More

發現左隻大芝麻街響路邊，梗係要即刻衝過去睇下，原來係間cafe, 仲有好多手工cookie 同其他野食，一於坐底試下。今次一次過試哂野飲野食同甜品主食揀左Garlic Chilli Chicken Spaghetti $108同 Chicken Avocado $98 估佢唔到以為Cafe嘅正餐應該都係麻麻哋，但係佢啲調味同埋份量都比足料，好味之餘又夠飽，尤其是個牛油果雞包，脆皮嘅外層配搭獨特嘅醬汁，特別滋味重點其實係想試佢地既甜品，揀左Special Cookie - Brownie Filled V2.0 $48.0 & Egg tart $30 & French Toast - Salted Caramel Apple $70 建議必須試下佢地既曲奇，除左有好多口味可以揀之外，仲要有自家製作嘅味道，仲可以預訂曲奇蛋糕添，特別得來又好味，如果同朋友嚟，食件餅飲杯嘢，都可以舒舒服服嘆個下午茶了，另外西多都好正，鹽味焦糖配上港式西多，中西合璧嘅感覺邪惡得來又滋味最後嘆番杯飲品就完美作結啦Peach Iced Tea $50 Chocolate $55…Read More

西環有間小巧日式餐廳，門外有大大個餐牌同宣傳板，夜晚燈光柔和，入面走家庭風，開放式廚房令人感覺親切，好有家庭餐廳feel！環境溫馨舒服，裝修簡約，令人一入去就好放鬆，牆上擺滿日本清酒，餐牌選擇多元化，由燒物、炸物到壽司卷都有，價錢親民，啱晒同朋友或家人聚餐。今次試咗蒲燒鰻魚飯（$148）燒鰻魚飯鰻魚厚身油潤，醬汁香甜之餘鹹甜balance適中，上面加咗大量蔥絲同紅椒絲，色香味俱全！😋熱辣辣既白飯飯粒分明，每啖都好滋味，好滿足！牛肉壽喜燒配稻庭烏冬（$218）都好出色牛肉嫩滑，湯底香甜，烏冬煙韌，湯底鹹香帶甜，烏冬吸晒壽喜燒精華，配埋豆腐、蔬菜、菇類，蛋黃，賣相吸引，湯底色澤濃郁滋味！食完成個人都暖晒，食到最後都唔覺膩。另外見到Happy Hour優惠，黃昏時段有串燒配啤酒或清酒combo，仲有日本白桃烏龍茶，午市$18，晚市$28，感覺好適合放工chill一chill！🍢價錢合理，份量足，服務親切，無論同家人定朋友嚟都好舒服，真係有返日本家庭餐廳食飯嘅感覺。😋…Read More

今日去中央圖書館路過見到呢間買嘢食嘅舖頭，本身諗住去篤串燒賣，發現原來佢有主食，咁就直頭買個外賣返屋企做晚餐，有甜品嘢飲去到主食，兩個人夾埋先至$150真係抵到爛首先係$100有四份既小食或者甜品或者嘢飲，揀左芒果糯米糍 Mangga mochi粉皮有少少大嚿，不過都夠晒軟糯，如果鍾意食皮嘅朋友仔都應該會幾鍾意食呢個班蘭千層糕 lapis pandan見到佢個樣已經想食，層層分明嘅千層糕，期待食落去係軟綿綿嘅口感，果然冇令我失望，陣陣嘅椰汁味，感覺好似泰國食一樣揀咗兩個糖水當嘢飲，鮮奶燉桃膠 susu do kau芒果椰汁西米露 Manggo Sago, 兩個都係小糖嘅飲品，可以飲到月味道，鮮奶燉桃膠，鮮奶味濃郁，喜歡奶味重嘅朋友可以選擇呢個，芒果椰汁西米露，椰汁味比較重，芒果係一粒粒嘅，如果鍾意芒果味重嘅應該可以揀芒果西米露主菜揀咗巴東牛肉飯 Beef rendang with rice濃郁嘅醬汁配上巴東牛肉，真係好送飯，送飯嘅包裝係真空袋，如果下次買返屋企唔係即刻食可以就咁買啲餸返去都得，整熱返就可以食總括來說，如果平時懶懶地唔想煮飯，都可以響度買兩個餸返去食…Read More

