yanzoie0901's Profile

服務好好👍🏻侍應對小朋友很貼心，主動同我仔仔傾計，仲俾圖畫紙和筆我仔仔填顏色。肉醬長通粉好味，有咬口，味道都唔錯。牛肉三文治肉質及肉味都不俗。Tiramisu 好味creamy，餅的咖啡味夠濃夠濕，而且仲有雲喱拿籽。Flat white,我老公話唔夠Cafe好飲，不過呢間餐廳本身又唔係專注做咖啡，所以都算係咁。埋單後仲會俾將9折coupon 可以買餐廳內既零售食材。我老公最鍾意買茄汁和意粉醬，佢鍾意味道夠酸。因為係星期六日，所以只可以單點。如果星期六日都有午餐食就抵食好多。…Read More

第一次行過已經俾個名吸引左，之後行過幾次都好見多人，見今日放工唔多人排所以就買咗幾杯返屋企試吓。夏芒芝士我最鍾意係夏芒芝士，芒果好清甜而芝士好濃厚，雖然天氣凍凍地，但呢個真係最好飲。買完之後我先見到佢仲有杯飲品叫楊枝甘露，下次我會試下，睇吓邊杯好飲啲。波霸奶茶我老公就點咗杯波霸奶茶，佢話最簡單最普通嘅嘢先至飲得出間茶飲店做得好唔好。佢讚珍珠幾煮得幾好，夠煙韌又唔會太淋，個茶底都唔錯，不過佢就怕飲左茶會瞓唔着😂😂香草籽布蕾原茶我仔仔係俾啲香草籽吸引。我同佢講香草籽好香㗎，用香草籽而唔係雲里拿香油先係真材實料，所以佢就點咗一杯啦。結果亦不負我哋所望，香草籽奶蓋香滑可口，同布蕾原茶既味道非常夾。…Read More

路德圍不嬲都係小食集中地，不過今次我去呢間「何止」唔係買小食即時醫肚咁簡單，而係買啲小食嚟加餸。喺隔離買完茶飲之後見何止既嘢食都幾吸引，所以就買咗一隻炸乳鴿、一個章魚大阪燒，同埋五隻餃子加餸。大阪燒其實我自己都識整，不過我覺得佢個味道都唔錯，粉漿、椰菜既比例平均，尤其係章魚大大粒，好多肉👍🏻小食店有炸乳鴿真係好少見，所以我又買返隻試吓，味道都OK，炸得唔會好乾。炸餃子係韭菜豬肉味，我個三歲仔食咗半隻之後不斷話要再食，佢鍾意炸餃子夠香口。…Read More

雖然呢個商場都開咗一段時間，不過我就無喺度食過飯。今日經過見食物同環境都幾吸引，但始終唔想除口罩喺出邊食嘢，於是買外賣返屋企。前菜：西柚巴馬煙三文魚沙律我先生好少食沙律，因為只要少少唔乾淨，佢就會唔舒服。但佢見到個賣相之後就同我搶住食。而我本身都不太喜歡西柚，因為怕佢又酸又澀，但點知同沙律菜、三文魚、巴馬火腿又出奇地夾。呢個沙律值得一試👍🏻👍🏻👍🏻意粉：香草橄欖油蜆肉扁意粉意粉有少少香辣，蒜味香濃，味道不錯。蜆肉無沙，意粉則軟硬適中，而且唔太油，連我個3歲仔仔都食完一碗又一碗。小食：柚子胡椒蜜糖雞翼👍🏻👍🏻👍🏻我老公最鍾意食呢樣，佢話雞翼非常入味，好味過出邊任何一間餐廳。雖然佢講得有啲誇張，不過我都覺得幾好味，入味得黎又甜甜地。一客得4隻，一人一隻真係唔係好夠，下次要買夠8隻。最後，雖然我叫外賣，但我見室內環境都唔錯非常闊落，同埋餐廳有戶外位，感覺幾Chill。…Read More

