何止 (Closed)

路德圍不嬲都係小食集中地，不過今次我去呢間「何止」唔係買小食即時醫肚咁簡單，而係買啲小食嚟加餸。喺隔離買完茶飲之後見何止既嘢食都幾吸引，所以就買咗一隻炸乳鴿、一個章魚大阪燒，同埋五隻餃子加餸。大阪燒其實我自己都識整，不過我覺得佢個味道都唔錯，粉漿、椰菜既比例平均，尤其係章魚大大粒，好多肉👍🏻小食店有炸乳鴿真係好少見，所以我又買返隻試吓，味道都OK，炸得唔會好乾。炸餃子係韭菜豬肉味，我個三歲仔食咗半隻之後不斷話要再食，佢鍾意炸餃子夠香口。