Willow Yellow's Profile

嚟呢度食生日飯，一定令你稱心滿意，滿滿的儀式感，步入餐廳，當服務員帶到去張枱，已經成枱都係生日佈置👍🏻生日Menu 寫明日子同埋人客名稱，令你有個好好嘅紀念，再加上佢哋嘅即影即有生日卡，實在令你full of birthday memories 🥰嚟到當然要試佢哋嘅牛扒，我哋叫咗Porterhouse Steak，二人份量絕對足夠，甚至乎食唔晒添。牛扒煮得好香，好有肉味，大滿足。頭盤龍蝦湯夠濃，另外好想稱讚嘅就係佢哋嘅甜品platter ，整得好靚，又好味，令一個生日飯畫上一個完美嘅句號。…Read More

一心嚟要試佢哋嘅「意式雪糕咖啡」同「經典雪糕曲奇三文治」，結果遠遠超出expectation ，巧巧味🤤講咗「意式雪糕咖啡」先，香濃嘅咖啡配上開心果雪糕，出嚟嘅效果令所有朋友都讚嘆，今次我哋share食，個個都客話下次要一人一個😂「經典雪糕曲奇三文治」亦絕對滿足到你嘅味蕾，我哋揀咗泰式奶茶雪糕，好滑，好濃味，至於曲奇好有口感，除咗朱古力，一定要試佢哋嘅綠茶曲奇，好甘香！crème brûlée 亦都唔會令你失望。地方都闊落，樓上好多位坐。…Read More

試新餐廳，係柴灣嚟講都算係咁。地方頗大，幾闊落，坐得舒服。餐廳主打食湯麵，都有幾多嘅選擇，尤其是喺湯底方面，都算濃郁，唔係重味精嗰隻。如果揀套餐都幾抵食，唔使$100 ，包一碗麵，一杯嘢飲，凍飲仲唔使加錢，再加免費包一碟例牌「爆汁脆皮燒雞」，份量都唔細，都有成六七嚿，煮得幾香口。免費飲品都有幾款選擇，唔係一般嘅茶餐廳凍檸茶，例如係陳皮檸檬茶、白土烏龍、紅棗花生五紅茶。復活都幾好，服務員都細心介紹產品。…Read More

同朋友傾下計嘅好地方。以coffee shop 嚟講呢到嘅嘢食選擇都算多，多款嘅麵包🥯🍞🥖🥐🥪選擇，另外仲有好多蛋糕🎂🍰🧁嘅選擇。當中最signature 嘅就係佢哋嘅蛋撻 👍🏻。佢哋嘅蛋撻並不屬於港式，同xxxx House 同類，朋友話味道更勝xxxx House 添，不過我覺得個size 就相對細啲，冇咁大個，但食落去個味道真係冇得頂😋。另外試咗佢哋個明太子麵包🥖，服務員會將個麵包整熱先至俾我哋食，好多明太子，再加有啲紫菜，食落去真係wonderful 🤤。coffee 屬於Standard， OK嘅。講吓佢哋嘅地方，以coffee shop嚟講佢都算大間，闊落，所以坐喺度同朋友傾偈都好舒服👍🏻…Read More

好彩啲嘢食好味，不枉我極端天氣情況下，出邊排隊曬到燶🥵。雖然條人龍多過10個人，但算排得快嘅。差唔多到你嘅時候就已經落定單，加快上菜時間。我就試咗個白胡椒湯米粉，配三個餸，包括豬肚、豬粉腸、同埋鮮牛脷。碗米粉好大碗，下次一定要少米粉，因為我根本食唔晒，至於餸嗰方面都算多，食極都仲有，好味道。當然最吸引我就係個白胡椒湯底，小小辣，飲落去個喉嚨好舒服，如果冬天嚟飲，應該會好暖身。朋友就食咗個撈飯，配咗豉油，飯底好好味。至於啲餸同埋個白胡椒豬肚湯就另上。服務方面，負責維持秩序個叔叔有燦爛嘅笑容，同每一個食客都有傾有講，好有交帶。…Read More