平時無咩機會行呢個位，咁岩經過門口見幾特別，所以就入去睇下。一般BBQ 會係燒烤場附近或者街市買食材，無諗過會有一間店專賣燒烤野，呢個意念都幾新，同埋佢賣既唔係街市既一般醃肉，由高質食材到一般丸類和醃肉都有，最正係連牛油粟米和翠肉瓜都一盒盒調哂味，包好哂，非常方便。而家六點後不准堂食，呢間食材店就有好多高質食材可以選材，例如日本黑毛和牛、西班牙豬鞍、甜品焦糖燉蛋和比利時朱古力都有，最岩就係自家煮餸。如果去郊野公園燒烤，呢度有炭賣；唔去得燒烤場，都可以係到買返個爐係屋企BBQ,真係十分周到。而我最喜歡佢有不同的調味和香料，高質的食材，加上少少鹽及香料，就已經令成個味道昇華。每包預先醃的食材都包得好乾淨企理。我買左包秘製印度咖喱雞中翼、雞俾肉沙嗲串、豬肉漢堡扒。雞翼和沙嗲打算加餸用，而漢堡扒緊係整自家漢堡la,真係諗起都留哂口水😋印度咖哩雞翼比較辣，我先生唔食得辣，就覺得辣左少少。對於喜歡食辣既我就覺得好香辣惹味，而且氣炸180度14分鐘就得，超方便。雞脾肉沙嗲串一d肥肉都無，同埋唔辣，岩哂有玻璃肚既老公。本身諗住無得另加沙嗲醬掃面，會唔夠味，點知又幾入味。豬肉漢堡好厚好大塊，整漢堡包食非常juicy 多汁😋😋 …Read More

今日先發覺V city附近有間咁方便嘅外賣店。而家間間餐廳都話要安心出行，路過見呢間餐廳幾多人排隊，最特別係一間裝修粉紅色少女風的菜餐廳，仲要標榜無味精，所以就一試究竟。餐廳食物嘅種類唔算多，不過有時好嘢係貴精不貴多。我分別點左香煎蓮藕餅豬扒飯、咖哩雞飯和柱侯牛筋腩飯。三個飯都係大約$50一個，買既時候無留意，拎既時候先發覺仲包埋一碗湯。最令我驚喜係香煎蓮藕餅豬扒飯，豬扒應該係香茅豬扒，我剪細咗比BB食，佢仲食到舔舔脷呢。蓮藕餅係用切碎蓮藕和半肥瘦免治豬肉製成，味道剛剛好。咖喱雞飯有得揀辣度，因為我怕辣所以就揀咗唔辣，餐廳實係非常體貼。雖然唔辣不過都有好香嘅咖喱味，我用咖喱汁撈飯食，食晒成兜飯。至於雞係俾咗成隻雞脾我﹐仲要啖啖肉。柱侯牛腩都OK，非常爽口，唔會過淋，蘿蔔清甜，整道菜清清地，唔油膩，幾好味。最令我喜出望外嘅係送嘅湯。我初初以為係味精湯，飲落有淡淡的椰子味，最初以為係椰子，之後俾我發現係土茯苓瘦肉湯。送嘅湯竟然係老火湯仲要係用呢啲材料，$50一個飯真係物超所值，怪不得咁多人排隊。…Read More

係疫情下，老公唔俾出街食。所以我每次出街食都會揀間正既，唔好浪費左我既quote 。而呢間漢堡店既漢堡就係我榜上一定要食既餐廳。不過對我來講，非點不可係士多啤梨奶昔。記得上次黎，我大緊肚無得飲，今次仲唔俾我飲返夠本。士多啤梨奶昔係用雲糕打出黎，所以好creamy 軟滑。黑松露薯條係即點即炸，熱辣辣兼香脆可口。最正係佢既黑松露醬一D都唔吝嗇，非常香濃美味。而黎呢到緊係食漢堡包，我點左最普通既牛肉漢single burger。我覺得咩配菜都唔加既牛肉漢堡先食到漢堡包既原味和質素。牛肉漢堡juicy 多汁，唔會煎得太乾，而且加上香脆新鮮既生菜、洋蔥和蕃茄，每一啖都好fresh。所以呢間餐廳既漢堡係我必食之選。…Read More