今次去赤柱發現咗間好餐廳一定要同大家介紹，嚟到唔單止可以食嘢，仲可以有live Music，同台唱歌，仲有個鼓set可以俾你玩，仲有大大張桌球可以隨便使用，附近嘅街坊應該當呢度係Gether好去處，如果想放鬆一下嚟感受別有一番風味又有人情味嘅餐廳，大家記得要嚟試吓嘢食方面呢度嘅老闆係印度人，所以餐牌裏面都有印度菜可以選擇，當然亦都有唔同嘅小食，前菜， pizza，漢堡，鋸扒，海鮮等等一應俱全，呢度有Indoor,outdoor位，我就揀咗可以望到出邊嘅景色嘅位，雖然今晚有啲落雨，但係都冇咗我嘅興致開心玩咗一晚講番野食，因為太多野食都想食所以唔小心揀左3個主菜，玩成晚食到咁飽都係普通晚餐價錢，抵食揀左2個印度風味主食Chicken Tikka Pizza $168 同 Lamb Biryani $168, pizza 係用西式pizza底，但配料同調味都係印度嘅雞肉味，另外永遠都唔會有錯嘅Biryani, 煮得軟腍嘅羊肉，係最好嘅配搭另外仲食咗個burger，Beef Burger Daily Vegetable, French Fries. Medium $238 配合返呢度嘅西洋風，梗係要食吓漢堡薯條，估唔到都性價比好高，份量好多，真係下次要叫多啲人嚟試多啲唔同款式嘅嘢食最後甜品嚟返個Cheese Cake $78 同飲番杯 Hot Chocolate $48 開心呢度又俾surprise我，可以響碟上面寫字，仲要出嚟嘅時候係我背後唱着歌同埋放泡泡呢度真係好有歡樂感，無論係同屋企人或者朋友出嚟都一樣會玩得好開心…Read More

最鍾意一大班人一齊食嘢之前響尖沙咀食過呢間泰國菜質素不錯，又坐得舒服，所以帶大家黎最後叫到啲枱都擺唔晒要加枱，真係好開心😂基本上呢度個餐牌好大，你想去泰國食嘅所有嘢都可以喺度食到講吓幾樣特色嘢着火嘅燒雞[火焰燒雞]，今次第一次食，之前成日喺網上見到串起着火咁過癮，今次終於食到，燒雞燒過之後都好嫩滑，配上辣汁， 不錯火山排骨也是必點的菜式第一打卡夠好睇，第二食極都好似食唔晒，最緊要係秘製醬汁，秘製嘅醬汁令到普通嘅豬骨即刻昇華10倍，辣得好過癮，記得飲番杯椰青冬陰功同咖喱都係必點嘅菜式，呢度紅青黃咖喱都有，記得食埋薄餅同埋蒜蓉包，個人私心推薦蒜蓉包好味最後必須要提提，如果想黎慶祝生日嘅朋友仔，呢度嘅服務非常之好，我輕輕大國同朋友利慶祝生日，竟然可以喺芒果糯米飯幫我加上儀式感，主角最開心🤩❤️下次去食飯，記得話俾我知，等我幫你book枱可能有surprise😊👍btw 餐廳仲有VIP Room，如果一大班人嚟食嘢，包返自己嘅專屬corner,就玩得最開心…Read More

灣仔食晏時間周圍都好多人，我就鍾意自己一個人周圍去搵食，今次嚟到汕頭街，呢度雖然好多舖頭晏晝都要排隊，不過呢間睇落幾健康嘅餐廳就想入去試吓呢度係食夏威夷蓋飯嘅餐廳，當然可以自選唔同topping, 不過食晏咁趕時間又唔想諗咁多嘢，仲要有午餐set揀咁梗係唔好自己諗啦，揀左個OHANA set meal $118.00呢個bowl 好豐富，有三文魚,沙律菜,櫻桃番茄,溫室青瓜,甜粟米,蜜糖芥末醬,芝麻,果仁，餐飲揀左100% 椰青水。雖然係set Meal，但係都可以另加自己鍾意嘅topping, 呢度嘅上菜速度都幾快，啱晒我哋食完仲可以Hea陣先返工，main可以揀壽司飯，珍珠糙米，沙律，或者no carbs, 汁都可以揀另上，啱晒又想食好嘢，又想健康嘅朋友仔，食材新鮮，我欣賞佢個醬，好味得來又唔會太鹹，令到糙米飯都好好食入到去見到12:50之前上嚟做可以有全單95折，下次可以早啲嚟食，呢間做飯堂不錯…Read More