地方設計簡潔，一眼睇晒，樓底高，有空間感，舒服。揀咗蕃茄薯仔湯底，我一向都唔鍾意食騸古牛，所以就嗌咗風門柳、配牛頸脊嗰個拼盤，反而覺得仲好味。今晚嘅海鮮拼盤有花竹蝦、鮑魚、蟶子、扇貝同埋蜆，海鮮都算新鮮，不過就唔係好大隻。我哋另外仲叫咗墨魚滑、豬肉、鯪魚拼盤，當中我最鍾意食墨魚滑， 10分有口感，彈牙。唔肯定佢哋係咪真係珍姐嘅班底，但佢哋嘅作風都係好類似，不過就唔需要作比較，做好自己就足夠。我覺得佢哋嘅服務真係好殷勤嘅， 10分細心，好留意食客嘅需求。…Read More

標題可能有啲誇張😂，但的確係好味嘅。店舖細細，其實係一般嘅燒臘店舖。由於佢逢星期日及紅日休息，所以我只有放假嘅時候先至可以品嚐到。佢哋嘅燒鵝瀨粉真係好好味，首先講咗個湯底先，唔識點樣形容，比起一般嘅湯，佢係特別濃郁，雖然可能比較肥膩，但當中又帶一點油香。燒鵝肉厚，份量算多，每一碗佢都會比一啲多肉嘅部份，同埋一啲近骨嘅部份，都算balance。我哋另外嗌咗一碟例牌叉燒，佢有一半係屬於半肥瘦，雖然我怕肥，但都忍唔住食，因為實在太好味，佢個汁簡直冇得頂👍🏻。講返服務，其實我覺得都幾好，同老人家去，一時間佢哋未決定到食乜嘢，服務員都話唔使急，慢慢諗，諗到就通知我哋啦！…Read More

冇諗過喺葵涌廣場可以飲到咁特別嘅Mocktail ，都有多款式選擇，搞到我有少少選擇困難😂。老闆一早講咗話要慢慢製作，咁我哋就企埋一邊慢慢睇，睇住佢為咗一杯嘢飲，不停加入材料，仲要好用心去擺盤，一塊好普通嘅檸檬葉，佢都要擺得好靚，出嚟嘅效果，絕對可以媲美一間高級餐廳，力求完美，一絲不苟，真係要俾個讚👍🏻。飲落去好有層次感，好清新，有refresh 嘅感覺，仲要好大杯，飲咗好耐，真係好抵飲，值得推介。…Read More

如果你想食呢間，必須要耐心等待😂首先呢間鋪頭好信任客戶，由客戶自行找續現金，我估基於佢哋要即叫即整嘢食，唔想整污糟對手。呢到嘅「手抓餅」係以咸味為主，食物都算多選擇，佢哋真係由客戶逐個逐個排隊，再落order，所以排隊條龍都好長，但佢哋都算整得快。手抓餅煮得好香口，脆卜卜，熱辣辣，除咗已選擇嘅餡料，每一個手抓餅都加咗生菜🥬，等客人食得冇咁漏，但其實比起平時食嘅手抓餅，佢已經屬於冇咁油膩，食完唔會覺得成口油淋淋嘅感覺。…Read More

老年咁遠嚟到，加上個胃又唔係大，所以要精選好味嘅嘢，呢一間朋友極力推介， 12點左右已經嚟到，都要12:30先有得食。佢店舖細細，目測都有6個staff。食咗「櫻花蝦。蝦濃湯粉絲」，我選擇咗油麵，個湯好濃郁，好多櫻花蝦，🦐記得有三至四隻，除咗蝦頭，下身已經剝咗殼，新鮮嘅，有蝦膏。朋友就食咗「鯛魚濃湯粉絲」，唔好睇佢細細碗，其實份量都大，啲麵都食唔晒。唯一個要處理嘅就係冇得坐，好彩嘅就可以放喺張high table 度食，如果唔係就要手拎住食，碗嘢都幾辣手，因為新鮮滾熱辣。…Read More