係石排附近返工，最近發現開左間新既台式餐廳，同平時既工廠區頹餐廳唔同，所以就黎一探究竟。估唔到Lunch 時間超多人，全場爆哂，仲不斷有人等位。餐牌既食物全部都係台式食品，今日點左青咖哩鹽酥雞飯、芒果乳酸梳打、台灣腸。佢每樣野既份量都好大，絕對係男人既份量，好彩我大食，所以全部都食得哂。青咖喱鹽酥雞：青咖哩只係少少辣，岩哂唔食得辣又想食咖哩既我。鹽酥雞份量超多，炸得香脆可口，但肉質仍然軟嫩又唔乾！最抵讚係如果唔夠汁，可以加汁。服務真係好好。芒果乳酸梳打：夏日炎炎，最岩飲返杯凍飲。跟餐其實都有冰茶，不過我想試新野，所以加$12就可以飲杯手搖特飲。芒果乳酸，酸酸甜甜，非常清新，加埋梳打，係而家既社會氣氛下，飲完成個人gur 哂😂台灣腸：即點即煮，熱辣辣，係台灣既味道。店員們都好後生，見有個小妹妹無飲冰茶就問個媽媽點解，原來小妹妹覺得唔夠甜，就主動俾糖漿佢地。呢種服務，呢份熱誠係非常難得。…Read More

細個只會食旺角或者葵廣既可麗餅，不過今次係中環食法式可麗餅，味道、質素和層次係完全唔同。甜既食得多，想不到Crepe 都有好多咸味既選擇。我被黑松露和帶子吸引，所以點了St. Jacques 。初初以為得面有兩片帶子，點知入面係勁多帶子，粒粒都彈牙新鮮，點呢個Crepe 絕對值回票價。而咸味既crepe 有新鮮感之餘，都非常美味。雖然店員極力推介我食芒果Crepe,因為係當造食材。但我最後都係點左蘋果金寶crepe。食完之後，我就明白點解個個都食呢款crepe。我本身唔喜歡肉桂，但都覺得好好味。肉桂蘋果煮得唔會太淋，配埋香草雪糕（有雲喱拿籽，絕對係高質雪糕）、焦糖醬、薄薄既crepe 同埋拖肥脆脆，簡直係perfect match。下次再黎我都會再食呢個。Mango French Soda:朋友點左芒果梳打，佢話清清甜甜又解渴，最正就係個白桃雪葩，桃味濃之餘又唔會好香料味，而係真正水果既鮮甜味。Ruby hot chocolate:我初初以為係士多啤梨朱古力。但黎到見杯朱古力係粉紅色，我估係士多啤梨白朱古力，加埋cream 好幼滑，而且賣相好吸引，非常粉紅夢幻，打卡一流。…Read More

前菜（左邊開始食）宮崎縣蕃茄白梅貝（用木魚乾同昆布汁煮過，師傳提醒內臟都食得，食落好滑呀！芝麻炒蓮藕，非常爽脆清甜素魚半透明嘅素魚仲郁緊㗎！放入口喺口腔遊走，感受到辣辣地咬落脆口甘甘地。平時多數放清酒食，不過唔飲清酒都可以配醋食。右口魚肉簿切包蔥和炙燒右口魚魚邊右口魚魚肉爽脆，入面嘅右口魚魚邊就好肥美！日本長崎縣小長井真蠔肉身大而飽滿，口感爽脆清甜而不失細膩和層次感。配埋柚子碎同啫喱非常清新！炙燒太刀魚配柚子胡椒和食用花（即係香港人嘅牙帶魚）肉質肥美，火炙後魚皮富油香，配上柚子胡椒辣辣地幾惹味。春魚魚皮經過炙燒，魚身偏腍。Bb銀雪魚肉質非常肥美，配酸酸嘅味增醬汁同食用花減輕肥膩感。燒大拖羅燒完即刻搵紫菜包住，超級肥美!好容易食到滴油😂鯖魚刺身無經醋醃製過但輕微炙燒，加煮過嘅昆布同芝麻碎紫蘇葉同食，食落都幾肥美，有啲回甘。漬物有牛篣、柚子白蘿蔔好甜、日本bb蒜酸酸地幾開胃！鳥貝壽司中間加柚子皮，果香清新適合襯托貝殼類海鮮，鳥貝爽脆清甜！深海池魚壽司肉質鮮嫩肥美，脂厚油香，入口魚油甘香細膩。大拖羅壽司已經經過去筋處理，所以入口即融，好滑！而且魚油脂甘香，正！海膽壽司嚟自北海道厚岸海膽，味道濃郁而且香甜creamy！吞拿魚面頰肉壽司配柚子胡椒肉質爽口有彈性，火炙後令肉味濃郁嘅面頰肉更香口，食落有牛肉嘅感覺！沙甸魚壽司魚皮輕微炙燒，魚油滿溢清香不覺油膩。汁煮鮑魚配日本芋頭鮑魚爽口鮮甜！燒螢光魷魚仔口感彈牙爽口，入口爆膏，澎湃飽滿！煎雞泡魚白子好少食煎嘅白子，非常香口，食落Creamy!!蜆肉味增湯京都宇治抹茶黑豆奶凍有來自日本嘅黑豆同宇治嘅抹茶，底下係帶有微微椰香嘅北海道牛乳奶凍。好滑又好食！非常滿足！…Read More