之前響出邊路過見到呢度間酒吧已經覺得呢間餐廳好靚，今次入嚟入邊食嘢發現入邊嘅佈置都勁多打卡位，仲要有private 房，可以以一家人包房食飯都可以呢度嘅Menu都幾多選擇，尤其因為佢係酒吧，所以嘢飲選擇都特別多，同埋有唔同嘅小食，真係花多眼亂，如果有選擇困難症嘅，可以揀佢有特別標誌嘅招牌菜式，今次同朋友黎dinner,都揀多咗幾款小食試吓泰式小食薈萃（2人份量）$188小食Platter可以揀2/4人份量，每樣都可以揀4款小食，我地就揀左香茅雞翼，泰式蝦多士，紅磚豆腐同埋香辣脆蝦片，蝦片記得意有啲泰式香料味，豆腐外脆內嫩，不過食嘅時候記得小心辣口炭燒沙嗲手工雞串 $98見到佢限量供應咁巴閉，梗係要試吓啦，又真係幾嫩滑，燒得幾好食，基本上去泰國餐廳都必點嘅菜式泰式椰子鮮雞湯 $268食泰國嘢當然唔少得飲返個湯先啦，超級甜嘅湯，見到原隻鮮雞件，又有超多椰子肉，好足料嘅湯酒香火焰骨 $228本身想試火山骨，不過原來需提前2天預訂，下次想食嘅朋友仔記得要預訂啦，不過都有另一個版本，都幾大份，心諗如果真係揀咗釜山骨應該夠一圍枱人食，着晒火打卡一流，軟腍腍嘅豬肉骨，偏辣，唔食得辣嘅朋友仔要注意一下泰胡椒和牛炒糯米河$228呢個好似一個升級泰版嘅乾炒牛河，煙煙韌韌嘅河粉配搭和牛， 十分惹味黑糖椰子雪糕換返個椰殼就好似響泰國船上面食嘅椰子雪糕一樣，食完呢餐都有啲想去泰國添下次可以試吓唔係dinner 黎呢到飲野應該都幾好feel…Read More

難得同姊妹出嚟，梗係要揀個坐得舒服，飲得開心，食得開心啲好地方傾嚇偈啦，呢到個vibe好舒服，仲好多必食推介同人氣產品，生啤仲要買一送一芝士黑醋無花果 $58/份呢道菜無論係味道同Textures方面都應該經過精密嘅計算，無花果嘅甜味讓黑醋嘅酸味得以中和，軟滑嘅芝士配搭脆脆嘅杏仁碎，前菜佐酒都岩，燒日本活北寄貝勁厚肉多汁，聽店員講海鮮都係每日新鮮送到，值得一試燒蠔飽滿，燒完都仲咁大隻，上面嘅蒜香撲鼻，加上少少微辣，下面飽滿多汁，睇得出食材好新鮮一口和牛牛扒松露飯，簡直係昇華版嘅月見雞肉棒，松露本身已經好香，配埋蛋汁嘅飯淡淡都好Juicy好好味，再加上牛味濃厚既和牛扒，令成個飯好好食燒芝麻湯圓呢件事簡直顛覆我嘅想像，一心諗著好似食甜品麻糬咁樣軟掉掉，點知係燒到外脆既湯丸，幾得意牛肋肉好濃郁嘅牛香味，入口爆油，有咬口豬肋肉好少食，今次一直覺得同牛肋肉有得揮，下次都要點和牛入口即溶，質地軟滑，配合埋燒香咗嘅洋蔥，令牛味更加濃烈好味燒牛舌本身已經好味，燒牛舌心本身以為已經係升級版，估唔到燒牛舌拖羅先係極品，自己黎試下…Read More

之前響網上見過菠蘿包雞蛋仔，專門慕名而去搵過，但係嗰日佢哋休息，今次終於有機會嚟試到，本來淨係見到雞蛋仔想食以為係好似啲小食檔咁買走take away，冇諗過原來而家食雞蛋仔都咁有儀式感，除咗有多款雞蛋仔選擇，仲可以嘆埋花茶，坐低慢慢食，潮爆嘅裝修更突顯潮人雞蛋仔餐廳慕名而來當然要食鎮店之寶 Q版菠蘿包雞蛋仔，佢地採用自家硏發既雙重酥脆工法製作，質素保持現烤級，比傳統雞蛋仔脆爆三倍，最最最緊要嘅係平時我鍾意食菠蘿包淨係鍾意食佢陳皮，今次可以同步滿足「雞蛋仔+菠蘿包」雙重口癮，望住個製作過程，見到佢嘅外型真係cute 到唔捨得食另外除咗甜味嘅雞蛋仔，仲破格有鹹味嘅雞蛋仔，今次我就試咗好有茶餐廳特色嘅鹹牛肉+蛋既雞蛋仔，經典的鹹牛肉搭配微焦蛋香，濃郁的鹹香與麵糊的微甜形成巧妙平衡最最最不得了，係升級套餐加埋杯花茶，簡直嘆到去咗一間好有港式茶餐廳味道嘅Cafe, 黑糖薑棗暖宮茶同桂花桂圓安神茶都好足料，見到成個茶煲都係紅棗，就知道花茶幾咁濃郁滋味必須再次encore，食過最潮又有儀式感嘅雞蛋仔…Read More