好耐冇食，味道依然，服務大大改進咗，食得更舒適。呢度出名嘅係煲仔飯，呢一點我唔否認，但我想講咗佢嘅例湯先，足料，湯濃，有溫度，有家嘅感覺，仲分大、中、細任君選擇。煲仔飯可以選擇要唔要飯焦，飯焦卜卜脆，真係煮得好香口，佢哋本身個飯底已經有味，所以服務員都會提醒唔需要加太多豉油。食咗窩蛋牛肉飯，我見好多熟客仔一坐低就嗌「門鱔」。今次試埋炒嘢，叫咗乾炒牛河，正宗茶餐廳有鑊氣嗰種，不過我都係鍾意煲仔飯多啲。…Read More

海港城有Little Twin Stars event，呢到配合出咗期間限定Twin Stars 套餐，但可惜已經俾人訂晒，食唔到😭，不過都想嚟打卡。佢哋窗口位裝飾Decorte得好靚，配合海景再加上主題人物嘅造型，不過可惜就留咗俾食Twin Star 套餐嘅人，我哋就坐唔到，只可以離遠影相。食物質素就同普通嘅泰國餐廳差不多，Standard水平。佢哋仲有一個好靚嘅打卡位，就係一個Twin Stars 千秋，絕對唔可以錯過。想提一提個客戶體驗，佢哋應該嚴重缺乏人手，好多枱客人走咗都冇人手去執枱，眼見到佢哋啲服務員忙到甩轆，都體諒嘅。…Read More

朋友生日，選擇咗嚟呢度慶祝，頭盤揀咗鵝肝、蟹肉餅，再加咗個龍蝦湯，三款都好好味，同埋份量都多，基本上食完頭盤已經飽咗大半。主菜我哋就叫咗個慢煮豬，同埋叫咗個tomato 🍅意粉。意粉就一般，冇乜特別，但係個豬就幾好味，雖然係幾肥嘅，因為好大舊肥豬肉，但佢煮得好香，係會令到你忍唔住食晒嘅。由於份量都多，我哋嘅意粉只係食咗少少，已經食唔到落去。甜品我哋就叫咗crème brûlée，另外餐廳都送咗甜品俾我哋慶祝生日，佢哋用個雀籠裝住個甜品，一拎出嚟真係好有儀式感，值得稱讚佢哋有一位外籍嘅女服務員，佢真係好細心，又好有笑容，不停咁同我哋講生日快樂🎂…Read More

如果鍾意飲朱古力，呢到一定係唔錯嘅選擇！出名嘅「痴 _ 線」朱古力真係好澎湃，多到滿瀉，朱古力奶上面鋪滿咗白朱古力、regular 朱古力、同埋dark chocolate 碎，再加一片朱古力，完全滿足視覺及味覺效果。另外試咗個molten muffin（流心鬆餅蛋糕），楝咗blueberry cheesecake味，坦白講流心效果就唔覺得，但係個Muffin配合cheese cake嘅味道都好balance，係好味嘅。朋友就試咗「喵喵西多配雲呢拿雪糕」，個賣相都幾得意。另外仲叫咗個雞翼做小食，香脆可口。…Read More

如題所講，呢度嘅服務員大部份由長者負責，細心，殷勤，又有溫度，值得比like👍🏻。Menu多選擇，各式各樣，包括西式🥩，家常便飯又有，中式蒸魚🐟又有、素食也有，真係可以話應有盡有，味道屬幾好的。此外佢哋提供任食免費嘅沙律🥗bar，雖然選擇唔算好多，但基本嘅沙律菜、薯仔沙律、青瓜、蕃茄都有。仲有免費飲品，包括中式湯（今日係赤小豆）、regular 咖啡、橙汁、羅漢果汁等。如果有長者咭，仲可以有88折👍🏻…Read More