團年飯除咗食盆菜之外，斬料都係一個好選擇。今日同娘家團年，本來已經訂咗盆菜不過人太多，驚唔夠食，所以又買咗幾盒燒味。呢間燒味店係紅橋，原來仲要新開張。十分難得既係燒鵝係鋪頭燒（我偷睇到個爐），而家好多都係工場大量製作，現場燒真係買少見少。燒鵝係上庄，鵝肉好入味，皮都香脆又唔乾，下次試埋個下庄先。我平時好少食燒腩仔，因為都貴，不過見新開又唔貴就買黎同家人分享下。初初睇以為好肥（我少食見識少），原來白色既唔係肥肉，而係嫩口既豬肉，加埋脆卜卜既脆皮，又唔會好似一般燒肉咁又實又咸，真係幾好食，怪不得燒腩仔比一般燒肉貴啦！不過都貴得有道理。自己都成日整叉燒，不過就好乾。呢間嘅叉燒就好多汁，而且半肥瘦啱啱好。$50半斤都幾抵食，就咁食又得，叉燒炒蛋又得。最抵食喺客家鹹雞。幫你煮埋斬埋都係$59隻，真係平過自己買隻雞嚟整呀！雞都煮得火候剛剛好，肉嫩骨有少少紅又唔會太熟。放工買隻客家鹹雞，煮條菜就可以開飯，真係抵食好食又方便。…Read More

食炸野最怕放耐左會淋同埋唔脆。呢間店最值得欣賞既地方係員工好貼心，俾炸雞你時會問係咪即食，如果即食就唔冚蓋，食既時候先又熱又脆。服務重要，但食物先係最重要。平時係屋企都會整炸雞，但好易會太乾或太油。但時光雞既炸雞就炸到剛剛好，多汁juicy 又唔乾，即使我係買外賣返屋企airfryer 翻熱都無過乾，值得一讚。炸雞我點左三款，分別係時光芝士、蜜糖芥末、蒜香牛油。時光芝士炸雞個芝士醬味親香濃，岩哂我呢個芝士怪。不過最好味係蜜糖芥末炸雞，甜味可以中和炸雞既咸味，味道剛剛好，絕對要一試。蒜香牛油就好香蒜蓉味，不過我都係鍾意甜甜地既蜜糖芥末多d。除左炸雞外，我最喜歡黑糖蕃薯🍠條，因為其他野都係咸，所以食番d甜番薯條中和一下。蕃薯條唔同普通炸薯條，面有一浸黑糖，所以係硬硬地個種脆身，比一般好快淋既薯條更勝一籌。薯餅我點了兩款，分別係神戶和牛薯條同埋北海道芝士薯條。一切開北海道芝士薯餅，D芝士餡多到漏出黎，真係真材實料。炸豪都好食，炸到脹卜卜，不過當然最出色的還是炸雞。…Read More

雖然成條金馬倫道有不少茶餐廳，但要幫襯嘅話一定揀呢間龍門冰室。除咗佢支持香港人之外，佢個價錢都好合理。下午茶餐有好多野揀，可以Mix and match，我揀咗紅豆朱古力多士同埋土匪雞翼。紅豆朱古力多士個配搭幾特別，而且好多紅豆餡，土匪雞翼係炸嘅同米線店既味道有少少唔同。黑松露炒蛋多士配薯餅：個炒蛋生熟剛剛好，仲有少少蛋液，而黑松露就非常之多。奄列、吉烈豬扒意粉：奄列好滑，塊吉烈豬扒香脆熱辣，意粉超多，絕對係抵食飽肚之選。薯條春卷：所有炸物全部都係即叫即炸，所以薯條同埋春卷都係香脆可口同埋熱辣辣。因為食咗好多香口野，所以叫咗碟油菜，生菜都淥得剛剛女好，唔會過熟。…Read More