之前嚟過呢間酒店嘅酒吧餐廳，今次第一次嚟佢嘅中菜廳，聽講係得獎名廚主理，一入到嚟感覺也不錯，傳統配搭簡約嘅裝修，感覺柔和舒服，設有獨立VIP房，方便黎聚會，除咗廣東粵菜之外仲加入咗四川同埋重慶嘅麻辣菜式，選擇唔會太單調野食方面川味口水雞$188Marinated Chicken Tossed with Peanuts and Chili Sauce口水雞少少帶甜味，醬汁唔係幾辣，係一隻辣椒仔嘅菜式，醬汁可以分開上，餸飯一流椒鹽九肚魚 $98 Deep-fried Bombay Duck Fish with Spicy Salt九肚魚炸得好出色，炸皮好薄，入邊熱辣辣，嫩滑九肚魚，肉質唔會散爛，啱晒做小食麻辣水煮滑牛肉（小）Simmered Sliced Beef with Sichuan Sun-dried ChiliSmall: $338呢個係大辣之選，湯底有齊平時水煮嘅薯粉，芽菜等，可能係有湯汁浸住嘅關係，感覺上比起三隻辣椒嘅霸王辣子雞仲辣，唔係好食得辣嘅朋友真係要小心霸皇辣子雞（小） $308Deep-fried Chickens with Spicy Dried Chili in Sichuan Style 有三個辣椒，要嚟試吓睇吓有幾霸氣，上枱加下鋪滿辣椒其實已經好霸氣，炸得脆脆嘅辣子雞好似尋寶咁響辣椒堆中文出嚟，仲有啲腰果可以緩衝一下啲辣味醬油安格斯牛肉石窩炒飯 $238Fried Rice with Angus Beef with Soy Sauce in Casserole一上枱已經feel到嗰陣熱氣咋咋聲，聞落仲好香，果然不出我所料，醬油帶出牛肉嘅香味，飯炒得粒粒分明，啱啱食完啲辣嘢配返呢個飯，中和返啲辣味，所以大大兜嘅炒飯都一掃而清…Read More

之前都試過食手切潮汕牛肉，放題都係第一次，潮汕牛肉出名注重牛肉味道的本身，並且新鮮注重刀工，見到枱面標明10秒涮，三上三下的最鮮嫩涮牛肉技巧，都有點期待呢度有三款放題，我揀咗龍蝦海鮮拼盤配潮汕牛肉放題先黎鮮活龍蝦海鮮拼盤一份【七款】：鮮活龍蝦（半隻）、蟶子皇或扇貝（1隻）、鮑魚（1隻）桶蠔（1隻）、海蝦（2隻）、龍躉肉（1件）、沙白（2隻）/每位海鮮好新鮮，先放入牛骨湯度淆完之後，就可以飲碗鮮甜好味嘅牛骨海鮮湯一嚟到先有一份牛肉圈，打卡夠晒靚呀，有手切五花趾。手切吊龍。手切匙柄。手切雪花。手切 牛胸油，之後亦都可以任點，潮汕牛肉會比一般牛肉有咬勁，牛尾亦都好濃郁，五花趾同吊龍都係我鍾意既濃味牛除咗無限食牛已經夠哂飽之外，出面仲有自己可以夾嘅新鮮蔬菜同埋其他火鍋食材，仲有佈置到好似街市入面嘅牛肉檔咁樣切牛肉，特別有風味另外佢嘅熟食同野飲亦都一啲唔馬虎，值得推介嘅係一啲自家製作菊花茶，奶茶，洛神花茶，桂圓杞子茶等，仲有必點的手工咸蛋黃魚皮同生炸南乳雞翼，熱辣辣新鮮製作，即使係放題都絕不馬虎…Read More