天氣開始轉涼，不少火鍋店開始有不同特價惠吸引顧客，但偏偏呢間日本餐廳人流不減反增，晚飯時間已經有唔少食客等緊入座啦!尖沙咀日式美食都幾多，而且競爭激烈，再加上網上對鮨一評價都幾高，證明食物有一定質素。鮨一鮨一沙律，份量都唔細，魚仲多過沙律！而且有不同品種的魚，例如鱲魚、三文魚，仲有幾種白身魚，加埋酸酸的沙律芥末汁，挺開胃的。日本仙鳳趾生蠔，超大隻，好似手板咁大隻，要分開兩啖先食得哂！味道新鮮，而且肉質肥厚，質地滑口！秋刀魚刺身秋風起正是秋刀魚當造的季節，最適合食秋刀魚，肉質油潤軟腍，吃下去油香，魚味濃郁鮮香！推介！帶子刺身即開好大隻！非常新鮮甜美，口感鮮嫩滑溜。毛蟹蟹膏丼毛蟹拆肉加蟹膏，上面還有金箔作點綴。毛蟹雖然體形小，但蟹肉蟹膏都份量不小，蟹膏甘香滑溜，配埋米飯淡淡濃郁蟹香。龍蝦🦞丼龍蝦起肉配上蟹籽沙律醬和金箔，賣相絕對唔差～ 龍蝦鮮甜爽口，配上沙律醬後好開胃，連飯食就最好不過啦!!其實日本菜都不外乎大家經常接觸得到個幾種，但變化就十分大，例如上面提過沙律及丼飯等等，廚師用上不同配搭技巧、經驗同心思，令食物更滋味更賞心悅目。…Read More

與朋友相聚於荃灣，於是友人就介紹約埋一齊去呢間新開冇幾耐GE火鍋店食啦。雖然講係火鍋為主但入面食物種類都幾多，可能正正係咁網上風評就不錯啦!入座有分時段，於是就BOOK左7點3呢個時段，所以盡早到並且入座就最抵啦!!入座時店員會問揀咩湯底，當中聽到有壽喜燒都覺得幾出奇，因為壽喜燒多數汁少味濃。而朋友就建議試番最傳統GE豬骨湯底啦!!!!確實有點可惜~~入座後，第一時間就緊係沖去自助區睇睇啦!!自助區都分左好多種類，有甜品、熟食、炸物、蔬菜、火鍋配料同最多人排GE日式美食區等等。日式美食有唔少選擇而且全部都可以即食，可以係未打邊爐前填填胃先!左邊係刺身區，每次可以揀3款刺身拎走，有甜蝦、三文魚、油甘魚、金槍魚等等。樣樣都幾新鮮，最驚喜係到左某鐘數，有師傅表現切金槍魚，而且肉質都幾新鮮，等師傅處理過後就有得食啦!!旁邊亦有好多壽司，冷盤同沙律等等。回到座位後見到湯底已經送上，而亦會送上每枱限定一碟的牛板鍵。緣聚鮮鍋亦用上比較智能QR code 下單，掃一掃QR code 後就可以跟分類揀選不同食物，認真方便!火鍋肉類中，牛板鍵、牛肉、雞件都係極力推薦，肉質嫩滑而肥美適中，絕對啱哂食肉獸!!當中海鮮類亦都唔差，有蠔、蜆及水魷等等、可以不斷ENCORE!另外值得一提係飲品區，無論飲品種類，數量都比起大部份自助式火鍋店同放題店更多。有6-7部大雪櫃野飲，而酒類除罐裝啤酒外亦有機出HOEGAARDEN。除此之外更有清酒、湯、自已調製花茶區同暖笠笠樽裝維他奶!食飽後更可以到甜品區食乳酪、軟雪榚及朱古力噴泉等等!!係同區要搵到一間面積比佢大、食物款類比佢多GE自助火鍋店絕對有難度!…Read More