之前食過呢間對佢既三文魚籽丼念念不忘，今次要再encore, 最正嘅係佢呢度每一次都會有唔同嘅食材有優惠，所以梗係要叫最新鮮同埋抵食㗎啦本身見到呢個好吸引✔【產地直送活海產🈹半價】活伊勢龍蝦刺身 6折割引$668➛$398北海道 活白象拔蚌刺身 半價割引$680➛$338不過因為佢要保證新鮮，所以每次都只有少量貨，去到食嘅時候已經賣晒啦好彩仲有我最鍾意嘅生蠔優惠，時命日本真蠔［半打50%0FF］$145 建議必點之選，小濃郁既蠔味夠哂fresh,岩哂打開味蕾再嚟一個前菜山葵柚子漬水母刺身 $98 爽口嘅水母刺身配上酸酸辣辣嘅醬汁也是開胃之選基本上嚟到都好似淨係想要佢推介嘅嘢食，每日豐州空運到店既toro 又點可以錯過，本鮪壽司 5點盛原價$238減到$178,忍唔著又叫左黎試下不對不提我黎呢到既必點之選啦，今次叫多左唔同野食所以就唔揀套餐，單點左月見 極丼 $208, 每次都會配上日本蛋拌飯食，加上粒粒飽滿嘅三文魚籽，真係一再回味另外仲嗌咗啲小食，鹽燒仙台熟成牛舌芯 $128 同鹽燒油甘魚頭 $68 油脂感滿滿的幸福感，平衡番岩岩咁咁多既凍食另外生日月當然要食蛋糕，揀左新出既開心果巴斯克蛋糕$55, 呢到食野點甜品可以免費加配畫碟服務，估佢唔到原來免費畫既都可以畫到咁精緻，儀式感滿滿🥰❤️大家如果想享用呢個免費畫碟服務，有指定圖案/內容可以預早兩日WhatsApp至90868860，確認並需支付訂座訂金$200 就有嫁enjoyable dinner tonight🥰…Read More

之前試過呢間串燒店其他分店，每間都有d 唔同特色食物選擇，不過好彩每間都有我最鐘意嘅港式燒蜜糖多士夾雪糕，必食推介，今次黎到呢間又有新野港式蜜糖燒菠蘿菠蘿夠甜，可以多點蜜糖再脆面啲更正港式蜜糖牛油栗米夠焦香，同夠牛油味不錯鹽燒雞腿肉雞腿嫩滑，每次嚟到都會點呢個黑松露金菇卷經典嘅配搭，黑松露味唔會過分濃烈搶味蟹粉日式豆腐今次響銅鑼灣店試嘅新嘢，岩炸好既豆腐熱騰騰，配上超級滿滿的蟹粉，滋味滿分，一啖豆腐一啖蟹粉的滋味，必點菜式鹽燒和牛牛小排厚切和口夠juicy, 牛味濃，正流心蛋蟹薯仔沙律每次嚟都會點呢個沙律，流心蛋撈埋一齊好好味蟹粉豆苗另一個新嘗試蟹粉選擇，都系蟹粉多到可以撈住啲菜一齊食，如果有飯一定可以餸幾碗咖哩牛舌手抓餅發現今晚叫既野食都好餸飯，雖然呢個有手抓餅，不過如果可以開飯應該會更滋味明太子忌廉烏冬又系另一樣新野，蛋黃配合明太子，又出奇地夾忌廉烏冬，creamy 得黎又有點咸香，不錯港式燒蜜糖多士夾雪糕仍然系我最愛嘅一道菜，必點甜品之一，冷熱交融，脆皮多士配搭慢慢溶緊嘅雪糕，一餐裡面完美嘅作結…Read More

平時都有黎過呢幢大廈飲野，不過未黎過頂樓，原來呢到咁chill 仲有outdoor 天台bar, 黎同朋友飲野食野一流，呢度好多打卡位，除咗有大型貓貓標誌，今晚見到靚靚月亮，另外一面又見到夜景，very nice嘢食方面，一眼就見到呢個好特別嘅嘢飲，貓員外Justout氮氣 - 氮氣黑啤，另外呢度個景好配合飲紅酒，所以叫做杯紅酒，打卡一流另外當然唔少得嘅Pizza啦，瑪格麗特薄餅超誘人，金黃香脆晚餅皮，配上豐富既芝士同新鮮羅勒葉，搭配背後閃爍既城市燈光，感覺既溫馨享受！卡邦尼意粉口感超豐富，醬汁濃厚滑順，每條麵條都完美被cream & cheese包裹，入口香醇且帶微微煙肉鹹香，配合啤酒最緊要係必點蕃薯薯條，炸得香脆可口，如果唔係食左咁多野我都仲想encore, 下次黎飲野必點之選…Read More